ಅಪೊಸ್ತಲ 7:25 - ಕೊಡವ ಬೈಬಲ್

²⁵ ತಾಂಡ ಮೂಲಕ ಇಸ್ರಾಯೇಲ್ ಜನಕ್ ರಕ್ಷಣೆ ಕ್‍ಟ್ಟ್‌ವಕಾಯಿತ್ ದೇವ ಅಂವೊನ ಅಯಿಚತ್‍ೕಂದ್ ಅಯಿಂಗಕ್ ಗೊತ್ತಾಪಾಂದ್ ಅಂವೊ ಗೇನ ಮಾಡ್‍ಚಿ. ಆಚೇಂಗಿ ಅಯಿಂಗಕ್ ಅದ್ ಗೊತ್ತಾಯಿತ್‌ಲ್ಲೆ.

ಅಪೊಸ್ತಲ 7:25 ပူးပေါင်းရင်းမြစ်များ

ಮಾರ್ಕ 9:32

ಶಿಷ್ಯಂಗಕ್ ಯೇಸು ಎಂತ ಎಣ್ಣಿಯಂಡುಂಡ್‍ೕಂದ್ ಅರ್ಥ ಆಯಿತಿಲ್ಲೆ. ಆಚೇಂಗಿಯು ಯೇಸುನ ಕ್‍ೕಪಕ್ ಶಿಷ್ಯಂಗಕ್ ಪೋಡಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 18:34

ಆಚೇಂಗಿ ಶಿಷ್ಯಂಗಕ್ ಯೇಸು ಎಂತ ಎಣ್ಣಿಯಂಡುಂಡ್‍ೕಂದ್ ಗೊತ್ತಾಯಿತ್‌ಲ್ಲೆ. ಅಯಿಂಗಕ್ ಎನ್ನಂಗ್ ಅರ್ಥ ಆಯಿತ್‌ಲ್ಲೇಂದ್ ಎಣ್ಣ್‌ಚೇಂಗಿ, ಈ ತಕ್ಕ್‌ರ ಅರ್ಥ ಅಯಿಂಗಕ್ ಮುಚ್ಚಿತ್ಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 9:45

ಶಿಷ್ಯಂಗಕ್ ಯೇಸು ಎಂತ ಎಣ್ಣಿಯಂಡುಂಡ್‍ೕಂದ್ ಗೊತ್ತಾಯಿತ್‌ಲ್ಲೆ; ಅದ್ ಅಯಿಂಗಕ್ ಒರು ಗುಟ್ಟಾಯುತ್ಂಜತ್, ಎಂತ ವಿಷಯ ಎಣ್ಣಿಯಾಂದ್ ಯೇಸುನ ಕ್‍ೕಪಕು ಅಯಿಂಗಕ್ ಪೋಡಿ ಆಚಿ.

ಅಪೊಸ್ತಲ 14:27

ಅಯಿಂಗ ಅಲ್ಲಿ ಎತ್ತ್‌ನ ಪಿಂಞ, ಅಲ್ಲಿಯತ್‍ರ ಸಬೇನ ಕೂಟಿತ್, ದೇವ ಅಯಿಂಗಡ ಮೂಲಕ ಮಾಡ್‍ನ ಎಲ್ಲಾನ ಪಿಂಞ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ನಂಬಿಕೇರ ಪಡಿನ ಅಂವೊ ಎನ್ನನೆ ತೊರಂದತ್‍ೕಂದ್ ವಿವರವಾಯಿತ್ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 15:4

ಅಯಿಂಗ ಯೆರೂಸಲೇಮ್‌ಕ್ ಬಂದ ಪಿಂಞ ಸಬೇಲ್ ಉಳ್ಳಯಿಂಗ, ಅಪೊಸ್ತಲಂಗ ಪಿಂಞ ಪೆರಿಯಯಿಂಗ ಅಯಿಂಗಳ ಸ್ವೀಕಾರ ಮಾಡ್‍ಚಿ. ಪಿಂಞ, ಈಂಗ ದೇವ ತಂಗಡ ಮೂಲಕ ಮಾಡ್‍ನ ಕಾರ್ಯತ್‍ನೆಲ್ಲಾ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 15:7

ದುಂಬ ತರ್ಕ ಆಪಕ, ಪೇತ್ರ ಎದ್ದಿತ್ ನಿಪ್ಪಂಜಿ ಅಯಿಂಗಳ ನೋಟಿತ್, ಅಣ್ಣತಮ್ಮಣಂಗಳೇ, ನಿಂಗಕ್ ಗೊತ್ತುಳ್ಳನೆಕೆ, ಯೆಹೂದ್ಯಂಗ ಅಲ್ಲತ ಬೋರೆ ಜನ, ನಾಡ ಬಾಯಿಂಜ ನಲ್ಲ ಸುದ್ದಿನ ಕ್‍ೕಟಿತ್ ನಂಬಂಡೂಂದ್, ದೇವ ದುಂಬ ದಿವಸಕ್ ಮಿಂಞಲೇ, ನಿಂಗಡಡೆಲ್ ಒಬ್ಬನಾನ ನನ್ನ ಗೊತ್ತ್ ಮಾಡ್‍ಚಿ.

ಅಪೊಸ್ತಲ 21:19

ಪೌಲ ಅಯಿಂಗಕೆಲ್ಲ ವಂದನೆ ಎಣ್ಣಿತ್, ತಾಂಡ ಸೇವೇನಗುಂಡ್ ದೇವ ಯೆಹೂದ್ಯಂಗಲ್ಲತ ಬೋರೆ ಜನಡ ಮದ್ಯತ್‍ಲ್ ಮಾಡ್‍ನ ಕಾರ್ಯತ್‍ನ ಒಂದೊಂದಾಯಿತ್ ವಿವರಿಚಿಟ್ಟತ್.

ಅಪೊಸ್ತಲ 7:24

ಅಕ್ಕ ಐಗುಪ್ತ ದೇಶಕ್ ಕೂಡ್‍ನ ಒಬ್ಬ ಇಸ್ರಾಯೇಲ್ ಕುಲಕ್ ಕೂಡ್‍ನ ಇಂಞೊಬ್ಬನ ಅನ್ಯಾಯವಾಯಿತ್ ನಡ್‍ತಿಯಂಡಿಪ್ಪದ್‍ನ ಮೋಶೆ ಕಾಂಬಕ, ಅಂವೊಂಗ್ ಸಹಾಯ ಮಾಡ್‌ವಕಾಯಿತ್, ಐಗುಪ್ತ ಮನುಷ್ಯನ ಕೊಂದಿತ್ ಇಸ್ರಾಯೇಲ್ ಮನುಷ್ಯಂಗ್ ನ್ಯಾಯ ಕೊಡ್‍ತತ್.

ಅಪೊಸ್ತಲ 7:26

ಪಿತ್ಯಾಂದ್ ದಂಡ್ ಇಸ್ರಾಯೇಲ್ ಮನುಷ್ಯಂಗ ಜಗಳ ಮಾಡಿಯಂಡಿಪ್ಪಾನ ಕಂಡಿತ್, ಅಯಿಂಗಳ ಸಮಾದಾನ ಮಾಡ್‌ವಕ್ ಗೇನ ಮಾಡ್‍ಚಿ. ಅಂವೊ: ಜನಳೇ, ನಿಂಗ ದಂಡಾಳು ಅಣ್ಣತಮ್ಮಣಂಗಳಾಯಿತುಳ್ಳಿರ, ಪಿಂಞ ಎನ್ನಂಗ್ ಇನ್ನನೆ ಜಗಳ ಮಾಡ್‌ವಿರಾಂದ್ ಕ್‍ೕಟತ್.

ರೋಮ್ 15:18

ಯೆಹೂದ್ಯಂಗ ಅಲ್ಲತಯಿಂಗಳ ನಾಡ ತಕ್ಕ್ ಪಿಂಞ ನಾಡಗುಂಡ್ ದೇವ ಮಾಡ್‍ನ ಕ್ರಿಯೆರ ಶಕ್ತಿರ ಮೂಲಕ ಅಂವೊಂಗ್ ತಗ್ಗಿತ್ ನಡ್‍ಪನೆಕೆ ಮಾಡಿತ್, ದೇವಡ ಆತ್ಮತ್‍ರ ಶಕ್ತಿರಗುಂಡ್ ಮಾಡ್‍ನ ಗುರ್‌ತ್ ಪಿಂಞ ಆಶ್ಚರ್ಯ ಕಾರ್ಯ ಅಲ್ಲತೆ ಬೋರೆ ಒರ್ ವಿಷಯತ್‍ನ ಎಣ್ಣ್‌ವಕ್ ನಾಕ್ ದೈರ್ಯ ಇಲ್ಲೆ.

1 ಕೊರಿಂಥ 15:10

ಆಚೇಂಗಿ ನಾನ್ ಇಕ್ಕ ಇಪ್ಪದ್ ದೇವ ನಾಡ ಮೇಲೆ ಕಾಟ್‍ನ ಕೃಪೆ ಮಾತ್ರ. ಅಂವೊ ನಾಡ ಮೇಲೆ ಕಾಟ್‍ನ ಕನಿಕರ ಪಾಳಾಯಿ ಪೋಯಿತ್ತ್‌ಲ್ಲೆ. ಅದ್ಂಡ ಬದ್‍ಲ್ ಅಯಿಂಗ ಎಲ್ಲಾಕಿಂಜ ನಾನ್ ದುಂಬ ಕೆಲಸ ಮಾಡಿಯೆ, ಆಚೇಂಗಿಯು ನನ್ನಗುಂಡ್ ಅನ್ನನೆ ಆಪಕಿಂಜಿಲೆ. ನಾಡ ಮೇಲೆ ಉಳ್ಳ ದೇವಡ ಕೃಪೇನಗುಂಡ್ ನಾನ್ ಅನ್ನನೆ ಮಾಡ್‍ವಕಾಚಿ.

1 ಕೊರಿಂಥ 3:9

ಎನ್ನಂಗೆಣ್ಣ್‌ಚೇಂಗಿ ನಂಗ ದಂಡಾಳು ದೇವಡ ಸೇವೇಲ್ ಪಾಲ್‍ದಾರಂಗಳಾಯಿತ್ ಉಂಡ್; ನಿಂಗ ದೇವಡ ಬೇಲ್ ಆಯಿತು, ದೇವಡ ಕಟ್ಟಡವಾಯಿತೂ ಉಳ್ಳಿರ.

2 ಕೊರಿಂಥ 6:1

ದೇವಡ ಕೃಪೇನ ನಿಂಗ ಸ್ವೀಕಾರ ಮಾಡ್‍ನ ಪಿಂಞ ಅದ್‍ನ ಪ್ರಯೋಜನ ಇಲ್ಲತನೆಕೆ ಮಾಡ್‌ವಕ್ಕಾಗಾಂದ್ ದೇವಡ ಕೂಡೆ ಸೇವೆ ಮಾಡ್‌ವಯಿಂಗಳಾನ ನಂಗ ನಿಂಗಕ್ ಬುದ್ದಿ ಎಣ್ಣುವ.

ಕೊಲೊಸ್ಸೆ 1:29

ಅದ್ಂಗಾಯಿತೇ, ನಾನ್ ನಾಡ ಒಳ್‍ಲ್ ಬಲ್ಯ ಶಕ್ತಿಲ್ ಕ್ರಿಯೆ ಮಾಡಿಯಂಡುಳ್ಳ ಅಂವೊಂಡ ಶಕ್ತಿಯಿಂಜ ಕ್ರಿಯೆ ಮಾಡಿತ್, ದುಂಬ ಪ್ರಯತ್ನ ಪಟ್ಟಂಡುಳ್ಳ.