ಅಪೊಸ್ತಲ 8:15 - ಕೊಡವ ಬೈಬಲ್

¹⁵ ಈಂಗ ಅಲ್ಲಿಕ್ ಬಂದಿತ್, ಅಯಿಂಗಕ್ ಪವಿತ್ರಾತ್ಮ ಕ್‍ಟ್ಟಂಡೂಂದ್ ಅಯಿಂಗಕಾಯಿತ್ ಪ್ರಾರ್ಥನೆ ಮಾಡ್‍ಚಿ.

ಅಪೊಸ್ತಲ 8:15 ပူးပေါင်းရင်းမြစ်များ

ಮತ್ತಾಯ 18:19

ಇದ್‍ಲ್ಲತೆ ಬೂಲೋಕತ್‍ಲ್ ದಂಡಾಳ್ ಕೂಡಿಯಂಡ್ ಒರ್ ವಿಷಯಕಾಯಿತ್ ಒರೇ ಮನಸ್ಸ್‌ಲ್ ದೇವಡ ಪಕ್ಕ ಬೋಡ್‌ನಕ, ಪರಲೋಕತ್‍ಲ್ ಉಳ್ಳ ನಾಡ ಅಪ್ಪ ಅದ್‍ನ ಅನ್ನನೆ ಮಾಡ್‌ವಾಂದ್ ನಿಂಗಕ್ ಎಣ್ಣ್‌ವಿ.

ಅಪೊಸ್ತಲ 19:2

ಪೌಲ ಅಯಿಂಗಳ ನೋಟಿತ್: ನಿಂಗ ಯೇಸುನ ನಂಬ್‌ವಕ ಪವಿತ್ರಾತ್ಮನ ಪಡ್ಂದಿರಾಂದ್ ಕ್‍ೕಟತ್. ಅದ್ಂಗ್ ಅಯಿಂಗ: ಇಲ್ಲೆ, ನಂಗ ಪಡ್ಂದಿತ್‌ಲ್ಲೆ. ಅನ್ನನೆ ಪವಿತ್ರಾತ್ಮ ಉಂಡ್‍ೕಂದ್ ಸಹ ನಂಗ ಕ್‍ೕಟಿತ್‌ಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 2:38

ಪೇತ್ರ ಅಯಿಂಗಕ್: ನಿಂಗಡ ಪಾಪಕ್ ಪರಿಹಾರ ಕ್‍ಟ್ಟ್‌ವಕಾಯಿತ್ ನಿಂಗ ಒಬ್ಬೊಬ್ಬನು ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್, ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಎಡ್‌ತೊಳಿ. ಅಕ್ಕ ನಿಂಗ ಪವಿತ್ರಾತ್ಮಂಡ ವರತ್‍ನ ಪಡೆಯುವಿರ.

1 ಕೊರಿಂಥ 14:13

ದಾರ್‍ಕೆಲ್ಲ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವ ವರ ಉಂಡೋ, ಅಯಿಂಗ ಅದ್ಂಡ ಅರ್ಥ ಎಣ್ಣಿ ಕೊಡ್‍ಪ ವರಕಾಯಿತ್ ಪ್ರಾರ್ಥನೆ ಮಾಡಂಡು.

ಫಿಲಿಪ್ಪಿ 1:19

ನಿಂಗಡ ಪ್ರಾರ್ಥನೆ ಪಿಂಞ ಯೇಸು ಕ್ರಿಸ್ತಂಡ ಆತ್ಮತ್‍ರ ಸಹಾಯತ್‍ಲ್ ನಾಡ ಬುಡ್‌ಗಡೆಕ್‌ ಬಟ್ಟೆ ಆಪಾಂದ್ ನಾಕ್ ಗೊತ್ತುಂಡ್.