ಅಪೊಸ್ತಲ 7:36 - ಕೊಡವ ಬೈಬಲ್

³⁶ ಇಂವೊನೇ ಅಯಿಂಗಳ ಐಗುಪ್ತ ದೇಶತ್ಂಜ ಪೊರಮೆ ಕಾಕಿಯಂಡ್ ಬಂದಂವೊ. ಇಂವೊ, ಐಗುಪ್ತ ದೇಶತ್‍ಲ್, ಚೋಂದ ಸಮುದ್ರತ್‍ರ ಪಕ್ಕ ಪಿಂಞ ನಾಪದ್ ಕಾಲವಾಯಿತ್ ಮಣಬೂಮಿಲ್ ಆಶ್ಚರ್ಯ ಪಿಂಞ ಗುರ್‌ತ್ ಕಾರ್ಯತ್‍ನ ಮಾಡಿತ್ ಅಯಿಂಗಳ ನಡ್‍ತಿಯಂಡ್ ಬಾತ್.

ಅಪೊಸ್ತಲ 7:36 ပူးပေါင်းရင်းမြစ်များ

ಯೋಹಾನ 4:48

ಅಕ್ಕ ಯೇಸು: ನಿಂಗ ಗುರ್‌ತ್ ಪಿಂಞ ಆಶ್ಚರ್ಯ ಕಾರ್ಯತ್‍ನ ಕಾಂಗತೆ ಪೋಚೇಂಗಿ ನಿಂಗ ದಾರೂ ನನ್ನ ನಂಬುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 13:18

ಪಿಂಞ ಸುಮಾರ್ ನಾಪದ್ ಕಾಲಕತ್ತನೆ ಮಣಬೂಮಿಲ್ ಅಯಿಂಗಳ ನಡ್‍ತಿಯಂಡ್ ಅಯಿಂಗ ಮಾಡ್‍ನ ಎಲ್ಲಾನ ಸಯಿಸಿಯಂಡ್ ಇಂಜತ್.

ಅಪೊಸ್ತಲ 7:42

ಅಕ್ಕ ದೇವ ಅಯಿಂಗಳ ದೂರಮಾಡಿತ್ ಬಾನತ್‍ರ ಸೂರ್ಯ ಚಂದ್ರ ನಕ್ಷತ್ರತ್‍ನ ಆರಾದನೆ ಮಾಡ್‌ವಕ್ ಅಯಿಂಗಳ ಒಪ್ಪ್‌ಚಿಟ್ಟತ್. ಆ ವಿಷಯತ್ ಪ್ರವಾದಿಯಂಗಡ ಪುಸ್ತಕತ್‍ಲ್ ಇನ್ನನೆ ಒಳ್‍ದಿ ಬೆಚ್ಚಿತ್ ಉಂಡ್: ಓ ಇಸ್ರಾಯೇಲ್ ವಂಶತ್‍ರ ಜನಳೇ, ನಿಂಗ ಮಣಬೂಮಿಲ್ ಇಂಜ ನಾಪ್ಪದ್ ಕಾಲಕತ್ತನೆ, ಕಾಣಿಕೆಯು, ಬಲಿಯು ನಾಕ್ ಅರ್ಪಿಚಿಟ್ಟಿರಾಂದ್,

ಇಬ್ರಿಯ 3:8

ಮಣಬೂಮಿಲ್ ನಿಂಗಡ ಮುತ್ತಜ್ಜಂಗ ನಾಕ್ ಚೆಡಿ ಬಪ್ಪನೆಕೆ ಮಾಡಿತ್, ನನ್ನ ಪರೀಕ್ಷೆ ಮಾಡ್‍ನನೆಕೆ ನಿಂಗ ನಿಂಗಡ ಹೃದಯತ್‍ನ ಕಲ್ಲ್‌ರನೆಕೆ ಮಾಡತಿ.

ಇಬ್ರಿಯ 3:9

ಅಲ್ಲಿ ನಿಂಗಡ ಮುತ್ತಜ್ಜಂಗ ಮಣಬೂಮಿಲ್ ನನ್ನ ಸೋದನೆ ಮಾಡಿತ್, ನಾಡ ತಾಳ್ಮೆನ ಪರೀಕ್ಷೆ ಮಾಡಿತ್ ನಾಪದ್ ಕಾಲ ನಾಡ ಕ್ರಿಯೇನ ಕಂಡತ್.

ಇಬ್ರಿಯ 8:9

ಅಯಿಂಗಡ ಮುತ್ತಜ್ಜಂಗಳ ಐಗುಪ್ತ ದೇಶತ್ಂಜ ಕಾಕಿಯಂಡ್ ಬಪ್ಪಕಾಯಿತ್, ನಾನ್ ಅಯಿಂಗಡ ಕೈಯಿನ ಪುಡ್‌ಚಿತ್, ಅಯಿಂಗಡ ಪಕ್ಕ ಮಾಡ್‍ನ ಒಪ್ಪಂದತ್‍ರನೆಕೆ ಇದ್ ಇಪ್ಪುಲೆ; ಅಯಿಂಗಡ ಕೂಡೆ ಮಾಡ್‍ನ ಒಪ್ಪಂದತ್‍ಲ್, ಅಯಿಂಗಕ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಕಯಿಂಜಿತ್‌ಲ್ಲೆ ಅಲ್ಲ! ನಾನ್ ಸಹ ಅಯಿಂಗಳ ತ್‍ಕ್ಕಾರ ಮಾಡಿಯೇಂದ್ ಒಡೆಯ ಎಣ್ಣಿಯಂಡುಂಡ್.