ಅಪೊಸ್ತಲ 7:42 - ಕೊಡವ ಬೈಬಲ್

⁴² ಅಕ್ಕ ದೇವ ಅಯಿಂಗಳ ದೂರಮಾಡಿತ್ ಬಾನತ್‍ರ ಸೂರ್ಯ ಚಂದ್ರ ನಕ್ಷತ್ರತ್‍ನ ಆರಾದನೆ ಮಾಡ್‌ವಕ್ ಅಯಿಂಗಳ ಒಪ್ಪ್‌ಚಿಟ್ಟತ್. ಆ ವಿಷಯತ್ ಪ್ರವಾದಿಯಂಗಡ ಪುಸ್ತಕತ್‍ಲ್ ಇನ್ನನೆ ಒಳ್‍ದಿ ಬೆಚ್ಚಿತ್ ಉಂಡ್: ಓ ಇಸ್ರಾಯೇಲ್ ವಂಶತ್‍ರ ಜನಳೇ, ನಿಂಗ ಮಣಬೂಮಿಲ್ ಇಂಜ ನಾಪ್ಪದ್ ಕಾಲಕತ್ತನೆ, ಕಾಣಿಕೆಯು, ಬಲಿಯು ನಾಕ್ ಅರ್ಪಿಚಿಟ್ಟಿರಾಂದ್,

ಅಪೊಸ್ತಲ 7:42 ပူးပေါင်းရင်းမြစ်များ

ಯೋಹಾನ 6:45

ಪ್ರವಾದಿಯಡ ಪುಸ್ತಕತ್‍ಲ್ ಒಳ್‌ದ್‌ನನೆಕೆ, ಅಯಿಂಗೆಲ್ಲಾ ದೇವಡಗುಂಡ್ ಪಡಿಚಿತ್‌ಪ್ಪ. ಆನಗುಂಡ್, ಅಪ್ಪನಾನ ದೇವಡಯಿಂಜ ಪಡಿಚ ಪ್ರತಿ ಒಬ್ಬೊನು ನಾಡ ಪಕ್ಕ ಬಪ್ಪ.

ಅಪೊಸ್ತಲ 13:40

ಇನ್ನನೆ ಇಪ್ಪಕ, ಪ್ರವಾದಿಯಂಗಡ ಪುಸ್ತಕತ್‍ಲ್ ಎಣ್ಣಿತುಳ್ಳ ಒಂದು ನಿಂಗಡ ಮೇಲೆ ಬಕ್ಕತನೆಕೆ ನೋಟಿಯೊಳಿ. ಅದ್ ಎಂತ ಎಣ್ಣ್‌ಚೇಂಗಿ:

ಅಪೊಸ್ತಲ 7:36

ಇಂವೊನೇ ಅಯಿಂಗಳ ಐಗುಪ್ತ ದೇಶತ್ಂಜ ಪೊರಮೆ ಕಾಕಿಯಂಡ್ ಬಂದಂವೊ. ಇಂವೊ, ಐಗುಪ್ತ ದೇಶತ್‍ಲ್, ಚೋಂದ ಸಮುದ್ರತ್‍ರ ಪಕ್ಕ ಪಿಂಞ ನಾಪದ್ ಕಾಲವಾಯಿತ್ ಮಣಬೂಮಿಲ್ ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅಯಿಂಗಳ ನಡ್‍ತಿಯಂಡ್ ಬಾತ್.

ಇಬ್ರಿಯ 3:9

ಅಲ್ಲಿ ನಿಂಗಡ ಮುತ್ತಜ್ಜಂಗ ಮಣಬೂಮಿಲ್ ನನ್ನ ಸೋದನೆ ಮಾಡಿತ್, ನಾಡ ತಾಳ್ಮೆನ ಪರೀಕ್ಷೆ ಮಾಡಿತ್ ನಾಪದ್ ಕಾಲ ನಾಡ ಕ್ರಿಯೇನ ಕಂಡತ್.