ಅಪೊಸ್ತಲ 7:2 - ಕೊಡವ ಬೈಬಲ್

² ಅದ್ಂಗ್ ಸ್ತೆಫನ: ಅಣ್ಣತಮ್ಮಣಂಗಳೇ, ಪೆರಿಯಯಿಂಗಳೇ, ನಾನ್ ಎಣ್ಣ್‌ವಾನ ಕ್‍ೕಳಿ. ನಂಗಡ ಅಜ್ಜನಾನ ಅಬ್ರಹಾಮ ಖಾರಾನ ಎಣ್ಣ್‌ವ ಊರ್‌ಲ್ ಬಂದಿತ್ ವಾಸ ಮಾಡ್‌ವಕ್ ಮಿಂಞ, ಅಂವೊ ಮೆಸೊಪೊತಾಮ್ಯ ನಾಡ್‍ಲ್ ಇಪ್ಪಕಲೆ ಮಹಿಮೇರ ದೇವ ಅಂವೊಂಗ್ ಪ್ರತ್ಯಕ್ಷ ಆಚಿ.

ಅಪೊಸ್ತಲ 7:2 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 11:31

ತೆರಹ ತಾಂಡ ಮೊಂವೊ ಅಬ್ರಾಮನ, ತಾಂಡ ಕ್‌ರ್‌ಮೊಂವೊನಾನ ಹಾರಾನಂಡ ಮೊಂವೊನಾಯಿತ್‌ಂಜ ಲೋಟನ ಪಿಂಞ ಅಮ್ರಾಮಂಡ ಪೊಣ್ಣ್‌ ಸಾರಯಳ ಕೂಟಿಯಂಡ್‌ ಕಾನಾನ್‌ ದೇಶಕ್‌ ಪೋಂಡೂಂದ್‌ ಕಲ್ದೀಯರ್‌ಡ ಊರ್‌ ಎಣ್ಣುವ ಪಟ್ಟಣತ್‌ಂಜ ಪೊರ್‌ಟತ್. ಆಚೇಂಗಿ, ಅಯಿಂಗ ಹಾರಾನ್‌ ಪಟ್ಟಣಕ್‌ ಬಂದಿತ್‌ ಅಲ್ಲಿಯೇ ವಾಸಮಾಡ್‌ಚಿ.

ಆದ್ಯತ್‌ರ ಪುಸ್ತಕ 12:1

ಯೆಹೋವ ಅಬ್ರಾಮಂಗ್: ನೀನ್‌ ನೀಡ ಸ್ವಂತ ದೇಶತ್‌ನ, ಮನೆಕಾರಳ ಪಿಂಞ ನೀಡ ಅಪ್ಪಂಡ ಮನೆನ ಬುಟ್ಟಿತ್‌ ನಾನ್‌ ನೀಕ್‌ ಕಾಟಿತಪ್ಪ ದೇಶಕ್‌ ಪೋಪಿಯ.

ಆದ್ಯತ್‌ರ ಪುಸ್ತಕ 12:5

ಅಂವೊ ತಾಂಡ ಪೊಣ್ಣ್‌ ಸಾರಯ್, ತಮ್ಮಣನಂಡ ಮೋಂವೊನಾನ ಲೋಟನ ಪಿಂಞ ಹಾರಾನ್‌ಲ್‌ ಸಂಪಾದನೆ ಮಾಡಿತ್‌ಂಜ ಎಲ್ಲಾ ಸೊತ್ತ್‌ನ, ಪಣಿಕಾರಳ ಪಿಂಞ ಪಣಿಕಾರ್ತಿಯಳ ಕೂಟಿಯಂಡ್‌ ಕಾನಾನ್‌ ದೇಶಕ್‌ ಪೊರ್‌ಟ್ ಪೋಚಿ. ಅಯಿಂಗ ಕಾನಾನ್‌ ದೇಶಕ್‌ ಎತ್ತ್‌ಚಿ.

ಆದ್ಯತ್‌ರ ಪುಸ್ತಕ 15:7

ಇಂಞು ಅಂವೊ ಅಬ್ರಾಮಂಗ್: ಈ ದೇಶತ್‌ನ ನೀಕ್‌ ತಪ್ಪಕಾಯಿತ್, ನಿನ್ನ ಊರ್‌ ಎಣ್ಣುವ ಕಲ್ದೀಯರ ಪಟ್ಟಣತ್‌ಂಜ ಕಾಕಿಯಂಡ್‌ ಬಂದ ಯೆಹೋವ ನಾನೇಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 29:4

ಯಾಕೋಬ ಅಯಿಂಗಡ ಪಕ್ಕ ಪೋಯಿತ್: ಅಣ್ಣತಮ್ಮಣಂಗಳೇ, ನಿಂಗ ಏದ್‌ ಊರ್‌ಕಾರಂದ್‌ ಕ್‍ೕಟತ್. ಅದ್‌ಂಗ್‌ ಅಯಿಂಗ: ನಂಗ ಹಾರಾನ್‌ ಊರ್‌ಕಾರಂಗಾಂದ್‌ ಎಣ್ಣ್‌ಚಿ.

ಮತ್ತಾಯ 6:13

ನಂಗ ಸೋದನೆಕ್ ಒಳಪಡತನೆಕೆ ನಂಗಳ ಕೕಡ್‌ಂಜ ಕಾಪಾಡ್. ರಾಜ್ಯವು, ಅದಿಕಾರವು, ಮಹಿಮೆಯು ಎಕ್ಕಾಲು ನೀಡದೇ. ಆಮೆನ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:14

ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆಯು, ಬೂಲೋಕತ್‍ಲ್ ಶಾಂತಿಯು, ಮನುಷ್ಯಂಗಡ ಮೇಲೆ ಪ್ರೀತಿಯು ಇಕ್ಕಡ್‍ೕಂದ್ ದೇವನ ತುದಿಚಂಡ್ ಪಾಟ್ ಪಾಡ್‌ಚಿ.

ಯೋಹಾನ 1:14

ಈ ತಕ್ಕಾಯಿತ್‌ಂಜಂವೊ ಮನುಷ್ಯಂಡ ರೂಪತ್‌ಲ್ ಬಂದಿತ್, ಕೃಪೆಯಿಂಜಲು, ಸತ್ಯತ್ಂಜಲು ದುಂಬ್‍ನಂವೊನಾಯಿತ್ ನಂಗಡ ಮದ್ಯತ್‍ಲ್ ವಾಸ ಮಾಡಿಯಂಡ್ ಇಂಜತ್. ಅಪ್ಪನಾನ ದೇವಡ ಒರೇ ಮೋಂವೊಂಡ ಮಹಿಮೇಕ್ ತಕ್ಕಂತ ಮಹಿಮೇರೆನೆಕೆ ನಂಗ ಅಂವೊಂಡ ಮಹಿಮೆನ ಕಂಡತ್.

ಯೋಹಾನ 12:41

ಯೆಶಾಯ, ಯೇಸು ಎನ್ನನೆ ಇಪ್ಪಾಂದ್ ಪಿಂಞ ಅಂವೊಂಡ ಮಹಿಮೆನ ಗೊತ್ತಾನಗುಂಡ್ ಇನ್ನನೆ ಎಣ್ಣಿತ್ಂಜತ್.

ಅಪೊಸ್ತಲ 22:1

ಅಣ್ಣತಮ್ಮಣಂಗಳೇ, ಅಪ್ಪಂಗಳೇ, ಇಕ್ಕ ನಾನ್ ನಿಂಗಕ್ ನಾಕಾಯಿತ್ ಎಣ್ಣ್‌ವ ನ್ಯಾಯತ್‍ನ ಕ್‍ೕಳೀಂದ್ ಜೋರಾಯಿತ್ ಎಣ್ಣ್‌ಚಿ.

ಅಪೊಸ್ತಲ 23:7

ಇದ್‍ನ ಕ್‍ೕಪಕ, ಸದ್ದುಕಾಯಂಗಕು ಫರಿಸಾಯಂಗಕು ಜಗಳ ಪತ್ತ್‌ಚಿ; ಆಲೋಚನೆ ಸಬೆ ಈ ವಿಷಯತ್‍ಲ್ ದಂಡಾಯಿತ್ ನಿಂದತ್.

ಅಪೊಸ್ತಲ 7:1

ಅಕ್ಕ ಮಹಾ ಯಾಜಕ ಸ್ತೆಫನನ ನೋಟಿತ್: ಈ ವಿಷಯವೆಲ್ಲ ನೇರಾಂದ್ ಕ್‍ೕಟತ್.

1 ಕೊರಿಂಥ 2:8

ಆಚೇಂಗಿ ಈ ಲೋಕತ್‍ರ ರಾಜಂಗ ದಾರೂ ಇದ್‍ನ ಅರ್ಥ ಮಾಡಿಯಂಡಿತ್‌ಲ್ಲೆ. ಅನ್ನನೆ ಅರ್ಥ ಮಾಡಿತ್ಂಜತೇಂಗಿ, ಮಹಿಮೆಯುಳ್ಳ ಒಡೆಯನ ಅಯಿಂಗ ಶಿಲುಬೇಕ್ ಇಡ್‍ವಕಿಂಜಿಲೆ.

ಎಫೆಸ 1:17

ಯೇಸು ಕ್ರಿಸ್ತಂಡ ಒಡೆಯನು, ಮಹಿಮೇರ ಅಪ್ಪನು ಆಯಿತುಳ್ಳ ದೇವನ, ನಿಂಗ ಚಾಯಿತೆ ಗೊತ್ತಾಪಕುಳ್ಳ ಜ್ಞಾನತ್‍ನ ಪಿಂಞ ಪ್ರಕಟನೆನ ತಪ್ಪ ಪವಿತ್ರಾತ್ಮತ್‍ನ ನಿಂಗಕ್ ತರಂಡೂಂದ್ ಪ್ರಾರ್ಥನೆ ಮಾಡಿಯಂಡುಳ್ಳ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:13

ಅನ್ನನೆ ಇಪ್ಪಕ, ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಎಣ್ಣುವ ಬಲ್ಯ ದೇವಡ ಮಹಿಮೆಲ್ ಬಪ್ಪ ಆ ಕುಶೀರ ದಿನಕಾಯಿತ್, ನಂಗ ಬಾರಿ ಕುಶೀಲ್, ಮಹಿಮೇರ ನಿರಿಕ್ಷೇಲ್ ಪಾರಕಾತಂಡ್ ಉಂಡ್.

ಇಬ್ರಿಯ 1:3

ಇಂವೊ ದೇವಡ ಮಹಿಮೇರ ಬೊಳಿಯು, ಅಂವೊಂಡ ರೂಪತ್‍ರ ಪ್ರತಿಮೆಯುವಾಯಿತುಂಡ್. ಅದಲ್ಲತೆ, ಎಲ್ಲಾನ ಅಂವೊಂಡ ಶಕ್ತಿ ದುಂಬ್‍ನ ವಾಕ್ಯತ್‍ರಗುಂಡ್ ಪೊರ್‍ತಂಡ್ ಅಂವೊನಗುಂಡ್ ನಂಗಡ ಪಾಪತ್‍ನ ಕಳೆಯುವಕಾಯಿತ್ ಶುದ್ದ ಮಾಡ್‌ವ ಕ್ರಿಯೇನ ಮಾಡ್‍ಚಿ. ಪಿಂಞ ಪರಲೋಕತ್‍ಲ್ ಉಳ್ಳ ಮಹಿಮೆ ದುಂಬ್‍ನಂವೊಂಡ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 11:8

ನಂಬಿಕೇರ ಮೂಲಕ, ಅಬ್ರಹಾಮ ತಾಂಗ್ ಬಾದ್ಯತೆಯಾಯಿತ್ ಕ್‍ಟ್ಟ್‌ವಕುಳ್ಳ ಜಾಗಕ್ ಪೋಪಕ್ ದೇವ ಕಾಕ್‍ವಕ, ತಗ್ಗಿತ್, ತಾನ್ ಎಲ್ಲಿ ಪೋಯಂಡುಳ್ಳ್‌ಂದ್ ಗೊತ್ತಿಲ್ಲತೆ ಪೊರಟಿತ್ ಪೋಚಿ.

ಯಾಕೋಬ 2:1

ನಾಡ ಅಣ್ಣತಮ್ಮಣಂಗಳೇ, ಮಹಿಮೇರ ಒಡೆಯ ಯೇಸು ಕ್ರಿಸ್ತಂಡ ಮೇಲೆ ನಂಬಿಕೆ ಬೆಚ್ಚಿತುಳ್ಳ ನಿಂಗ, ಮನುಷ್ಯಂಗಡ ಪೊರಪಾಡ್‌ನ ನೋಟಿತ್ ಮರ್ಯಾದೆ ಮಾಡತಿ.

ಪ್ರಕಟನೆ 4:11

ನಂಗಡ ಒಡೆಯನಾನ ದೇವನೇ, ಮಹಿಮೆನ, ಗನತ್‍ನ, ಶಕ್ತಿನ ಪಡೆಯುವಕ್ ಯೋಗ್ಯನಾಯಿತುಳ್ಳಿಯ. ನೀನೇ ಎಲ್ಲಾನ ಸೃಷ್ಟಿ ಮಾಡಿಯ, ನೀಡ ಚಿತ್ತತ್‍ರನೆಕೆ ಎಲ್ಲಾ ಸೃಷ್ಟಿ ಆಯಿತ್ ನಿಂದಂಡುಂಡ್‍ೕಂದ್ ಎಣ್ಣ್‌ಚಿ.