ಅಪೊಸ್ತಲ 5:31 - ಕೊಡವ ಬೈಬಲ್

³¹ ಇಸ್ರಾಯೇಲ್‍ರ ಜನ ಪಶ್ಚಾತಾಪ ಪಡ್‍ವಕಾಯಿತ್ ಪಿಂಞ ಅಯಿಂಗಡ ಪಾಪಕ್ ಪರಿಹಾರತ್‍ನ ಕೊಡ್‍ಪಕಾಯಿತ್ ಅಂವೊನ ಅದಿಪತಿಯಾಯಿತು ರಕ್ಷಕನಾಯಿತು ತಾಂಡ ಬಲ್‌ತೆ ಕೈಯಿರಗುಂಡ್ ಕೊಡಿಕ್ ಕೊಂಡ್ ಪೋಚಿ.

ಅಪೊಸ್ತಲ 5:31 ပူးပေါင်းရင်းမြစ်များ

ಮತ್ತಾಯ 1:21

ಅವ ಒರ್ ಕ್‍ಣ್ಣ ಕುಂಞಿನ ಪೆರ್‌ವ. ಅಂವೊಂಗ್ ಯೇಸೂಂದ್ ಪೆದ ಇಡಂಡು. ಎನ್ನಂಗೆಣ್ಣ್‌ಚೇಂಗಿ ಅಂವೊ ತಾಂಡ ಜನಳ ಪಾಪತ್ಂಜ ಕಾಪಾಡ್‌ವಾಂದ್ ದೇವದೂತ ಎಣ್ಣ್‌ಚಿ.

ಮತ್ತಾಯ 28:18

ಯೇಸು ಅಯಿಂಗಡ ಪಕ್ಕ ಪೋಯಿತ್, ನಾಕ್ ಪರಲೋಕತ್‌ಲು ಬೂಲೋಕತ್‌ಲು ಎಲ್ಲಾ ಅದಿಕಾರ ನಾಕ್ ತಂದಿತುಂಡ್.

ಮಾರ್ಕ 2:10

ಮನುಷ್ಯಂಗಡ ಪಾಪತ್‍ನ ಮನ್ನಿಚಿಡ್‌ವಕ್ ಮನುಷ್ಯಕುಮಾರಂಗ್ ಈ ಬೂಮಿಲ್ ಅದಿಕಾರ ಉಂಡ್‍ೕಂದ್ ನಾನ್ ನಿಂಗಕ್ ಕಾಟಿತಪ್ಪೀಂದ್ ಎಣ್ಣಿತ್, ಯೇಸು ಕಾಯಿಲೆಲ್ ಇಂಜ ಮನುಷ್ಯನ ನೋಟಿತ್:

ಮಾರ್ಕ 4:12

ಅಯಿಂಗ ನೋಟುವ, ಆಚೇಂಗಿ ಒಂದು ಕಾಂಬುಲೆ, ಅಯಿಂಗ ಕ್‍ೕಪ, ಆಚೇಂಗಿ ಒಂದು ಅರ್ಥ ಆಪುಲೆ, ಅನ್ನನೆ ಅರ್ಥ ಆಚೇಂಗಿ ಅಯಿಂಗ ದೇವಡ ಪಕ್ಕ ಬಂತ್, ಅಯಿಂಗಡ ಪಾಪಕ್ ಮನ್ನಿಪ್ ಕ್‍ಟ್ಟುವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 2:11

ಇಂದ್ ದೇವ ಗೊತ್ತ್ ಮಾಡಿತ್ ಅಯಿಚ ಒಡೆಯನಾನ ಕ್ರಿಸ್ತ ಎಣ್ಣುವ ರಕ್ಷಕ ನಿಂಗಕಾಯಿತ್ ದಾವೀದಂಡ ಊರ್‌ಲ್ ಪುಟ್ಟಿತುಂಡ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:47

ಇಂಞು: ಯೆರೂಸಲೇಮ್ಂಜ ಎಲ್ಲಾ ದೇಶತ್‍ರ ಜನಕ್ ಪಾಪಕ್ಷಮೆ ಕ್‍ಟ್ಟ್‌ವಕ್ ದೇವಡ ಪಕ್ಕ ತಿರಿಗಿತ್ ಬರಂಡೂಂದ್ ನಾಡ ಅದಿಕಾರತ್‍ಲ್ ಪ್ರಚಾರ ಮಾಡೀಂದ್ ಎಣ್ಣಿ ಕೊಡ್‍ತತ್.

ಯೋಹಾನ 4:42

ಅಯಿಂಗ ಆ ಪೊಣ್ಣಾಳ್‌ಕ್, ಇಕ್ಕ ನಂಗ ನೀಡ ತಕ್ಕ್‌ನ ಕ್‍ೕಟಿತ್ ಇಂವೊನ ನಂಬಿತ್‌ಲ್ಲೆ, ನಂಗಳೇ ಅಂವೊಂಡ ತಕ್ಕ್‌ನ ಕ್‍ೕಟಿತ್, ನೇರಾಯಿತು ಇಂವೊನೇ ಈ ಲೋಕತ್‍ನ ಕಾಪಾಡ್‌ವ ರಕ್ಷಕನಾನ ಕ್ರಿಸ್ತಾಂದ್ ಗೊತ್ತಾನಗುಂಡ್ ನಂಬುವಾಂದ್ ಎಣ್ಣ್‌ಚಿ.

ಅಪೊಸ್ತಲ 11:18

ಇದ್‍ನೆಲ್ಲ ಅಯಿಂಗ ಕ್‍ೕಪಕ: ಅನ್ನನೆ ಆಚೇಂಗಿ, ದೇವ ಯೆಹೂದ್ಯರಲ್ಲತ ಬೋರೆ ಜಾತಿಯಂಗಕು, ಅಯಿಂಗ ತಂಗಡ ಪಾಪತ್ಂಜ ತಿರ್‌ಗಿತ್, ಯೇಸುನ ನಂಬ್‍ಚೇಂಗಿ, ನಿತ್ಯ ಜೀವತ್‍ನ ಪಡೆಯುವಕ್ ಒರ್ ಅವಕಾಶ ಕೊಡ್‍ತಿತುಂಡ್‍ೕಂದ್ ಎಣ್ಣಿತ್ ಒಂದು ಎಣ್ಣತೆ ದೇವನ ತುದಿಚತ್.

ಅಪೊಸ್ತಲ 13:23

ಇನ್ನನೆ ದಾವೀದಂಡ ಸಂತಾನತ್ಂಜ ದೇವ ತಾಂಡ ವಾಗ್ದಾನತ್‍ರನೆಕೆ ಇಸ್ರಾಯೇಲ್ ಜನತ್‍ರ ರಕ್ಷಣೆಕಾಯಿತ್ ಯೇಸು ಎಣ್ಣ್‌ವ ರಕ್ಷಕನ ಅಯಿಚತ್.

ಅಪೊಸ್ತಲ 2:33

ಅಂವೊನ ದೇವ ತಾಂಡ ಬಲ್‌ತೆ ಬರಿಲ್ ಅಳ್‍ಪ್‍ಚಿಟ್ಟಿತ್, ದೇವ ವಾಗ್ದಾನ ಮಾಡ್‍ನನೆಕೆ ಪವಿತ್ರಾತ್ಮನ ಅಯಿಪಕ್ ಅದಿಕಾರ ಕೊಡ್‍ತತ್. ನಿಂಗ ಇಕ್ಕ ನೋಟಿಯಂಡ್, ಕ್‍ೕಟಂಡ್ ಉಳ್ಳನೆಕೆ, ಅಂವೊ ನಂಗಡ ಮೇಲೆ ಪವಿತ್ರಾತ್ಮತ್‍ನ ಬೂಕಿತುಂಡ್.

ಅಪೊಸ್ತಲ 2:36

ಆನಗುಂಡ್ ನಿಂಗ ಶಿಲುಬೇಕ್ ಇಟ್ಟ ಈ ಯೇಸುನ ದೇವ ಒಡೆಯನಾಯಿತು ದೇವ ಗೊತ್ತ್ ಮಾಡಿತ್ ಅಯಿಚ ಕ್ರಿಸ್ತನಾಯಿತು ಮಾಡಿತುಂಡ್‍ೕಂದ್ ಇಸ್ರಾಯೇಲ್ ಜನಕೆಲ್ಲ ಕಂಡಿತವಾಯಿತ್ ಗೊತ್ತಿರಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 2:38

ಪೇತ್ರ ಅಯಿಂಗಕ್: ನಿಂಗಡ ಪಾಪಕ್ ಪರಿಹಾರ ಕ್‍ಟ್ಟ್‌ವಕಾಯಿತ್ ನಿಂಗ ಒಬ್ಬೊಬ್ಬನು ದೇವಡ ಪಕ್ಕ ಪಶ್ಚಾತಾಪ ಪಟ್ಟಿತ್, ಯೇಸುರ ಪೆದತ್‍ಲ್ ದೀಕ್ಷಾಸ್ನಾನ ಎಡ್‌ತೊಳಿ. ಅಕ್ಕ ನಿಂಗ ಪವಿತ್ರಾತ್ಮಂಡ ವರತ್‍ನ ಪಡೆಯುವಿರ.

ಅಪೊಸ್ತಲ 3:15

ಮನುಷ್ಯಂಗಕ್ ನಿತ್ಯ ಜೀವತ್‍ನ ತಪ್ಪಕ್ ಅದಿಕಾರ ಉಳ್ಳಂವೊನ ನಿಂಗ ಕೊಂದಿರ; ಆಚೇಂಗಿ, ದೇವ ಅಂವೊನ ಚಾವ್‍ಯಿಂಜ ಜೀವವಾಯಿತ್ ಎಪ್ಪ್‌ಚಿ. ಈ ವಿಷಯಕ್ ನಂಗ ಸಾಕ್ಷಿಯಳಾಯಿತುಂಡ್.

ಅಪೊಸ್ತಲ 3:19

ಆನಗುಂಡ್, ನಿಂಗಡ ಪಾಪವೆಲ್ಲ ಅಳಸಿ ಪೋಪಕಾಯಿತ್ ಪಶ್ಚಾತಾಪ ಪಟ್ಟಿತ್, ನಿಂಗ ದೇವಡ ಪಕ್ಕ ತಿರಿಗಿ. ಪಿಂಞ ಒಡೆಯಂಡಿಂಜ, ನಿಂಗಕ್ ಆರಾಮ್‍ರ ಕಾಲ ಕ್‍ಟ್ಟ್‌ವನೆಕೆ ಮಾಡ್‌ವ.

ಅಪೊಸ್ತಲ 3:26

ದೇವ ನಿಂಗಳ ನಿಂಗಡ ಕೆಟ್ಟ ಗುಣತ್ಂಜ ತಿರಿಕಿತ್ ಬಪ್ಪ್‌ಚಿಡುವಕಾಯಿತ್ ಪಿಂಞ ನಿಂಗಳ ಆಶೀರ್ವಾದ ಮಾಡ್‌ವಕಾಯಿತ್, ದೇವ ಅಂವೊಂಡ ಮೋಂವೊನಾನ ಯೇಸುನ, ನಿಂಗಡ ಕಡೆಯೇ ಆದ್ಯವಾಯಿತ್ ಕೊಂಡ್ ಬಾತ್‍ೕಂದ್ ಪೇತ್ರ ಎಣ್ಣ್‌ಚಿ.

ಅಪೊಸ್ತಲ 4:11

ಮನೆ ಕೆಟ್ಟ್‌ವಯಿಂಗಳಾನ ನಿಂಗ, ಬೋಂಡಾಂದ್ ಚಾಡ್‌ನ ಕಲ್ಲೇ ಮನೆರ ಮೂಲೆ ಕಲ್ಲಾಚಿ.

2 ಕೊರಿಂಥ 2:10

ನಿಂಗ ದಾರ್‌ಕ್, ಏದ್‍ನ ಮನ್ನಿಚಿಡ್‌ವಿರೋ, ನಾನು ಸಹ ಅಯಿಂಗಳ ಮನ್ನಿಚಿಡುವಿ. ನಾನ್ ಏದ್‍ನ ಮನ್ನಿಚಿಟ್ಟಿತುಂಡೋ, ಅದ್‍ನ ನಿಂಗಕಾಯಿತ್ ಕ್ರಿಸ್ತಂಡ ಸನ್ನಿದಾನತ್‍ಲ್ ಮನ್ನಿಚಿಟ್ಟಿಯೆ.

ಎಫೆಸ 1:7

ಅಂವೊಂಡ ಕೃಪೇರ ಐಶ್ವರ್ಯತ್‍ರಗುಂಡ್, ಅಂವೊಂಡ ಮೋಂವೊಂಡ ಚೋರೆರ ಮೂಲಕ ನಂಗಡ ಪಾಪಕ್ ಮನ್ನಿಪ್ ಕ್‍ಟ್ಟಿತ್, ವಿಮೋಚನ ಕ್‍ಟ್ಟ್‌ಚಿ.

ಫಿಲಿಪ್ಪಿ 3:20

ಆಚೇಂಗಿ, ನಂಗಡ ಪೌರತ್ವ ಪರಲೋಕತ್‍ಲ್ ಉಂಡ್, ಅಲ್ಲಿಯಿಂಜ ನಂಗಳ ಕಾಪಾಡ್‌ವ ಒಡೆಯನಾನ ಕ್ರಿಸ್ತ ಯೇಸು ಬಪ್ಪಾಂದ್ ನಂಗ ಪಾರಕಾತಂಡುಂಡ್.

ಕೊಲೊಸ್ಸೆ 1:14

ಅಂವೊಂಡ ಮೋಂವೊಂಡಲ್ಲಿ ನಂಗಕ್ ಪಾಪತ್ಂಜ ವಿಮೋಚನವು, ಅಂವೊಂಡ ಚೋರೆಯಿಂಜ ನಂಗಡ ಪಾಪಕ್ ಮನ್ನಿಪ್ ಉಂಡ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 1:4

ತಕ್ಕ ಸಮಯತ್‍ಲ್ ನಂಗಡ ರಕ್ಷಕನಾನ ದೇವಡ ಆಜ್ಞೆರ ಪ್ರಕಾರ ನಾಕ್ ಒಪ್ಪ್‌ಚಿಟ್ಟ ಬೋದನೆರಗುಂಡ್ ಅಂವೊಂಡ ತಕ್ಕ್‌ನ ಕಾಂಬ್‍ಚಿಟ್ಟತ್.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:10

ಎಜಮಾನಂಡ ಮನೆಲ್ ಒಂದು ಕಳ್ಳತ್ತನ ಮಾಡತೆ, ಎಲ್ಲಾ ವಿಷಯತ್‍ಲು ಎಜಮಾನಂಗ್ ನಂಬಿಕಸ್ತಂಗಳಾಯಿತ್ ಇಪ್ಪಕ್ ಅಯಿಂಗಕ್ ಬುದ್ದಿ ಎಣ್ಣ್. ಅನ್ನನೆ ಇಂಜತೇಂಗಿ, ನಂಗಡ ರಕ್ಷಕನಾನ ದೇವಡ ಬೋದನೆನ ಕ್‍ೕಪಯಿಂಗ ಎಲ್ಲಾರು ಅದ್ಂಗ್ ಕೆಮಿ ಕೊಡ್‌ತಿತ್ ಮರ್ಯಾದೆ ತಪ್ಪ.

ಅಪೊಸ್ತಲನಾನ ಪೌಲ ತೀತಂಗ್ ಒಳ್‍ದ್‍ವ ಕಾಗದ 2:13

ಅನ್ನನೆ ಇಪ್ಪಕ, ನಂಗಡ ರಕ್ಷಕನಾನ ಯೇಸು ಕ್ರಿಸ್ತ ಎಣ್ಣುವ ಬಲ್ಯ ದೇವಡ ಮಹಿಮೆಲ್ ಬಪ್ಪ ಆ ಕುಶೀರ ದಿನಕಾಯಿತ್, ನಂಗ ಬಾರಿ ಕುಶೀಲ್, ಮಹಿಮೇರ ನಿರಿಕ್ಷೇಲ್ ಪಾರಕಾತಂಡ್ ಉಂಡ್.

ಇಬ್ರಿಯ 12:2

ನಂಬಿಕೇನ ಸುರು ಮಾಡ್‌ವ ನಾಯಕನು ಅದ್‍ನ ಪೂರ್ತಿಮಾಡ್‍ವಂವೊನು ಆಯಿತುಳ್ಳ ಯೇಸುರ ಮೇಲೆ ಕಣ್ಣ್‌ಟ್ಟಿತ್, ನಂಗಕಾಯಿತ್ ಬೆಚ್ಚಿತುಳ್ಳ ಓಟತ್‍ನ ಪೊರುಮೇಲ್ ಓಡೋಣ. ಎನ್ನಂಗೆಣ್ಣ್‌ಚೇಂಗಿ ಯೇಸು, ತಾಂಡ ಮಿಂಞ ಬೆಚ್ಚಿತ್ಂಜ ಕುಶಿಕಾಯಿತ್, ಅವಮಾನತ್‍ನ ಗೇನ ಮಾಡತೆ, ಶಿಲುಬೇನ ಸಹಿಸಿಯಂಡ್ ದೇವಡ ಸಿಂಹಾಸನತ್‍ರ ಬಲ್‌ತೆ ಬರಿಲ್ ಅಳ್‌ತತ್.

ಇಬ್ರಿಯ 2:10

ಎಲ್ಲಾನ ತಾಂಗಾಯಿತ್ ತಾಂಡಗುಂಡ್ ಸೃಷ್ಟಿ ಮಾಡ್‍ನಂವೊ, ದುಂಬ ಜನಳ ಮಹಿಮೆಲ್ ಕೊಂಡ್ ಬಪ್ಪನೆಕೆ ಮಾಡ್‍ಚಿ. ಅನ್ನನೆ ಅಯಿಂಗಳ ಕೊಂಡ್ ಬಪ್ಪಕ, ಅಯಿಂಗಡ ರಕ್ಷಣೆರ ನಾಯಕನಾಯಿತುಳ್ಳ ಅಂವೊಂಗ್‌ ಕಷ್ಟ ಕೊಡ್‌ತಿತ್ ಅಂವೊನ ಪೂರ್ತಿಮಾಡ್‍ವದ್ ದೇವಕ್ ಸರೀಂದ್ ಆಚಿ.

1 ಪೇತ್ರ 3:22

ಅಂವೊ ಪರಲೋಕಕ್ ಪೋಯಿತ್, ದೇವಡ ಬಲ್‌ತೆ ಬರಿಲ್ ಅಳ್‌ತಿತ್ ಉಂಡ್; ದೇವದೂತಂಗ, ಅದಿಕಾರ, ಶಕ್ತಿ ಅಂವೊಂಡ ಅಡಿಲ್ ಅಡಕತ್‍ಲ್ ಉಂಡ್.

2 ಪೇತ್ರ 1:1

ನಂಗಡ ದೇವನು ರಕ್ಷಕನು ಆನ ಯೇಸು ಕ್ರಿಸ್ತಂಡ ನೀತಿರಗುಂಡ್ ನಂಗಡನೆಕೆ ಬೆಲೆಯುಳ್ಳ ನಂಬಿಕೆ ಕ್‍ಟ್ಟ್‌ನ ನಿಂಗಕ್, ಯೇಸು ಕ್ರಿಸ್ತಂಡ ಅಪೊಸ್ತಲನು ಸೇವಕನು ಆಯಿತುಳ್ಳ ಸೀಮೋನ ಪೇತ್ರ ಒಳ್‍ದ್‍ವ ಕಾಗದ ಇದ್.

2 ಪೇತ್ರ 1:11

ಇನ್ನನೆ ನಂಗಡ ಒಡೆಯನು ರಕ್ಷಕನುವಾಯಿತುಳ್ಳ ಯೇಸು ಕ್ರಿಸ್ತಂಡ ನಿತ್ಯ ರಾಜ್ಯತ್‍ರ ಒಳ್‍ಕ್ ಪೋಪಕುಳ್ಳ ಪೂರ್ತಿ ಸತ್ಕಾರ ನಿಂಗಕ್ ಕ್‍ಟ್ಟುವ.

2 ಪೇತ್ರ 2:20

ಒಡೆಯನಾನ ಯೇಸು ಕ್ರಿಸ್ತನ ಗೊತ್ತಾಯಿತ್, ಈ ಲೋಕತ್‍ರ ಪಾಳ್ ಪಾಪತ್ಂಜ ಬಚಾವಾನಯಿಂಗ ಪುನಃ ಅದ್‍ಲ್ ಚಿಕ್ಕಿತ್ ಪೋನಕ ಅಯಿಂಗಕ್ ಬಪ್ಪಕುಳ್ಳ ಸ್ತಿತಿ ಮಿಂಞತ್‍ರ ಸ್ತಿತಿಕಿಂಜ ಮೋಸವಾಯಿತ್‌ಪ್ಪ.

2 ಪೇತ್ರ 3:18

ನಂಗಡ ರಕ್ಷಕನು, ಒಡೆಯನು ಆನ ಯೇಸು ಕ್ರಿಸ್ತಂಡ ಕೃಪೇಲ್, ಅಂವೊನ ಗೊತ್ತ್ ಮಾಡ್‌ವ ವಿಷಯತ್‍ಲ್ ಬೊಳಿವಿರ. ಅಂವೊಂಗ್ ಇಕ್ಕಲು ಎಕ್ಕಲು ಮಹಿಮೆ ಬರಡ್. ಆಮೆನ್.

1 ಯೋಹಾನ 4:14

ದೇವ ತಾಂಡ ಮೋಂವೊನ ಲೋಕತ್‍ನ ಕಾಪಾಡ್‌ವಕಾಯಿತ್ ಅಯಿಚತ್. ಇದ್‍ನ ನಂಗ ನೋಟಿತ್ ಅದ್ಂಡ ವಿಷಯತ್ ನಿಂಗಕ್ ಇಕ್ಕ ಸಾಕ್ಷಿ ಕೊಡ್‍ಪ.

ಯೂದ ಒಳ್‍ದ್‍ನ ಕಾಗದ 1:25

ನಂಗಡ ರಕ್ಷಕನಾನ ದೇವಕ್ ನಂಗಡ ಒಡೆಯನಾನ ಯೇಸು ಕ್ರಿಸ್ತಂಡ ಮೂಲಕ ಮಹಿಮೆ, ಮಹತ್ವ, ಶಕ್ತಿ ಪಿಂಞ ಅದಿಕಾರವೆಲ್ಲ ಆದಿಯಿಂಜಲೆ, ಇಕ್ಕಲು, ಎಕ್ಕಾಲು ಇರಡ್. ಆಮೆನ್.

ಪ್ರಕಟನೆ 1:5

ನೇರಾನ ಸಾಕ್ಷಿ ಉಳ್ಳಂವೊನಾಯಿತು, ಚತ್ತಯಿಂಗಡ ಮದ್ಯತ್ಂಜ ಆದ್ಯವಾಯಿತ್ ಜೀವತ್‍ಲ್ ಎದ್ದಂವೊನಾಯಿತು, ಈ ಲೋಕತ್‍ರ ರಾಜಂಗಕೆಲ್ಲಾ ಅದಿಪತಿಯಾಯಿತು ಉಂಡ್. ಅಂವೊ ನಂಗಳ ಪ್ರೀತಿ ಮಾಡಿತ್, ತಾಂಡ ಸ್ವಂತ ಚೋರೆನಗುಂಡ್ ನಂಗಳ ಪಾಪತ್ಂಜ ಬುಡ್‍ಗಡೆ ಮಾಡಿತ್,