ಅಪೊಸ್ತಲ 7:23 - ಕೊಡವ ಬೈಬಲ್

²³ ಮೋಶೇಕ್ ನಾಪದ್ ವಯಸ್ ಆಪಕ, ತಾಂಡ ಅಣ್ಣತಮ್ಮಣಂಗಳಾನ ಇಸ್ರಾಯೇಲ್ ಜನಳ ನೋಟಂಡೂಂದ್ ಅಂವೊಂಡ ಹೃದಯತ್‍ಲ್ ಗೇನ ಬಾತ್.

ಅಪೊಸ್ತಲ 7:23 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 21:1

ರಾಜಂಡ ಹೃದಯ ಯೆಹೋವಂಡ ಕೈಯಿಲ್‌ ತೋಡುರನೆಕೆ ಉಂಡ್. ಅದ್‌ನ ಅಂವೊಂಡ ಚಿತ್ತತ್‌ರನೆಕೆ ಏದ್‌ ಬರಿಕ್‌ ಬೋಂಡಿಯೇಂಗಿಯು ತಿರ್‌ಕುವ.

ಅಪೊಸ್ತಲ 15:36

ಚೆನ್ನ ದಿವಸ ಆನ ಪಿಂಞ ಪೌಲ, ಬಾರ್ನಬನ ನೋಟಿತ್: ನಂಗ ದೇವಡ ನಲ್ಲ ಸುದ್ದಿನ ಎಣ್ಣಿತುಳ್ಳ ಊರುಕೆಲ್ಲಾ ಪುನಃ ಪೋಯಿತ್ ಅಲ್ಲಿ ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚ ಅಣ್ಣತಮ್ಮಣಂಗ ಎನ್ನನೆ ಉಂಡ್‍ೕಂದ್ ನೋಟನ ಬಾಂದ್ ಎಣ್ಣ್‌ಚಿ.

ಅಪೊಸ್ತಲ 7:24

ಅಕ್ಕ ಐಗುಪ್ತ ದೇಶಕ್ ಕೂಡ್‍ನ ಒಬ್ಬ ಇಸ್ರಾಯೇಲ್ ಕುಲಕ್ ಕೂಡ್‍ನ ಇಂಞೊಬ್ಬನ ಅನ್ಯಾಯವಾಯಿತ್ ನಡ್‍ತಿಯಂಡಿಪ್ಪದ್‍ನ ಮೋಶೆ ಕಾಂಬಕ, ಅಂವೊಂಗ್ ಸಹಾಯ ಮಾಡ್‌ವಕಾಯಿತ್, ಐಗುಪ್ತ ಮನುಷ್ಯನ ಕೊಂದಿತ್ ಇಸ್ರಾಯೇಲ್ ಮನುಷ್ಯಂಗ್ ನ್ಯಾಯ ಕೊಡ್‍ತತ್.

2 ಕೊರಿಂಥ 8:16

ಆಚೇಂಗಿ, ನಿಂಗಕಾಯಿತ್ ತೀತಂಡ ಹೃದಯತ್‍ಲ್ ಈ ಪುರಡ್‍ನ ಉಂಟ್‍ಮಾಡ್‍ನ ದೇವಕ್ ವಂದನೆ.

ಯಾಕೋಬ 1:17

ಎಲ್ಲಾ ನಲ್ಲದು ಪಿಂಞ ಪೂರ್ತಿಯಾಯಿತುಳ್ಳ ಏದ್ ಇನಾಮು ಬಾನತ್‌ರ ಬೊಳಿನ ಸೃಷ್ಟಿ ಮಾಡ್‌ನ, ಪರಲೋಕತ್‌ಲ್‌ ಉಳ್ಳ ಅಪ್ಪನಾನ ದೇವಡಯಿಂಜ ಇಳಿಂಜಿ ಬಂದಂಡುಂಡ್. ನಳ ಅಪ್ಪರ ಇಪ್ಪರ ಪೋಪನೆಕೆ ಅಂವೊ ಬದ್‍ಲಾಪುಲೆ.

ಪ್ರಕಟನೆ 17:17

ದೇವ ತಾಂಡ ತಕ್ಕ್‌ನ ನೆರೆವೇರಿಚಿಡುವಕತ್ತನೆ, ಅಯಿಂಗಡ ಯೋಚನೆ ನೆರೆವೇರುವಕ್, ಒರೇ ಮನಸ್ಸ್ ಉಳ್ಳಯಿಂಗಳಾಯಿತ್, ಅಯಿಂಗಡ ರಾಜ್ಯತ್‍ನ ಮೃಗಕ್ ಕೊಡ್‍ಪಕಾಯಿತ್ ಅಯಿಂಗಡ ಹೃದಯತ್‍ನ ಒಂದ್ ಮಾಡ್‍ಚಿ.