ಅಪೊಸ್ತಲ 8:10 - ಕೊಡವ ಬೈಬಲ್

¹⁰ ಆ ಪಟ್ಟಣತ್‍ಲ್ ಇಂಜ ಚೆರಿಯಯಿಂಗ ಬಲ್ಯಯಿಂಗ ಎಲ್ಲಾರು ಅಂವೊ ಎಣ್ಣ್‌ವಾನ ಕ್‍ೕಟಂಡಿಂಜತ್. ಇಂವೊ ಮನುಷ್ಯಂಗಕ್ ಕಯ್ಯತದ್‍ನೆಲ್ಲ ಮಾಡಿಯಂಡುಂಡ್, ಆನಗುಂಡ್ ಇಂವೊಂಡ ಕೂಡೆ ದೇವಡ ಬಲ್ಯ ಶಕ್ತಿ ಉಂಡ್‍ೕಂದ್ ಎಣ್ಣಿಯಂಡಿಂಜತ್.

ಅಪೊಸ್ತಲ 8:10 ပူးပေါင်းရင်းမြစ်များ

ಯೋನ ಪ್ರವಾದಿರ ಪ್ರವಾದನೆ ಪುಸ್ತಕ 3:5

ಇದನ ಕ್‍ೕಟ ನಿನೆವೆ ಜನ, ದೇವಡ ಮೇಲೆ ನಂಬಿಕೆ ಬೆಚ್ಚಿತ್, ಒಂದೂ ತಿಂಗತೆ ಪಟ್ಟಣಿ ನಿಕ್ಕಂಡೂಂದ್‌ ಎಣ್ಣ್‌ಚಿ. ಪೆರಿಯಯಿಂಗಯಿಂಜ ಸುರು ಮಾಡಿತ್‌ ಚೆರಿಯಯಿಂಗತ್ತನೆ ಎಲ್ಲಾರು ಗೋಣಿಚೀಲತ್‌ರ ಬಟ್ಟೇನ ಕೆಟ್ಟಿಯಂಡತ್.

ಅಪೊಸ್ತಲ 14:11

ಪೌಲ ಮಾಡ್‍ನದ್‍ನ ಅಲ್ಲಿ ಕೂಡಿತ್ಂಜ ಜನಡ ಗುಂಪ್ ಕಾಂಬಕ, ದೇವ ಮನುಷ್ಯಂಗಡ ರೂಪತ್‌ಲ್ ನಂಗಡ ಮದ್ಯತ್‍ಲ್ ಇಳ್ಂಜಿ ಬಂದಿತ್ತುಂಡ್‍ೕಂದ್ ಲುಕವೋನ್ಯ ಬಾಷೆಲ್ ಜೋರಾಯಿತ್ ಕೂತ್ ಕೊಡ್‍ಪಕ್ ಸುರು ಮಾಡ್‍ಚಿ.

ಅಪೊಸ್ತಲ 28:6

ಆ ಜನ, ಅಂವೊಂಗ್ ಪುಡ್‍ಪಿತ್ ಅಥವ ಬೆರಿಯ ಬುದ್ದಿತ್ ಚತ್ತ್ ಪೋಪಾಂದ್ ಪಾರಕಾತಂಡ್ ಇಂಜತ್. ದುಂಬ ಸಮಯ ನೋಟ್‌ನ ಪಿಂಞ, ಅಂವೊಂಗ್ ಒಂದು ಆಯಿತ್‌ಲ್ಲೇಂದ್ ಕಂಡಿತ್ ಬೋರೆ ತರ ಗೇನ ಮಾಡಿತ್, ಇಂವೊ ಒರ್ ದೇವಾಂದ್ ಎಣ್ಣ್‌ಚಿ.

1 ಕೊರಿಂಥ 1:24

ಆಚೇಂಗಿ, ದೇವ ದಾರ್‌ನ ಅಂವೊಂಡ ಮಕ್ಕಳಾಯಿತ್ ಕಾಕಿತುಂಡೋ, ಅಯಿಂಗ ಯೆಹೂದ್ಯರಾಚೇಂಗಿಯು, ಯೆಹೂದ್ಯರಲ್ಲತ ಬೋರೆ ಜನ ಆಚೇಂಗಿಯು, ಅಯಿಂಗಕ್ ಕ್ರಿಸ್ತ ದೇವಡ ಶಕ್ತಿಯಾಯಿತು, ದೇವಡ ಜ್ಞಾನವಾಯಿತು ಉಂಡ್.

2 ಕೊರಿಂಥ 11:19

ನಿಂಗ ಬುದ್ದಿವಂತಯಿಂಗಳಾಯಿತ್ ಬುದ್ದಿ ಇಲ್ಲತಯಿಂಗಳ ಕುಶೀಲ್ ಸಹಿಸಿಯಂಡಿಂಜಿರಲ್ಲಾ?

ಎಫೆಸ 4:14

ನಂಗ ಇಂಞು ಮಿಂಞಕ್ ಕುಂಞಿಯರನೆಕೆ ಇಕ್ಕತೆ, ಮನುಷ್ಯಂಗಡ ಕಪಟ ಪಿಂಞ ವಂಚನೆ ಮಾಡ್‌ವ ತಂತ್ರವುಳ್ಳ ಬೋದನೆಯಾನ, ನಾನಾತರ ಗಾಳಿರಗುಂಡ್ ಅಲ್ಲಾಡಿಯಂಡಿಪ್ಪ, ಅಲೆರನೆಕೆ ಅಪ್ಪರ ಇಪ್ಪರ ಪೋಯಂಡಿಪ್ಪಯಿಂಗಳಾಯಿತ್ ಇರತಿ.

2 ಪೇತ್ರ 2:2

ಈ ಕಳ್ಳ ಬೋದನೆಕಾರಡ ಕೆಟ್ಟ ನಡತೇಲ್ ದುಂಬ ಜನ ನಡ್‍ಪ, ಅನ್ನನೆ ಅಯಿಂಗಡಗುಂಡ್ ಸತ್ಯತ್‍ರ ಬಟ್ಟೇರ ಪೆದಕ್ ದೂಷಣೆ ಆಪ.

ಪ್ರಕಟನೆ 13:3

ಅದ್ಂಡ ಏಳ್ ಮಂಡೆಲ್ ಒರ್ ಮಂಡೆಕ್ ಗಾಯ ಆಯಿತ್ ಚಾವನೆಕೆ ಇಂಜತ್; ಆಚೇಂಗಿಯು, ಚಾವನೆಕೆ ಇಂಜ ಆ ಗಾಯ ವಾಸಿ ಆಚಿ. ಬೂಲೋಕತ್‍ಲ್ ಉಳ್ಳಯಿಂಗ ಎಲ್ಲಾರು ಈ ಮೃಗತ್‍ನ ಆಶ್ಚರ್ಯತ್‍ಲ್ ನೋಟ್‌ಚಿ.