ಅಪೊಸ್ತಲ 8:22 - ಕೊಡವ ಬೈಬಲ್

²² ಆನಗುಂಡ್ ಇಕ್ಕ ನೀನ್ ಕ್‍ೕಟದ್‍ನೆಲ್ಲ ಬುಟ್ಟಿತ್ ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್ ಒಡೆಯಂಡ ಪಕ್ಕ ಪ್ರಾರ್ಥನೆ ಮಾಡ್; ನೀಡ ಹೃದಯತ್‍ರ ಗೇನತ್‍ನ ಅಂವೊ ಮನ್ನಿಚಿಡ್‌ವಕ್ ಆಪ.

ಅಪೊಸ್ತಲ 8:22 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 24:9

ಮೂಡತನತ್‌ರ ಯೋಜನೆಯೆಲ್ಲಾ ಪಾಪವೇ. ಪರಿಹಾಸ ಮಾಡ್‌ವಂವೊನ ಜನ ಅಸಹ್ಯ ಪಡುವ.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 1:6

ಅಕ್ಕಣೆಕ್ ಹಡ್‌ಗ್‌ರ ನಾಯಕ ಅಂವೊಂಡ ಪಕ್ಕ ಬಂತ್: ನೀನ್‌ ಎನ್ನಂಗ್‌ ಇನ್ನನೆ ಒರ್ವೊ? ಎದ್ದಿತ್‌ ನೀಡ ದೇವಕ್‌ ಮೊರೆ ಇಡ್. ನಂಗ ನಾಶ ಆಯಿಪೋಕತೆ ನೀಡ ದೇವ ಒಮ್ಮಕೆ ನಂಗಳ ರಕ್ಷಣೆ ಮಾಡುವೊ ಎಂತೋಂದ್‌ ಎಣ್ಣ್‌ಚಿ.

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 3:9

ದಾರ್‌ಕ್‌ ಗೊತ್ತುಂಡ್, ಒರ್‌ ಸಮಯ ದೇವ ಕನಿಕರಪಟ್ಟಿತ್‌ ತಾಂಡ ಬಯಂಕರ ಚೆಡಿನ ಬಯ್ಯಕ್‌ ಎಡ್‌ಕು, ನಂಗ ನಾಶ ಆಕತೆ ಬದ್‌ಕುವಾಂದ್‌ ಎಣ್ಣ್‌ವಕ್‌ ಎಣ್ಣ್‌ಚಿ.

ಅಪೊಸ್ತಲ 17:30

ಜನಕ್ ನೇರಾಯಿತು ಗೊತ್ತಿಲ್ಲತ ಕಾಲತ್‍ಲ್ ಇನ್ನನೆ ಮಾಡ್‌ನಾನ ದೇವ ಲೆಕ್ಕ ಬೆಚ್ಚಿತ್‌ಲ್ಲೆ. ಆಚೇಂಗಿ ಇಕ್ಕ, ಎಲ್ಲಾ ಜಾಗತು, ಎಲ್ಲಾ ಜನಳು ಅಯಿಂಗಡ ಪಾಪಕಾಯಿತ್ ಪಶ್ಚಾತಾಪ ಪಟ್ಟಿತ್ ದೇವಡ ಪಕ್ಕ ತಿರ್‌ಗಂಡೂಂದ್ ಹುಕುಮ್ ಕೊಡ್‍ತಂಡುಂಡ್.

ಅಪೊಸ್ತಲ 2:38

ಪೇತ್ರ ಅಯಿಂಗಕ್: ನಿಂಗಡ ಪಾಪಕ್ ಪರಿಹಾರ ಕ್‍ಟ್ಟ್‌ವಕಾಯಿತ್ ನಿಂಗ ಒಬ್ಬೊಬ್ಬನು ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್, ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಎಡ್‌ತೊಳಿ. ಅಕ್ಕ ನಿಂಗ ಪವಿತ್ರಾತ್ಮಂಡ ವರತ್‍ನ ಪಡೆಯುವಿರ.

ಅಪೊಸ್ತಲ 3:19

ಆನಗುಂಡ್, ನಿಂಗಡ ಪಾಪವೆಲ್ಲ ಅಳಸಿ ಪೋಪಕಾಯಿತ್ ಪಶ್ಚಾತಾಪ ಪಟ್ಟಿತ್, ನಿಂಗ ದೇವಡ ಪಕ್ಕ ತಿರಿಗಿ. ಪಿಂಞ ಒಡೆಯಂಡಿಂಜ, ನಿಂಗಕ್ ಆರಾಮ್‍ರ ಕಾಲ ಕ್‍ಟ್ಟ್‌ವನೆಕೆ ಮಾಡ್‌ವ.

ಅಪೊಸ್ತಲ 8:20

ಅದ್ಂಗ್ ಪೇತ್ರ ಅಂವೊನ ನೋಟಿತ್: ದೇವಡ ವರತ್‍ನ ದುಡ್ಡ್‌ಕ್ ಎಡ್‍ಪಕ್ ನೀನ್ ಗೇನ ಮಾಡಿಯ? ಆನಗುಂಡ್, ನೀಡ ದುಡ್ಡ್ ನೀಡ ಕೂಡೆ ನಾಶ ಆಯಿ ಪೋಡ್.

ಅಪೊಸ್ತಲ 9:11

ಒಡೆಯ ಅಂವೊಂಗ್: ನೀನ್ ಎದ್ದಿತ್ ನೇರೆಬೀದಿ ಎಣ್ಣುವ ಬೀದಿಕ್ ಪೋಯಿತ್, ಯೂದಂಡ ಮನೆಲ್ ತಾರ್ಸ ಪಟ್ಟಣತ್‍ರ ಸೌಲ ಎಣ್ಣ್‌ವಂವೊನ ತ್‍ೕಡ್. ಅಂವೊ ಇಕ್ಕ ಪ್ರಾರ್ಥನೆ ಮಾಡಿಯಂಡುಂಡ್.

ರೋಮ್ 2:4

ಅಥವ, ನಿಂಗ ಪಶ್ಚಾತಾಪ ಪಟ್ಟಿತ್ ದೇವಡ ಕಡೇಕ್ ಬಪ್ಪಕ್ ದೇವಡ ದಯೆ ನಿಂಗಳ ಕಾಕಿಯಂಡ್ ಉಂಡ್‍ೕಂದ್ ಗೊತ್ತಿಲ್ಲತೆ, ದೇವಡ ದಾರಾಳವಾಯಿತುಳ್ಳ ದಯೆ, ಸಯಿಸುವ ಗುಣ ಪಿಂಞ ತಾಳ್ಮೆ ಇನ್ನತಾನ ಐಶ್ವರ್ಯತ್‍ನ ಅಲ್ಲಗೆಳೆಯುವಿರ?

ಇಬ್ರಿಯ 4:12

ದೇವಡ ವಾಕ್ಯ ಜೀವವು, ಶಕ್ತಿ ಉಳ್ಳದಾಯಿತು, ದಂಡ್ ಪಕ್ಕವು ಚೂಪಾಯಿತ್ ಉಳ್ಳ ಏದ್ ಬಾಳ್‌ಕತ್ತಿಕಿಂಜಲು ಚೂಪಾಯಿತ್ ಉಂಡ್. ಇದ್ ಆತ್ಮತ್‌ನ ಪಿಂಞ ಜೀವತ್‍ನ, ಮುಟ್ಟ್‌ನ ಪಿಂಞ ಅದ್ಂಡ ಒಳ್‍ಲ್ ಉಳ್ಳ ಮಜ್ಜೆನ ಬೋರೆ ಬೋರೆ ಮಾಡಿತ್ ನಂಗಡ ಒಳ್‍ಕ್ ಕುತ್ತುವನೆಕೆ ಉಂಡ್. ಇದ್ ಹೃದಯತ್‍ರ ಗೇನತ್‍ನ ಪಿಂಞ ಆಲೋಚನೆರ ರೀತಿನ ನಂಗಕ್ ಕಾಟಿತಪ್ಪದಾಯಿತುಂಡ್.

ಪ್ರಕಟನೆ 2:21

ಅವ ಪಶ್ಚಾತಾಪ ಪಟ್ಟಿತ್ ಮನಸ್ಸ್ ತಿರ್‌ಗ್‌ವಕ್ ನಾನ್ ಅವಕ್ ಅವಕಾಶ ಕೊಡ್‌ತಿಯೆ; ಆಚೇಂಗಿ, ತಾಂಡ ವ್ಯಬಿಚಾರತ್‍ನ ಬುಟ್ಟಿತ್ ಪಶ್ಚಾತಾಪ ಪಟ್ಟಿತ್ ಮನಸ್ಸ್ ತಿರ್‌ಗ್‌ವಕ್ ಅವಕ್ ಕುಶಿಯಿಲ್ಲೆ.