ಅಪೊಸ್ತಲ 7:16 - ಕೊಡವ ಬೈಬಲ್

¹⁶ ಅಯಿಂಗಡ ಚಾವ್ ತಡೀನ ಶೇಕೆಮ ಎಣ್ಣುವ ಊರ್‌ಕ್ ಎಡ್‌ತ ಪೋಯಿತ್, ಅಬ್ರಹಾಮ ಹಮೋರನಂಡ ಮೋನಿಯಂಗಡಿಂಜ ಬೊಳ್ಳಿರ ದುಡ್ಡ್‌ಕ್ ಎಡ್‌ತ ಗೋರಿರ ಒಳ್‍ಲ್ ಬೆಚ್ಚತ್.

ಅಪೊಸ್ತಲ 7:16 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 23:16

ಅಕ್ಕ ಅಬ್ರಹಾಮ ಎಫ್ರೋನಂಡ ತಕ್ಕ್‌ಕ್‌ ಒಪ್ಪಿತ್, ಹಿತ್ತಿಯಂಡ ಮಿಂಞತ್‌ ಎಫ್ರೋನ ಎಣ್ಣ್‌ನನೆಕೆ, ವ್ಯಾಪರಿಯಂಗ ಎಚ್ಚಕ್‌ ಕ್ರಯಕ್‌ ಎಡ್‌ಪ, ಅಚ್ಚಕೇ ಕ್ರಯಕ್‌ ನಾನೂರ್‌ ಬೊಳ್ಳಿರ ನಾಣ್ಯತ್‌ನ ಅಂವೊಂಗ್‌ ತೂಕ್ಕಿತ್‌ ಕೊಡ್‌ತತ್.

ಆದ್ಯತ್‌ರ ಪುಸ್ತಕ 23:4

ನಾನ್‌ ಒರ್‌ ಪರದೇಶಿಯಾಯಿತ್‌ ಉಳ್ಳ, ಈ ನಾಡ್‌ಕಾರನು ಅಲ್ಲ. ಆನಗುಂಡ್‌ ಇಲ್ಲಿ ನಾಕಾಯಿತ್‌ ಒರ್‌ ಜಾಗವು ಇಲ್ಲೆ. ಆಂಗಾಯಿತ್‌ ನಾಡ ಪೊಣ್ಣ್‌ರ ಚಾವ್‌ ತಡಿನ ಪೂಪಕ್‌ ನಾಕ್‍ ಚೆನ್ನ ಜಾಗತ್‌ನ ಸ್ವಂತವಾಯಿತ್‌ ತಾರೀಂದ್‌ ಕ್‍ೕಟತ್.

ಆದ್ಯತ್‌ರ ಪುಸ್ತಕ 35:19

ಅನ್ನನೆ ರಾಹೇಲ ಚತ್ತ್‌ಪೋಚಿ. ಅವಳ ಬೇತ್‌ಲೆಹೇಮ್‌ ಎಣ್ಣುವ ಎಫ್ರಾತಂಗ್‌ ಪೋಪ ಬಟ್ಟೆಲ್‌ ಅವಳ ಪೂತತ್.

ಆದ್ಯತ್‌ರ ಪುಸ್ತಕ 47:30

ನಾನ್‌ ಚತ್ತ್‌ ಪೋನ ಪಿಂಞ ನಾಡ ಚಾವ್‌ ತಡಿನ ಐಗುಪ್ತ ದೇಶತ್‌ಂಜ ಎಡ್‌ತಂಡ್‌ ಪೋಯಿತ್, ನಾಡ ಮುತ್ತಜ್ಜಂಗಡ ಕೂಡೆ ನನ್ನ ಪೂಕಂಡೂಂದ್‌ ಎಣ್ಣ್‌ಚಿ. ಅಕ್ಕ ಯೋಸೇಫ: ನೀನ್‌ ಎಣ್ಣ್‌ನನೆಕೆ ನಾನ್‌ ಮಾಡ್‌ವೀಂದ್‌ ಎಣ್ಣ್‌ಚಿ.

ಆದ್ಯತ್‌ರ ಪುಸ್ತಕ 50:12

ಇನ್ನನೆ, ಯಾಕೋಬಂಡ ಕ್‌ಣ್ಣ ಮಕ್ಕ ಅಂವೊ ಎಣ್ಣ್‌ನನೆಕೆ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 50:13

ಅಂವೊಂಡ ಚಾವ್‌ ತಡಿನ ಕಾನಾನ್‌ ದೇಶಕ್‌ ಪೊರ್ತ ಪೋಯಿತ್, ಅಬ್ರಹಾಮ, ಮಮ್ರೆಕ್‌ ಕೀಕ್‌ ದಿಕ್‌ಲ್ ಉಳ್ಳ ಮಕ್ಪೇಲ ಎಣ್ಣುವ ಬಾಣೆಲ್‌ ತಾಂಗ್‌ ಸ್ವಂತ ತೂಟ್ಂಗಳ ಬೂಮಿಯಾಯಿತ್‌ ಹಿತ್ತಿಯನಾನ ಎಫ್ರೋನಯಿಂಜ ಕ್ರಯಕ್‌ ಎಡ್‌ತ ಬೂಮಿಲ್‌ ಉಳ್ಳ ಗುವೆಲ್‌ ಅಂವೊನ ಪೂತತ್.