ಅಪೊಸ್ತಲ 5:5 - ಕೊಡವ ಬೈಬಲ್

⁵ ಅನನೀಯ ಈ ತಕ್ಕ್‌ನ ಕ್‍ೕಪಕ ಅಲ್ಲೇ ಬುದ್ದಿತ್ ಜೀವ ಬುಟ್ಟತ್. ಇದ್‍ನ ಕ್‍ೕಟ ಜನಕೆಲ್ಲ ದುಂಬ ಪೋಡಿ ಆಚಿ.

ಅಪೊಸ್ತಲ 5:5 ပူးပေါင်းရင်းမြစ်များ

ಅಪೊಸ್ತಲ 13:11

ನೋಟ್ ಇಕ್ಕ, ಒಡೆಯಂಡ ಕೈ ನೀಕ್ ವಿರೋದವಾಯಿತ್ ಉಂಡ್. ಆನಗುಂಡ್ ಇಕ್ಕಲೆ ನೀನ್ ಕುರ್‌ಡನಾಯಿತ್ ಚೆನ್ನ ಕಾಲ ಸೂರ್ಯನ ಕಾಂಗತೆ ಇಪ್ಪಿಯಾಂದ್ ಎಣ್ಣ್‌ಚಿ. ಅದೇ ಕ್ಷಣತ್‍ಲ್ ಅಂವೊಂಡ ಕಣ್ಣ್‌ರ ಮೇಲೆ ಮಂಜ್ ಬಂತ್, ಕಣ್ಣ್ ಕಾಂಗತೆ ಆಚಿ. ಅಕ್ಕ, ಕೈ ಪುಡ್‌ಚಿತ್ ಸಹಾಯ ಮಾಡ್‌ವಯಿಂಗಳ ತ್‍ೕಡ್‌ಚಿ.

ಅಪೊಸ್ತಲ 2:43

ಜನಕೆಲ್ಲ ಪೋಡಿ ಆಪಕಿಂಜತ್, ಇದ್‍ಲ್ಲತೆ ದುಂಬ ಗುರ್‌ತ್ ಕಾರ್ಯವು ಪಿಂಞ ಆಶ್ಚರ್ಯ ಕಾರ್ಯವು ಅಪೊಸ್ತಲಂಗಡ ಕೈಯಿಂಜ ನಡ್ಂದತ್.

ಅಪೊಸ್ತಲ 5:13

ಪೊರಮೆ ಇಂಜ ಜನಕ್ ಅಯಿಂಗಡ ಕೂಟ್‍ಕ್ ಕೂಡುವಕ್ ದಾರ್‌ಕು ದೈರ್ಯ ಇಂಜಿತ್‌ಲ್ಲೆ. ಆಚೇಂಗಿಯು ಜನ ಅಯಿಂಗಕ್ ದುಂಬ ಮರ್ಯಾದೆ ಕೊಡ್‍ತತ್.

1 ಕೊರಿಂಥ 4:21

ನಿಂಗಕ್ ಏದ್ ಕುಶಿ? ನಾನ್ ನಿಂಗಡ ಪಕ್ಕ ಬಪ್ಪಕ ಕೋಲ್ ಎಡ್‍ತಂಡ್ ಶಿಕ್ಷೆ ಕೊಡ್‍ಪಕ್ ಬಪ್ಪದಾ? ಅಥವ ಪ್ರೀತಿಲ್ ಪಿಂಞ ಶಾಂತ ಗುಣತ್‍ಲ್ ಬಪ್ಪಾದಾ?

2 ಕೊರಿಂಥ 13:10

ಆನಗುಂಡ್ ನಿಂಗಡ ಕೂಡೆ ಇಲ್ಲತಿಪ್ಪಕಲೇ ಇದ್‍ನೆಲ್ಲಾ ಒಳ್‍ದಿಯೆ; ನಿಂಗಳ ಪೊಳಿಪಕಾಯಿತ್ ಅಲ್ಲ, ಕೆ‍ಟ್ಟ್‌ವಕಾಯಿತೇ ಒಡೆಯ ನಾಕ್ ತಂದಿತುಳ್ಳ ಅದಿಕಾರತ್‍ರನೆಕೆ, ನಾನ್ ನಿಂಗಡ ಪಕ್ಕ ಬಪ್ಪಕ, ಕಠಿಣವಾಯಿತ್ ಇಪ್ಪದ್ ಬೋಂಡಾಂದ್ ಕುಶಿ ಪಡುವಿ.

2 ಕೊರಿಂಥ 13:2

ನಾನ್ ದಂಡನೆ ಕುರಿ ನಿಂಗಡಲ್ಲಿ ಇಪ್ಪಕ ಎಣ್ಣ್‌ನನೆಕೆ, ಇಕ್ಕ ದೂರವಾಯಿತ್ ಇಂಜತೇಂಗಿಯು, ನಿಂಗಡ ಪಕ್ಕ ಇಪ್ಪನೆಕೆ, ನಾನ್ ಪುನಃ ಬಾತೇಂಗಿ ನಿಂಗಳ ತಪ್ಪಿಚಿಡ್‌ವಕ್ ಬುಡ್‍ಲೇಂದ್ ಮಿಂಞ ಪಾಪ ಮಾಡ್‍ನಯಿಂಗಕು ಇಂಞು ಎಲ್ಲಾರ್‌ಕು ಎಚ್ಚರ ಮಾಡಿತ್ ಒಳ್‌ದಿಯಂಡುಳ್ಳ.

2 ಕೊರಿಂಥ 7:11

ದೇವಡ ಚಿತ್ತತ್‍ರನೆಕೆ ಬಂದ ಈ ದುಃಖ ನಿಂಗಡಲ್ಲಿ ಎಚ್ಚಕ್ ಜಾಗ್ರತೆನ, ಎಚ್ಚಕ್ ನಿಂಗಳ ಗೊತ್ತಿಲ್ಲತಯಿಂಗಾಂದ್ ಕಾಂಬ್‍ಚಿಡುವಕ್, ಎಚ್ಚಕ್ ಪಗೇನ, ಎಚ್ಚಕ್ ಪೋಡಿನ, ಎಚ್ಚಕ್ ದುಂಬ ಆಸೇನ, ಎಚ್ಚಕ್ ಬಕ್ತಿನ, ಎಚ್ಚಕ್ ಕಂಡಿತತ್‍ನ ಉಂಟ್ ಮಾಡ್‍ಚಿ? ಈ ಎಲ್ಲಾ ವಿಷಯತ್‍ಲ್ ನಿಂಗ ನಿಂಗಳ ಶುದ್ದವಾನಯಿಂಗಾಂದ್ ಕಾಂಬ್‍ಚಿಟ್ಟಿತುಳ್ಳಿರ.

ಪ್ರಕಟನೆ 11:13

ಅದೇ ಸಮಯತ್‍ಲ್ ಬಲ್ಯ ಬೂಕಂಪ ಆಚಿ. ಅಕ್ಕಣೆಕ್ ಆ ಪಟ್ಟಣತ್‍ರ ಪತ್ತ್ ಬಾಗತ್‍ಲ್ ಒರ್ ಬಾಗ ಪೊಳಿಂಜ್ ಬುದ್ದ್ ಪೋಚಿ; ಏಳ್ ಆಯಿರ ಜನ ಚತ್ತ್ ಪೋಚಿ, ಬಾಕಿ ಜನಕ್ ಬಲ್ಯ ಪೋಡಿಯಾಯಿತ್ ಪರಲೋಕತ್‍ಲ್ ಉಳ್ಳ ದೇವಕ್ ಮಹಿಮೆ ಕೊಡ್‍ತತ್.

ಪ್ರಕಟನೆ 11:5

ಈಂಗಕ್ ದಾರೇಂಗಿ ಕ್‍ೕಡ್ ಮಾಡಂಡೂಂದ್ ಗೇನ ಮಾಡ್‍ಚೇಂಗಿ, ಅಯಿಂಗಡ ಬಾಯಿಂಜ ತಿತ್ತ್ ಬಂದಿತ್ ಅಯಿಂಗಡ ವಿರೋದಿಯಳ ಚುಟ್ಟ್‌ರ್‍ವ. ಈಂಗಕ್ ದಾರೇಂಗಿ ಕ್‍ೕಡ್ ಮಾಡ್‌ವಕ್ ಗೇನ ಮಾಡ್‍ಚೇಂಗಿ ಅಂವೊ ಈ ರೀತಿಲ್ ಕೊಲೆ ಆಂಡು.