ಅಪೊಸ್ತಲ 7:60 - ಕೊಡವ ಬೈಬಲ್

⁶⁰ ಪಿಂಞ ಮೊಣಕಾಲ್ ಇಟ್ಟಿತ್, ಒಡೆಯನೇ, ಈ ಪಾಪತ್‍ರ ಅಪರಾದತ್‍ನ ಅಯಿಂಗಡ ಮೇಲೆ ಇಡತೇಂದ್ ಎಣ್ಣಿತ್ ಬಲ್ಯ ಸ್ವರತ್‍ಲ್ ಕೂತ್ ಕೊಡ್‌ತಿತ್ ಜೀವ ಬುಟ್ಟತ್.

ಅಪೊಸ್ತಲ 7:60 ပူးပေါင်းရင်းမြစ်များ

ಮತ್ತಾಯ 27:52

ಗೋರಿಯಂಗ ಸಹ ತೊರ್ಂದತ್. ಪಿಂಞ ಚತ್ತ್‌ಪೋನ ದುಂಬ ದೇವಡ ಮಕ್ಕ ಸಹ ಚಾವ್‍ಯಿಂಜ ಎದ್ದತ್.

ಮತ್ತಾಯ 5:44

ಆಚೇಂಗಿ ನಾನ್ ಇಕ್ಕ ಎಣ್ಣ್‌ವಿ, ನಿಂಗಡ ಶತ್ರುವಳ ಪ್ರೀತಿ ಮಾಡಿ, ನಿಂಗಳ ಹಿಂಸೆ ಮಾಡ್‌ವಯಿಂಗಕ್ ಪ್ರಾರ್ಥನೆ ಮಾಡಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:41

ಯೇಸು, ಒರ್ ಕಲ್ಲ್ ಎರಿವ ದೂರಕ್ ಅಪ್ಪರ ಪೋಯಿತ್, ಮೊಣಕಾಲ್ ಇಟ್ಟಿತ್:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:34

ಅಕ್ಕ ಯೇಸು: ಅಪ್ಪ, ಈಂಗಳ ಮನ್ನಿಚಿಡ್, ಈಂಗ ಎಂತ ಮಾಡಿಯಂಡುಂಡ್‍ೕಂದ್ ಅಯಿಂಗಕ್ ಗೊತ್ತ್‌ಲ್ಲೇಂದ್ ಎಣ್ಣ್‌ಚಿ. ಸಿಪಾಯಿಯಂಗ ಯೇಸುರ ಬಟ್ಟೇನ ಬಾಗ ಮಾಡಿತ್, ಚೀಟಿ ಇಟ್ಟಿತ್, ಬಟ್ಟೇನ ಎಡ್‍ತಂಡತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 6:28

ನಿಂಗಕ್ ಶಾಪ ಇಡ್‌ವಯಿಂಗಳ ಆಶೀರ್ವಾದ ಮಾಡಿ. ನಿಂಗಡ ಕೂಡೆ ದುಷ್ಟತನತ್‍ಲ್ ನಡ್‍ಪಯಿಂಗಕ್ ಪ್ರಾರ್ಥನೆ ಮಾಡಿ.

ಯೋಹಾನ 11:11

ಇನ್ನನೆ ಯೇಸು ಎಣ್ಣಿತಾನ ಪಿಂಞ, ಅಯಿಂಗಳ ನೋಟಿತ್: ನಂಗಡ ಸ್ನೇಹಿತ ಲಾಜರ ವರಿಯಂಡ್ ಉಂಡ್, ಆಚೇಂಗಿ, ನಾನ್ ಅಲ್ಲಿಕ್ ಪೋಯಿತ್ ಅಂವೊನ ಎಪ್ಪ್‌ಚಿಡ್‌ವೀಂದ್ ಎಣ್ಣ್‌ಚಿ.

ಅಪೊಸ್ತಲ 13:36

ಈ ವಾಕ್ಯ ದಾವೀದಂಡ ವಿಷಯತ್‍ನ ಎಣ್ಣಿತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ, ದಾವೀದ ಅಂವೊ ಬದ್‍ಕ್‍ನ ಕಾಲತ್‍ಲ್ ತಾಂಡ ಜನಾಂಗಕ್ ದೇವಡ ಚಿತ್ತತ್‍ರನೆಕೆ ಸೇವೆ ಮಾಡ್‍ನ ಪಿಂಞ ಚತ್ತ್ ಪೋಚಿ. ಪಿಂಞ ಅಜ್ಜಂಗಡ ಕೂಡೆ ಅಂವೊಂಡ ತಡೀನ ಜನ ಪೂತತ್. ಅಂವೊಂಡ ತಡಿ ಕೀಂಜಿ ಪೋಚಿ.

ಅಪೊಸ್ತಲ 20:36

ಇದ್‍ನೆಲ್ಲ ಎಣ್ಣ್‌ನ ಪಿಂಞ ಮೊಣಕಾಲ್ ಇಟ್ಟಿತ್ ಅಯಿಂಗೆಲ್ಲಾಡೆ ಕೂಡೆ ಪ್ರಾರ್ಥನೆ ಮಾಡ್‍ಚಿ.

ಅಪೊಸ್ತಲ 21:5

ಆಚೇಂಗಿ, ಹಡಗ್ ಅಲ್ಲಿಂಜ ಪೊರಡ್‌ವ ಸಮಯ ಬಪ್ಪಕ, ಅಯಿಂಗೆಲ್ಲಾರು ಪೊಣ್ಣ್ ಮಕ್ಕಡ ಕೂಡೆ ಪಟ್ಟಣತ್‍ರ ಕಡೇಕತ್ತನೆ ನಂಗಡ ಕೂಡೆ ಬಾತ್. ನಂಗ ಕಡಕರೆಲ್ ಮೊಣಕಾಲ್ ಇಟ್ಟಿತ್ ಪ್ರಾರ್ಥನೆ ಮಾಡ್‍ಚಿ.

ಅಪೊಸ್ತಲ 9:40

ಪೇತ್ರ ಅಯಿಂಗ ಎಲ್ಲಾರ್‌ನ ಆ ಕೋಂಬರೆಯಿಂಜ ಪೊರಮೆ ಅಯಿಚಿತ್, ಮೊಣಕಾಲ್ ಇಟ್ಟಿತ್ ಪ್ರಾರ್ಥನೆ ಮಾಡಿತ್, ಚಾವ್ ತಡೀರ ಪಕ್ಕ ತಿರಿತ್: ತಬಿಥಾ, ಏಳ್‍ೕಂದ್ ಎಣ್ಣ್‌ಚಿ; ಅಕ್ಕ ಅವ ಕಣ್ಣ್ ತೊರಂದಿತ್, ಪೇತ್ರನ ಕಂಡದು ಅವ ಎದ್ದಿತ್ ಅಳ್‌ತಂಡತ್.

1 ಕೊರಿಂಥ 11:30

ಅದ್ಂಗಾಯಿತ್ ನಿಂಗಡಲ್ಲಿ ದುಂಬ ಜನ ಬಲಹೀನವಾನಯಿಂಗಳು, ಕಾಯಿಲೆ ಉಳ್ಳಯಿಂಗಳು ಆಯಿತುಳ್ಳಿರ. ಚೆನ್ನ ಜನ ಚತ್ತ್ ಪೋಚಿ.

1 ಕೊರಿಂಥ 15:18

ಅಕ್ಕ ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತಯಿಂಗ ಸಹ ಪಾಳಾಯಿ ಪೋಪ.

1 ಕೊರಿಂಥ 15:20

ಆಚೇಂಗಿ, ಕ್ರಿಸ್ತ ಚಾವ್‍ಯಿಂಜ ಜೀವವಾಯಿತ್ ಎದ್ದತ್. ಒರ್ ಬೊಳೆರೆ ಆದ್ಯ ಪಣ್ಣ್‌ರನೆಕೆ, ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತ್ ಚತ್ತಯಿಂಗಕೆಲ್ಲಾ ಅಂವೊ ಆದ್ಯ ಪಣ್ಣಾಚಿ.

1 ಕೊರಿಂಥ 15:51

ನಿಂಗೆಲ್ಲಾರು ಇಲ್ಲಿ ಎಣ್ಣುವ ಸತ್ಯತ್‍ರ ಗುಟ್ಟ್‌ನ ಕ್‍ೕಳಿ; ನಂಗ ಎಲ್ಲಾರು ಚಾವುಲೆ, ಆಚೇಂಗಿಯು, ಕಡೆ ವಾಲಗತ್‍ರ ಸದ್ದ್ ಕ್‍ೕಪಕ, ಒರ್ ಗಳಿಗೆಲ್, ಕಣ್ಣ್‌ಮುಚ್ಚಿತ್ ತೊರ್‌ಪನೆಕೆ ನಂಗೆಲ್ಲಾರು ಬದ್‍ಲ್ ಆಯಿಪೋಪ.

1 ಕೊರಿಂಥ 15:6

ಅಲ್ಲಿಂಜ ಅಂಞ್ಞೂರ್ ಶಿಷ್ಯಂಗಕಿಂಜ ಜಾಸ್ತಿ ಜನಕ್ ಅಂವೊನ ಒಮ್ಮಕೆ ಕಾಂಬ್‍ಚಿಟ್ಟತ್; ಯೇಸುನ ಕಂಡ ಜನತ್‍ಲ್ ದುಂಬ ಜನ ಇಕ್ಕಲು ಬದ್‍ಕಿಯಂಡುಂಡ್, ಚೆನ್ನ ಜನ ಮಾತ್ರ ಚತ್ತ್ ಪೋಚಿ.

1 ಥೆಸಲೊನೀಕ 5:10

ಯೇಸು ನಂಗಕಾಯಿತ್ ಚತ್ತತ್. ಆನಗುಂಡ್, ಅಂವೊ ಬಪ್ಪಕ ನಂಗ ತಡೀಲ್ ಚತ್ತ್ ಪೋಯಿತ್ಂಜತೇಂಗಿಯು, ಬದ್‍ಕಿಯಂಡಿಂಜತೇಂಗಿಯು ಅಂವೊ ಎಕ್ಕಾಲು ಬದ್‍ಕ್‍ವನೆಕೆ, ನಂಗಳು ಅಂವೊಂಡ ಕೂಡೆ ಎಕ್ಕಾಲು ಬದ್‍ಕ್‌ವಕಾಪ.

2 ತಿಮೊಥೆಯ 4:16

ನಾನ್ ಆದ್ಯವಾಯಿತ್ ನ್ಯಾಯಕಾರಂಡ ಮಿಂಞ ನಿಪ್ಪಕ ದಾರೂ ನಾಕ್ ಸಹಾಯ ಮಾಡಿತ್ತ್‌ಲ್ಲೆ. ಎಲ್ಲಾರು ನನ್ನ ಕೈ ಬುಟ್ಟ್‌ರ್‌ತ್, ಇದ್ ಅಯಿಂಗಡ ಲೆಕ್ಕಕ್ ಇಲ್ಲತೆ ಇರಡ್.

2 ಪೇತ್ರ 3:4

ಒಡೆಯ ಪುನಃ ಬಪ್ಪಾಂದ್ ಎಣ್ಣಿಯಂಡುಳ್ಳ ವಾಗ್ದಾನ ಎಲ್ಲಿ? ನಂಗಡ ಅಜ್ಜಂಗ ಚತ್ತ್ ಪೋಚಿ, ಎಲ್ಲಾ ಸೃಷ್ಟಿ ಆನ ಕಾಲತ್ಂಜ ಅನ್ನನೆ ಉಂಡ್‍ೕಂದ್ ಎಣ್ಣುವ.