ಅಪೊಸ್ತಲ 6:10 - ಕೊಡವ ಬೈಬಲ್

¹⁰ ಆಚೇಂಗಿ, ಸ್ತೆಫನ ಪವಿತ್ರಾತ್ಮತ್‍ರಗುಂಡ್ ಎಣ್ಣ್‌ನ ಜ್ಞಾನತ್‍ರ ತಕ್ಕ್‌ನ ಗೆಲ್ಲ್‌ವಕ್ ಅಯಿಂಗಕ್ ಕಯಿಂಜಿತ್ತ್‌ಲ್ಲೆ.

ಅಪೊಸ್ತಲ 6:10 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 1:17

ಅಂವೊ ಎಲೀಯಕ್ ಇಂಜ ಅದೇ ಆತ್ಮ ಪಿಂಞ ಶಕ್ತಿಲ್ ಒಡೆಯಂಗಿಂಜ ಮಿಂಞ ಅರಿಚಿಡುವಂವೊನಾಯಿತ್ ಪೋಪ. ನೀಡ ಮೋಂವೊನಾನ ಯೋಹಾನನಗುಂಡ್ ಅಪ್ಪಂಗಡ ಹೃದಯ ಅಯಿಂಗಡ ಮಕ್ಕಡ ಬರಿಲ್ ತಿರುವ. ಬಗ್ಗಿತ್ ನಡ್‍ಕತ ಉಳ್ಳ ಜನಳ ನೀತಿವಂತಯಿಂಗಡ ಜ್ಞಾನಕ್ ತಿರುವ. ಇನ್ನನೆ ಯೋಹಾನ, ಜನತ್‍ನ ದೇವಕ್ ತಯಾರ್ ಮಾಡ್‌ವಾಂದ್ ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:15

ನಿಂಗಕ್ ವಿರೋದ ಮಾಡ್‌ವ ಒಬ್ಬನು, ನಿಂಗಕ್ ತಿರಿತ್ ತಕ್ಕ್ ಪರಿಯುವಕು, ಎದಿಕೆ ನಿಪ್ಪಕು ಕಯ್ಯತ ತಕ್ಕ್ ಪಿಂಞ ಜ್ಞಾನತ್‍ನ ನಾನ್ ನಿಂಗಕ್ ತಪ್ಪಿ.

ಯೋಹಾನ 7:46

ಅದ್ಂಗ್ ಸಿಪಾಯಿಯಂಗ: ಆ ಮನುಷ್ಯ ತಕ್ಕ್ ಪರಿಯುವನೆಕೆ ದಾರೂ ಇಲ್ಲಿಕತ್ತನೆ ತಕ್ಕ್ ಪರ್‌ಂದಿತ್‌ಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 5:39

ಆಚೇಂಗಿ, ಇದ್ ದೇವಡಗುಂಡ್ ಆಯಿತ್ಂಜತೇಂಗಿ, ಅದ್‍ನ ಪಾಳ್ ಮಾಡ್‌ವಕ್ ನಿಂಗಕ್ ಕಯ್ಯುಲೆ; ನಿಂಗ ದೇವಕ್ ವಿರೋದವಾಯಿತ್ ಯುದ್ದ ಮಾಡ್‌ವಯಿಂಗಡನೆಕೆ ಆಪಿರಾಂದ್ ಎಣ್ಣ್‌ಚಿ.

ಅಪೊಸ್ತಲ 6:11

ಅಕ್ಕ ಅಯಿಂಗ ಚೆನ್ನ ಜನಕ್: ಇಂವೊ ಮೋಶೇಕ್ ವಿರೋದವಾಯಿತು, ದೇವಕ್ ವಿರೋದವಾಯಿತು, ದೂಷಣೆ ತಕ್ಕ್ ಪರಿಯುವಾನ ನಂಗ ಕ್‍ೕಟತ್‍ೕಂದ್ ಎಣ್ಣ್‌ವಕಾಯಿತ್ ದಾರ್‌ಕು ಗೊತ್ತಿಲ್ಲತೆ ಅಯಿಂಗಕ್ ಪಣ ಕೊಡ್‍ತತ್.

ಅಪೊಸ್ತಲ 6:9

ಆಚೇಂಗಿ, ಸ್ತೆಫನನ ವಿರೋದಿಚಿಡ್‌ವಯಿಂಗ ಅಲ್ಲಿ ಇಂಜತ್. ಅಯಿಂಗ ದಾರ್ ಎಣ್ಣ್‌ಚೇಂಗಿ, ಕುರೇನ್ಯ, ಅಲೆಕ್ಸಾಂದ್ರಿಯ, ಕಿಲಿಕ್ಯ ಪಿಂಞ ಆಸ್ಯ ಪ್ರಾಂತ್ಯತ್ಂಜ ಬಂದ ಯೆಹೂದ್ಯಂಗಳಾಯಿತ್‌ಂಜತ್. ಅಯಿಂಗ ಲಿಬೆರ್ತೀನ ಎಣ್ಣುವ ಸಬಾಮಂದಿರಕ್ ಕೂಡ್‍ನಯಿಂಗಳಾಯಿತ್ಂಜತ್. ಅಯಿಂಗ ಸ್ತೆಫನಂಡ ಕೂಡೆ ತರ್ಕ ಮಾಡಿಯಂಡಿಂಜತ್.

ಅಪೊಸ್ತಲ 7:51

ಹಟಮಾರಿ ಜನಳೇ, ನಿಂಗಡ ಹೃದಯ ಎಚ್ಚಕ್ ಕಲ್ಲಾಯಿತಿಕ್ಕು! ದೇವಡ ತಕ್ಕ್‌ಕ್ ನಿಂಗ ಎಚ್ಚಕ್ ಕಿವ್‌ಡಂಗಳಾಯಿತ್ ಉಳ್ಳಿರ! ನಿಂಗಳು ನಿಂಗಡ ಅಜ್ಜಂಗಡನೆಕೆ ಪವಿತ್ರಾತ್ಮಂಗ್ ವಿರೋದವಾಯಿತ್ ಜಗಳ ಮಾಡಿಯಂಡುಳ್ಳಿರ.

1 ಕೊರಿಂಥ 2:4

ನಿಂಗಡ ನಂಬಿಕೆ, ಮನುಷ್ಯಂಡ ಜ್ಞಾನತ್ಂಜ ನಿಕ್ಕತೆ, ದೇವಡ ಶಕ್ತಿಲ್ ನಿಪ್ಪಕಾಯಿತ್,