ಅಪೊಸ್ತಲ 8:20 - ಕೊಡವ ಬೈಬಲ್

²⁰ ಅದ್ಂಗ್ ಪೇತ್ರ ಅಂವೊನ ನೋಟಿತ್: ದೇವಡ ವರತ್‍ನ ದುಡ್ಡ್‌ಕ್ ಎಡ್‍ಪಕ್ ನೀನ್ ಗೇನ ಮಾಡಿಯ? ಆನಗುಂಡ್, ನೀಡ ದುಡ್ಡ್ ನೀಡ ಕೂಡೆ ನಾಶ ಆಯಿ ಪೋಡ್.

ಅಪೊಸ್ತಲ 8:20 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 15:26

ದುಷ್ಟಂಗಡ ಯೋಜನೆ ಯೆಹೋವಂಗ್‌ ಅಸಹ್ಯ. ಆಚೇಂಗಿ ಕನಿಕರತ್‌ರ ತಕ್ಕ್‌ ಅಂವೊಂಗ್‌ ಸುಕ ತಪ್ಪ.

ಮತ್ತಾಯ 10:8

ಕಾಯಿಲಸ್ತಂಗಳ ವಾಸಿ ಮಾಡಿ, ಚತ್ತಯಿಂಗಳ ಬದ್‍ಕ್‍ಚಿಡಿ. ಕುಷ್ಟರೋಗಿಯಳ ವಾಸಿ ಮಾಡಿ ಪಿಂಞ ಕೂಳಿ ಪುಡ್‌ಚಯಿಂಗಕ್, ಕೂಳಿನ ಬುಡ್‍ತಿ. ನಿಂಗಕ್ ಪುಕ್ಕಟೆಯಾಯಿತ್ ಕ್‍ಟ್ಟ್‌ನದ್‍ನ ಪುಕ್ಕಟೆಯಾಯಿತ್ ಕೊಡಿ.

ಮತ್ತಾಯ 15:19

ಎನ್ನನೆ ಎಣ್ಣ್‌ಚೇಂಗಿ, ಹೃದಯತ್ಂಜಲೇ ಕೆಟ್ಟ ಗೇನ, ಕೊಲೆ, ವ್ಯಬಿಚಾರ, ಲೈಂಗಿಕ ಪಾಪ, ಕಕ್ಕಂಡೂ, ಪೊಟ್ಟ್ ಪರಿಯಂಡು, ಪೊಟ್ಟ್ ಸಾಕ್ಷಿ ಪರಿಯಂಡು, ಬೋರೆಯಿಂಗಳ ನಾಶ ಮಾಡ್‌ವಕ್ ಕೆಟ್ಟ ತಕ್ಕ್ ಪರಿಯಂಡೂಂದ್ ಉಳ್ಳ ಗೇನ ಎಲ್ಲಾ ಬಪ್ಪ.

ಅಪೊಸ್ತಲ 1:18

ಅಂವೊ ಇನ್ನನೆ ಮೋಸ ಮಾಡ್‍ನಗುಂಡ್, ಕ್‍ಟ್ಟ್‌ನ ಪಣತ್‌ಲ್ ಒರ್ ಜಾಗ ಎಡ್‍ತಂಡತ್. ಅಲ್ಲಿ ಅಂವೊಂಡ ಮಂಡೆ ಅಡಿಕ್ ಬೂವಂಜಿ, ಅಂವೊಂಡ ಕೆಲ ಒಡಂದಿತ್ ಅದ್ಂಡ ಒಳ್‍ಲ್ ಉಳ್ಳ ಕರ್ ಎಲ್ಲಾ ಪೊರಮೆ ಬಂದಿತ್ ಚತ್ತ್ ಪೋಚಿ.

ಅಪೊಸ್ತಲ 10:45

ಯೊಪ್ಪ ಪಟ್ಟಣತ್ಂಜ ಪೇತ್ರಂಡ ಕೂಡೆ ಬಂದಿತ್ಂಜ ಸುನ್ನತಿ ಮಾಡ್‍ನ ಯೇಸುನ ನಂಬ್‍ನ ಯೆಹೂದ್ಯಂಗ, ಯೆಹೂದ್ಯಂಗ ಅಲ್ಲತಯಿಂಗಡ ಮೇಲೆ ಸಹ ದೇವ, ಪವಿತ್ರಾತ್ಮಂಡ ವರತ್‍ನ ಕೊಡ್‍ತಿತ್ತುಂಡ್‍ೕಂದ್ ಕಂಡಿತ್ ಆಶ್ಚರ್ಯ ಪಟ್ಟತ್.

ಅಪೊಸ್ತಲ 11:17

ಆನಗುಂಡ್, ಒಡೆಯನಾನ ಯೇಸು ಕ್ರಿಸ್ತನ ನಂಗ ನಂಬ್‌ವಕ, ನಂಗಕ್ ಕೊಡ್‍ತ ಅದೇ ವರತ್‍ನ ಯೆಹೂದ್ಯರಲ್ಲತ ಬೋರೆಯಿಂಗಕ್ ತಪ್ಪಕ, ದೇವನ ತಡ್‍ಪಕ್ ನಾನ್ ದಾರ್?

ಅಪೊಸ್ತಲ 2:38

ಪೇತ್ರ ಅಯಿಂಗಕ್: ನಿಂಗಡ ಪಾಪಕ್ ಪರಿಹಾರ ಕ್‍ಟ್ಟ್‌ವಕಾಯಿತ್ ನಿಂಗ ಒಬ್ಬೊಬ್ಬನು ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್, ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಎಡ್‌ತೊಳಿ. ಅಕ್ಕ ನಿಂಗ ಪವಿತ್ರಾತ್ಮಂಡ ವರತ್‍ನ ಪಡೆಯುವಿರ.

ಅಪೊಸ್ತಲ 8:19

ನಾನ್ ದಾಡ ಮೇಲೆ ಕೈ ಬೆಪ್ಪಿ, ಅಂವೊಂಗ್ ಇನ್ನನೆ ಪವಿತ್ರಾತ್ಮ ಕ್‍ಟ್ಟ್‌ವನೆಕೆ ನಾಕು ಈ ಅದಿಕಾರತ್‍ನ ತಾರೀಂದ್ ಕ್‍ೕಟತ್.

ಅಪೊಸ್ತಲ 8:22

ಆನಗುಂಡ್ ಇಕ್ಕ ನೀನ್ ಕ್‍ೕಟದ್‍ನೆಲ್ಲ ಬುಟ್ಟಿತ್ ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್ ಒಡೆಯಂಡ ಪಕ್ಕ ಪ್ರಾರ್ಥನೆ ಮಾಡ್; ನೀಡ ಹೃದಯತ್‍ರ ಗೇನತ್‍ನ ಅಂವೊ ಮನ್ನಿಚಿಡ್‌ವಕ್ ಆಪ.

1 ತಿಮೊಥೆಯ 6:9

ಪಣಕಾರಂಗಳಾಂಡೂಂದ್ ಆಸೆ ಉಳ್ಳಯಿಂಗ ಸೋದನೆರ ಕೆಣಿಕ್ ಚಿಕ್ಕಿತ್, ಅಯಿಂಗ, ಮನುಷ್ಯಂಗಳ ಕ್‍ೕಡಾನ, ಪಾಳಾನ ಕುಂಡ್‍ಲ್ ಬೂವನೆಕೆ ಮಾಡ್‌ವ, ಬೆಲೆಯಿಲ್ಲತ ಪಿಂಞ ಪಾಳಾನ ಇಚ್ಛೆಲ್ ಬುದ್ದ್ ಪೋಪ.

ಯಾಕೋಬ 5:3

ನಿಂಗಡ ಪೊನ್ನ್, ಬೊಳ್ಳಿ ಪ್ರಯೋಜನಯಿಲ್ಲತೆ ಆಯಿಪೋಪ; ನಿಂಗ ಕೂಟಿ ಬೆಚ್ಚಿತುಳ್ಳ ಆಸ್ತಿರ ಮೇಲೆ ಉಳ್ಳ ನಂಬಿಕೆ, ನಿಂಗಡ ತಡೀನ ತಿತ್ತ್ ತಿಂಬನೆಕೆ ತಿಂಬ. ನಿಂಗ ಕೂಟಿ ಬೆಚ್ಚಿತುಳ್ಳ ಆಸ್ತಿ ದೇವ ತೀರ್ಪ್ ಕೊಡ್‍ಪ ದಿನತ್‌ಲ್ ನಿಂಗಕ್ ವಿರೋದವಾಯಿತ್ ಸಾಕ್ಷಿ ತಪ್ಪ.

ಪ್ರಕಟನೆ 18:15

ಇದ್‍ನೆಲ್ಲಾ ಬೆಚ್ಚಿತ್ ಅವಡ ಕೂಡೆ ವ್ಯಾಪಾರ ಮಾಡಿತ್ ಐಶ್ವರ್ಯವಂತಂಗಳಾನಯಿಂಗ ಅವಕ್ ಕ್‍ಟ್ಟ್‌ನ ಬಾದೇನ ಕಂಡಿತ್ ಪೋಡಿಯಾನಗುಂಡ್, ದೂರತ್‍ಲ್ ನಿಂದಂಡ್: