ಅಪೊಸ್ತಲ 6:5 - ಕೊಡವ ಬೈಬಲ್

⁵ ಸಬೇಲ್ ಇಂಜಯಿಂಗಕೆಲ್ಲಾ ಈ ಆಲೋಚನೆ ಕುಶಿಯಾಚಿ. ಅಕ್ಕ ಅಯಿಂಗ, ಪವಿತ್ರಾತ್ಮತ್‍ಲ್ ಪಿಂಞ ನಂಬಿಕೇಲ್ ದುಂಬ್‌ನಯಿಂಗಳಾನ ಸ್ತೆಫನ, ಪಿಂಞ ಫಿಲಿಪ್ಪ, ಪ್ರೊಖೋರ, ನಿಕನೋರ, ತಿಮೋನ, ಪರ್ಮೇನ ಪಿಂಞ ಯೆಹೂದ್ಯಂಗಡ ನಂಬಿಕೇಕ್ ಕೂಡ್‍ನ ಅಂತಿಯೋಕ್ಯ ಪಟ್ಟಣತ್‍ರ ನಿಕೊಲಾಯ ಎಣ್ಣ್‌ವಯಿಂಗಳ ಗೊತ್ತ್ ಮಾಡಿತ್ ಅಪೊಸ್ತಲಂಗಡ ಮಿಂಞತ್ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 6:5 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 41:37

ಯೋಸೇಫ ಎಣ್ಣ್‌ನದ್‌ ಫರೋಹನಂಗು ಅಂವೊಂಡ ಅದಿಕಾರಿಯಂಗಕು ನಲ್ಲದಾಯಿತ್‌ ಕಂಡತ್.

ಜ್ಞಾನತ್‌ರ ಪಡಿಮ 15:1

ನಯನವಾನ ಜವಾಬ್ ಬಲ್ಯ ಚೆಡಿನ ಅಡಕುವ. ಆಚೇಂಗಿ ಒರಟಾನ ತಕ್ಕ್‌ ಚೆಡಿನ ಜಾಸ್ತಿ ಮಾಡುವ.

ಜ್ಞಾನತ್‌ರ ಪಡಿಮ 15:23

ಸೆರಿಯಾನ ಜವಾಬ್ ಒಬ್ಬಂಗ್‌ ಕುಶಿ ತಪ್ಪ. ಸೆರಿಯಾನ ನೇರತ್‌ ಎಣ್ಣ್‌ನ ಚೊಲ್‌ಲ್‌ ಎಚ್ಚಕ್‌ ನಲ್ಲದ್‌!

ಮತ್ತಾಯ 23:15

ಕಪಟಿಯಾನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳೇ, ಫರಿಸಾಯಂಗಳೇ ನಿಂಗಕ್ ಅಯ್ಯೋ! ಒಬ್ಬನ ನಿಂಗಡ ಕೂಟ್‍ಕ್ ಕೊಂಡ್ ಬಪ್ಪಕಾಯಿತ್, ಬೂಮಿನ ಸಮುದ್ರತ್‍ನ ಸುತ್ತಿತ್ ಬಪ್ಪಿರ. ಒಬ್ಬ ನಿಂಗಡ ಮಾರ್ಗಕ್ ಕೂಡ್‍ನ ಪಿಂಞ ಅಂವೊನ ನಿಂಗಕಿಂಜ ದಂಡ್ ಪಾಲ್ ನರಕತ್‍ಲ್ ಇಪ್ಪನೆಕೆ ಮಾಡ್‌ವಿರ.

ಅಪೊಸ್ತಲ 11:19

ಸ್ತೆಫನಂಡ ವಿಷಯತ್‍ಲ್ ಸುರು ಆನ ಹಿಂಸೆಯಿಂಜ ಚದ್‍ರಿಪೊನಯಿಂಗ, ಫೊಯಿನಿಕೆ, ಕುಪ್ರ ಪಿಂಞ ಅಂತಿಯೋಕ್ಯಕತ್ತನೆ ಪ್ರಯಾಣ ಮಾಡ್‍ಚಿ. ಆಚೇಂಗಿ ಅಯಿಂಗ ಯೆಹೂದ್ಯಂಗಕ್ ಮಾತ್ರ ದೇವಡ ಸುದ್ದಿನ ಪ್ರಸಂಗ ಮಾಡ್‍ಚಿ.

ಅಪೊಸ್ತಲ 11:20

ಆಚೇಂಗಿ, ಅಯಿಂಗಡಲ್ಲಿ ಕುಪ್ರ ಪಿಂಞ ಕುರೇನ್ಯತ್ಂಜ ಅಂತಿಯೋಕ್ಯ ಪಟ್ಟಣಕ್ ಪೋನ ಚೆನ್ನ ಜನ, ಯೆಹೂದ್ಯ ಅಲ್ಲತ ಜನಕ್ ಒಡೆಯನಾನ ಯೇಸುರ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಕ್ ಸುರು ಮಾಡ್‍ಚಿ.

ಅಪೊಸ್ತಲ 11:22

ಈ ವಿಷಯನೆಲ್ಲ ಯೆರೂಸಲೇಮ್ ಸಬೆರ ಜನ ಕ್‍ೕಪಕ, ಅಯಿಂಗ ಬಾರ್ನಬನ ಅಂತಿಯೋಕ್ಯಕ್ ಅಯಿಚತ್.

ಅಪೊಸ್ತಲ 11:24

ಬಾರ್ನಬ ದುಂಬ ನಲ್ಲಂವೊನಾಯಿತ್‌ಂಜತ್. ಅಂವೊ ಪವಿತ್ರಾತ್ಮತ್‍ಲ್ ದುಂಬ್‍ನಂವೊನು, ನಂಬಿಕೇಲ್ ದೃಡವುಳ್ಳಂವೊನಾಯಿತು ಇಂಜತ್. ಆನಗುಂಡ್ ದುಂಬ ಜನ ಒಡೆಯಂಡ ಪಕ್ಕ ಕೂಡ್‍ಚಿ.

ಅಪೊಸ್ತಲ 11:26

ಅಂವೊನ ಅಲ್ಲಿ ಕಂಡಿತ್ ಅಂತಿಯೋಕ್ಯಕ್ ಕಾಕಿಯಂಡ್ ಬಾತ್. ಅಲ್ಲಿ ಅಯಿಂಗ ಒರ್ ಕಾಲಕತ್ತನೆ ಸಬೆರ ಜನಡ ಕೂಡೆ ಇಂಜಿತ್, ದುಂಬ ಜನಡ ಗುಂಪ್‌ಕ್ ಬೋದನೆ ಮಾಡಿಯಂಡಿಂಜತ್. ಅಂತಿಯೋಕ್ಯ ಪಟ್ಟಣತ್‍ಲ್ಲೇ ಯೇಸುನ ನಂಬ್‍ನಯಿಂಗಕ್ ಕ್ರಿಸ್ತಂಗಾಂದ್ ಆದ್ಯತ್ ಪೆದ ಕ್‍ಟ್ಟ್‌ಚಿ.

ಅಪೊಸ್ತಲ 11:27

ಆ ಕಾಲತ್‍ಲ್ ಬಾರ್ನಬ ಪಿಂಞ ಸೌಲ ಅಂತಿಯೋಕ್ಯತ್‍ಲ್ ಇಪ್ಪಕ, ಚೆನ್ನ ಪ್ರವಾದಿಯಂಗ ಯೆರೂಸಲೇಮ್ಂಜ ಬಾತ್.

ಅಪೊಸ್ತಲ 13:1

ಅಂತಿಯೋಕ್ಯ ಪಟ್ಟಣತ್‍ರ ಸಬೇಲ್, ಚೆನ್ನ ಜನ ಪ್ರವಾದಿಯಂಗಳಾಯಿತು, ಚೆನ್ನ ಜನ ಬೋದನೆಕಾರಂಗಳಾಯಿತು ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ ಬಾರ್ನಬ, ನೀಗರ್‍ಂದ್ ಜನ ಕಾಕುವ ಸಿಮೆಯೋನ, ಕುರೇನ್ಯ ಊರ್‍ಕಾರನಾನ ಲೂಕ್ಯ, ಪಲಸ್ತೀನ ದೇಶತ್‍ಲ್ ಕಾಲ್ ಬಾಗಕ್ ಅದಿಪತಿಯಾಯಿತ್ಂಜ ಹೆರೋದ ಅಂತಿಪ ಎಣ್ಣ್‌ವಂವೊಂಡ ಕೂಡೆ ಬೊಳ್ಂದ ಮೆನಹೇನ ಪಿಂಞ ಸೌಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 15:22

ಅಕ್ಕ ಅಪೊಸ್ತಲಂಗ, ಸಬೆರ ಪೆರಿಯಯಿಂಗ ಪಿಂಞ ಸಬೇಲ್ ಉಳ್ಳಯಿಂಗ ತಂಗಡಲಿಂಜ ಚೆನ್ನ ಜನಳ ಗೊತ್ತ್ ಮಾಡಿಯಂಡ್ ಪೌಲ ಪಿಂಞ ಬಾರ್ನಬಂಡ ಕೂಡೆ ಅಂತಿಯೋಕ್ಯಕ್ ಅಯಿಪದ್ ನಲ್ಲದ್‍ೕಂದ್ ತೀರ್ಮಾನ ಮಾಡ್‍ಚಿ. ಅಯಿಂಗ ದಾರ್ ಎಣ್ಣ್‌ಚೇಂಗಿ: ಸಬೇಲ್ ಮುಕ್ಯಪಟ್ಟಯಿಂಗಳಾನ ಬಾರ್ಸಬ್ಬ ಎಣ್ಣುವ ಯೂದ ಪಿಂಞ ಸೀಲ ಎಣ್ಣ್‌ವಯಿಂಗಳೇ.

ಅಪೊಸ್ತಲ 2:4

ಅಕ್ಕ ಅಯಿಂಗೆಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ಆ ಆತ್ಮ ಒಬ್ಬೊಬ್ಬಂಗ್ ಶಕ್ತಿ ಕೊಡ್‍ತನೆಕೆ ಅಯಿಂಗಕ್ ಗೊತ್ತಿಲ್ಲತ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಅಪೊಸ್ತಲ 21:8

ಪಿತ್ಯಾಂದ್ ಅಲ್ಲಿಂಜ ಪೊರಟಿತ್, ಕೈಸರೈಯಕ್ ಬಂದಿತ್ ದೇವಡ ನಲ್ಲ ಸುದ್ದಿನ ಬೋದನೆ ಮಾಡ್‌ವ ಫಿಲಿಪ್ಪಂಡ ಮನೆಕ್ ಪೋಯಿತ್ ಅಂವೊಂಡ ಮನೆಲ್ ಇಂಜತ್. ಈ ಫಿಲಿಪ್ಪ, ಯೆರೂಸಲೇಮ್‍ಲ್ ಉಳ್ಳ ಸಬೇಲ್ ಕೂಳ್ ಪಾಲ್‌ಮಾಡ್‌ವಕಾಯಿತ್ ಅಪೊಸ್ತಲಂಗ ಗೊತ್ತ್ ಮಾಡ್‍ನ ಏಳ್ ಸೇವಕಂಗಡಲ್ಲಿ ಒಬ್ಬನಾಯಿತ್ಂಜತ್.

ಅಪೊಸ್ತಲ 22:20

ಪಿಂಞ ನೀಡ ಸಾಕ್ಷಿಯಾನ ಸ್ತೆಫನಂಡ ಚೋರೆ ಚೆಲ್ಲ್‌ವಕ ನಾನು ಪಕ್ಕ ನಿಂದಿತ್, ಅಂವೊನ ಕೊಲ್ಲ್‌ವಕ್ ಒತ್ತಿತ್, ಅಂವೊನ ಕೊಂದಯಿಂಗಡ ಬಟ್ಟೇನ ಕಾತಂಡಿಂಜದ್‍ನೆಲ್ಲ ಈಂಗಕ್ ಗೊತ್ತುಂಡಲ್ಲಾಂದ್ ನಾನ್ ಕ್‍ೕಟ.

ಅಪೊಸ್ತಲ 6:10

ಆಚೇಂಗಿ, ಸ್ತೆಫನ ಪವಿತ್ರಾತ್ಮತ್‍ರಗುಂಡ್ ಎಣ್ಣ್‌ನ ಜ್ಞಾನತ್‍ರ ತಕ್ಕ್‌ನ ಗೆಲ್ಲ್‌ವಕ್ ಅಯಿಂಗಕ್ ಕಯಿಂಜಿತ್ತ್‌ಲ್ಲೆ.

ಅಪೊಸ್ತಲ 6:3

ಆನಗುಂಡ್, ಅಣ್ಣತಮ್ಮಣಂಗಳೇ, ಇಕ್ಕ ನಿಂಗಡಲ್ಲಿ ಪವಿತ್ರಾತ್ಮತ್‍ಲ್ ಪಿಂಞ ಜ್ಞಾನತ್‍ಲ್ ದುಂಬ್‍ನ ನಲ್ಲರಿಕೆ ಪಡ್ಂದಿತುಳ್ಳ ಏಳ್ ಜನಳ ನಿಂಗ ಆಯ್ಕೆ ಮಾಡಿಯೊಳಿ, ಅಯಿಂಗಳ ಈ ಸೇವೆಕಾಯಿತ್ ನೇಮಿಚಿಡನ.

ಅಪೊಸ್ತಲ 6:8

ಇಕ್ಕ, ಸ್ತೆಫನ ದೇವಡ ಕೃಪೆಯು ಶಕ್ತಿಯು ದುಂಬ್‍ನಂವೊನಾಯಿತ್, ಜನಡ ಮದ್ಯತ್‍ಲ್ ಬಲ್ಯ ಬಲ್ಯ ಗುರ್‍ತ್‍ನ ಪಿಂಞ ಆಶ್ಚರ್ಯ ಕಾರ್ಯತ್‍ನ ಮಾಡಿಯಂಡಿಂಜತ್.

ಅಪೊಸ್ತಲ 7:1

ಅಕ್ಕ ಮಹಾ ಯಾಜಕ ಸ್ತೆಫನನ ನೋಟಿತ್: ಈ ವಿಷಯವೆಲ್ಲ ನೇರಾಂದ್ ಕ್‍ೕಟತ್.

ಪ್ರಕಟನೆ 2:15

ಅನ್ನನೆ ನಿಕೊಲಾಯಿ ಎಣ್ಣುವ ಗುಂಪ್‍ರ ಬೋದನೆರ ಪ್ರಕಾರ ನಡ್‍ಪಯಿಂಗಳು ನೀಡ ಕೂಡೆ ಉಂಡ್; ಅದ್‍ನ ನಾನ್ ವಿರೋದಿಚಿಡುವಿ.

ಪ್ರಕಟನೆ 2:6

ಆಚೇಂಗಿಯು, ನಾನ್ ದ್ವೇಶ ಮಾಡ್‌ವ ನಿಕೊಲಾಯಿ ಎಣ್ಣುವ ಗುಂಪ್‍ರ ಕ್ರಿಯೇನ ನೀನ್ ದ್ವೇಶ ಮಾಡಿಯಂಡುಂಡ್, ಅದ್ ನೀಡ ನಲ್ಲದಂಗಾಯಿ‍ತೇ, ಅದ್ ನೀಡಲ್ಲಿ ಉಂಡ್.