ಅಪೊಸ್ತಲ 8:14 - ಕೊಡವ ಬೈಬಲ್

¹⁴ ಸಮಾರ್ಯತ್‍ರ ಜನ ದೇವಡ ವಾಕ್ಯತ್‍ನ ಸ್ವೀಕಾರ ಮಾಡ್‍ಚೀಂದ್ ಉಳ್ಳ ವಿಷಯತ್‍ನ, ಯೆರೂಸಲೇಮ್‍ಲ್ ಉಳ್ಳ ಅಪೊಸ್ತಲಂಗ ಕ್‍ೕಟಿತ್, ಪೇತ್ರ ಪಿಂಞ ಯೋಹಾನನ ಅಯಿಂಗಡ ಪಕ್ಕ ಅಯಿಚತ್.

ಅಪೊಸ್ತಲ 8:14 ပူးပေါင်းရင်းမြစ်များ

ಮತ್ತಾಯ 13:23

ನಲ್ಲ ಮಣ್ಣ್‌ಲ್ ಬುದ್ದ ಕುರು ಎನ್ನನೆ ಎಣ್ಣ್‌ಚೇಂಗಿ, ದೇವಡ ವಾಕ್ಯತ್‍ನ ಕ್‍ೕಟಿತ್, ಅರ್ಥ ಮಾಡಿಯಂಡ್, ನಲ್ಲ ಫಲ ಕೊಡ್‍ಪನೆಕೆ. ಅಂವೊ ನೂರ್, ಅರ್‌ವದ್, ನುಪ್ಪದಚ್ಚಕ್ ಫಲ ಕೊಡ್‍ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:8

ಅಕ್ಕ ಯೇಸು, ಪೇತ್ರ ಪಿಂಞ ಯೋಹಾನನ ಕಾಕುವಂಜಿ: ನಂಗ ತಿಂಬಕಾಯಿತ್ ಪಸ್ಕ ನಮ್ಮೆಕ್ ಉಂಬಕುಳ್ಳದ್‍ನ ತಯಾರ್ ಮಾಡೀಂದ್ ಎಣ್ಣ್‌ಚಿ.

ಯೋಹಾನ 12:48

ನನ್ನ ಅಲ್ಲಗೆಳೆದಿತ್, ನಾಡ ವಾಕ್ಯತ್‍ನ ಸ್ವೀಕಾರ ಮಾಡತಯಿಂಗಳ ನಾನ್ ನ್ಯಾಯತೀರ್ಪ್ ಮಾಡುಲೆ, ನಾನ್ ಎಣ್ಣ್‌ನ ದೇವಡ ವಾಕ್ಯವೇ ಆಕೀರ್ ದಿವಸತ್‍ಲ್ ಅಂವೊನ ನ್ಯಾಯತೀರ್ಪ್ ಮಾಡ್‌ವ.

ಅಪೊಸ್ತಲ 11:1

ಯೆಹೂದ್ಯ ಜನ ಅಲ್ಲತೆ ಬೋರೆ ಜನಳು ದೇವಡ ವಾಕ್ಯತ್‍ನ ಸ್ವೀಕಾರ ಮಾಡ್‌ಚೀಂದ್ ಉಳ್ಳ ಸುದ್ದಿ ಅಪೊಸ್ತಲಂಗಕು, ಯೂದಾಯತ್‍ಲ್ ಉಳ್ಳ ಯೇಸುನ ನಂಬ್‍ನಯಿಂಗಕು ಕ್‍ಟ್ಟ್‌ಚಿ.

ಅಪೊಸ್ತಲ 15:4

ಅಯಿಂಗ ಯೆರೂಸಲೇಮ್‌ಕ್ ಬಂದ ಪಿಂಞ ಸಬೇಲ್ ಉಳ್ಳಯಿಂಗ, ಅಪೊಸ್ತಲಂಗ ಪಿಂಞ ಪೆರಿಯಯಿಂಗ ಅಯಿಂಗಳ ಸ್ವೀಕಾರ ಮಾಡ್‍ಚಿ. ಪಿಂಞ, ಈಂಗ ದೇವ ತಂಗಡ ಮೂಲಕ ಮಾಡ್‍ನ ಕಾರ್ಯತ್‍ನೆಲ್ಲಾ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 17:11

ಆ ಪಟ್ಟಣತ್‍ರ ಸಬೇಲ್ ಉಳ್ಳಯಿಂಗ ತೊರ್‌ಂದ ಮನಸ್ಸ್‌ಲ್ ದೇವಡ ವಾಕ್ಯತ್‍ನ ಅಂಗಿಕಾರಮಾಡಿತ್, ಈಂಗಡ ಬೋದನೆಲ್ ಇನ್ನತೆಲ್ಲ ಸತ್ಯ ಉಂಡಾಂದ್, ದಿನಾಲು ದೇವಡ ವಾಕ್ಯತ್‍ಲ್ ತ್‍ೕಡಿಯಂಡಿಂಜಗುಂಡ್, ಥೆಸಲೊನೀಕ ಪಟ್ಟಣತ್‍ರ ದೇವಡ ಮಕ್ಕಕಿಂಜ ಚಾಯಿ ಗುಣಕಾರಂಗಳಾಯಿತ್ಂಜತ್.

ಅಪೊಸ್ತಲ 2:41

ಅಂವೊಂಡ ತಕ್ಕ್‌ನ ಒತ್ತಂಡಯಿಂಗ ದೀಕ್ಷಾಸ್ನಾನ ಎಡ್‍ತಂಡತ್. ಆ ದಿವಸ ಸುಮಾರ್ ಮೂಂದಾಯಿರ ಜನ ಅಯಿಂಗಡ ಕೂಡೆ ಕೂಡಿಯಂಡತ್.

ಅಪೊಸ್ತಲ 8:1

ಸೌಲ ಸಹ ಸ್ತೆಫನನ ಕೊಲ್ಲ್‌ವಕ್ ಒತ್ತಂಡಿಂಜತ್. ಅದೇ ದಿವಸತ್ ಯೆರೂಸಲೇಮ್‍ಲ್ ಇಂಜ ಸಬೇಕ್ ಬಲ್ಯ ಹಿಂಸೆ ಸುರ್ ಆಚಿ. ಅಪೊಸ್ತಲಂಗ ಅಲ್ಲತೆ, ಬೋರೆ ಎಲ್ಲಾ ಶಿಷ್ಯಂಗಳು ಯೂದಾಯ ಪಿಂಞ ಸಮಾರ್ಯ ಪ್ರಾಂತ್ಯತ್‍ಲ್ ಚದ್‌ರಿ ಪೋಚಿ.

ಗಲಾತ್ಯ 2:9

ಅನ್ನನೆ, ಸಬೆರ ಕಂಬವಾಯಿತ್ ಉಂಡ್‍ೕಂದ್ ಸಬೆ ಎಣ್ಣಿಯಂಡಿಂಜ ಪೇತ್ರ, ಯೋಹಾನ ಪಿಂಞ ಯಾಕೋಬ, ನಾಕ್ ದೇವ ತಂದ ಕೃಪೇನ ಅರಿವಕ, ಐಕ್ಯತ್‍ರ ಗುರ್‌ತಾಯಿತ್ ನಾಕ್ ಪಿಂಞ ಬಾರ್ನಬಂಗ್ ಅಯಿಂಗಡ ಬಲ್‌ತೆ ಕೈಯಿನ ಕೊಡ್‌ತಿತ್ ನಂಗಳ ಅಂಗಿಕಾರ ಮಾಡ್‍ಚಿ. ಅಯಿಂಗ ಯೆಹೂದ್ಯಂಗಡ ಪಕ್ಕವು, ನಂಗ ಯೆಹೂದ್ಯ ಅಲ್ಲತಯಿಂಗಡ ಪಕ್ಕವು ಪೋಕಂಡೂಂದ್ ಒತ್ತಂಡತ್.

1 ಥೆಸಲೊನೀಕ 2:13

ಆನಗುಂಡ್, ನಂಗ ಎಣ್ಣ್‌ನ ದೇವಡ ವಿಷಯತ್‍ನ, ನಿಂಗ ಒರ್ ಮನುಷ್ಯಂಡ ಬೋದನೆಯಾಯಿತ್ ಸ್ವೀಕಾರ ಮಾಡತೆ, ಅದ್‍ನ ದೇವಡ ಬೋದನೆಯಾಯಿತೇ ಸ್ವೀಕಾರ ಮಾಡ್‍ನಗುಂಡ್, ನಂಗ ಎಕ್ಕಾಲು ನಿಂಗಳ ಗೇನ ಮಾಡಿತ್ ವಂದನೆ ಎಣ್ಣಿಯಂಡುಂಡ್; ಅಕ್ಕು, ನಂಗ ಎಣ್ಣ್‌ನ ಬೋದನೆ ನೇರೇ. ಅದ್‍ನ ನಂಬಿತುಳ್ಳ ನಿಂಗಕ್ ಆ ಬೋದನೆ ನಿಂಗಡ ಒಳ್‍ಲ್ ಶಕ್ತಿ ಕೊಡ್‍ತಂಡುಂಡ್.

1 ಥೆಸಲೊನೀಕ 3:2

ಅದ್ಂಗಾಯಿತ್ ನಂಗ ತಿಮೊಥೆಯನ ನಿಂಗಡ ಪಕ್ಕ ಅಯಿಚತ್. ಅಂವೊ ನಂಗಡ ತಮ್ಮಣನು, ನಂಗಡ ಕೂಡೆ ದೇವಡ ಸೇವೆ ಮಾಡ್‌ವಂವೊನು, ಕ್ರಿಸ್ತಂಡ ನಲ್ಲ ಸುದ್ದಿರ ಸೇವೇಲ್ ನಂಗಡ ಕೂಡೆ ಪ್ರಚಾರ ಮಾಡ್‍ವಂವೊನಾಯಿತು ಉಂಡ್. ಅಂವೊ ನಿಂಗಡ ಪಕ್ಕ ಬಂದಿತ್, ನಿಂಗಡ ನಂಬಿಕೇನ ಸ್ತಿರಪಡ್‌ತಿತ್, ನಿಂಗ ಆತ್ಮೀಯ ಬದ್‍ಕ್‍ಲ್ ಬೂವತನೆಕೆ ಇಪ್ಪಕ್ ಸಹಾಯ ಮಾಡ್‌ವ.

2 ಥೆಸಲೊನೀಕ 2:10

ಅಂವೊ ಇನ್ನನೆಯೆಲ್ಲಾ ಮೋಸ ಮಾಡಿತ್, ದುಂಬ ಜನಳ ವಂಚನೆ ಮಾಡ್‌ವ. ಈ ಜನ ನೇರಾಯಿತ್ ಪಾಳಾಯಿ ನರಕಕ್ ಪೋಪಕಾಯಿತ್ ಉಳ್ಳಯಿಂಗ, ಎನ್ನಂಗಾಯಿತ್ ಅಯಿಂಗ ಪಾಳಾಪ ಎಣ್ಣ್‌ಚೇಂಗಿ, ಈ ಜನ ಅಯಿಂಗಕ್ ರಕ್ಷಣೆ ತಪ್ಪ ಸತ್ಯತ್‍ನ ಸ್ವೀಕಾರ ಮಾಡತೆ ಪ್ರೀತಿ ಮಾಡತೆ ಪೋಚಿ.