ಅಪೊಸ್ತಲ 9:1 - ಕೊಡವ ಬೈಬಲ್

¹ ಸೌಲ ಒಡೆಯಂಡ ಮಕ್ಕಳ ಇಂಞು ಪೋಡಿಲ್ ಬೊತ್ತ್‌ಚಿಟ್ಟಿತ್ ಕೊಲ್ಲ್‌ವಂತ ಬಲ್ಯ ಆವೇಶತ್‍ಲ್ ಇಂಜತ್, ಒಡೆಯನ ನಂಬುನಯಿಂಗಳ ಕೊಲ್ಲ್‌ವಕಾಯಿತ್ ಮಹಾ ಯಾಜಕಂಡ ಪಕ್ಕ ಪೋಚಿ.

ಅಪೊಸ್ತಲ 9:1 ပူးပေါင်းရင်းမြစ်များ

ಅಪೊಸ್ತಲ 7:58

ಅಂವೊನ ಊರ್‌ರ ಪೊರಮೆ ಬಲ್‍ಚಂಡ್ ಪೋಯಿತ್, ಕಲ್ಲ್ ಕನ್‍ಚತ್. ಅಂವೊಂಗ್ ವಿರೋದವಾಯಿತ್ ಸಾಕ್ಷಿ ಎಣ್ಣ್‌ನಯಿಂಗ, ಅಯಿಂಗಡ ಪೊರಮೆ ಇಡ್‌ವ ಬಟ್ಟೇನೆ ಉತ್ತಿತ್, ಸೌಲ ಎಣ್ಣ್‌ವ ಒರ್ ಬಾಲೆಕಾರಂಡ ಕಾಲ್‍ರ ಪಕ್ಕ ಬೆಚ್ಚತ್.

ಅಪೊಸ್ತಲ 8:3

ಇದ್‍ಲ್ಲತೆ ಸೌಲ, ಮನೆಮನೆಕ್ ಪೋಯಿತ್, ಕ್ರಿಸ್ತಂಡ ಮೇಲೆ ನಂಬಿಕೆ ಉಳ್ಳ ಆಣಾಳ್ ಪಿಂಞ ಪೊಣ್ಣಾಳ್‍ನ ಅಯಿಂಗಡ ಮನೇಯಿಂಜ ಪೊರಮೆ ಬಲ್‍ಚಿತ್, ಸೆರೆಮನೆಕ್ ಒಪ್ಪ್‌ಚಿಟ್ಟತ್. ಇನ್ನನೆ ಅಂವೊ ದೇವಡ ಸಬೇನ ಪಾಳ್ ಮಾಡಿಯಂಡಿಂಜತ್.

1 ಕೊರಿಂಥ 15:9

ನಾನ್ ಎಲ್ಲಾ ಅಪೊಸ್ತಲಂಗಕಿಂಜ ಕಮ್ಮಿಯಾನಂವೊ. ದೇವಡ ಸಬೇಕ್ ನಾನ್ ದುಂಬ ಕಷ್ಟ ಕೊಡ್‌ತಗುಂಡ್, ಅಪೊಸ್ತಲಾಂದ್ ನನ್ನ ಕಾಕ್‍ವಕ್ ನಾನ್ ಯೋಗ್ಯನಲ್ಲ.

ಗಲಾತ್ಯ 1:13

ನಾನ್ ಯೆಹೂದ್ಯಂಗಡ ಪದ್ದತಿರ ಪ್ರಕಾರ ನಡ್ಂದಂಡಿಪ್ಪಕ, ನಾನ್ ಎನ್ನನೆ ಇಂಜ್‍ೕಂದ್ ನಿಂಗ ಕ್‍ೕಟಿತ್ತುಳ್ಳಿರ. ದೇವಡ ಸಬೇನ ಪಾಳ್ ಮಾಡಿತ್, ದೇವಡ ಮಕ್ಕಳ ದುಂಬ ತೊಂದರೆ ಮಾಡಿಯಂಡಿಂಜ.

ಫಿಲಿಪ್ಪಿ 3:6

ದೇವಡ ಮೇಲೆ ಉಳ್ಳ ವೈರಾಗ್ಯತ್‍ನಗುಂಡ್ ಯೇಸುರ ಸಬೇನ ತೊಂದರೆ ಮಾಡ್‍ನಂವೊ, ನ್ಯಾಯಪ್ರಮಾಣತ್‍ರ ಪ್ರಕಾರ ಒರ್ ತಪ್ಪು ಮಾಡತಂವೊ.

1 ತಿಮೊಥೆಯ 1:13

ಮಿಂಞ, ನಾನ್ ಅಂವೊನ ಎಚ್ಚಕೋ ದೇವ ದೂಷಣೆ ಮಾಡಿತ್, ಅಂವೊಂಡ ಜನಳ ಹಿಂಸೆ ಮಾಡಿತ್, ಕ್ರೂರವಾಯಿತ್ ಇಂಜ. ಆಚೇಂಗಿಯು, ನಾಕ್ ಅಂವೊಂಡ ಮೇಲೆ ನಂಬಿಕೆ ಇಲ್ಲತೆ, ಗೊತ್ತಿಲ್ಲತೆ ಇನ್ನನೆ ಮಾಡ್‌ನಾಂಗ್ ಯೇಸು ಕ್ರಿಸ್ತ ನಾಡ ಮೇಲೆ ಕನಿಕರ ಕಾಟ್‍ಚಿ.