ಅಪೊಸ್ತಲ 8:31 - ಕೊಡವ ಬೈಬಲ್

³¹ ಅದ್ಂಗ್ ಅಂವೊ: ದಾರೇಂಗಿ ನಾಕ್ ಅದ್ಂಡ ಅರ್ಥತ್‍ನ ಎಣ್ಣ್‌ಚೇಂಗಿ ಮಾತ್ರ ಅದ್ ಗೊತ್ತಾಪ, ಇಲ್ಲತೆಪೋಚೇಂಗಿ ಎನ್ನನೆ ಗೊತ್ತಾಪಾಂದ್ ಕ್‍ೕಟತ್. ಆನಗುಂಡ್ ಫಿಲಿಪ್ಪನ ತಾಂಡಕೂಡೆ ಅಳ್‌ಪಕ್ ಎಣ್ಣ್‌ಚಿ.

ಅಪೊಸ್ತಲ 8:31 ပူးပေါင်းရင်းမြစ်များ

ಮಾರ್ಕ 10:15

ದಾರಾಚೇಂಗಿಯು ಚೆರಿಯ ಮಕ್ಕಡನೆಕೆ ದೇವಡ ರಾಜ್ಯತ್‍ನ ಸ್ವೀಕಾರ ಮಾಡತೆ ಪೋಚೇಂಗಿ, ಅಯಿಂಗ ಅದ್ಂಡ ಒಳ್‍ಕ್ ಪೋಪ್‌ಲೇಂದ್ ನಾನ್ ನಿಂಗಕ್ ನೇರಾಯಿತ್ ಎಣ್ಣ್‌ವೀಂದ್ ಎಣ್ಣಿತ್,

ಅಪೊಸ್ತಲ 8:30

ಅಕ್ಕ, ಫಿಲಿಪ್ಪ ಓಡಿ ಪೋಯಿತ್ ಆ ಮನುಷ್ಯ ಯೆಶಾಯ ಪ್ರವಾದಿರ ಪುಸ್ತಕತ್‍ನ ಓದ್‍ವಾನ ಕ್‍ೕಟಿತ್, ಅಂವೊನ ನೋಟಿತ್: ನೀನ್ ಓದಿಯಂಡುಳ್ಳದ್ ನೀಕ್ ಅರ್ಥ ಆಯಂಡುಂಡಾಂದ್ ಕ್‍ೕಟತ್.

ಅಪೊಸ್ತಲ 8:32

ಅಂವೊ ಓದಿಯಂಡ್ ಇಂಜ ದೇವಡ ವಾಕ್ಯ ಇನ್ನನೆ ಇಂಜತ್: ಕೊಲ್ಲ್‌ವಕ್ ಕೊಂಡ್ ಪೋಪ ಒರ್ ಕೊರಿರನೆಕೆ ಅಂವೊನ ಕೊಂಡ್ ಪೋಚಿ; ಒರ್ ಕೊರಿ ಕುಟ್ಟಿರನೆಕೆ ತಾಂಡ ರೋಮತ್‍ನ ಮುರಿಪಂವೊಂಡ ಮಿಂಞತ್ ಮೌನತ್‍ಲ್ ಇಪ್ಪ, ಅನ್ನನೆ ಅಂವೊ ತಾಂಡ ಬಾಯಿನ ತೊರಕತಂವೊನಾಯಿತ್ಂಜತ್.

ರೋಮ್ 10:14

ಅಕ್ಕ, ಅಂವೊನ ನಂಬತಯಿಂಗ ಎನ್ನನೆ ಅಂವೊನ ಕಾಕುವ? ಅಂವೊಂಡ ವಿಷಯತ್‍ನ ಇಲ್ಲಿಕತ್ತನೆ ಕ್‍ೕಕತಯಿಂಗ ಎನ್ನನೆ ನಂಬುವ? ದೇವಡ ನಲ್ಲ ಸುದ್ದಿನ ಎಣ್ಣ್‌ವಯಿಂಗ ಇಲ್ಲತಪೋಚೇಂಗಿ, ಎನ್ನನೆ ಅಯಿಂಗಡ ಕೆಮಿಕ್ ಅಂವೊಂಡ ವಿಷಯ ಪೋಪ?

1 ಕೊರಿಂಥ 3:18

ನಿಂಗಡಲ್ಲಿ ದಾರೂ ನಿಂಗಳ ನಿಂಗಳೇ ವಂಚನೆ ಮಾಡ್‌ವಕ್ಕಾಗ, ಈ ಲೋಕತ್‍ರ ಜನತ್‍ರ ಮಿಂಞತ್‍ಲ್ ನಿಂಗ ಬಲ್ಯ ಬುದ್ದಿವಂತಯಿಂಗಾಂದ್ ನಿಂಗ ಗೇನಮಾಡಿಯಂಡಿಂಜತೇಂಗಿ, ಅಯಿಂಗಡ ಮಿಂಞತ್ ನಿಂಗ ಮುಠಾಳಂಗಳಾಯಿತ್ ಇರಂಡು, ಅಕ್ಕ ನಿಂಗ ಬುದ್ದಿವಂತಯಿಂಗಳಾಯಿತಿಪ್ಪಿರ.

1 ಕೊರಿಂಥ 8:2

ಒಬ್ಬ ಅಂವೊಂಗ್ ಎಂತಾಚು ಗೊತ್ತುಂಡ್‍ೕಂದ್ ಗೇನ ಮಾಡ್‍ಚೇಂಗಿ, ಅಂವೊಂಗ್ ಎಚ್ಚಕ್ ಗೊತ್ತಿರಂಡುವೊ ಅಚ್ಚಕ್ ಅಂವೊಂಗ್ ಇಂಞು ಗೊತ್ತ್‌ಲ್ಲೆ.

ಯಾಕೋಬ 1:10

ಐಶ್ವರ್ಯವುಳ್ಳಂವೊ ಅಂವೊಂಡ ಕಮ್ಮಿ ಸ್ತಾನತ್‍ಲ್ ಕುಶಿ ಪಡಡ್; ಎನ್ನಂಗೆಣ್ಣ್‌ಚೇಂಗಿ ಅಂವೊ ಕಾಡ್ ಪೂರನೆಕೆ ಬಾಡಿ ಪೋಪ.

ಯಾಕೋಬ 1:21

ಆನಗುಂಡ್ ಎಲ್ಲಾ ಹೇಸಿಗೆಯಾನ ಗುಣ ಪಿಂಞ ಪಾಳ್ ಗುಣತ್‍ನ ಬುಟ್ಟ್‌ರಿ. ನಿಂಗಡ ಮನಸ್ಸ್‌ಲ್ ನಟ್ಟಿತುಳ್ಳ ಪಿಂಞ ನಿಂಗಡ ಆತ್ಮತ್‌ನ ಕಾಪಾಡ್‌ವಕ್ ಶಕ್ತಿಯುಳ್ಳ ದೇವಡ ವಾಕ್ಯತ್‍ನ, ಸಮಾದಾನತ್‍ಲ್ ಸ್ವೀಕಾರ ಮಾಡಿಯೊಳಿ.