ಅಪೊಸ್ತಲ 7:9 - ಕೊಡವ ಬೈಬಲ್

⁹ ಆ ಗೋತ್ರತ್‍ರ ಮುತ್ತಜ್ಜಂಗ ಅಯಿಂಗಡ ಎಳಿಯ ತಮ್ಮಣನಾನ ಯೋಸೇಫಂಡ ಮೇಲೆ ಒಟ್ಟೆಕಿಚ್ಚ್ ಪಟ್ಟಿತ್, ಯೋಸೇಫನ ಐಗುಪ್ತ ದೇಶಕ್ ಅಡಿಮೆಯಾಯಿತ್ ಮಾರಿರ್‌ತ್. ಆಚೇಂಗಿ ದೇವ ಅಂವೊಂಡ ಕೂಡೆ ಇಂಜತ್.

ಅಪೊಸ್ತಲ 7:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 39:2

ಯೆಹೋವ ಯೋಸೇಫಂಡ ಕೂಡೆ ಇಂಜತ್. ಅಂವೊ ಕೈ ಬೆಪ್ಪ ಎಲ್ಲಾ ಕಾರ್ಯತ್‌ಲು ಅಬಿವೃದ್ದಿ ಪೊಂದ್‌ಚಿ. ಅಂವೊ ತಾಂಡ ಎಜಮಾನಂಡ ಮನೇಲ್‌ ವಾಸಮಾಡ್‌ಚಿ.

ಆದ್ಯತ್‌ರ ಪುಸ್ತಕ 39:5

ಯೋಸೇಫಂಡ ಕೈಕ್‌ ಎಲ್ಲಾನ ಒಪ್ಪ್‌ಚಿಟ್ಟಪಿಂಞ ಯೆಹೋವ ಯೇಸೇಫಂಡ ಮೂಲಕ ಪೋಟಿಫರಂಡ ಮನೆನ ಆಶೀರ್ವಾದ ಮಾಡ್‌ಚಿ. ಮನೇಲ್‌ ಪಿಂಞ ಪೊರ್ಮೆ ಉಳ್ಳದ್‌ಲ್‌ ಪೋಟಿಫರಂಗ್‌ ಕೂಡ್‌ನ ಎಲ್ಲಾಂಡ ಮೇಲೆ ಯೆಹೋವಂಡ ಆಶೀರ್ವಾದ ಇಂಜತ್.

ಆದ್ಯತ್‌ರ ಪುಸ್ತಕ 45:4

ಅಕ್ಕ ಯೋಸೇಫ ತಾಂಡ ಅಣ್ಣತಮ್ಮಣಂಗಳ ನೋಟಿತ್: ನಾಡ ಪಕ್ಕ ಬಾರೀಂದ್‌ ಅಯಿಂಗಳ ಕಾಕ್‌ವಕ ಅಯಿಂಗ ಪಕ್ಕ ಬಾತ್. ಅಕ್ಕ ಅಂವೊ: ನಿಂಗ ಐಗುಪ್ತ ದೇಶಕ್‌ ಪೋಪಯಿಂಗಡ ಪಕ್ಕ ಮಾರ್‌ನ ನಿಂಗಡ ತಮ್ಮಣ ಆನ ಯೋಸೇಫ ನಾನೇ.

ಮತ್ತಾಯ 27:18

ಎನ್ನಂಗೆಣ್ಣ್‌ಚೇಂಗಿ ಯೇಸುರ ಮೇಲೆ ಉಳ್ಳ ಒಟ್ಟೆಕಿಚ್ಚ್‌ಯಿಂಜಲೇ ಅಂವೊನ ಪುಡ್‍ಚಿ ಕೊಡ್‌ತತ್‍ೕಂದ್ ಪಿಲಾತಂಗ್ ಗೊತ್ತಾನಗುಂಡ್ ಇನ್ನನೆ ಕ್‍ೕಟತ್.

1 ಕೊರಿಂಥ 13:4

ಪ್ರೀತಿ ತಾಳ್ಮೆಯು ದಯೆಯು ಉಳ್ಳದ್; ಪ್ರೀತಿಕ್ ಒಟ್ಟೆಕಿಚ್ಚ್ ಇಲ್ಲೆ, ಪ್ರೀತಿ ಹೊಗ್‍ಳ್‍ಚಿಡುಲೆ, ಆಂಗಾರ ಪಡುಲೆ.