ಅಪೊಸ್ತಲ 6:14 - ಕೊಡವ ಬೈಬಲ್

¹⁴ ನಜರೇತ್‍ರ ಯೇಸು ಈ ದೇವಾಲಯತ್‍ನ ಪೊಳಿಚಿತ್, ಮೋಶೆ ನಂಗಕ್ ನೇಮಿಚಿಟ್ಟ ಪದ್ದತಿನ ಬದ್‍ಲ್ ಮಾಡ್‌ವಾಂದ್ ಇಂವೊ ಎಣ್ಣ್‌ವಾನ ನಂಗ ಕ್‍ೕಟತ್‍ೕಂದ್ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 6:14 ပူးပေါင်းရင်းမြစ်များ

ಮತ್ತಾಯ 26:61

ಈ ದೇವಾಲಾಯತ್‌ನ ಪೊಳಿಪಕು, ಮೂಂದ್ ದಿವಸತ್‍ಲ್ ಇದ್‍ನ ಕೆಟ್ಟ್‌ವಕೂ ನಾಕ್ ಕಯ್ಯೂಂದ್ ಇಂವೊ ಎಣ್ಣ್‌ಚೀಂದ್ ಅಯಿಂಗ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:24

ಚೆನ್ನ ಜನಳ ಬಾಳ್‍ಕತ್ತಿಯಿಂಜ ಕೊಂದ್‌ರ್‌ವ. ಚೆನ್ನ ಜನಳ ಬೋರೆ ದೇಶಕ್ ಪುಡ್‍ಚಂಡ್ ಪೋಪ. ಯೆಹೂದ್ಯ ಅಲ್ಲತಯಿಂಗಡ ಕಾಲ ಕಡೆ ಅಪಕತ್ತೆನೆ, ಯೆರೂಸಲೇಮ್ ಅನ್ಯ ಜನತ್‍ರ ಅಳುವೆರಗುಂಡ್ ಪಾಳಾಯಿ ಪೋಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:6

ಆಚೇಂಗಿ ಯೇಸು ಅಯಿಂಗಕ್, ನಿಂಗ ಕಾಂಬ ಈ ದೇವಾಲಯತ್‍ಲ್, ಒರ್ ಕಲ್ಲ್‌ರ ಮೇಲೆ ಇಂಞೊರ್ ಕಲ್ಲ್ ಇಲ್ಲತನೆಕೆ ಇದ್‍ನೆಲ್ಲ ನಾಶ ಆಯಿಪೋಪ ಕಾಲ ಬಪ್ಪಾಂದ್ ಯೇಸು ಅಯಿಂಗಕ್ ವಿವರಿಚಿಟ್ಟತ್.

ಯೋಹಾನ 2:19

ಅದ್ಂಗ್ ಯೇಸು: ಈ ದೇವಾಲಯತ್‍ನ ನಿಂಗ ಪೊಳಿರಿ, ನಾನ್ ಇದ್‍ನ ಮೂಂದ್ ದಿವಸತ್‍ಲ್ ಎಪ್ಪ್‌ಚಿಡ್‌ವೀಂದ್ ಎಣ್ಣ್‌ಚಿ.

ಯೋಹಾನ 4:21

ಅಕ್ಕ ಯೇಸು: ಅವ್ವ, ನಾಡ ತಕ್ಕ್‌ನ ನೀನ್ ನಂಬ್. ನಿಂಗ ದೇವನ ಆರಾದನೆ ಮಾಡ್‌ವಕ್ ಈ ಕುಂದ್‌ಕ್ ಪೋಪದ್ ಬೋಂಡ, ಯೆರೂಸಲೇಮ್‌ಕ್ ಪೋಪದು ಬೋಂಡ. ಆಚೇಂಗಿ ಅಪ್ಪನಾನ ದೇವನ ಎಲ್ಲಾ ಜಾಗತ್‍ಲು ಆರಾದನೆ ಮಾಡ್‌ವ ಕಾಲ ಬಂದಂಡುಂಡ್.

ಅಪೊಸ್ತಲ 15:1

ಪೌಲ ಪಿಂಞ ಬಾರ್ನಬ ಅಂತಿಯೋಕ್ಯ ಪಟ್ಟಣತ್‍ಲ್ ಇಂಜ ಸಮಯತ್‍ಲ್, ಚೆನ್ನ ಯೆಹೂದ್ಯ ಜನ ಯೂದಾಯತ್ಂಜ ಅಂತಿಯೋಕ್ಯಕ್ ಬಂದಿತ್: ನಿಂಗ ನ್ಯಾಯಪ್ರಮಾಣತ್‍ಲ್ ಎಣ್ಣ್‌ನ ಪ್ರಕಾರ ಸುನ್ನತಿ ಮಾಡತೆ ಪೋಚೇಂಗಿ ನಿಂಗಕ್ ರಕ್ಷಣೆ ಕ್‍ಟ್ಟ್‌ಲೇಂದ್ ಅಲ್ಲಿಯತ್‍ರ ಯೇಸುನ ನಂಬ್‍ನ ಜನಕ್ ಉಪದೇಶ ಮಾಡಿಯಂಡ್ ಇಂಜತ್.

ಅಪೊಸ್ತಲ 21:21

ಯೆಹೂದ್ಯಂಗ ಅಲ್ಲತೆ ಬೋರೆ ಜನಾಂಗಡಡೆಲ್ ವಾಸ ಮಾಡಿಯಂಡುಳ್ಳ ಯೆಹೂದ್ಯಂಗೆಲ್ಲಾ ಅಯಿಂಗಡ ಮಕ್ಕಕ್ ಸುನ್ನತಿ ಮಾಡ್‌ವದು, ನಂಗಡ ಪದ್ದತಿರ ಪ್ರಕಾರ ನಡ್‍ಪದೂ ಬೋಂಡಾಂದ್ ನೀನ್ ಎಣ್ಣಿತ್, ನ್ಯಾಯಪ್ರಮಾಣತ್‍ನ ಬುಟ್ಟಿತ್ ಪೋಯೀಂದ್ ನೀನ್ ಬೋದನೆ ಮಾಡಿಯಂಡುಳ್ಳದ್‍ನ ಅಯಿಂಗ ಅರಿಂಜಿ ಬಂದಿತುಂಡ್.

ಅಪೊಸ್ತಲ 25:8

ಪೌಲ ಅಯಿಂಗಕ್: ಯೆಹೂದ್ಯಂಗಡ ನ್ಯಾಯಪ್ರಮಾಣಕ್ ಆಡ್, ದೇವಾಲಯತ್‍ರ ವಿಷಯತ್‍ಲಾಡ್, ಕೈಸರಂಡ ವಿಷಯತ್‍ಲಾಡ್ ನಾನ್ ಏದ್ ತಪ್ಪು ಮಾಡಿತ್‌ಲ್ಲೇಂದ್ ಅಂವೊಂಗಾಯಿತ್ ವಾದ ಮಾಡ್‍ಚಿ.

ಅಪೊಸ್ತಲ 26:3

ಮುಕ್ಯವಾಯಿತ್ ಯೆಹೂದ್ಯಂಗಡ ಎಲ್ಲಾ ಪದ್ದತಿರ ಆಚಾರ ವಿಚಾರ ಪಿಂಞ ತಕ್‌ರಾರ್‍ನ ನಿಂಗಕ್ ಚಾಯಿತೆ ಗೊತ್ತುಳ್ಳಗುಂಡ್ ನಾನ್ ಅನ್ನನೆ ಗೇನ ಮಾಡ್‌ವಿ. ಆನಗುಂಡ್ ನಾನ್ ಎಣ್ಣ್‌ವಾನೆಲ್ಲ ತಾಳ್ಮೆಯಿಂಜ ಕ್‍ೕಕಂಡೂಂದ್ ಬೋಡ್‍ವಿ.

ಅಪೊಸ್ತಲ 28:17

ಮೂಂದ್ ದಿವಸ ಕಯಿಂಜ ಪಿಂಞ, ಪೌಲ ಯೆಹೂದ್ಯ ಜನಡಡೆಲ್ ಮುಕ್ಯಪಟ್ಟಯಿಂಗಳ ತಾಂಡ ಪಕ್ಕ ಕಾಕ್‌ಚಿಟ್ಟತ್. ಅಯಿಂಗೆಲ್ಲಾರು ಸಬೇಕೂಡ್‌ನ ಪಿಂಞ, ಅಂವೊ ಅಯಿಂಗಳ ನೋಟಿತ್: ನಾಡ ಅಣ್ಣತಮ್ಮಣಂಗಳೇ, ನಾನ್ ನಂಗಡ ಜನಕ್, ನಂಗಡ ಅಜ್ಜಂಗಡ ಆಚಾರಕ್ ವಿರೋದವಾಯಿತ್ ಒಂದು ಮಾಡತೆ ಪೋಚೇಂಗಿಯು, ಯೆರೂಸಲೇಮ್‍ಲ್ ರೋಮ್ ರಾಜ್ಯತ್‍ರ ಜನಡ ಕೈಕ್ ಕೈದಿಯಾಯಿತ್ ನನ್ನ ಒಪ್ಪ್‌ಚಿಟ್ಟತ್.

ಗಲಾತ್ಯ 3:19

ಅಕ್ಕ, ನ್ಯಾಯಪ್ರಮಾಣತ್‍ರ ಅರ್ಥ ಎಂತ? ಇದ್ ಜನಡ ಪಾಪತ್‍ನ ಕಾಟಿ ಕೊಡ್‍ಪಕಾಯಿತ್ ತಾತ್. ದಾಡ ವಿಷಯತ್ ವಾಗ್ದಾನ ಮಾಡ್‍ಚೋ ಆ ಮೋಂವೊ ಬಪ್ಪಕತ್ತನೆ ನ್ಯಾಯಪ್ರಮಾಣಕ್ ಶಕ್ತಿಯಿಂಜತ್. ದೇವದೂತಂಗ, ಮದ್ಯಸ್ತನಾನ ಮೋಶೇರ ಕೈಯಿಲ್ ನ್ಯಾಯಪ್ರಮಾಣತ್‍ನ ಕೊಡ್‍ತತ್, ಅಂವೊ ಅದ್‍ನ ಅಂವೊಂಡ ಸಂತಾನಕಾರಂಗಕ್ ಕೊಡ್‍ತತ್.

ಗಲಾತ್ಯ 3:23

ನಂಗಕ್ ಕ್ರಿಸ್ತಂಡಲ್ಲಿ ಉಳ್ಳ ನಂಬಿಕೇರೆ ಬಟ್ಟೆ ಕ್‍ಟ್ಟ್‌ವಕ್ ಮಿಂಞ ನಂಗೆಲ್ಲಾ ಕೈದಿಯಂಡನೆಕೆ ಇಂಜಿತ್, ನಂಬಿಕೇರ ಬಟ್ಟೆ ಗೊತ್ತಾಪನೆಕೆ, ನ್ಯಾಯಪ್ರಮಾಣ ನಂಗಕ್ ಬೀಗ ಇಟ್ಟಿತ್ಂಜತ್.