ಅಪೊಸ್ತಲ 8:36 - ಕೊಡವ ಬೈಬಲ್

³⁶ ಇನ್ನನೆ ಅಯಿಂಗ ಬಟ್ಟೇಲ್ ಪೋಯಂಡಿಪ್ಪಕ, ನೀರ್ ಇಂಜ ಜಾಗಕ್ ಬಾತ್. ಅಕ್ಕ ಆ ಅದಿಕಾರಿ: ನೋಟ್, ಇಲ್ಲಿ ನೀರ್ ಉಂಡ್, ನಾಕ್ ದೀಕ್ಷಾಸ್ನಾನ ತಪ್ಪಕ್ ತಡೆ ಏದೇಂಗಿ ಉಂಡಾಂದ್ ಕ್‍ೕಟತ್.

ಅಪೊಸ್ತಲ 8:36 ပူးပေါင်းရင်းမြစ်များ

ಮತ್ತಾಯ 3:11

ನಿಂಗಡ ಮನಸ್ಸ್ ದೇವಡಲ್ಲಿಕ್ ತಿರ್‍ಗ್‍ಚೀಂದ್ ನಾನ್ ನಿಂಗಕ್ ನೀರ್‌ಲ್ ದೀಕ್ಷಾಸ್ನಾನ ತಪ್ಪಿ. ಆಚೇಂಗಿ ನಾಕ್ ಬಯ್ಯ ಒಬ್ಬ ಬಪ್ಪ, ಅಂವೊ ನಾಕಿಂಜ ಶಕ್ತಿವಂತಂವೊ. ಅಂವೊಂಡ ಕಾಲ್‍ರ ಎಕ್ಕಡತ್‌ನ ಉತ್ತ್‌ವಕ್ ಸಹ ನಾಕ್ ಯೋಗ್ಯತೆ ಇಲ್ಲೆ. ಅಂವೊ ನಿಂಗಳ ಪವಿತ್ರಾತ್ಮತ್‍ಲ್ ಪಿಂಞ ತಿತ್ತ್‌ಲ್ ದೀಕ್ಷಾಸ್ನಾನ ಮಾಡ್‌ವ.

ಮತ್ತಾಯ 3:6

ಅಯಿಂಗ ಅಯಿಂಗಡ ಪಾಪತ್‍ನ ಎಣ್ಣ್‌ಚಿ. ದೀಕ್ಷಾಸ್ನಾನ ತಪ್ಪ ಯೋಹಾನ ಅಯಿಂಗಕ್ ಯೊರ್ದನ್ ಎಣ್ಣುವ ಪೊಳೆಲ್ ದೀಕ್ಷಾಸ್ನಾನ ಕೊಡ್‍ತತ್.

ಯೋಹಾನ 3:23

ಅದೇ ಸಮಯತ್‍ಲ್, ಸಲೀಮ ಎಣ್ಣುವ ಪಟ್ಟಣತ್‍ರ ಪಕ್ಕ ಉಳ್ಳ ಐನೋನ್ ಎಣ್ಣುವ ಊರ್‌ಲ್ ದುಂಬ ನೀರ್ ಇಂಜಗುಂಡ್ ಯೋಹಾನ ಸಹ ಜನಕ್ ದೀಕ್ಷಾಸ್ನಾನ ಕೊಡ್‍ತಂಡಿಂಜತ್. ಜನ ಅಂವೊಂಡ ಪಕ್ಕ ಬಂದಿತ್ ದೀಕ್ಷಾಸ್ನಾನ ಎಡ್‍ತಂಡತ್.

ಯೋಹಾನ 3:5

ಯೇಸು ಅಂವೊಂಗ್: ಒಬ್ಬ, ನೀರ್ಂಜಲು ಪವಿತ್ರಾತ್ಮತ್‌ಂಜಲು ಪುಟ್ಟತೆ ಪೋಚೇಂಗಿ ದೇವಡ ರಾಜ್ಯಕ್ ಪೋಪಕ್ ಕಯ್ಯುಲೇಂದ್ ನಿಂಗಕ್ ನೇರಾಯಿತು ನೇರಾಯಿತು ಎಣ್ಣುವೀಂದ್ ಎಣ್ಣ್‌ಚಿ.

ಅಪೊಸ್ತಲ 10:47

ಈ ಜನಳು ನಂಗಡನೆಕೆ ಪವಿತ್ರಾತ್ಮಂಡ ವರತ್‍ನ ಪಡ್ಂದಿತುಂಡ್. ಅನ್ನನೆ ಇಪ್ಪಕ, ಅಯಿಂಗ ನೀರ್‌ಲ್ ದೀಕ್ಷಾಸ್ನಾನ ಎಡ್‍ಪಕ್ ದಾರ್‌ಕ್ ತಡೆ ಮಾಡ್‌ವಕ್ ಕಯ್ಯೂಂದ್ ಎಣ್ಣಿತ್

ಅಪೊಸ್ತಲ 8:37

ಅದ್ಂಗ್ ಫಿಲಿಪ್ಪ: ನೀನ್ ತ್‍ೕರ ಹೃದಯತ್‍ಲ್ ನಂಬ್‍ಚೇಂಗಿ ತಡೆ ಒಂದು ಇಲ್ಲೆ, ಅಕ್ಕ ಅಂವೊ, ಯೇಸು ಕ್ರಿಸ್ತ ದೇವಡ ಮೋಂವೋಂದ್ ನಾನ್ ನಂಬುವೀಂದ್ ಎಣ್ಣ್‌ಚಿ.

1 ಯೋಹಾನ 5:6

ಯೇಸು ಕ್ರಿಸ್ತನಾನ ಇಂವೊನೇ ನೀರ್ಂಜಲು ಚೋರೆಯಿಂಜಲು ಬಂದಂವೊ. ನೀರ್ಂಜ ಮಾತ್ರವಲ್ಲ, ನೀರ್ಂಜಲು ಪಿಂಞ ಚೋರೆಯಿಂಜಲು ಬಂದಂವೊ. ಪವಿತ್ರಾತ್ಮನಾನಂವೊನೇ ಇದ್ ಸತ್ಯಾಂದ್ ಸಾಕ್ಷಿ ಕೊಡ್‍ತಂಡುಂಡ್. ಎನ್ನಂಗೆಣ್ಣ್‌ಚೇಂಗಿ ದೇವಡ ಆತ್ಮ ಸತ್ಯವುಳ್ಳಂವೊ.