ಅಪೊಸ್ತಲ 5:4 - ಕೊಡವ ಬೈಬಲ್

⁴ ಅದ್‍ನ ಮಾರ್‍ವಕ್ ಮಿಂಞ ಅದ್ ನೀಡದಾಯಿತ್ ಇಂಜತಲ್ಲ? ಅದ್‍ನ ಮಾರ್‌ನ ಪಿಂಞ ಸಹ ಅದ್ಂಡ ಪಣ ನೀಡ ಪಕ್ಕ ಇಂಜತಲ್ಲ? ಎನ್ನಂಗ್ ನೀನ್ ನೀಡ ಹೃದಯತ್‍ಲ್ ಇನ್ನನೆ ಗೇನ ಮಾಡಿಯ? ನೀನ್ ಮನುಷ್ಯಂಗಡ ಪಕ್ಕ ಅಲ್ಲ, ಆಚೇಂಗಿ ದೇವಡ ಪಕ್ಕ ಪೊಟ್ಟ್ ಪರ್ಂದಿಯಾಂದ್ ಎಣ್ಣ್‌ಚಿ.

ಅಪೊಸ್ತಲ 5:4 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 10:16

ಶಿಷ್ಯಂಗಳ ನೋಟಿತ್: ನಿಂಗಡ ತಕ್ಕ್‌ನ ಕ್‍ೕಪಯಿಂಗ ನಾಡ ತಕ್ಕ್‌ನ ಕ್‍ೕಟನೆಕೆ. ನಿಂಗಳ ತಿರಸ್ಕಾರ ಮಾಡ್‌ವಯಿಂಗ, ನನ್ನ ತಿರಸ್ಕಾರ ಮಾಡ್‍ನನೆಕೆ, ನನ್ನ ತಿರಸ್ಕಾರ ಮಾಡ್‌ವಯಿಂಗ ನನ್ನ ಅಯಿಚ ದೇವನ ತಿರಸ್ಕಾರ ಮಾಡ್‌ನನೆಕೇಂದ್ ಎಣ್ಣ್‌ಚಿ.

ಅಪೊಸ್ತಲ 5:3

ಅಕ್ಕ ಪೇತ್ರ ಅನನೀಯನ ನೋಟಿತ್: ಅನನೀಯನೇ, ನೀಡ ಜಾಗ ಮಾರ್‌ನ ಪಣತ್‌ಲ್ ಒರು ಪಾಲ್‍ನ ನೀಕ್ ಬೆಚ್ಚಂಡ್, ಪವಿತ್ರಾತ್ಮತ್‍ರ ಪಕ್ಕ ಪೊಟ್ಟ್ ಪರಿಯುವನೆಕೆ, ಸೈತಾನ ನೀಡ ಹೃದಯತ್‍ನ ಪಾಳ್‍ಮ್‌ವಕ್ ಎನ್ನಂಗ್ ಬುಟ್ಟಿಯ?

ಅಪೊಸ್ತಲ 5:9

ಅಕ್ಕ ಪೇತ್ರ ಅವಕ್: ಒಡೆಯಂಡ ಆತ್ಮತ್‌ನ ಪರೀಕ್ಷೆ ಮಾಡ್‌ವಕ್ ಎನ್ನಂಗ್ ನಿಂಗ ದಂಡಾಳು ಒತ್ತಂಡಿರ? ನೋಟ್, ನೀಡ ವಡಿಯನ ಪೂಪಕ್ ಪೋನ ಜನ ಇಕ್ಕ ಪಡಿರ ಪಕ್ಕ ಬಾತ್, ನಿನ್ನ ಸಹ ಎಡ್‍ತಂಡ್ ಪೋಪಾಂದ್ ಎಣ್ಣ್‌ಚಿ.

1 ಕೊರಿಂಥ 8:8

ನಂಗ ತಿಂಬ ಆಹಾರತ್‍ರಗುಂಡ್ ದೇವ ನಂಗಳ, ಬಲ್ಯಂವೋಂದ್ ಎಣ್ಣುಲೆ. ಎನ್ನಂಗೆಣ್ಣ್‌ಚೇಂಗಿ, ನಂಗ ಉಂಗತೆ ಇಂಜತೇಂಗಿ, ನಂಗಕ್ ಒರ್ ನಷ್ಟವು ಆಪುಲೆ; ಅನ್ನನೆ ಉಂಡತೇಂಗಿಯು ನಂಗಕ್ ಒರ್ ಲಾಬವು ಇಲ್ಲೆ.

1 ಥೆಸಲೊನೀಕ 4:8

ಆನಗುಂಡ್, ಈ ಬೋದನೆನ ದಾರೇಂಗಿ ಅಲ್ಲಗೆಳೆದ್‌ಚೇಂಗಿ, ಅಯಿಂಗ ಮನುಷ್ಯನ ಅಲ್ಲ, ನಂಗಕ್ ಪವಿತ್ರಾತ್ಮತ್‍ನ ತಂದ ದೇವನ ಅಲ್ಲಗೆಳ್ಂದನೆಕೆ ಆಪ.

ಫಿಲೆಮೋನ 1:14

ಆಚೇಂಗಿಯು ನೀನ್ ಮಾಡ್‌ವ ನಲ್ಲ ಸೇವೇನ ಒತ್ತಾಯ ಮಾಡಿತ್ ಅಲ್ಲ, ಕುಶಿಯಿಂಜ ಮಾಡಂಡೂಂದ್ ಪಿಂಞ ನೀಡ ಒಪ್ಪಿಗೆ ಇಲ್ಲತೆ ಏದ್ ಮಾಡ್‌ವಕು ನಾಕ್ ಮನಸ್ಸಿಲ್ಲೆ.

ಯಾಕೋಬ 1:15

ಪಿಂಞ ಇಚ್ಛೆ ಕುಳಿಮೆಯಾಯಿತ್ ಪಾಪ ಪುಟ್ಟ್‌ವ, ಪಾಪ ಪೂರ್ತಿಯಪಕ ಚಾವ್ ಬಪ್ಪ.