ಅಪೊಸ್ತಲ 7:53 - ಕೊಡವ ಬೈಬಲ್

⁵³ ದೇವದೂತನಗುಂಡ್ ನಿಂಗ ನ್ಯಾಯಪ್ರಮಾಣ ಪಡ್ಂದಯಿಂಗಳಾಯಿತ್ ಇಂಜತೇಂಗಿಯು, ಅದ್ಂಡ ಪ್ರಕಾರ ಮಾಡಿಯಂಡ್ ಇಲ್ಲೇಂದ್ ಸ್ತೆಫನ ಎಣ್ಣ್‌ಚಿ.

ಅಪೊಸ್ತಲ 7:53 ပူးပေါင်းရင်းမြစ်များ

ಯೋಹಾನ 7:19

ಮೋಶೆ ನಿಂಗಕ್ ನ್ಯಾಯಪ್ರಮಾಣತ್‍ನ ತಂದಿತ್‌ಲ್ಲೆಯಾ? ಆಚೇಂಗಿಯು, ದಾರೂ ಅಂವೊಂಡ ನ್ಯಾಯಪ್ರಮಾಣ ಎಣ್ಣುವನೆಕೆ ಮಾಡುಲೆ; ಪಿಂಞ, ನಿಂಗ ಎನ್ನಂಗಾಯಿತ್ ನನ್ನ ಕೊಲ್ಲ್‌ವಕ್ ಪೇಚಾಡ್‌ವಿರಾಂದ್ ಕ್‍ೕಟತ್.

ಅಪೊಸ್ತಲ 7:38

ಸೀನಾಯಿ ಕುಂದ್‍ಲ್ ತಾಂಡಕೂಡೆ ತಕ್ಕ್ ಪರ್ಂದ ದೇವದೂತಂಡ ಕೂಡೆ, ಮಣಬೂಮಿಲ್ ನಂಗಡ ಮುತ್ತಜ್ಜಂಗಡ ಕೂಡೆ ಸಬೇಲ್ ಇಂಜಂವೊನು, ಜೀವತ್‍ರ ತಕ್ಕ್‌ನ ನಂಗಡ ಪಕ್ಕ ಕೊಡ್‍ಪಕ್ ಅದ್‍ನ ಪಡ್ಂದಂವೊನು ಇಂವೊನೇ.

ಗಲಾತ್ಯ 3:19

ಅಕ್ಕ, ನ್ಯಾಯಪ್ರಮಾಣತ್‍ರ ಅರ್ಥ ಎಂತ? ಇದ್ ಜನಡ ಪಾಪತ್‍ನ ಕಾಟಿ ಕೊಡ್‍ಪಕಾಯಿತ್ ತಾತ್. ದಾಡ ವಿಷಯತ್ ವಾಗ್ದಾನ ಮಾಡ್‍ಚೋ ಆ ಮೋಂವೊ ಬಪ್ಪಕತ್ತನೆ ನ್ಯಾಯಪ್ರಮಾಣಕ್ ಶಕ್ತಿಯಿಂಜತ್. ದೇವದೂತಂಗ, ಮದ್ಯಸ್ತನಾನ ಮೋಶೇರ ಕೈಯಿಲ್ ನ್ಯಾಯಪ್ರಮಾಣತ್‍ನ ಕೊಡ್‍ತತ್, ಅಂವೊ ಅದ್‍ನ ಅಂವೊಂಡ ಸಂತಾನಕಾರಂಗಕ್ ಕೊಡ್‍ತತ್.

ಗಲಾತ್ಯ 6:13

ಸುನ್ನತಿ ಮಾಡಂಡೂಂದ್ ಎಣ್ಣುವ ಅಯಿಂಗ ಸಹ ನ್ಯಾಯಪ್ರಮಾಣ ಎಣ್ಣ್‌ವನೆಕೆ ಮಾಡುಲೆ; ಅಯಿಂಗ ಅನ್ನನೆ ಇಂಜತೇಂಗಿಯು, ನಿಂಗ ಸುನ್ನತಿ ಮಾಡಂಡೂಂದ್ ಅಯಿಂಗ ನಿಂಗಡ ವಿಷಯತ್‍ಲ್ ಆಸೆ ಪಡುವ. ಅಕ್ಕ ನಿಂಗ ಅಯಿಂಗಡ ಬೋದನೆಲ್ ನಡ್‌ಪಯಿಂಗಾಂದ್ ಕುಶೀಲ್ ಎಣ್ಣುವಕ್ ಅಯಿಂಗಕ್ ಕಯ್ಯು.

ಇಬ್ರಿಯ 2:2

ಎನ್ನಂಗೆಣ್ಣ್‌ಚೇಂಗಿ, ದೇವದೂತಂಗಡ ಮೂಲಕ ಎಣ್ಣ್‌ನ ವಾಕ್ಯಕ್ ವಿರೋದವಾಯಿತ್ ಮಾಡ್‌ವ ಏದ್ ಪಾಪಕು, ತಗ್ಗಿತ್ ನಡ್‍ಕತ ವಿಷಯಕು, ದೇವ ನೀತಿಯಾಯಿತುಳ್ಳ ಶಿಕ್ಷೆ ತಪ್ಪಾಂದ್ ಅಂವೊಂಡ ವಾಕ್ಯ ದೃಡವಾಯಿತ್ ಎಣ್ಣಿಯಂಡುಂಡ್.