ಅಪೊಸ್ತಲ 5:9 - ಕೊಡವ ಬೈಬಲ್

⁹ ಅಕ್ಕ ಪೇತ್ರ ಅವಕ್: ಒಡೆಯಂಡ ಆತ್ಮತ್‌ನ ಪರೀಕ್ಷೆ ಮಾಡ್‌ವಕ್ ಎನ್ನಂಗ್ ನಿಂಗ ದಂಡಾಳು ಒತ್ತಂಡಿರ? ನೋಟ್, ನೀಡ ವಡಿಯನ ಪೂಪಕ್ ಪೋನ ಜನ ಇಕ್ಕ ಪಡಿರ ಪಕ್ಕ ಬಾತ್, ನಿನ್ನ ಸಹ ಎಡ್‍ತಂಡ್ ಪೋಪಾಂದ್ ಎಣ್ಣ್‌ಚಿ.

ಅಪೊಸ್ತಲ 5:9 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 20:13

ದೇವ ನಂಗಳ ನಂಗಡ ಅಪ್ಪಂಡ ಮನೆಯಿಂಜ ದೂರ ಕಾಕಿಯಂಡ್‌ ಬಪ್ಪಕ, ನಾನ್‌ ಅವಕ್: ನಂಗ ಪೋಪ ಜಾಗತ್‌ಲೆಲ್ಲ ನೀನ್‌ ನನ್ನ ಅಣ್ಣಾಂದ್‌ ಎಣ್ಣಿತ್‌ ನಾಕ್‍ ದಯೆ ಮಾಡ್‍ೕಂದ್‌ ನಾನ್‌ ಅವಡ ಪಕ್ಕ ಎಣ್ಣಿತ್‌ಂಜ್ಂದ್‌ ಎಣ್ಣ್‌ಚಿ.

ಜ್ಞಾನತ್‌ರ ಪಡಿಮ 11:21

ದುಷ್ಟ ಜನಕ್‌ ಶಿಕ್ಷೆ ಕಂಡಿತ, ಆಚೇಂಗಿ ನೀತಿವಂತಂವೊಂಡ ಸಂತಾನ ಶಿಕ್ಷೆಯಿಂಜ ಬಚಾವಾಪ.

ಜ್ಞಾನತ್‌ರ ಪಡಿಮ 16:5

ಆಂಗಾರಿಯ ಎಲ್ಲಾ ಯೆಹೋವಂಗ್‌ ಅಸಹ್ಯ. ಅಯಿಂಗಕ್‌ ಶಿಕ್ಷೆ ಕಂಡಿತ.

ಮತ್ತಾಯ 4:7

ಅದ್ಂಗ್ ಯೇಸು: ನೀಡ ಒಡೆಯನಾನ ದೇವನ ಪರೀಕ್ಷೆಮಾಡತೇಂದ್ ಸಹ ಒಳ್‌ದಿತುಂಡಲ್ಲಾಂದ್ ಜವಾಬ್ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:2

ಎಜಮಾನ ಅಂವೊನ ಕಾಕುವಂಜಿ, ಇದೆಂತ್, ನೀಡ ವಿಷಯತ್‍ನ ನಾನ್ ಕ್‍ೕಟಂಡುಳ್ಳದ್? ನೀಡ ಲೆಕ್ಕತ್‍ನ ನಾಡ ಪಕ್ಕ ಒಪ್ಪ್‌ಚಿಡ್, ನೀನ್ ಇಂಞು ಮಿಂಞಕ್ ನಾಡ ಆಸ್ತಿರ ಲೆಕ್ಕತ್‍ನ ನೋಟ್‌ವಕ್ಕಾಗಾಂದ್ ಎಣ್ಣ್‌ಚಿ.

ಅಪೊಸ್ತಲ 15:10

ಇನ್ನನೆ ಇಪ್ಪಕ, ನಂಗಡ ಅಜ್ಜಂಗಕೂ, ನಂಗಕು ಪೊರ್‍ಪಕೈಯ್ಯತ ನೊಗತ್‌ನ ಯೇಸುನ ನಂಬ್‍ವ ಯೆಹೂದ್ಯ ಅಲ್ಲತಯಿಂಗಡ ಬೋಳೆಕ್ ಇಟ್ಟಿತ್ ದೇವನ ಎನ್ನಂಗ್ ಪರೀಕ್ಷೆ ಮಾಡಂಡು?

ಅಪೊಸ್ತಲ 5:6

ಅಕ್ಕ ಬಾಲೆಕಾರಂಗ ಎದ್ದಿತ್ ಅಂವೊನ ಬಟ್ಟೇಲ್ ಸುತ್ತ್‌ವಂಜಿ ಎಡ್‍ತಂಡ್ ಪೋಯಿತ್ ಪೂತ್ತತ್.

ರೋಮ್ 10:15

ದೇವಡ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಯಿಂಗಳ ಅಯಿಂಗಡ ಪಕ್ಕ ಅಯಿಕತೆ ಪೋಚೇಂಗಿ ದಾರ್ ಎಣ್ಣುವ? ಅದ್ಂಗೇ, ಸಮಾದಾನತ್‍ರ ನಲ್ಲ ಸುದ್ದಿನ ಪ್ರಚಾರ ಮಾಡ್‌ವಯಿಂಗಡ ಪಾದ ಎಚ್ಚಕ್ ಚಾಯಿ ಉಂಡ್‍ೕಂದ್ ಒಳ್‍ದಿ ಬೆಚ್ಚಿತುಂಡಲ್ಲ?

ರೋಮ್ 3:19

ದೇವಡ ನ್ಯಾಯಪ್ರಮಾಣತ್‍ಲ್ ಎಣ್ಣುವ ವಿಷಯವೆಲ್ಲ, ನ್ಯಾಯಪ್ರಮಾಣಕ್ ಒಳಪಟ್ಟಯಿಂಗಕ್ ಎಣ್ಣಿಯಂಡುಂಡ್‍ೕಂದ್ ನಂಗಕ್ ಇಕ್ಕ ಗೊತ್ತುಂಡ್. ಅನ್ನನೆ ದಾರೂ ನಂಗ ಪಾಪಿ ಅಲ್ಲಾಂದ್ ಎಣ್ಣುವಕ್ ಕಯ್ಯತನೆಕೆ, ಈ ಲೋಕತ್‍ಲ್ ಉಳ್ಳ ಎಲ್ಲಾರು ಅಂವೊಂಗ್ ಲೆಕ್ಕ ಕೊಡ್‍ಪನೆಕೆ ಆಚಿ.

1 ಕೊರಿಂಥ 10:9

ಅಯಿಂಗಡಲ್ಲಿ ಚೆನ್ನ ಜನ ಕ್ರಿಸ್ತನ ಪರೀಕ್ಷೆ ಮಾಡ್‍ಚಿ. ಅಯಿಂಗ ಪಾಂಬ್ ಕಡಿಚಿತ್ ಚತ್ತ್ ಪೋಚಿ. ಅನ್ನನೆ ನಂಗಳು ಕ್ರಿಸ್ತನ ಪರೀಕ್ಷೆ ಮಾಡತೆ ಇಕ್ಕನ.