ಅಪೊಸ್ತಲ 7:10 - ಕೊಡವ ಬೈಬಲ್

¹⁰ ಅಂವೊಂಗ್ ಬಂದ ಕಷ್ಟತ್ಂಜ ಬುಡ್‌ತಿತ್ ಐಗುಪ್ತ ದೇಶತ್‍ರ ರಾಜನಾನ ಫರೋಹನಂಡ ಮಿಂಞ ಅಂವೊಂಗ್ ನಲ್ಲರೆಕೆಯು ಜ್ಞಾನವು ಕೊಡ್‌ತಿತ್ ಆಶೀರ್ವಾದ ಮಾಡ್‍ಚಿ. ಫರೋಹನ ಅಂವೊನ ಐಗುಪ್ತ ದೇಶಕ್ ಪಿಂಞ ತಾಂಡ ಅರಮನೆಕ್ ಅದಿಕಾರಿಯಾಯಿತ್ ನೇಮಿಚಿಟ್ಟತ್.

ಅಪೊಸ್ತಲ 7:10 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 39:21

ಆಚೇಂಗಿ ಯೆಹೋವ ಯೋಸೇಫಂಡ ಕೂಡೆ ಇಂಜಂಡ್‌ ಪ್ರೋತಿಚ್ಚಿಟ್ಟಗುಂಡ್, ಅಂವೊಂಗ್‌ ಜೈಲ್‌ರ ಮುಖ್ಯಸ್ತಂಡ ಕಣ್ಣ್‌ಲ್‌ ದಯೆ ಕ್‌ಟ್ಟ್‌ವನೆಕೆ ಮಾಡ್‌ಚಿ.

ಆದ್ಯತ್‌ರ ಪುಸ್ತಕ 42:6

ಯೋಸೇಫ ಐಗುಪ್ತ ದೇಶಕ್‌ ಅದಿಪತಿಯಾಯಿತ್‌ಂಜತ್. ಅಂವೊನೇ ಆ ದೇಶತ್‌ರ ಜನಕ್‌ ಆಹಾರ ದಾನ್ಯತ್‌ನ ಮಾರಿಯಂಡಿಂಜತ್. ಯೋಸೇಫಂಡ ಅಣ್ಣತಮ್ಮಣಂಗ ಅಂವೊಂಡ ಪಕ್ಕ ಬಂತಿತ್, ಅಂವೊಂಡ ಮಿಂಞ ಅಡ್ಡ ಬುದ್ದತ್.

ಆದ್ಯತ್‌ರ ಪುಸ್ತಕ 44:18

ಅಕ್ಕ ಯೆಹೂದ ಅಂವೊಂಡ ಪಕ್ಕ ಬಂದಿತ್: ಸ್ವಾಮಿ, ನಾನ್‌ ನಿಂಗಡ ಕೂಡೆ ತಕ್ಕ್‌ ಪರಿಯುವಕ್‌ ನನ್ನ ಬುಡೀಂದ್‌ ಬೋಡುವಿ. ನಿಂಗಡ ಆಳ್‌ರ ಮೇಲೆ ಚೆಡಿ ಮಾಡತಿ. ನಿಂಗ ಫರೋಹನಂಗ ಸರಿಸಮವಾಯಿತ್‌ ಉಳ್ಳಿರ.

ಆದ್ಯತ್‌ರ ಪುಸ್ತಕ 48:16

ನನ್ನ ಎಲ್ಲಾ ಕ್‍ೕಡಿಂಜ ಕಾಪಾಡ್‌ನ ದೇವದೂತ ಈ ಕ್‌ಣ್ಣ ಮಕ್ಕಳ ಆಶೀರ್ವಾದ ಮಾಡಡ್. ಈ ದಂಡ್‌ ಕ್‌ಣ್ಣ ಮಕ್ಕ ನಾಡ ಪೆದತ್‌ನ, ನಾಡ ಅಜ್ಜ ಅಬ್ರಹಾಮ ಪಿಂಞ ನಾಡ ಅಪ್ಪ ಇಸಾಕಂಡ ಪೆದತ್‌ನ ಕಾಪಾಡಡ್. ಇಯಿಂಗಡ ಸಂತಾನ ಬೂಮಿರ ಮೇಲೆ ಬೊಳ್‌ಂದಿತ್‌ ಬಲ್ಯದಾಡ್‌ಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 16:7

ಒಬ್ಬಂಡ ನಡ್‌ತೆ ಯೆಹೋವ ಮೆಚ್ಚುವನೆಕೆ ಇಂಜತೇಂಗಿ, ಅಂವೊಂಡ ವಿರೋದಿಯಳ ಸಹ ಅಂವೊಂಡ ಕೂಡೆ ಸಮಾದಾನ ಆಪನೆಕೆ ಮಾಡುವ.

ಜ್ಞಾನತ್‌ರ ಪಡಿಮ 2:6

ಯೆಹೋವನೆ ಜ್ಞಾನ ತಪ್ಪಂವೊ. ಅಂವೊಂಡ ತಕ್ಕ್‌ಯಿಂಜ ಅರಿವು ಬುದ್ದಿಯು ಕ್‌ಟ್ಟ್‌ವ.

ಜ್ಞಾನತ್‌ರ ಪಡಿಮ 3:4

ಅಕ್ಕ ನೀಕ್‌ ದೇವಡ ಮಿಂಞತು ಮನುಷ್ಯಂಡ ಮಿಂಞತು ದಯೆ ಕ್‍ಟ್ಟಿತ್, ನೀನ್‌ ನಲ್ಲ ಪೆದತನ ಸಂಪಾದನೆ ಮಾಡ್‌ವಿಯ.

2 ತಿಮೊಥೆಯ 4:18

ಅಕ್ಕು, ದೇವ ನನ್ನ ಎಲ್ಲಾ ಸೈತಾನಂಡ ಕ್‍ೕಡಿಂಜ ಕಾಪಾಡಿತ್, ಅಂವೊಂಡ ಪಕ್ಕ ಪರಲೋಕ ರಾಜ್ಯಕ್ ಕೂಟಿಯೊವ. ನಿತ್ಯ ನಿತ್ಯಕೂ ಅಂವೊಂಗ್ ಮಹಿಮೆ ಕ್‍ಟ್ಟಡ್.

ಯಾಕೋಬ 5:11

ಕಷ್ಟತ್‍ಲ್ ತಾಳ್ಮೆಯಾಯಿತುಳ್ಳಯಿಂಗಳ ಆಶೀರ್ವಾದ ಪಡ್ಂದಯಿಂಗಾಂದ್ ನಂಗ ಎಣ್ಣ್‌ವಲ್ಲಾ? ಯೋಬ ಎಣ್ಣ್‌ವಂವೊಂಡ ತಾಳ್ಮೆನ ಕ್‍ೕಟಿತುಳ್ಳಿರಲ್ಲ? ಒಡೆಯಂಡ ಚಿತ್ತ ಎಂತ್‍ೕಂದ್ ಕಡೇಕ್ ಕಂಡಿತುಳ್ಳಿರಲ್ಲ? ಒಡೆಯ ದುಂಬ ದಯವಂತನು ಪಿಂಞ ಕರುಣೆ ಉಳ್ಳಂವೊ ಆಯಿತುಂಡ್.

ಪ್ರಕಟನೆ 7:14

ಅಕ್ಕ ನಾನ್: ಸ್ವಾಮೀ, ನೀಕೇ ಎಲ್ಲಾ ಗೊತ್ತುಂಡ್‍ೕಂದ್ ಎಣ್ಣಿಯೆ. ಅಕ್ಕ ಅಂವೊ: ಈಂಗ ಬಲ್ಯ ಹಿಂಸೆಯಿಂಜ ಬಂದಯಿಂಗ; ಈಂಗ ಅಯಿಂಗಡ ಬಟ್ಟೇನ ಕೊರಿಕುಟ್ಟಿರ ಚೋರೆಲ್ ನೆಲೆಚಿತ್ ಬೊಳ್‍ತದಾಯಿತ್ ಮಾಡ್‍ಚಿ.