ಅಪೊಸ್ತಲ 6:11 - ಕೊಡವ ಬೈಬಲ್

¹¹ ಅಕ್ಕ ಅಯಿಂಗ ಚೆನ್ನ ಜನಕ್: ಇಂವೊ ಮೋಶೇಕ್ ವಿರೋದವಾಯಿತು, ದೇವಕ್ ವಿರೋದವಾಯಿತು, ದೂಷಣೆ ತಕ್ಕ್ ಪರಿಯುವಾನ ನಂಗ ಕ್‍ೕಟತ್‍ೕಂದ್ ಎಣ್ಣ್‌ವಕಾಯಿತ್ ದಾರ್‌ಕು ಗೊತ್ತಿಲ್ಲತೆ ಅಯಿಂಗಕ್ ಪಣ ಕೊಡ್‍ತತ್.

ಅಪೊಸ್ತಲ 6:11 ပူးပေါင်းရင်းမြစ်များ

ಯೋಹಾನ 1:17

ಮೋಶೇರ ಮೂಲಕ ನ್ಯಾಯಪ್ರಮಾಣ ಕ್‍ಟ್ಟ್‌ಚಿ; ಕೃಪೆಯು, ಸತ್ಯವು ಯೇಸು ಕ್ರಿಸ್ತಂಡ ಮೂಲಕ ಕ್‍ಟ್ಟ್‌ಚಿ.

ಯೋಹಾನ 16:3

ಅಯಿಂಗಕ್ ನನ್ನ, ನಾಡ ಅಪ್ಪನ ಗೊತ್ತಿಲ್ಲತಗುಂಡ್ ಇದ್‍ನೆಲ್ಲಾ ನಿಂಗಕ್ ಮಾಡ್‌ವ.

ಯೋಹಾನ 9:29

ಮೋಶೇರ ಕೂಡೆ ದೇವ ತಕ್ಕ್ ಪರ್ಂದತ್‍ೕಂದ್ ನಂಗಕ್ ಗೊತ್ತುಂಡ್. ಆಚೇಂಗಿ ಇಂವೊ ಎಲ್ಲಿಂಜ ಬಂದಂವೋಂದ್ ನಂಗಕ್ ಗೊತ್ತಿಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 15:21

ದುಂಬ ಕಾಲವಾಯಿತ್, ಸಬ್ಬತ್ ದಿವಸತ್‍ಲ್, ಅಯಿಂಗ ವಾಸ ಮಾಡ್‌ವ ಪಟ್ಟಣ ಪಿಂಞ ಊರ್‌ರ ಸಬಾಮಂದಿರತ್‍ಲ್ ಎಕ್ಕಾಲು ಓದಿತ್ ಇದ್‍ನ ಬೋದನೆ ಮಾಡಿಯಂಡ್ ಉಂಡ್.

ಅಪೊಸ್ತಲ 18:6

ಅಲ್ಲಿಯತ್‍ರ ಯೆಹೂದ್ಯಂಗ ಅಂವೊ ಎಣ್ಣ್‌ವಾನ ವಿರೋದ ಮಾಡಿತ್ ನಿಂದಂಡ್ ಕೆಟ್ಟ ತಕ್ಕ್ ಪರಿಯುವಕ, ಪೌಲ, ತಾಂಡ ಪೊರಮೆ ಇಡ್‌ವ ಬಟ್ಟೇನ ಅಯಿಂಗಕ್ ಸಾಕ್ಷಿಯಾಯಿತ್ ಕೊಡ್‍ಕಿತ್: ನಿಂಗಡ ನಾಶಕ್ ನಿಂಗಳೇ ಕಾರಣ; ನಾನ್ ಶುದ್ದ ಮನಸ್ಸ್ ಉಳ್ಳಂವೊನಾಯಿತ್ ಯೆಹೂದ್ಯಂಗಲ್ಲತ ಬೋರೆ ಜನಡ ಪಕ್ಕ ಇಕ್ಕಯಿಂಜ ಪೋಪೀಂದ್ ಎಣ್ಣ್‌ಚಿ.

ಅಪೊಸ್ತಲ 21:28

ಅಯಿಂಗ ಬಲ್ಯ ಸ್ವರತ್‍ಲ್: ಇಸ್ರಾಯೇಲ್ ಜನಳೇ, ಸಹಾಯ ಮಾಡಿ, ನಂಗಡ ಜನಾಂಗಕು ನ್ಯಾಯಪ್ರಮಾಣಕು ಈ ದೇವಾಲಯಕು ವಿರೋದವಾಯಿತ್ ಎಲ್ಲಾ ಜಾಗತ್‍ಲ್ ಪಿಂಞ ಎಲ್ಲಾ ಜನಕ್ ಬೋದನೆ ಮಾಡ್‌ವ ಮನುಷ್ಯ ಇಂವೊನೇ; ಇದ್‍ಲ್ಲತೆ, ಇಂವೊ ಯೆಹೂದ್ಯ ಅಲ್ಲತ ಜನತ್‍ನ ದೇವಾಲಯತ್‍ರ ಒಳ್‍ಕ್ ಕೂಟಿಯಂಡ್ ಬಂದಿತ್, ಈ ಪವಿತ್ರವಾನ ದೇವಾಲಯತ್‍ನ ಅಶುದ್ದ ಮಾಡ್‍ಚೀಂದ್ ಕೂತ್ ಕೊಡ್‍ತತ್.

ಅಪೊಸ್ತಲ 25:3

ಅಯಿಂಗಡ ಮೇಲೆ ದಯೆ ಕಾಟ್‌ವದಾಚೇಂಗಿ, ಪೌಲನ ಬೆರಿಯ ಯೆರೂಸಲೇಮ್‌ಕ್ ಕಾಕಿಯಂಡ್ ಬರಂಡೂಂದ್ ಬೋಡ್‍ಚಿ. ಎನ್ನಂಗೆಣ್ಣ್‌ಚೇಂಗಿ, ಪೌಲನ ಯೆರೂಸಲೇಮ್‌ಕ್ ಕಾಕಿಯಂಡ್ ಬಪ್ಪಕ, ಬಟ್ಟೇಲ್ ಅಂವೊನ ಕೊಲ್ಲಂಡೂಂದ್ ಆಲೋಚನೆ ಮಾಡಿತ್ ತೀರ್ಮಾನ ಮಾಡಿತ್ಂಜತ್.

ಅಪೊಸ್ತಲ 25:7

ಪೌಲ ಅಲ್ಲಿ ಬಪ್ಪಕ, ಯೆರೂಸಲೇಮ್ಂಜ ಬಂದಿತ್ಂಜ ಯೆಹೂದ್ಯಂಗ ಅಂವೊಂಡ ಸುತ್ತ್‌ಲ್ ನಿಂದಂಡ್ ಅಯಿಂಗ ನಿರೂಬಿಚಿಡ್‍ವಕ್ ಕಯ್ಯತ ದುಂಬ ಕಠಿಣವಾನ ಕುತ್ತತ್‍ನೆಲ್ಲ ಅಂವೊಂಡ ಮೇಲೆ ಎಣ್ಣ್‌ಚಿ.

ಅಪೊಸ್ತಲ 26:11

ಒರ್ ಸಬಾಮಂದಿರತ್ಂಜ ಇನ್ನೊಂದ್ ಸಬಾಮಂದಿರಾಂದ್ ಎಲ್ಲಾ ಸಬಾಮಂದಿರಕ್ ಪೋಯಿತ್, ನಾನ್ ಸುಮಾರ್ ಕುರಿ ಅಯಿಂಗಳ ಪೊಜ್ಜಿತ್, ದೇವ ದೂಷಣೆ ಎಣ್ಣ್‌ವಕ್ ಒತ್ತಾಯ ಮಾಡ್‍ನ; ಇದ್‍ಲ್ಲತೆ ಅಯಿಂಗಡ ಮೇಲೆ ದುಂಬ ಚೆಡಿಯುಳ್ಳಂವೊನಾಯಿತ್, ಯೆಹೂದ್ಯಂಗ ಅಲ್ಲತ ಬೋರೆ ಜಾತಿಯಂಗಡ ಪಟ್ಟಣಕತ್ತನೆ ಅಯಿಂಗಕ್ ತೊಂದರೆ ಕೊಡ್‌ತಿಯೆ.

ಅಪೊಸ್ತಲ 6:10

ಆಚೇಂಗಿ, ಸ್ತೆಫನ ಪವಿತ್ರಾತ್ಮತ್‍ರಗುಂಡ್ ಎಣ್ಣ್‌ನ ಜ್ಞಾನತ್‍ರ ತಕ್ಕ್‌ನ ಗೆಲ್ಲ್‌ವಕ್ ಅಯಿಂಗಕ್ ಕಯಿಂಜಿತ್ತ್‌ಲ್ಲೆ.

ಅಪೊಸ್ತಲ 6:12

ಇಂಞು ಜನಕ್, ಪೆರಿಯಯಿಂಗಕ್, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಕ್ ಚೆಡಿ ಬಪ್ಪನೆಕೆ ಮಾಡಿತ್, ಅಂವೊನ ಪುಡ್‌ಚಿತ್, ಯೆಹೂದ್ಯಂಗಡ ಆಲೋಚನೆ ಸಬೆರ ಮಿಂಞತ್ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 6:13

ಅಲ್ಲಿಕ್ ಪೊಟ್ಟ್ ಸಾಕ್ಷಿ ಪರಿಯುವಯಿಂಗಳ ಕಾಕಿಯಂಡ್ ಬಂತ್ ನಿಪ್ಪ್‌ಚಿಟ್ಟತ್. ಆ ಸಾಕ್ಷಿಕಾರಂಗ: ಈ ಮನುಷ್ಯ, ಈ ಪವಿತ್ರವಾನ ಜಾಗಕ್ ವಿರೋದವಾಯಿತ್, ನ್ಯಾಯಪ್ರಮಾಣಕ್ ವಿರೋದವಾಯಿತ್ ಎಕ್ಕಾಲು ತಕ್ಕ್ ಪರ್ಂದಂಡ್,

ರೋಮ್ 3:8

ನಲ್ಲದ್ ಕ್‍ಟ್ಟುವಕಾಯಿತ್ ಕೆಟ್ಟದ್ ಮಾಡಂಡೂಂದ್ ಎಣ್ಣುವನೆಕೆ ಆಪ ಅಲ್ಲ? ನಂಗ ಅನ್ನನೆ ಬೋದನೆ ಮಾಡ್‌ವಯಿಂಗಾಂದ್ ಚೆನ್ನ ಜನ ನಂಗಳ ದೂಷಣೆ ಮಾಡಿಯಂಡ್ ಉಂಡ್. ಅಯಿಂಗಕ್ ಕಂಡಿತವಾಯಿತ್ ದೇವಡ ಶಿಕ್ಷೆ ಕ್‍ಟ್ಟಂಡು.

1 ತಿಮೊಥೆಯ 1:13

ಮಿಂಞ, ನಾನ್ ಅಂವೊನ ಎಚ್ಚಕೋ ದೇವ ದೂಷಣೆ ಮಾಡಿತ್, ಅಂವೊಂಡ ಜನಳ ಹಿಂಸೆ ಮಾಡಿತ್, ಕ್ರೂರವಾಯಿತ್ ಇಂಜ. ಆಚೇಂಗಿಯು, ನಾಕ್ ಅಂವೊಂಡ ಮೇಲೆ ನಂಬಿಕೆ ಇಲ್ಲತೆ, ಗೊತ್ತಿಲ್ಲತೆ ಇನ್ನನೆ ಮಾಡ್‌ನಾಂಗ್ ಯೇಸು ಕ್ರಿಸ್ತ ನಾಡ ಮೇಲೆ ಕನಿಕರ ಕಾಟ್‍ಚಿ.