ಅಪೊಸ್ತಲ 7:35 - ಕೊಡವ ಬೈಬಲ್

³⁵ ನಿನ್ನ ನಂಗಕ್ ಅದಿಕಾರಿಯಾಯಿತು, ನ್ಯಾಯಾದಿಪತಿಯಾಯಿತು ಮಾಡ್‍ನಂವೊ ದಾರ್‍ೕಂದ್ ಕ್‍ೕಟಿತ್, ನಂಗಕ್ ನೀನ್ ಬೋಂಡಾಂದ್ ದಾರ್ ಎಣ್ಣ್‌ಚೋ, ಅಯಿಂಗಕೇ ಈ ಮೋಶೇನ ಅಯಿಂಗಡ ಅದಿಪತಿಯಾಯಿತು, ಅಯಿಂಗಳ ಬುಡ್‍ಗಡೆ ಮಾಡ್‍ವಂವೊನಾಯಿತು, ಪೊದೆಲ್ ಪ್ರತ್ಯಕ್ಷ ಆನ ದೇವದೂತಂಡ ಮೂಲಕ ನೇಮಿಚಿಟ್ಟತ್.

ಅಪೊಸ್ತಲ 7:35 ပူးပေါင်းရင်းမြစ်များ

ಮಾರ್ಕ 12:26

ಇಂಞು ಅಂವೊ, ಚತ್ತ್ ಪೋನಯಿಂಗ ಏವ ವಿಷಯತ್‍ನ: ನಾನ್ ಅಬ್ರಹಾಮಂಡ ದೇವ, ಇಸಾಕಂಡ ದೇವ, ಯಾಕೋಬಂಡ ದೇವಾಂದ್ ಚುಡ್‌ವ ಪೊದರ್ ಎಣ್ಣುವ ಜಾಗತ್‍ಲ್ ಮೋಶೇರ ಗ್ರಂಥತ್‌ಲ್ ಅಂವೊಂಗ್ ಎಣ್ಣಿತುಳ್ಳದ್ ನಿಂಗ ಓದಿತ್ತ್‌ಲ್ಲೆಯಾ?

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:14

ಅಂವೊಂಡ ಪಟ್ಟಣತ್‍ಲ್ ಉಳ್ಳ ಜನಕೆಲ್ಲ ಅಂವೊಂಡ ಮೇಲೆ ವಿರೋದ ಇಂಜಗುಂಡ್: ಇಂವೊ ನಂಗಡ ರಾಜನಾಯಿತ್ ಇಪ್ಪಕ್ ನಂಗಕ್ ಕುಶಿಯಿಲ್ಲೇಂದ್ ಎಣ್ಣ್‌ವಕ್ ಅಂವೊಂಡ ಬಯ್ಯತ್ ದೂತಂಗಳ ಅಯಿಚತ್.

ಯೋಹಾನ 18:40

ಅದ್ಂಗ್ ಅಯಿಂಗೆಲ್ಲಾ: ಪುನಃ ಕೂತ್ ಕೊಡ್‌ತಂಡ್ ಇಂವೊನ ಅಲ್ಲ, ಬರಬ್ಬನ ಬುಡ್‍ೕಂದ್ ಎಣ್ಣ್‌ಚಿ. ಈ ಬರಬ್ಬ ಎಣ್ಣ್‌ವಂವೊ ಒರ್ ಬಲ್ಯ ಕಳ್ಳನಾಯಿತ್ಂಜತ್.

ಯೋಹಾನ 19:15

ಅಕ್ಕ ಜನ: ಇಂವೊನ ಕೊಂಡ್ ಪೋ, ಕೊಂಡ್ ಪೋ, ಇಂವೊನ ಶಿಲುಬೇಕ್ ಇಡೀಂದ್ ಜನಡ ಗುಂಪ್ ಕೂತ್ ಕೊಡ್‍ತತ್. ಅದ್ಂಗ್: ನಿಂಗಡ ರಾಜನ ನಾನ್ ಶಿಲುಬೇಕ್ ಇಡ್‌ವದಾಂದ್ ಪಿಲಾತ ಕ್‍ೕಟತ್. ಅಕ್ಕ, ಮುಕ್ಯ ಯಾಜಕಂಗ: ಕೈಸರ ಅಲ್ಲತೆ ನಂಗಕ್ ಬೋರೆ ರಾಜ ಇಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 2:36

ಆನಗುಂಡ್ ನಿಂಗ ಶಿಲುಬೇಕ್ ಇಟ್ಟ ಈ ಯೇಸುನ ದೇವ ಒಡೆಯನಾಯಿತು ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತನಾಯಿತು ಮಾಡಿತುಂಡ್‍ೕಂದ್ ಇಸ್ರಾಯೇಲ್ ಜನಕೆಲ್ಲ ಕಂಡಿತವಾಯಿತ್ ಗೊತ್ತಿರಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 3:22

ಮೋಶೆ ನಂಗಡ ಅಜ್ಜಂಗಳ ನೋಟಿತ್: ನಿಂಗಡ ಒಡೆಯನಾನ ದೇವ ನಿಂಗಡ ಮದ್ಯತ್ಂಜ ನಾಡನೆಕೆ ಒರ್ ಪ್ರವಾದಿನ ಕೊಂಡ್ ಬಪ್ಪ, ಅಂವೊ ಎಣ್ಣ್‌ವಾನೆಲ್ಲ ನಿಂಗ ಕ್‍ೕಕಂಡು,

ಅಪೊಸ್ತಲ 5:31

ಇಸ್ರಾಯೇಲ್‍ರ ಜನ ಪಶ್ಚಾತಾಪ ಪಡ್‍ವಕಾಯಿತ್ ಪಿಂಞ ಅಯಿಂಗಡ ಪಾಪಕ್ ಪರಿಹಾರತ್‍ನ ಕೊಡ್‍ಪಕಾಯಿತ್ ಅಂವೊನ ಅದಿಪತಿಯಾಯಿತು ರಕ್ಷಕನಾಯಿತು ತಾಂಡ ಬಲ್‌ತೆ ಕೈಯಿರಗುಂಡ್ ಕೊಡಿಕ್ ಕೊಂಡ್ ಪೋಚಿ.

ಅಪೊಸ್ತಲ 7:30

ನಾಪದ್ ಕಾಲ ಕಯಿಂಜ ಪಿಂಞ ಸೀನಾಯಿ ಕುಂದ್‌ರ ಪಕ್ಕ ಮಣಬೂಮಿಲ್, ಒರ್ ದೇವದೂತ, ಮೋಶೇಕ್ ಕತ್ತಿಯಂಡಿಪ್ಪ ಮುಳ್ಳ್‌ರ ಪೊದೆಲ್ ಅಂವೊನ ಕಾಂಬ್‌ಚಿಟ್ಟಂಡತ್.

ಅಪೊಸ್ತಲ 7:51

ಹಟಮಾರಿ ಜನಳೇ, ನಿಂಗಡ ಹೃದಯ ಎಚ್ಚಕ್ ಕಲ್ಲಾಯಿತಿಕ್ಕು! ದೇವಡ ತಕ್ಕ್‌ಕ್ ನಿಂಗ ಎಚ್ಚಕ್ ಕಿವ್‌ಡಂಗಳಾಯಿತ್ ಉಳ್ಳಿರ! ನಿಂಗಳು ನಿಂಗಡ ಅಜ್ಜಂಗಡನೆಕೆ ಪವಿತ್ರಾತ್ಮಂಗ್ ವಿರೋದವಾಯಿತ್ ಜಗಳ ಮಾಡಿಯಂಡುಳ್ಳಿರ.

ಕೊಲೊಸ್ಸೆ 1:15

ಅಂವೊ, ಕಾಂಬಕ್ ಕಯ್ಯತ ದೇವಡ ರೂಪವಾಯಿತು, ಎಲ್ಲಾ ಸೃಷ್ಟಿಕ್ ಆದ್ಯಂವೊನಾಯಿತು ಉಂಡ್.

ಇಬ್ರಿಯ 2:2

ಎನ್ನಂಗೆಣ್ಣ್‌ಚೇಂಗಿ, ದೇವದೂತಂಗಡ ಮೂಲಕ ಎಣ್ಣ್‌ನ ವಾಕ್ಯಕ್ ವಿರೋದವಾಯಿತ್ ಮಾಡ್‌ವ ಏದ್ ಪಾಪಕು, ತಗ್ಗಿತ್ ನಡ್‍ಕತ ವಿಷಯಕು, ದೇವ ನೀತಿಯಾಯಿತುಳ್ಳ ಶಿಕ್ಷೆ ತಪ್ಪಾಂದ್ ಅಂವೊಂಡ ವಾಕ್ಯ ದೃಡವಾಯಿತ್ ಎಣ್ಣಿಯಂಡುಂಡ್.

ಪ್ರಕಟನೆ 15:3

ಅಯಿಂಗ ದೇವಡ ಸೇವಕನಾನ ಮೋಶೇರ ಪಾಟ್ ಪಿಂಞ ಕೊರಿಕುಟ್ಟಿರ ಪಾಟ್‍ನ ಪಾಡಿಯಂಡ್ ಇಂಜತ್. ಸರ್ವ ಶಕ್ತಿವಂತ ದೇವಾದಿ ದೇವನೇ, ನೀಡ ಕ್ರಿಯೆ ಎಲ್ಲಾ ಮಹತ್ವ ದುಂಬ್‍ನದಾಯಿತು, ಆಶ್ಚರ್ಯವಾಯಿತು ಉಂಡ್. ಎಲ್ಲಾ ಜಾತಿಯಡ ರಾಜನೇ, ನೀಡ ಬಟ್ಟೆ ನೀತಿಯಾನದು ಸತ್ಯ ದುಂಬ್‍ನದಾಯಿತು ಉಂಡ್.