ಅಪೊಸ್ತಲ 8:2 - ಕೊಡವ ಬೈಬಲ್

² ಚೆನ್ನ ಬಕ್ತಿಯುಳ್ಳ ದೇವಡ ಮಕ್ಕ ಸ್ತೆಫನಂಡ ಚಾವ್ ತಡೀನ ಕೊಂಡ್ ಪೋಯಿತ್ ಪೂತ್ತತ್. ಅಂವೊಂಗಾಯಿತ್ ಅಯಿಂಗ ದುಂಬ ಮೊರಟಿತ್ ದುಃಖ ಪಟ್ಟತ್.

ಅಪೊಸ್ತಲ 8:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 23:2

ಸಾರಳ ಕಾನಾನ್‌ ದೇಶತ್‌ಲ್‌ ಉಳ್ಳ ಹೆಬ್ರೋನ ಎಣ್ಣುವ ಕಿರ್ಯತರ್ಬತ್‌ಲ್‌ ಚತ್ತತ್. ಅಬ್ರಹಾಮ ಅವಕಾಯಿತ್‌ ಶೋಕ ಪಟ್ಟಿತ್‌ ಮೊರ್‌ಟತ್.

ಆದ್ಯತ್‌ರ ಪುಸ್ತಕ 50:9

ರಥತ್‌ನ ಪಿಂಞ ಕುದುರೆಯಳ ಓಡ್‌ಚಿಡ್‌ವ ಪಡೆಯಾಳಿಯಳು ಯೋಸೇಫಂಡ ಕೂಡೆ ಪೋನಗುಂಡ್, ಜನಡ ಕೂಟ ದುಂಬ ಇಂಜತ್.

ಮಾರ್ಕ 6:29

ಯೋಹಾನಂಡ ಶಿಷ್ಯಂಗ ಈ ಸುದ್ದಿನ ಕ್‍ೕಪದು ಜೈಲ್‌ಕ್ ಬಂದಿತ್ ಯೋಹಾನಂಡ ತಡೀನ ಎಡ್‌ತ ಪೋಯಿತ್ ಪೂತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:25

ಆ ಸಮಯತ್‍ಲ್ ಯೆರೂಸಲೇಮ್‍ಲ್ ಸಿಮೆಯೋನ ಎಣ್ಣುವ ಒರ್ ಮನುಷ್ಯ ವಾಸ ಮಾಡಿಯಂಡ್ ಇಂಜತ್. ಅಂವೊ ನೀತಿವಂತನು, ದೇವಡ ಬಕ್ತನು ಆಯಿತ್ಂಜತ್. ಅಂವೊ ಇಸ್ರಾಯೇಲ್ ಜನಡ ರಕ್ಷಣೆಕಾಯಿತ್ ಪಾರಕಾತಂಡಿಂಜತ್. ಅಂವೊ ಪವಿತ್ರಾತ್ಮ ದುಂಬಿತ್ಂಜತ್.

ಅಪೊಸ್ತಲ 10:2

ಅಂವೊನು ಅಂವೊಂಡ ಮನೆಕಾರಳು ದೇವಡ ಬಕ್ತಿಲ್ ಪಿಂಞ ದೇವಕ್ ಬೊತ್ತಿತ್ ಬದ್‍ಕಿಯಂಡಿಂಜತ್. ಅಂವೊ ಗರೀಬಂಗಕ್ ದುಂಬ ದಾನ ಮಾಡ್‍ವಂವೊನಾಯಿತು ಎಕ್ಕಾಲು ಪ್ರಾರ್ಥನೆ ಮಾಡ್‍ವಂವೊನಾಯಿತು ಇಂಜತ್.

ಅಪೊಸ್ತಲ 2:5

ಆ ಸಮಯತ್‍ಲ್ ಲೋಕತ್‍ಲ್ ಉಳ್ಳ ಎಲ್ಲಾ ದೇಶತ್ಂಜ ಬಯ ಬಕ್ತಿಯುಳ್ಳ ಯೆಹೂದ್ಯಂಗ ಯೆರೂಸಲೇಮ್‌ಕ್ ಬಂದಿತ್ಂಜತ್.

ಅಪೊಸ್ತಲ 8:1

ಸೌಲ ಸಹ ಸ್ತೆಫನನ ಕೊಲ್ಲ್‌ವಕ್ ಒತ್ತಂಡಿಂಜತ್. ಅದೇ ದಿವಸತ್ ಯೆರೂಸಲೇಮ್‍ಲ್ ಇಂಜ ಸಬೇಕ್ ಬಲ್ಯ ಹಿಂಸೆ ಸುರ್ ಆಚಿ. ಅಪೊಸ್ತಲಂಗ ಅಲ್ಲತೆ, ಬೋರೆ ಎಲ್ಲಾ ಶಿಷ್ಯಂಗಳು ಯೂದಾಯ ಪಿಂಞ ಸಮಾರ್ಯ ಪ್ರಾಂತ್ಯತ್‍ಲ್ ಚದ್‌ರಿ ಪೋಚಿ.

ಅಪೊಸ್ತಲ 8:3

ಇದ್‍ಲ್ಲತೆ ಸೌಲ, ಮನೆಮನೆಕ್ ಪೋಯಿತ್, ಕ್ರಿಸ್ತಂಡ ಮೇಲೆ ನಂಬಿಕೆ ಉಳ್ಳ ಆಣಾಳ್ ಪಿಂಞ ಪೊಣ್ಣಾಳ್‍ನ ಅಯಿಂಗಡ ಮನೇಯಿಂಜ ಪೊರಮೆ ಬಲ್‍ಚಿತ್, ಸೆರೆಮನೆಕ್ ಒಪ್ಪ್‌ಚಿಟ್ಟತ್. ಇನ್ನನೆ ಅಂವೊ ದೇವಡ ಸಬೇನ ಪಾಳ್ ಮಾಡಿಯಂಡಿಂಜತ್.