ಅಪೊಸ್ತಲ 8:1 - ಕೊಡವ ಬೈಬಲ್

¹ ಸೌಲ ಸಹ ಸ್ತೆಫನನ ಕೊಲ್ಲ್‌ವಕ್ ಒತ್ತಂಡಿಂಜತ್. ಅದೇ ದಿವಸತ್ ಯೆರೂಸಲೇಮ್‍ಲ್ ಇಂಜ ಸಬೇಕ್ ಬಲ್ಯ ಹಿಂಸೆ ಸುರ್ ಆಚಿ. ಅಪೊಸ್ತಲಂಗ ಅಲ್ಲತೆ, ಬೋರೆ ಎಲ್ಲಾ ಶಿಷ್ಯಂಗಳು ಯೂದಾಯ ಪಿಂಞ ಸಮಾರ್ಯ ಪ್ರಾಂತ್ಯತ್‍ಲ್ ಚದ್‌ರಿ ಪೋಚಿ.

ಅಪೊಸ್ತಲ 8:1 ပူးပေါင်းရင်းမြစ်များ

ಮತ್ತಾಯ 22:6

ಇಂಞು ಚೆನ್ನ ಜನ ಈ ಆಳುವಳ ಪುಡಿಪಂಜಿ ಅಯಿಂಗಳ ಕೊಂದ್‍ರ್‌ತ್.

ಮತ್ತಾಯ 23:34

ಆನಗುಂಡ್ ನಾನ್ ಪ್ರವಾದಿಯಳ, ಜ್ಞಾನಿಯಳ ಪಿಂಞ ನ್ಯಾಯಪ್ರಮಾಣ ಗೊತ್ತುಳ್ಳ ಉಪಾದ್ಯಂಗಳ ನಿಂಗಡ ಪಕ್ಕ ಅಯಿಪಿ. ಅಯಿಂಗಡ ಕೂಟ್‌ಲ್ ಚೆನ್ನ ಜನಳ ನಿಂಗ ಕೊಲ್ಲ್‌ವಿರ, ಚೆನ್ನ ಜನಳ ಶಿಲುಬೇಕ್ ಇಡ್‌ವಿರ. ಚೆನ್ನ ಜನಳ ನಿಂಗಡ ಸಬಾಮಂದಿರತ್‍ಲ್ ಕೊರಡ್‍ಲ್ ಪೊಜ್ಜಿತ್ ನಾಡಿಂಜ ನಾಡ್‍ಕ್ ದೌತಿಯಂಡ್ ಪೋಪಿರ.

ಮತ್ತಾಯ 5:13

ನಿಂಗ ಈ ಲೋಕತ್‍ರ ಜನಕ್ ಉಪ್ಪಾಯಿತ್ ಉಳ್ಳಿರ. ಆಚೇಂಗಿ ಉಪ್ಪ್‌ರ ಸತ್ವ ಪೋಚೇಂಗಿ ಎಂತ ಫಲ? ಪುನಃ ನಿಂಗಕ್ ಉಪ್ಪ್‌ನ ಎನ್ನನೆ ಸತ್ವ ಮಾಡ್‌ವಕಯ್ಯು? ಅದ್‍ನ ಚಾಡಿತ್ ಚೌಟ್‍ವಕ್ ಅಲ್ಲತೆ ಬೋರೆ ಒರ್ ಕೆಲಸಕೂ ಅದ್ ಪ್ರಯೋಜನ ಆಪುಲೆ.

ಯೋಹಾನ 15:20

ಒರ್ ಎಜಮಾನಗಿಂಜ ಆಳ್ ಬಲ್ಯಂವೊನಾಯಿತ್‌ಪ್ಪುಲೇಂದ್ ನಾನ್ ನಿಂಗಕ್ ಎಣ್ಣ್‌ನ ತಕ್ಕ್‌ನ ನಿಂಗ ಗೇನ ಮಾಡಿಯೊಳಿ. ಅಯಿಂಗ ನಾಕ್ ಹಿಂಸೆ ತಂದಕ ನಿಂಗಕು ಹಿಂಸೆ ತಪ್ಪ; ಅಯಿಂಗ ನಾಡ ತಕ್ಕ್‌ರ ಪ್ರಕಾರ ನಡ್ಂದತೇಂಗಿ, ನಿಂಗಡ ತಕ್ಕ್‌ರ ಪ್ರಕಾರ ಸಹ ನಡ್‍ಪ.

ಯೋಹಾನ 16:2

ಅಯಿಂಗ ನಿಂಗಳ ಸಬಾಮಂದಿರತ್ಂಜ ಪೊರಂಬಡಿ ಬೆಪ್ಪ; ನಿಂಗಳ ಕೊಂದತೇಂಗಿ ಅಯಿಂಗ ದೇವಕ್ ಸೇವೆ ಮಾಡಿಯಂಡುಂಡ್‍ೕಂದ್ ಗೇನ ಮಾಡ್‌ವ ಸಮಯ ಬಪ್ಪ.

ಅಪೊಸ್ತಲ 1:8

ಆಚೇಂಗಿ ಪವಿತ್ರಾತ್ಮ ನಿಂಗಡ ಮೇಲೆ ಬಪ್ಪಕ, ನಿಂಗ ಶಕ್ತಿವಂತಯಂಗಳಾಯಿತ್ ಯೆರೂಸಲೇಮ್ ಪಟ್ಟಣತ್‍ಲ್, ಯೂದಾಯ ಪ್ರಾಂತ್ಯತ್‍ಲ್, ಸಮಾರ್ಯ ಜಾಗತ್‍ಲ್ ಪಿಂಞ ಬೂಮಿರ ಕಡೇಕತ್ತನೆ ನಾಕ್ ಸಾಕ್ಷಿಯಳಾಯಿತ್‌ಪ್ಪಿರ.

ಅಪೊಸ್ತಲ 13:1

ಅಂತಿಯೋಕ್ಯ ಪಟ್ಟಣತ್‍ರ ಸಬೇಲ್, ಚೆನ್ನ ಜನ ಪ್ರವಾದಿಯಂಗಳಾಯಿತು, ಚೆನ್ನ ಜನ ಬೋದನೆಕಾರಂಗಳಾಯಿತು ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ ಬಾರ್ನಬ, ನೀಗರ್‍ಂದ್ ಜನ ಕಾಕುವ ಸಿಮೆಯೋನ, ಕುರೇನ್ಯ ಊರ್‍ಕಾರನಾನ ಲೂಕ್ಯ, ಪಲಸ್ತೀನ ದೇಶತ್‍ಲ್ ಕಾಲ್ ಬಾಗಕ್ ಅದಿಪತಿಯಾಯಿತ್ಂಜ ಹೆರೋದ ಅಂತಿಪ ಎಣ್ಣ್‌ವಂವೊಂಡ ಕೂಡೆ ಬೊಳ್ಂದ ಮೆನಹೇನ ಪಿಂಞ ಸೌಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 13:36

ಈ ವಾಕ್ಯ ದಾವೀದಂಡ ವಿಷಯತ್‍ನ ಎಣ್ಣಿತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ, ದಾವೀದ ಅಂವೊ ಬದ್‍ಕ್‍ನ ಕಾಲತ್‍ಲ್ ತಾಂಡ ಜನಾಂಗಕ್ ದೇವಡ ಚಿತ್ತತ್‍ರನೆಕೆ ಸೇವೆ ಮಾಡ್‍ನ ಪಿಂಞ ಚತ್ತ್ ಪೋಚಿ. ಪಿಂಞ ಅಜ್ಜಂಗಡ ಕೂಡೆ ಅಂವೊಂಡ ತಡೀನ ಜನ ಪೂತತ್. ಅಂವೊಂಡ ತಡಿ ಕೀಂಜಿ ಪೋಚಿ.

ಅಪೊಸ್ತಲ 2:47

ದೇವನ ತುದಿಚಂಡ್, ಜನಡ ದಯೇನ ಪಡ್ಂದಯಿಂಗಳಾಯಿತ್‌ಂಜತ್. ರಕ್ಷಣೆ ಪಡ್ಂದಯಿಂಗಳ ದೇವ ದಿನಾಲು ಅಯಿಂಗಡ ಕೂಟ್‍ಕ್ ಕೂಟಿಯಂಡಿಂಜತ್.

ಅಪೊಸ್ತಲ 22:20

ಪಿಂಞ ನೀಡ ಸಾಕ್ಷಿಯಾನ ಸ್ತೆಫನಂಡ ಚೋರೆ ಚೆಲ್ಲ್‌ವಕ ನಾನು ಪಕ್ಕ ನಿಂದಿತ್, ಅಂವೊನ ಕೊಲ್ಲ್‌ವಕ್ ಒತ್ತಿತ್, ಅಂವೊನ ಕೊಂದಯಿಂಗಡ ಬಟ್ಟೇನ ಕಾತಂಡಿಂಜದ್‍ನೆಲ್ಲ ಈಂಗಕ್ ಗೊತ್ತುಂಡಲ್ಲಾಂದ್ ನಾನ್ ಕ್‍ೕಟ.

ಅಪೊಸ್ತಲ 26:10

ಅನ್ನನೆ ಯೆರೂಸಲೇಮ್‍ಲು ಮಾಡಿಯೆ. ಮುಕ್ಯ ಯಾಜಕಂಗಯಿಂಜ ಅದಿಕಾರತ್‍ನ ಪಡ್ಂದಿತ್, ಯೇಸುನ ನಂಬ್‍ನ ದುಂಬ ದೇವಡ ಮಕ್ಕಳ ಜೈಲ್‌ಕ್ ಇಟ್ಟಿತ್, ಅದಲ್ಲತೆ ಅಯಿಂಗಕ್ ಮರಣ ಶಿಕ್ಷೇರ ತೀರ್ಪ್ ಕ್‍ಟ್ಟ್‌ವಕ, ನಾಡ ಒತ್ತಾಸೆನೆ ಸಹ ಕೊಡ್‌ತಿಯೆ.

ಅಪೊಸ್ತಲ 5:18

ಅಯಿಂಗ ಅಪೊಸ್ತಲಂಗಳ ಪುಡ್‌ಚಿತ್ ಪಟ್ಟಣತ್‍ರ ಸೆರೆಮನೆಕ್ ಇಟ್ಟತ್.

ಅಪೊಸ್ತಲ 5:20

ಅಂವೊ ಅಯಿಂಗಳ ನೋಟಿತ್: ನಿಂಗ ಪೋಯಿತ್ ದೇವಾಲಯತ್‍ಲ್ ನಿಂದಿತ್, ಈ ಪುದಿಯ ಜೀವತ್‍ರ ಈ ಪೂರ್ತಿ ಸುದ್ದಿನ ಎಲ್ಲಾ ಜನಕ್ ಎಣ್ಣೀಂದ್ ಎಣ್ಣ್‌ಚಿ.

ಅಪೊಸ್ತಲ 5:33

ಈ ತಕ್ಕ್‌ನ ಅಯಿಂಗ ಕ್‍ೕಪಕ, ಅಯಿಂಗಕ್ ದುಂಬ ಚೆಡಿ ಬಂತ್, ಅಯಿಂಗಳ ಕೊಲೆ ಮಾಡ್‌ವಕ್ ತೀರ್ಮಾನ ಮಾಡ್‍ಚಿ.

ಅಪೊಸ್ತಲ 5:40

ಅಕ್ಕ, ಅಯಿಂಗ ಅಂವೊಂಡ ತಕ್ಕ್‌ಕ್ ಒತ್ತಿತ್, ಅಪೊಸ್ತಲಂಗಳ ಒಳ್‍ಕ್ ಕಾಕಿತ್, ಚಾಟಿಲ್ ಪೊಯ್ಯುವಂಜಿ, ಯೇಸುರ ಪೆದತ್‍ಲ್ ತಕ್ಕ್ ಪರಿಯುವಕ್ಕಾಗಾಂದ್ ಆಜ್ಞೆ ಕೊಡ್‌ತಿತ್ ಅಯಿಂಗಳ ಬುಟ್ಟತ್.

ಅಪೊಸ್ತಲ 7:38

ಸೀನಾಯಿ ಕುಂದ್‍ಲ್ ತಾಂಡಕೂಡೆ ತಕ್ಕ್ ಪರ್ಂದ ದೇವದೂತಂಡ ಕೂಡೆ, ಮಣಬೂಮಿಲ್ ನಂಗಡ ಮುತ್ತಜ್ಜಂಗಡ ಕೂಡೆ ಸಬೇಲ್ ಇಂಜಂವೊನು, ಜೀವತ್‍ರ ತಕ್ಕ್‌ನ ನಂಗಡ ಪಕ್ಕ ಕೊಡ್‍ಪಕ್ ಅದ್‍ನ ಪಡ್ಂದಂವೊನು ಇಂವೊನೇ.

ಅಪೊಸ್ತಲ 7:54

ಈ ತಕ್ಕ್‌ನೆಲ್ಲಾ ಅಯಿಂಗ ಕ್‍ೕಟದು, ಅಯಿಂಗಕೆಲ್ಲ ದುಂಬ ಚೆಡಿ ಬಂತ್ ಅಂವೊನ ನೋಟಿತ್ ಅಯಿಂಗಡ ಪಲ್ಲ್‌ನ ಕಡಿಚತ್.

ಅಪೊಸ್ತಲ 7:58

ಅಂವೊನ ಊರ್‌ರ ಪೊರಮೆ ಬಲ್‍ಚಂಡ್ ಪೋಯಿತ್, ಕಲ್ಲ್ ಕನ್‍ಚತ್. ಅಂವೊಂಗ್ ವಿರೋದವಾಯಿತ್ ಸಾಕ್ಷಿ ಎಣ್ಣ್‌ನಯಿಂಗ, ಅಯಿಂಗಡ ಪೊರಮೆ ಇಡ್‌ವ ಬಟ್ಟೇನೆ ಉತ್ತಿತ್, ಸೌಲ ಎಣ್ಣ್‌ವ ಒರ್ ಬಾಲೆಕಾರಂಡ ಕಾಲ್‍ರ ಪಕ್ಕ ಬೆಚ್ಚತ್.

ಅಪೊಸ್ತಲ 8:14

ಸಮಾರ್ಯತ್‍ರ ಜನ ದೇವಡ ವಾಕ್ಯತ್‍ನ ಸ್ವೀಕಾರ ಮಾಡ್‍ಚೀಂದ್ ಉಳ್ಳ ವಿಷಯತ್‍ನ, ಯೆರೂಸಲೇಮ್‍ಲ್ ಉಳ್ಳ ಅಪೊಸ್ತಲಂಗ ಕ್‍ೕಟಿತ್, ಪೇತ್ರ ಪಿಂಞ ಯೋಹಾನನ ಅಯಿಂಗಡ ಪಕ್ಕ ಅಯಿಚತ್.

ಅಪೊಸ್ತಲ 8:2

ಚೆನ್ನ ಬಕ್ತಿಯುಳ್ಳ ದೇವಡ ಮಕ್ಕ ಸ್ತೆಫನಂಡ ಚಾವ್ ತಡೀನ ಕೊಂಡ್ ಪೋಯಿತ್ ಪೂತ್ತತ್. ಅಂವೊಂಗಾಯಿತ್ ಅಯಿಂಗ ದುಂಬ ಮೊರಟಿತ್ ದುಃಖ ಪಟ್ಟತ್.

ಅಪೊಸ್ತಲ 8:4

ಚದ್‌ರಿ ಪೋನ ಚೆನ್ನ ಶಿಷ್ಯಂಗ, ಅಯಿಂಗ ಪೋನ ಎಲ್ಲಾ ಜಾಗತ್‍ಲ್ ಯೇಸುರ ಸುದ್ದಿನ ಬೋದನೆ ಮಾಡಿಯಂಡಿಂಜತ್.

ಅಪೊಸ್ತಲ 8:5

ಫಿಲಿಪ್ಪ ಎಣ್ಣ್‌ವಂವೊ, ಸಮಾರ್ಯ ಪ್ರಾಂತ್ಯತ್‍ರ ಒರ್ ಪಟ್ಟಣಕ್ ಪೋಯಿತ್ ಅಲ್ಲಿಯತ್‍ರ ಜನಕ್ ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತಂಡ ವಿಷಯತ್‍ನ ಬೋದನೆ ಮಾಡ್‍ಚಿ.

ಅಪೊಸ್ತಲ 9:31

ಇನ್ನನೆ ಇಪ್ಪಕ ಯೂದಾಯ ಗಲಿಲಾಯ ಸಮಾರ್ಯ ಪ್ರಾಂತ್ಯತ್‍ಲ್ ಉಳ್ಳ ಸೆಬೇಕೆಲ್ಲ ಸಮಾದಾನ ಕ್‍ಟ್ಟ್‌ಚಿ; ಅನ್ನನೆ ಅಯಿಂಗ ಒಡೆಯಂಡ ಬಕ್ತಿಲ್ ಪಿಂಞ ಪವಿತ್ರಾತ್ಮ ತಪ್ಪ ಪುರಡ್‍ಲ್ ಬದ್‍ಕಿಯಂಡ್, ಬೊಳ್ಂದಂಡ್ ಬಲಪಟ್ಟಂಡ್ ಇಂಜತ್.

ರೋಮ್ 1:32

ಇನ್ನನೆ ಮಾಡ್‌ವಯಿಂಗ ಮರಣಕ್ ಯೋಗ್ಯವಾನಯಿಂಗಾಂದ್ ದೇವಡ ನ್ಯಾಯತೀರ್ಪ್ ಅಯಿಂಗಕ್ ಗೊತ್ತುಂಡೇಂಗಿಯು, ಅಯಿಂಗ ಅದ್‍ನ ಮಾಡ್‍ವದಲ್ಲತೆ, ಇನ್ನನೆ ಕೆಟ್ಟ ಕೆಲಸ ಮಾಡ್‌ವಯಿಂಗಳ ಇಂಞು ಮಾಡ್‌ವಕ್ ಒತ್ತಾಸೆ ಕೊಡ್‍ಪಯಿಂಗಳಾಯಿತುಂಡ್.

ಫಿಲಿಪ್ಪಿ 1:12

ನಾಡ ಅಣ್ಣತಮ್ಮಣಂಗಳೇ, ನಾಕ್ ಆನ ಈ ಎಲ್ಲಾ ಕಷ್ಟನಷ್ಟವು, ದೇವಡ ನಲ್ಲ ಸುದ್ದಿ ಎಲ್ಲಾ ಜಾಗತ್‍ಲ್ ಪಬ್ಬ್‌ವಕ್ ಬಟ್ಟೆ ಮಾಡಿ ತಾತ್‍ೕಂದ್ ಉಳ್ಳ ವಿಷಯ ನಿಂಗಕ್ ಗೊತ್ತಾಂಡೂಂದ್ ನಾನ್ ಆಸೆ ಪಟ್ಟಂಡುಳ್ಳ.

ಇಬ್ರಿಯ 11:27

ನಂಬಿಕೇರ ಮೂಲಕ ಅಂವೊ, ಐಗುಪ್ತ ದೇಶತ್‍ನ ಬುಟ್ಟಿತ್ ಅಲ್ಲಿಯತ್‍ರ ರಾಜಂಡ ಚೆಡಿಕ್ ಬೊತ್ತತೆ ಪೊರಟಿತ್ ಪೋಚಿ. ಎನ್ನಂಗೆಣ್ಣ್‌ಚೇಂಗಿ, ದಾರೂ ಕಾಂಬಕಯ್ಯತ ದೇವನ ಅಂವೊ ನೋಟ್‌ನನೆಕೆ ತಾಳ್ಮೆಲ್ ಮಿಂಞಕ್ ಪೋಚಿ.