ಅಪೊಸ್ತಲ 7:37 - ಕೊಡವ ಬೈಬಲ್

³⁷ ನಿಂಗಡ ದೇವನಾನ ಒಡೆಯ ನಿಂಗಡ ಮದ್ಯತ್ಂಜ ನಾಡನೆಕೆ ಒರ್ ಪ್ರವಾದಿನ ನಿಂಗಕಾಯಿತ್ ಕೊಂಡ್ ಬಪ್ಪಾಂದ್ ಇಸ್ರಾಯೇಲ್ ಜನಕ್ ಎಣ್ಣ್‌ನ ಮೋಶೆ ಇಂವೊನೇ.

ಅಪೊಸ್ತಲ 7:37 ပူးပေါင်းရင်းမြစ်များ

ಮತ್ತಾಯ 21:11

ಇಂವೊ ಗಲಿಲಾಯತ್‍ಲ್ ಉಳ್ಳ ನಜರೇತ್‍ರ ಪ್ರವಾದಿ ಯೇಸೂಂದ್ ಎಣ್ಣ್‌ಚಿ.

ಮಾರ್ಕ 9:7

ಅಕ್ಕಣೆಕ್ ಮೋಡ ಬಂತ್ ನೆಳ ಅಯಿಂಗಳ ಆವರಿಚಿಟ್ಟಿತ್: ಇಂವೊ ನಾಡ ಕೊದಿರ ಮೋಂವೊ, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್ ಒರ್ ವಾಣಿ ಬಾತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:35

ಅಕ್ಕ: ಇಂವೊ ನಾನ್ ಗೊತ್ತ್ ಮಾಡ್‍ನ ನಾಡ ಕೊದಿರ ಮೋಂವೊ, ಇಂವೊ ಎಣ್ಣುವಾನ ನಿಂಗ ಕ್‍ೕಳೀಂದ್ ಒರ್ ವಾಣಿ ಮೋಡತ್‍ರ ಒಳ್‌ಳಿಂಜ ತಕ್ಕ್ ಪರ್ಂದತ್.

ಯೋಹಾನ 18:37

ಅಕ್ಕ ಪಿಲಾತ: ಅಕ್ಕ ನೀನ್ ರಾಜನಾಂದ್ ಕ್‍ೕಟತ್. ನಾನ್ ರಾಜನೇಂದ್ ನೀನ್ ಸರಿಯಾಯಿತ್ ಎಣ್ಣಿಯ. ಸತ್ಯತ್‍ರ ವಿಷಯತ್‍ನ ಜನಕ್ ಸಾಕ್ಷಿ ಕೊಡ್‍ಪಕಾಯಿತ್ ನಾನ್ ಈ ಲೋಕತ್‍ಲ್ ಪುಟ್ಟಿಯೆ, ಅದ್ಂಗಾಯಿತೇ ಈ ಬೂಲೋಕಕ್ ಬಂದಿಯೆ, ಸತ್ಯತ್‍ನ ಕ್‍ೕಪಕ್ ಕುಶಿ ಉಳ್ಳಯಿಂಗ ನಾಡ ಬೋದನೆನ ಕ್‍ೕಪಾಂದ್ ಯೇಸು ಅಂವೊಂಗ್ ಎಣ್ಣ್‌ಚಿ.

ಅಪೊಸ್ತಲ 7:38

ಸೀನಾಯಿ ಕುಂದ್‍ಲ್ ತಾಂಡಕೂಡೆ ತಕ್ಕ್ ಪರ್ಂದ ದೇವದೂತಂಡ ಕೂಡೆ, ಮಣಬೂಮಿಲ್ ನಂಗಡ ಮುತ್ತಜ್ಜಂಗಡ ಕೂಡೆ ಸಬೇಲ್ ಇಂಜಂವೊನು, ಜೀವತ್‍ರ ತಕ್ಕ್‌ನ ನಂಗಡ ಪಕ್ಕ ಕೊಡ್‍ಪಕ್ ಅದ್‍ನ ಪಡ್ಂದಂವೊನು ಇಂವೊನೇ.