ಅಪೊಸ್ತಲ 5:39 - ಕೊಡವ ಬೈಬಲ್

³⁹ ಆಚೇಂಗಿ, ಇದ್ ದೇವಡಗುಂಡ್ ಆಯಿತ್ಂಜತೇಂಗಿ, ಅದ್‍ನ ಪಾಳ್ ಮಾಡ್‌ವಕ್ ನಿಂಗಕ್ ಕಯ್ಯುಲೆ; ನಿಂಗ ದೇವಕ್ ವಿರೋದವಾಯಿತ್ ಯುದ್ದ ಮಾಡ್‌ವಯಿಂಗಡನೆಕೆ ಆಪಿರಾಂದ್ ಎಣ್ಣ್‌ಚಿ.

ಅಪೊಸ್ತಲ 5:39 ပူးပေါင်းရင်းမြစ်များ

ಆದ್ಯತ್‌ರ ಪುಸ್ತಕ 24:50

ಅದ್‌ಂಗ್‌ ಲಾಬಾನ ಪಿಂಞ ಬೆತೂವೇಲ, ಈ ಕಾರ್ಯ ಯೆಹೋವಯಿಂಜ ಬಂದದ್. ಆನಗುಂಡ್‌ ನಂಗಕ್‌ ನಲ್ಲದ್‌ ಕೆಟ್ಟದ್‌ ಒಂದು ಎಣ್ಣ್‌ವಕ್‌ ಆಪುಲೆ.

ಜ್ಞಾನತ್‌ರ ಪಡಿಮ 21:30

ಮನುಷ್ಯಂಡ ಜ್ಞಾನವು, ಬುದ್ದಿಯು, ಆಲೋಚನೆಯು ಯೆಹೋವಂಡ ಮಿಂಞ ನಿಪ್ಪುಲೆ.

ಮತ್ತಾಯ 16:18

ನಾನ್ ನೀಕ್ ಎಣ್ಣ್‌ವಿ, ನೀನ್ ಪೇತ್ರ, (ಪೇತ್ರಾಂದ್ ಎಣ್ಣ್‌ಚೇಂಗಿ ಬಂಡೆ ಕಲ್ಲ್‍ೕಂದ್ ಅರ್ಥ) ಈ ಬಂಡೆ ಕಲ್ಲ್‌ರ ಮೇಲೆ ನಾನ್ ನಾಡ ಸಬೇನ ಕೆಟ್ಟ್‌ವಿ. ನರಕತ್‌ರ ಶಕ್ತಿ ಅದ್‍ನ ಗೆಲ್ಲುವಕ್ ಕಯ್ಯುಲೆ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:15

ನಿಂಗಕ್ ವಿರೋದ ಮಾಡ್‌ವ ಒಬ್ಬನು, ನಿಂಗಕ್ ತಿರಿತ್ ತಕ್ಕ್ ಪರಿಯುವಕು, ಎದಿಕೆ ನಿಪ್ಪಕು ಕಯ್ಯತ ತಕ್ಕ್ ಪಿಂಞ ಜ್ಞಾನತ್‍ನ ನಾನ್ ನಿಂಗಕ್ ತಪ್ಪಿ.

ಅಪೊಸ್ತಲ 11:17

ಆನಗುಂಡ್, ಒಡೆಯನಾನ ಯೇಸು ಕ್ರಿಸ್ತನ ನಂಗ ನಂಬ್‌ವಕ, ನಂಗಕ್ ಕೊಡ್‍ತ ಅದೇ ವರತ್‍ನ ಯೆಹೂದ್ಯರಲ್ಲತ ಬೋರೆಯಿಂಗಕ್ ತಪ್ಪಕ, ದೇವನ ತಡ್‍ಪಕ್ ನಾನ್ ದಾರ್?

ಅಪೊಸ್ತಲ 23:9

ಅಕ್ಕ, ಅಲ್ಲಿ ಬಲ್ಯ ಗಲಾಟೆ ಆಚಿ. ಫರಿಸಾಯಂಗಡ ಪಕ್ಷಕಾರಳಾನ ಚೆನ್ನ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಎದ್ದಿತ್: ಈ ಮನುಷ್ಯಂಡ ಮೇಲೆ ನಂಗ ಒರ್ ತಪ್ಪು ಕಾಂಬುಲೆ; ಒರ್ ಆತ್ಮ ಅಥವ ಒರ್ ದೇವದೂತ ಅಂವೊಂಡ ಕೂಡೆ ತಕ್ಕ್ ಪರ್ಂದಿತಿಕ್ಕೂಂದ್ ಆವೇಶತ್ ತರ್ಕ ಮಾಡ್‍ಚಿ.

ಅಪೊಸ್ತಲ 6:10

ಆಚೇಂಗಿ, ಸ್ತೆಫನ ಪವಿತ್ರಾತ್ಮತ್‍ರಗುಂಡ್ ಎಣ್ಣ್‌ನ ಜ್ಞಾನತ್‍ರ ತಕ್ಕ್‌ನ ಗೆಲ್ಲ್‌ವಕ್ ಅಯಿಂಗಕ್ ಕಯಿಂಜಿತ್ತ್‌ಲ್ಲೆ.

ಅಪೊಸ್ತಲ 7:51

ಹಟಮಾರಿ ಜನಳೇ, ನಿಂಗಡ ಹೃದಯ ಎಚ್ಚಕ್ ಕಲ್ಲಾಯಿತಿಕ್ಕು! ದೇವಡ ತಕ್ಕ್‌ಕ್ ನಿಂಗ ಎಚ್ಚಕ್ ಕಿವ್‌ಡಂಗಳಾಯಿತ್ ಉಳ್ಳಿರ! ನಿಂಗಳು ನಿಂಗಡ ಅಜ್ಜಂಗಡನೆಕೆ ಪವಿತ್ರಾತ್ಮಂಗ್ ವಿರೋದವಾಯಿತ್ ಜಗಳ ಮಾಡಿಯಂಡುಳ್ಳಿರ.

ಅಪೊಸ್ತಲ 9:5

ಅದ್ಂಗ್ ಅಂವೊ: ಒಡೆಯನೇ, ನೀನ್ ದಾರ್‍ೕಂದ್ ಕ್‍ೕಟತ್. ಅದ್ಂಗ್ ಒಡೆಯ: ನೀನ್ ಹಿಂಸೆ ಮಾಡಿಯಂಡುಳ್ಳ ಯೇಸು ನಾನೇ.

1 ಕೊರಿಂಥ 1:25

ದೇವಡ ಮೂಡತನ ಎಣ್ಣ್‌ವದ್ ಮನುಷ್ಯಂಡ ಜ್ಞಾನಕಿಂಜ ಬಲ್ಯದಾಯಿತುಂಡ್. ದೇವಡ ಬಲಹೀನ ಎಣ್ಣ್‌ವದ್ ಮನುಷ್ಯಂಡ ಶಕ್ತಿಕಿಂಜ ದುಂಬ ಶಕ್ತಿ ಉಳ್ಳದಾಯಿತುಂಡ್.

1 ಕೊರಿಂಥ 10:22

ನಂಗ ಇನ್ನನೆ ಮಾಡ್‌ವಕ, ದೇವಕ್ ನಂಗಡ ಮೇಲೆ ಚೆಡಿ ಆಪನೆಕೆ ಮಾಡಿಯಂಡುಂಡಲ್ಲಾ? ಅಂವೊಗಿಂಜ ನಂಗ ದುಂಬ ಬಲಶಾಲಿಯಾ?