ಅಪೊಸ್ತಲ 8:5 - ಕೊಡವ ಬೈಬಲ್

⁵ ಫಿಲಿಪ್ಪ ಎಣ್ಣ್‌ವಂವೊ, ಸಮಾರ್ಯ ಪ್ರಾಂತ್ಯತ್‍ರ ಒರ್ ಪಟ್ಟಣಕ್ ಪೋಯಿತ್ ಅಲ್ಲಿಯತ್‍ರ ಜನಕ್ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಂಡ ವಿಷಯತ್‍ನ ಬೋದನೆ ಮಾಡ್‍ಚಿ.

ಅಪೊಸ್ತಲ 8:5 ပူးပေါင်းရင်းမြစ်များ

ಅಪೊಸ್ತಲ 1:8

ಆಚೇಂಗಿ ಪವಿತ್ರಾತ್ಮ ನಿಂಗಡ ಮೇಲೆ ಬಪ್ಪಕ, ನಿಂಗ ಶಕ್ತಿವಂತಯಂಗಳಾಯಿತ್ ಯೆರೂಸಲೇಮ್ ಪಟ್ಟಣತ್‍ಲ್, ಯೂದಾಯ ಪ್ರಾಂತ್ಯತ್‍ಲ್, ಸಮಾರ್ಯ ಜಾಗತ್‍ಲ್ ಪಿಂಞ ಬೂಮಿರ ಕಡೇಕತ್ತನೆ ನಾಕ್ ಸಾಕ್ಷಿಯಳಾಯಿತ್‌ಪ್ಪಿರ.

ಅಪೊಸ್ತಲ 21:8

ಪಿತ್ಯಾಂದ್ ಅಲ್ಲಿಂಜ ಪೊರಟಿತ್, ಕೈಸರೈಯಕ್ ಬಂದಿತ್ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವ ಫಿಲಿಪ್ಪಂಡ ಮನೆಕ್ ಪೋಯಿತ್ ಅಂವೊಂಡ ಮನೆಲ್ ಇಂಜತ್. ಈ ಫಿಲಿಪ್ಪ, ಯೆರೂಸಲೇಮ್‍ಲ್ ಉಳ್ಳ ಸಬೇಲ್ ಕೂಳ್ ಪಾಲ್‌ಮಾಡ್‌ವಕಾಯಿತ್ ಅಪೊಸ್ತಲಂಗ ಗೊತ್ತ್ ಮಾಡ್‍ನ ಏಳ್ ಸೇವಕಂಗಡಲ್ಲಿ ಒಬ್ಬನಾಯಿತ್ಂಜತ್.

ಅಪೊಸ್ತಲ 5:42

ಪಿಂಞ ದಿನಾಲು ಅಯಿಂಗ ದೇವಾಲಯತ್‍ಲು, ಓರೋರ್ ಮನೇಲು, ಕೂಡಿ ಬಂದಿತ್, ದೇವಡ ವಾಕ್ಯತ್‍ನ ಬೋದನೆ ಮಾಡಿಯಂಡ್, ಯೇಸುವೇ, ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಾಂದ್ ನಿಪ್ಪ್‌ಚಿಡತೆ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡಿಂಜತ್.

ಅಪೊಸ್ತಲ 6:5

ಸಬೇಲ್ ಇಂಜಯಿಂಗಕೆಲ್ಲಾ ಈ ಆಲೋಚನೆ ಕುಶಿಯಾಚಿ. ಅಕ್ಕ ಅಯಿಂಗ, ಪವಿತ್ರಾತ್ಮತ್‍ಲ್ ಪಿಂಞ ನಂಬಿಕೇಲ್ ದುಂಬ್‌ನಯಿಂಗಳಾನ ಸ್ತೆಫನ, ಪಿಂಞ ಫಿಲಿಪ್ಪ, ಪ್ರೊಖೋರ, ನಿಕನೋರ, ತಿಮೋನ, ಪರ್ಮೇನ ಪಿಂಞ ಯೆಹೂದ್ಯಂಗಡ ನಂಬಿಕೇಕ್ ಕೂಡ್‍ನ ಅಂತಿಯೋಕ್ಯ ಪಟ್ಟಣತ್‍ರ ನಿಕೊಲಾಯ ಎಣ್ಣ್‌ವಯಿಂಗಳ ಗೊತ್ತ್ ಮಾಡಿತ್ ಅಪೊಸ್ತಲಂಗಡ ಮಿಂಞತ್ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 8:1

ಸೌಲ ಸಹ ಸ್ತೆಫನನ ಕೊಲ್ಲ್‌ವಕ್ ಒತ್ತಂಡಿಂಜತ್. ಅದೇ ದಿವಸತ್ ಯೆರೂಸಲೇಮ್‍ಲ್ ಇಂಜ ಸಬೇಕ್ ಬಲ್ಯ ಹಿಂಸೆ ಸುರ್ ಆಚಿ. ಅಪೊಸ್ತಲಂಗ ಅಲ್ಲತೆ, ಬೋರೆ ಎಲ್ಲಾ ಶಿಷ್ಯಂಗಳು ಯೂದಾಯ ಪಿಂಞ ಸಮಾರ್ಯ ಪ್ರಾಂತ್ಯತ್‍ಲ್ ಚದ್‌ರಿ ಪೋಚಿ.

ಅಪೊಸ್ತಲ 8:26

ಪಿಂಞ, ಒರ್ ದಿವಸ ಒಡೆಯಂಡ ದೂತ ಫಿಲಿಪ್ಪಂಗ್: ನೀನ್ ದಕ್ಷಿಣ ದಿಕ್ಕ್‌ಲ್, ಯೆರೂಸಲೇಮ್ಂಜ ಗಾಜ ಪಟ್ಟಣಕ್ ಪೋಪ ಮಣಬೂಮಿರ ಬಟ್ಟೇಲ್ ಪೋಂದ್ ಎಣ್ಣ್‌ಚಿ.

ಅಪೊಸ್ತಲ 8:30

ಅಕ್ಕ, ಫಿಲಿಪ್ಪ ಓಡಿ ಪೋಯಿತ್ ಆ ಮನುಷ್ಯ ಯೆಶಾಯ ಪ್ರವಾದಿರ ಪುಸ್ತಕತ್‍ನ ಓದ್‍ವಾನ ಕ್‍ೕಟಿತ್, ಅಂವೊನ ನೋಟಿತ್: ನೀನ್ ಓದಿಯಂಡುಳ್ಳದ್ ನೀಕ್ ಅರ್ಥ ಆಯಂಡುಂಡಾಂದ್ ಕ್‍ೕಟತ್.

ಅಪೊಸ್ತಲ 8:40

ಪಿಂಞ ಫಿಲಿಪ್ಪಂಗ್ ತಾನ್ ಅಜೋತ ಎಣ್ಣುವ ಜಾಗತ್‍ಲ್ ಉಂಡ್‍ೕಂದ್ ಗೊತ್ತಾಚಿ. ಅಲ್ಲಿಂಜ ಕೈಸರೈ ಪಟ್ಟಣಕ್ ಬಪ್ಪಕತ್ತನೆ, ಬಟ್ಟೇಲ್ ಇಂಜ ಎಲ್ಲಾ ಪಟ್ಟಣತ್‍ಲ್ ಯೇಸುರ ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡ್ ಪೋಚಿ.

ಅಪೊಸ್ತಲ 8:6

ಫಿಲಿಪ್ಪ ಮಾಡ್‍ನ ಬೋದನೆನ ಕ್‍ೕಟಿತ್ ಪಿಂಞ ಅದ್ಬುತ ಕಾರ್ಯತ್‍ನ ಜನ ಕಾಂಬಕ, ಅಂವೊ ಎಣ್ಣ್‌ವಾನ ಎಲ್ಲಾರು ಒರೇ ಮನಸ್ಸ್‌ಲ್ ಕ್‍ೕಟಂಡಿಂಜತ್.

ಅಪೊಸ್ತಲ 9:20

ಒಮ್ಮಕೆ, ಅಂವೊ ಸಬಾಮಂದಿರತ್‍ಲೆಲ್ಲ ಪೋಯಿತ್ ಯೇಸುವೇ ದೇವಡ ಮೋಂವೋಂದ್ ಪ್ರಸಂಗ ಮಾಡ್‌ವಕ್ ಸುರ್ ಮಾಡ್‍ಚಿ.

1 ಕೊರಿಂಥ 1:23

ಆಚೇಂಗಿ ನಂಗ, ಶಿಲುಬೇಲ್ ಚತ್ತ ಕ್ರಿಸ್ತನ ಬೋದನೆ ಮಾಡಿಯಂಡುಂಡ್; ಆ ಬೋದನೆನ ಯೆಹೂದ್ಯಂಗ ನಂಬುವಕ್ ಕುಶಿಪಡುಲೆ, ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನ ಇದ್ ಪುಚ್ಚಿ ತಕ್ಕ್‌ರನೆಕೆ ಉಂಡ್‍ೕಂದ್ ಎಣ್ಣುವ.

1 ಕೊರಿಂಥ 2:2

ಎನ್ನಂಗೆಣ್ಣ್‌ಚೇಂಗಿ, ನಾನ್ ನಿಂಗಡ ಕೂಡೆ ಇಪ್ಪಕ ಯೇಸು ಕ್ರಿಸ್ತನ ಪಿಂಞ ಅಂವೊ ಶಿಲುಬೇಲ್ ಚತ್ತದ್‍ನ ಬುಟ್ಟಿತ್ ಬೋರೆ ಒಂದು ನಿಂಗಕ್ ಗೊತ್ತಾಪದ್ ಬೋಂಡಾಂದ್ ನಾನ್ ತೀರ್ಮಾನ ಮಾಡಿಯೆ.

1 ಕೊರಿಂಥ 3:11

ಇಟ್ಟಿತ್ತುಳ್ಳ ಅಡಿಪಾಯವಾನ ಯೇಸು ಕ್ರಿಸ್ತನ ಬುಟ್ಟಿತ್ ಬೋರೆ ಅಡಿಪಾಯತ್‍ನ ದಾರೂ ಇಡ್‌ವಕ್ ಕಯ್ಯುಲೆ.