ಅಪೊಸ್ತಲ 8:39 - ಕೊಡವ ಬೈಬಲ್

³⁹ ಅಯಿಂಗ ನೀರ್‌ನ ಬುಟ್ಟಿತ್ ಕರೆಕ್ ಬಪ್ಪಕ ಒಡೆಯಂಡ ಆತ್ಮ ಫಿಲಿಪ್ಪನ ಒಮ್ಮಕೆ ಎಡ್‍ತಂಡ್ ಪೋಯಿರ್‌ತ್. ಅದಿಕಾರಿ ಬಯ್ಯ ಫಿಲಿಪ್ಪನ ಕಂಡಿತ್‌ಲ್ಲೆ. ಆಚೇಂಗಿ, ಅಂವೊ ಕುಶೀಲ್ ತಾಂಡ ಬಟ್ಟೇಲ್ ಪೋಚಿ.

ಅಪೊಸ್ತಲ 8:39 ပူးပေါင်းရင်းမြစ်များ

ಮತ್ತಾಯ 13:44

ಪರಲೋಕ ರಾಜ್ಯ ಎಣ್ಣ್‌ವದ್ ಬೇಲ್‌ಲ್ ಒಳ್‍ಪ್‌ಚಿಟ್ಟ್ ಬೆಚ್ಚಿತುಳ್ಳ ನಿದಿಕ್ ಸಮವಾಯಿತುಂಡ್. ಒರ್ ಮನುಷ್ಯ ಅದ್‍ನ ಕಂಡದು, ಅದ್‍ನ ಮುಚ್ಚಿರುವಂಜಿ, ಆ ಕುಶೀಲ್ ಈ ಬೇಲ್‍ನ ಕ್ರಯಕ್ ಎಡ್‌ಪಕಾಯಿತ್, ಅಂವೊಂಡ ಪಕ್ಕ ಇಂಜ ಆಸ್ತಿನೆಲ್ಲ ಮಾರಿರುವ.

ಮತ್ತಾಯ 3:16

ಯೇಸು ದೀಕ್ಷಾಸ್ನಾನ ಎಡ್‍ತಿತ್, ನೀರ್‌ಂಜ ಪೊರಮೆ ಬಪ್ಪಕ, ಪರಲೋಕ ತೊರ್ಂದತ್, ದೇವಡ ಆತ್ಮ ಪಾರಿವಾಳ ರೂಪತ್‌ಲ್ ಬಂತ್, ಅಂವೊಂಡ ಮೇಲ್‌ಕ್ ಇಳ್ಂಜಾನ ಕಂಡತ್.

ಮಾರ್ಕ 1:10

ಯೇಸು ಪೊಳೆರ ನೀರಿಂಜ ಪೊರಮೆ ಬಪ್ಪಕ, ಪರಲೋಕ ತೊರಂದಿತ್ ಒರ್ ಪಾರಿವಾಳ ರೂಪತ್‌ಲ್ ಪವಿತ್ರಾತ್ಮ ಬಪ್ಪದ್‍ನ ಅಂವೊ ಕಂಡತ್.

ಅಪೊಸ್ತಲ 13:52

ಅಂತಿಯೋಕ್ಯ ಪಟ್ಟಣತ್‍ಲ್ ಇಂಜ ಯೇಸುನ ನಂಬ್‍ನಯಿಂಗ ಕುಶೀಲ್ ಪಿಂಞ ಪವಿತ್ರಾತ್ಮತ್‍ಲ್ ದುಂಬಿತ್ ಇಂಜತ್.

ಅಪೊಸ್ತಲ 16:34

ಅದ್ ಆನ ಪಿಂಞ ಅಯಿಂಗಳ ತಾಂಡ ಮನೆಕ್ ಕಾಕಿಯಂಡ್ ಪೋಯಿತ್ ಉಂಬ್‌ಚಿಟ್ಟತ್. ಅನ್ನನೆ ಅಂವೊ ತಾಂಡ ಮನೆಲ್ ಉಳ್ಳಯಿಂಗಡ ಕೂಡೆ ದೇವಡ ಮೇಲೆ ನಂಬಿಕೆ ಇಟ್ಟಗುಂಡ್ ಕುಶೀಲ್ ಇಂಜತ್.

ಅಪೊಸ್ತಲ 8:29

ಅಕ್ಕ, ಪವಿತ್ರಾತ್ಮ ಫಿಲಿಪ್ಪಂಡ ಪಕ್ಕ, ನೀನ್ ಅಂವೊಂಡ ರಥತ್‍ರ ಪಕ್ಕ ಪೋಯಿತ್ ಅದ್ಂಡಕೂಡೆ ನಡೇಂದ್ ಎಣ್ಣ್‌ಚಿ.

ಅಪೊಸ್ತಲ 8:38

ಅಂವೊ ರಥತ್‍ನ ನಿಪ್ಪ್‌ಚಿಡುವಕ್ ಎಣ್ಣಿತ್, ಪಿಂಞ ದಂಡಾಳು ನೀರ್‌ಕ್ ಇಳ್ಂಜಿತ್. ಫಿಲಿಪ್ಪ ಅಂವೊಂಗ್ ದೀಕ್ಷಾಸ್ನಾನ ಕೊಡ್‍ತತ್.

ಅಪೊಸ್ತಲ 8:8

ಆನಗುಂಡ್, ಪಟ್ಟಣತ್‍ಲ್ ದುಂಬ ಕುಶಿಯಿಂಜತ್.

ರೋಮ್ 5:2

ಇಕ್ಕ ನಂಗ ಸ್ತಿರವಾಯಿತ್ ನಿಂದಂಡುಳ್ಳ ಈ ಕೃಪೇರ ಒಳ್‍ಕ್ ಪೋಪಕುಳ್ಳ ಬಟ್ಟೇನ ನಂಬಿಕೇರ ಮೂಲ ಪಡ್ಂದಿತ್, ದೇವಡ ಮಹಿಮೆಲ್ ನಂಗ ಪಾಲ್‍ದಾರಂಗಳಾಪಾಂದ್ ಉಳ್ಳ ನಿರಿಕ್ಷೇಲ್ ಹೊಗಳಿಯಂಡುಂಡ್.

ಫಿಲಿಪ್ಪಿ 3:3

ಅಯಿಂಗಕ್ ಸುನ್ನತಿ ಆನಗುಂಡ್ ಅಯಿಂಗಳೇ ನೇರಾನ ದೇವಡ ಜನಾಂದ್ ಅಯಿಂಗ ಗೇನ ಮಾಡಿಯಂಡುಂಡ್. ಆಚೇಂಗಿ, ಸುನ್ನತಿ ಮಾಡಿತುಂಡೇಂಗಿಯು, ಮಾಡತೆ ಇಂಜತೇಂಗಿಯು ನಂಗಳೇ ನೇರಾನ ದೇವಡ ಮಕ್ಕ. ಎನ್ನಂಗೆಣ್ಣ್‌ಚೇಂಗಿ, ಅಂವೊನ ತುದಿಪಕ್ ದೇವಡ ಆತ್ಮ ನಂಗಕ್ ಸಹಾಯ ಮಾಡಿಯಂಡುಂಡ್; ನಂಗ ಕ್ರಿಸ್ತಂಡ ಕೂಡೆ ಉಳ್ಳ ಐಕ್ಯತ್‍ಲ್ ಕುಶಿಪಟ್ಟಂಡುಂಡ್. ನಂಗಡ ತಡೀಲ್ ಮಾಡ್‌ವ ಏದ್ ಪದ್ದತಿರಗುಂಡು ನಂಗ ದೇವಡ ಮಕ್ಕಳಾಪುಲೆ.

ಫಿಲಿಪ್ಪಿ 4:4

ಒಡೆಯನಾನ ಕ್ರಿಸ್ತ ಯೇಸುರಲ್ಲಿ ಎಕ್ಕಾಲು ಕುಶೀಲ್ ಇರಿ; ಕುಶೀಲ್ ಇರೀಂದ್ ಪುನಃ ನಾನ್ ನಿಂಗಕ್ ಎಣ್ಣ್‌ವಿ.

ಯಾಕೋಬ 4:16

ಇಕ್ಕ ನಿಂಗ, ನಿಂಗಳ ದುಂಬ ಹೊಗಳಿಯಂಡುಂಡ್. ಈ ತರ ಹೊಗಳಿಕೆ ಎಲ್ಲಾ ಕೆಟ್ಟದ್.