33 ಈ ತಕ್ಕ್ನ ಅಯಿಂಗ ಕ್ೕಪಕ, ಅಯಿಂಗಕ್ ದುಂಬ ಚೆಡಿ ಬಂತ್, ಅಯಿಂಗಳ ಕೊಲೆ ಮಾಡ್ವಕ್ ತೀರ್ಮಾನ ಮಾಡ್ಚಿ.
ಯೋಸೇಫ ನೀತಿವಂತಂವೊನಾಯಿತ್ಂಜಗುಂಡ್, ಊರ್ರ ಜನಡ ಮಿಂಞತ್ ಮರಿಯಳ ಅವಮಾನ ಮಾಡ್ವಕ್ ಮನಸ್ಸಿಲ್ಲತೆ, ಅವಡ ಸಂಬಂದತ್ನ ಗುಟ್ಟಾಯಿತ್ ಬುಡ್ವಕ್ ತೀರ್ಮಾನ ಮಾಡಿತ್ಂಜತ್.
ಅಣ್ಣತಮ್ಮಣಂಗ ತಾಂಡ ಸ್ವಂತ ಅಣ್ಣತಮ್ಮಣಂಗಳ ಒಪ್ಪ್ಚಿಡ್ವಂಜಿ ಕೊಲ್ಲ್ಚಿಡ್ವ, ಅಪ್ಪಂಗ ಸಹ ತಾಂಡ ಸ್ವಂತ ಮಕ್ಕಳ ಅದೇ ಪ್ರಕಾರ ಒಪ್ಪ್ಚಿಡ್ವಂಜಿ ಕೊಲ್ಲ್ಚಿಡ್ವ. ಮಕ್ಕ ಅಪ್ಪವ್ವಂಗಕ್ ವಿರೋದವಾಯಿತ್ ಮಕ್ಕಳೇ ಅಯಿಂಗಳ ಕೊಲ್ಲ್ಚಿಡ್ವ.
ಒರ್ ಶಿಷ್ಯ ಉಪಾದ್ಯಂಡನೆಕೆ ಇಂಜತೇಂಗಿ ಮದಿ, ಅನ್ನನೆ ಒರ್ ಆಳ್ ಅಂವೊಂಡ ಎಜಮಾನಂಡನೆಕೆ ಇಂಜತೇಂಗಿ ಮದಿ. ಮನೆರ ಎಜಮಾನನೇ ಬೆಲ್ಜೆಬೂಲ್ ಎಂದ್ ಕಾಕ್ಚೇಂಗಿ, ಅಂವೊಂಡ ಮನೆಕಾರಳ ಇಂಞು ಎಚ್ಚಕ್ ಎಣ್ಣುವ?
ಅಕ್ಕ ನಿಂಗಳ ಹಿಂಸೆ ಮಾಡ್ವಕಾಯಿತ್ ಒಪ್ಪ್ಚಿಟ್ಟಿತ್, ನಿಂಗಳ ಕೊಲ್ಲ್ಚಿಡುವ. ನಾಡ ಪೆದತ್ನಗುಂಡ್ ಎಲ್ಲಾ ದೇಶತ್ರ ಜನ ನಿಂಗಳ ದ್ವೇಶ ಮಾಡ್ವ.
ಯೇಸು ಎಣ್ಣ್ನ ಕಥೇರ ರೂಪತ್ಲ್ ಅಯಿಂಗಡ ವಿಷಯತ್ನ ಎಣ್ಣ್ಚೀಂದ್ ನ್ಯಾಯಪ್ರಮಾಣತ್ರ ಉಪಾದ್ಯಂಗ ಪಿಂಞ ಮುಕ್ಯ ಯಾಜಕಂಗಕ್ ಗೊತ್ತಾಯಿತ್, ಯೇಸುನ ಪುಡಿಪಕ್ ಒರ್ ಸಮಯ ನೋಟಿಯಂಡಿಂಜತ್. ಆಚೇಂಗಿ ಈ ಬಲ್ಯ ಜನಡ ಕೂಟತ್ನ ಕಂಡಿತ್ ಅಯಿಂಗಕ್ ಪೋಡಿ ಆಚಿ.
ಅಯಿಂಗಕ್ ದುಂಬ ಚೆಡಿ ಬಾತ್. ಈ ಯೇಸುನ ನಂಗ ಎಂತ ಮಾಡನಾಂದ್ ಅಯಿಂಗಯಿಂಗಳೇ ಆಲೋಚನೆ ಮಾಡ್ಚಿ.
ಒರ್ ಎಜಮಾನಗಿಂಜ ಆಳ್ ಬಲ್ಯಂವೊನಾಯಿತ್ಪ್ಪುಲೇಂದ್ ನಾನ್ ನಿಂಗಕ್ ಎಣ್ಣ್ನ ತಕ್ಕ್ನ ನಿಂಗ ಗೇನ ಮಾಡಿಯೊಳಿ. ಅಯಿಂಗ ನಾಕ್ ಹಿಂಸೆ ತಂದಕ ನಿಂಗಕು ಹಿಂಸೆ ತಪ್ಪ; ಅಯಿಂಗ ನಾಡ ತಕ್ಕ್ರ ಪ್ರಕಾರ ನಡ್ಂದತೇಂಗಿ, ನಿಂಗಡ ತಕ್ಕ್ರ ಪ್ರಕಾರ ಸಹ ನಡ್ಪ.
ಅಯಿಂಗ ನಿಂಗಳ ಸಬಾಮಂದಿರತ್ಂಜ ಪೊರಂಬಡಿ ಬೆಪ್ಪ; ನಿಂಗಳ ಕೊಂದತೇಂಗಿ ಅಯಿಂಗ ದೇವಕ್ ಸೇವೆ ಮಾಡಿಯಂಡುಂಡ್ೕಂದ್ ಗೇನ ಮಾಡ್ವ ಸಮಯ ಬಪ್ಪ.
ಇದ್ನೆಲ್ಲ ಕ್ೕಟಂಡಿಪ್ಪಕ, ಅಲ್ಲಿ ಇಂಜ ಜನಕ್, ಅಯಿಂಗಡ ಹೃದಯತ್ಲ್ ಕುತ್ತ್ವನೆಕೆ ಆಚಿ. ಅಕ್ಕ ಅಯಿಂಗ ಪೇತ್ರನ ಪಿಂಞ ಬಾಕಿಯುಳ್ಳ ಅಪೊಸ್ತಲಂಗಕ್, ಅಣ್ಣತಮ್ಮಣಂಗಳೇ, ನಂಗ ಎಂತ ಮಾಡಂಡೂಂದ್ ಕ್ೕಟತ್.
ಈ ತಕ್ಕ್ಕತ್ತನೆ ಜನ ಕ್ೕಟಂಡಿಂಜತ್. ಬಯ್ಯ: ಇಂಥಂವೊನ ಬೂಮಿಯಿಂಜ ಎಡ್ತ್ರಿ; ಇಂವೊಂಗ್ ಬದ್ಕ್ವಕ್ ಯೋಗ್ಯತೆ ಇಲ್ಲೇಂದ್ ಕೂತ್ ಕೊಡ್ತತ್.
ಈ ತಕ್ಕ್ನೆಲ್ಲಾ ಅಯಿಂಗ ಕ್ೕಟದು, ಅಯಿಂಗಕೆಲ್ಲ ದುಂಬ ಚೆಡಿ ಬಂತ್ ಅಂವೊನ ನೋಟಿತ್ ಅಯಿಂಗಡ ಪಲ್ಲ್ನ ಕಡಿಚತ್.
ದುಂಬ ದಿವಸ ಆನ ಪಿಂಞ ಯೆಹೂದ್ಯಂಗ ಅಂವೊನ ಕೊಲ್ಲಂಡೂಂದ್ ಆಲೋಚನೆ ಮಾಡ್ಚಿ.