ಅಪೊಸ್ತಲ 6:3 - ಕೊಡವ ಬೈಬಲ್

³ ಆನಗುಂಡ್, ಅಣ್ಣತಮ್ಮಣಂಗಳೇ, ಇಕ್ಕ ನಿಂಗಡಲ್ಲಿ ಪವಿತ್ರಾತ್ಮತ್‍ಲ್ ಪಿಂಞ ಜ್ಞಾನತ್‍ಲ್ ದುಂಬ್‍ನ ನಲ್ಲರಿಕೆ ಪಡ್ಂದಿತುಳ್ಳ ಏಳ್ ಜನಳ ನಿಂಗ ಆಯ್ಕೆ ಮಾಡಿಯೊಳಿ, ಅಯಿಂಗಳ ಈ ಸೇವೆಕಾಯಿತ್ ನೇಮಿಚಿಡನ.

ಅಪೊಸ್ತಲ 6:3 ပူးပေါင်းရင်းမြစ်များ

ಮತ್ತಾಯ 23:8

ನಿಂಗಳ ದಾರೂ ಉಪಾದ್ಯನೇಂದ್ ಕಾಕ್‍ವಕ್ ಬುಡತಿ. ಕ್ರಿಸ್ತ ಒಬ್ಬನೇ ನಿಂಗಕ್ ಉಪಾದ್ಯನಾಯಿತುಂಡ್. ನಿಂಗ ಎಲ್ಲಾರು ಅಣ್ಣತಮ್ಮಣಂಗಳಾಯಿತುಳ್ಳಿರ.

ಯೋಹಾನ 21:23

ಯೇಸು ಇನ್ನನೆ ಎಣ್ಣ್‌ನ ವಿಷಯ ಎಲ್ಲಾರ್‌ಕು ಪಬ್ಬ್‌ವಕ, ಈ ಶಿಷ್ಯ ಚಾವ್‍ಲೇಂದ್ ಯೇಸುನ ನಂಬ್‍ನ ಜನ ಗೇನ ಮಾಡ್‍ಚಿ. ಆಚೇಂಗಿ, ಯೇಸು ಈ ಶಿಷ್ಯ ಚಾವ್‍ಲೇಂದ್ ಎಣ್ಣಿತ್‌ಲ್ಲೆ, ನಾನ್ ಬಪ್ಪಕತ್ತನೆ ಇಂವೊ ಬದ್‌ಕಿತ್ ಇಪ್ಪಕ್ ನಾಕ್ ಕುಶಿ ಉಂಡೇಂಗಿ, ನೀಕ್ ಎಂ‍ತಾಂದ್ ಮಾತ್ರ ಎಣ್ಣಿತ್ಂಜತ್.

ಅಪೊಸ್ತಲ 1:15

ಇನ್ನನೆ ಇಪ್ಪಕ, ಒರು ದಿವಸ, ಅಲ್ಲಿ ಕೂಡಿ ಬಂದಿತ್ಂಜ ನೂಯಿಟ ಇರ್‌ವದ್ ಶಿಷ್ಯಂಗಡ ಮದ್ಯತ್ ಪೇತ್ರ ಎದ್ದ್ ನಿಪ್ಪಂಜಿ, ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಅಪೊಸ್ತಲ 1:21

ಆನಗುಂಡ್, ದೀಕ್ಷಾಸ್ನಾನ ತಪ್ಪ ಯೋಹಾನಂಡ ಕಾಲತ್ಂಜ, ಒಡೆಯನಾನ ಯೇಸು ಪರಲೋಕಕ್ ಪೋನ ದಿವಸಕತ್ತನೆ,

ಅಪೊಸ್ತಲ 10:22

ಅದ್ಂಗ್ ಅಯಿಂಗ: ಕೊರ್ನೇಲ್ಯ ಎಣ್ಣಿತ್ ನೂರ್ ಸಿಪಾಯಿಯಂಗಕ್ ಅದಿಪತಿಯಾನ ಒಬ್ಬ ಉಂಡ್. ಅಂವೊ ನೀತಿವಂತವೊನು ದೇವಡ ಬಕ್ತಿ ಉಳ್ಳಂವೊನು ಯೆಹೂದ್ಯ ಜನಾಂಗಡಡೆಲ್ ನಲ್ಲರಿಕೆ ಪಡ್ಂದಂವೊನು ಆಯಿತುಂಡ್. ನಿನ್ನ ಅಂವೊಂಡ ಮನೆಕ್ ಕಾಕಿತ್, ನೀನ್ ಎಣ್ಣುವ ಬೋದನೆನ ಅಂವೊ ಕ್‍ೕಕಂಡೂಂದ್ ಒರ್ ದೇವದೂತಡಿಂಜ ಅಂವೊ ಅಪ್ಪಣೆ ಪಡ್ಂದತ್.

ಅಪೊಸ್ತಲ 15:23

ಅಯಿಂಗಡ ಕೈಯಿಲ್ ಕಾಗದ ಒಳ್‍ದಿತ್ ಕೊಡ್‍ತತ್. ಅದ್ ಎಂತ ಎಣ್ಣ್‌ಚೇಂಗಿ: ಕ್ರಿಸ್ತಂಡ ಮೂಲಕ ಅಣ್ಣತಮ್ಮಣಯಿಂಗಳಾತುಳ್ಳ ಅಪೊಸ್ತಲಂಗ ಪಿಂಞ ಸಬೆರ ಪೆರಿಯಯಿಂಗ, ಅಂತಿಯೋಕ್ಯ, ಸಿರಿಯ ಪಿಂಞ ಕಿಲಿಕ್ಯ ಸೀಮೆಲ್ ವಾಸ ಮಾಡ್‌ವ ಯೇಸುನ ನಂಬ್‍ನ ಯೆಹೂದ್ಯ ಅಲ್ಲತಯಿಂಗಕ್ ವಂದನೆ ಮಾಡಿತ್ ಒಳ್‍ದ್‍ವ ಕಾಗದ ಎಂತ ಎಣ್ಣ್‌ಚೇಂಗಿ:

ಅಪೊಸ್ತಲ 16:2

ಲುಸ್ತ್ರ ಪಿಂಞ ಇಕೋನ್ಯ ಪಟ್ಟಣತ್‍ರ ಯೇಸುನ ನಂಬ್‍ನ ಅಣ್ಣತಮ್ಮಣಂಗ ತಿಮೊಥೆಯಂಗ್ ನಲ್ಲ ಸಾಕ್ಷಿ ಕೊಡ್‌ತಿತ್ಂಜತ್.

ಅಪೊಸ್ತಲ 2:4

ಅಕ್ಕ ಅಯಿಂಗೆಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ಆ ಆತ್ಮ ಒಬ್ಬೊಬ್ಬಂಗ್ ಶಕ್ತಿ ಕೊಡ್‍ತನೆಕೆ ಅಯಿಂಗಕ್ ಗೊತ್ತಿಲ್ಲತ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವಕ್ ಸುರು ಮಾಡ್‍ಚಿ.

ಅಪೊಸ್ತಲ 22:12

ಅಲ್ಲಿ ನ್ಯಾಯಪ್ರಮಾಣತ್‍ರ ಪ್ರಕಾರ ದೇವಡ ಮೇಲೆ ಬಕ್ತಿಯುಳ್ಳಂವೊನು, ಆ ಜಾಗತ್‍ಲ್ ಎಲ್ಲಾ ಯೆಹೂದ್ಯಂಗಡಡೆ‍ಲ್ ಮರ್ಯಾದೆ ಪಡ್ಂದಂವೊನು ಆನ ಅನನೀಯ ಎಣ್ಣುವ ಒರ್ ಮನುಷ್ಯ ವಾಸ ಮಾಡಿಯಂಡಿಂಜತ್.

ಅಪೊಸ್ತಲ 28:14

ಅಲ್ಲಿ ಯೇಸುನ ನಂಬ್‍ನ ಚೆನ್ನ ಅಣ್ಣತಮ್ಮಣಂಗಳ ನಂಗ ಕಂಡಿಯೆ, ಅಯಿಂಗ ಒರ್ ವಾರ ಅಲ್ಲಿಯೇ ಇಪ್ಪಕ ಎಣ್ಣ್‌ಚಿ, ಅದಾನ ಪಿಂಞ ನಂಗ ರೋಮ್ ಪಟ್ಟಣಕ್ ಬಾತ್.

ಅಪೊಸ್ತಲ 6:2

ಅಕ್ಕ ಪನ್ನೆರಂಡ್ ಅಪೊಸ್ತಲಂಗ, ಯೇಸುನ ನಂಬ್‍ನಯಿಂಗಳೆಲ್ಲಾ ಕಾಕುವಂಜಿ, ನಂಗ ದೇವಡ ವಾಕ್ಯತ್‍ನ ಬೋದನೆ ಮಾಡ್‌ವಾನ ಬುಟ್ಟಿತ್, ತಿಂಬಕುಳ್ಳ ವಿಷಯತ್‍ನ ನೋಟಿಯಂಡ್ ಇಪ್ಪದ್ ನಲ್ಲದಿಲ್ಲೆ.

ಅಪೊಸ್ತಲ 6:5

ಸಬೇಲ್ ಇಂಜಯಿಂಗಕೆಲ್ಲಾ ಈ ಆಲೋಚನೆ ಕುಶಿಯಾಚಿ. ಅಕ್ಕ ಅಯಿಂಗ, ಪವಿತ್ರಾತ್ಮತ್‍ಲ್ ಪಿಂಞ ನಂಬಿಕೇಲ್ ದುಂಬ್‌ನಯಿಂಗಳಾನ ಸ್ತೆಫನ, ಪಿಂಞ ಫಿಲಿಪ್ಪ, ಪ್ರೊಖೋರ, ನಿಕನೋರ, ತಿಮೋನ, ಪರ್ಮೇನ ಪಿಂಞ ಯೆಹೂದ್ಯಂಗಡ ನಂಬಿಕೇಕ್ ಕೂಡ್‍ನ ಅಂತಿಯೋಕ್ಯ ಪಟ್ಟಣತ್‍ರ ನಿಕೊಲಾಯ ಎಣ್ಣ್‌ವಯಿಂಗಳ ಗೊತ್ತ್ ಮಾಡಿತ್ ಅಪೊಸ್ತಲಂಗಡ ಮಿಂಞತ್ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 6:6

ಅಕ್ಕ, ಅಪೊಸ್ತಲಂಗ, ಪ್ರಾರ್ಥನೆ ಮಾಡಿತ್ ಅಯಿಂಗಡ ಮೇಲೆ ಕೈ ಬೆಚ್ಚತ್.

ಅಪೊಸ್ತಲ 9:30

ಅಂವೊಂಡ ಕೂಡೆ ಇಂಜ ಯೇಸುನ ನಂಬ್‍ನ ಅಣ್ಣತಮ್ಮಣಂಗಕ್ ಇದ್ ಗೊತ್ತಾಪಕ ಅಯಿಂಗ ಅಂವೊನ ಕೈಸರೈಕ್ ಕಾಕಿಯಂಡ್ ಪೋಯಿತ್ ಅಲ್ಲಿಂಜ ಅಂವೊನ ಅಂವೊಂಡ ಸ್ವಂತ ಊರಾನ ತಾರ್ಸಕ್ ಅಯಿಚತ್.

1 ಕೊರಿಂಥ 12:8

ಎನ್ನನೆ ಎಣ್ಣ್‌ಚೇಂಗಿ, ಒಬ್ಬಂಗ್ ಪವಿತ್ರಾತ್ಮನಗುಂಡ್ ಜ್ಞಾನತ್‍ನ ಬೋದನೆ ಮಾಡ್‌ವ ವರ, ಬೋರೆ ಒಬ್ಬಂಗ್ ಅದೇ ಪವಿತ್ರಾತ್ಮನಗುಂಡ್ ಬುದ್ದಿ ಎಣ್ಣುವ ವರ,

1 ಕೊರಿಂಥ 16:3

ನಾನ್ ಬಪ್ಪಕ, ನಿಂಗ ಸಹಾಯ ಮಾಡ್‌ವಕಾಯಿತ್ ಕೂಟಿತ್ ಬೆಚ್ಚ ಪಣತ್‍ನ ಯೆರೂಸಲೇಮ್‌ಕ್ ಕೊಂಡ್ ಪೋಪಕ್ ದಾರ್‌ಕ್ ಯೋಗ್ಯತೆ ಉಂಡ್‍ೕಂದ್ ನಿಂಗ ಗೇನ ಮಾಡ್‍ವಿರೋ, ಅಯಿಂಗಡ ಪಕ್ಕ ಪಣತ್‍ನ ಕೊಡ್‌ತಿತ್, ಅಯಿಂಗಡ ಕೈಯಿಲ್ ಕಾಗದ ಕೊಡ್‌ತಿತ್ ನಾನ್ ಅಯಿಪಿ.

ಎಫೆಸ 5:18

ನಿಂಗಳ ಪಾಳ್ ಮಾಡ್‌ವ ಕಳ್ಳ್‌ನ ಕುಡಿಚಿತ್ ಕುಡ್‍ಕಂಗಳಾಯಿತ್ ಇರತಿ. ಅದ್ಂಡ ಬದ್‍ಲ್ ಪವಿತ್ರಾತ್ಮತ್‍ಲ್ ದುಂಬಿತ್,

1 ತಿಮೊಥೆಯ 5:10

ಮಕ್ಕಳ ಚಾಯಿತೆ ಚಾಕ್‍ನವ, ಮನೆಕ್ ಬಂದಯಿಂಗಳ ಚಾಯಿತೆ ಸತ್ಕಾರ ಮಾಡ್‍ನವ, ಯೇಸುನ ನಂಬ್‍ನಯಿಂಗಕ್ ಸೇವೆ ಮಾಡ್‍ನವ, ಕಷ್ಟತ್‍ಲ್ ಉಳ್ಳಯಿಂಗಕ್ ಸಹಾಯ ಮಾಡ್‍ನವ, ಎಲ್ಲಾ ನಲ್ಲ ಕೆಲಸತ್‍ನ ಎಚ್ಚರತ್‍ಲ್ ಮಾಡ್‍ನವ, ನಲ್ಲ ಕೆಲಸ ಮಾಡ್‍ನವ, ಈ ಎಲ್ಲಾಂಗು ನಲ್ಲ ಪೆದ ಎಡ್‍ತವಳಾಯಿತ್ ಉಳ್ಳವಳ ನೀನ್ ಈ ಕೂಟ್‍ಕ್ ಕೂಟಂಡು.

ಯಾಕೋಬ 1:17

ಎಲ್ಲಾ ನಲ್ಲದು ಪಿಂಞ ಪೂರ್ತಿಯಾಯಿತುಳ್ಳ ಏದ್ ಇನಾಮು ಬಾನತ್‌ರ ಬೊಳಿನ ಸೃಷ್ಟಿ ಮಾಡ್‌ನ, ಪರಲೋಕತ್‌ಲ್‌ ಉಳ್ಳ ಅಪ್ಪನಾನ ದೇವಡಯಿಂಜ ಇಳಿಂಜಿ ಬಂದಂಡುಂಡ್. ನಳ ಅಪ್ಪರ ಇಪ್ಪರ ಪೋಪನೆಕೆ ಅಂವೊ ಬದ್‍ಲಾಪುಲೆ.

3 ಯೋಹಾನ 1:12

ಎಲ್ಲಾಡಿಂಜ ದೇಮೇತ್ರಿಯಂಗ್ ನಲ್ಲ ಸಾಕ್ಷಿ ಉಂಡ್; ಸತ್ಯತ್‍ಲು ಅಂವೊಂಗ್ ನಲ್ಲ ಸಾಕ್ಷಿ ಉಂಡ್. ನಂಗ ಸಹ ಅಂವೊಂಡ ವಿಷಯತ್‍ಲ್ ಸಾಕ್ಷಿ ತಪ್ಪ, ನಂಗಡ ಸಾಕ್ಷಿ ಸತ್ಯಾಂದ್ ನಿಂಗಕ್ ಗೊತ್ತುಂಡ್.