ಅಪೊಸ್ತಲ 5:28 - ಕೊಡವ ಬೈಬಲ್

²⁸ ನಿಂಗ ಈ ಪೆದತ್‍ಲ್ ಬೋದನೆ ಮಾಡ್‌ವಕ್ಕಾಗಾಂದ್ ನಂಗ ನಿಂಗಕ್ ಕಂಡಿತವಾಯಿತ್ ಆಜ್ಞೆ ಮಾಡ್‍ಚಲ್ಲಾ? ಆಚೇಂಗಿಯು, ಇಕ್ಕ ನೋಟಿ: ಯೆರೂಸಲೇಮ್‍ನ ನಿಂಗಡ ಬೋದನೆಯಿಂಜ ದುಂಬ್‌ಚಿಟ್ಟಿತ್, ಆ ಮನಷ್ಯನ ಕೊಂದ ಅಪರಾದತ್‍ನ ನಂಗಡ ಮೇಲೆ ಇಡ್‌ವಕ್ ತೀರ್ಮಾನ ಮಾಡಿತುಳ್ಳಿರಾಂದ್ ಎಣ್ಣ್‌ಚಿ.

ಅಪೊಸ್ತಲ 5:28 ပူးပေါင်းရင်းမြစ်များ

ಮತ್ತಾಯ 21:44

ಆ ಕಲ್ಲ್‌ರ ಮೇಲೆ ಬೂವಯಿಂಗ ತುಂಡ್ ತುಂಡಾಯಿಪೋಪ. ಆ ಕಲ್ಲ್ ದಾಡ ಮೇಲೆ ಬೂವ ಅಯಿಂಗ ಪೊಡಿ ಪೊಡಿ ಆಯಿ ಪೋಪಾಂದ್ ಎಣ್ಣ್‌ಚಿ.

ಮತ್ತಾಯ 27:25

ಅಕ್ಕ ಎಲ್ಲಾ ಜನಳು ಒಮ್ಮಕೆ: ಅಂವೊಂಡ ಚಾವ್‍ರ ಜವಾಬ್ದಾರಿ ನಂಗಡ ಮೇಲೆ ಪಿಂಞ ನಂಗಡ ಮಕ್ಕಡ ಮೇಲೆ ಇರಡ್‍ೕಂದ್ ಎಣ್ಣ್‌ಚಿ.

ಅಪೊಸ್ತಲ 5:40

ಅಕ್ಕ, ಅಯಿಂಗ ಅಂವೊಂಡ ತಕ್ಕ್‌ಕ್ ಒತ್ತಿತ್, ಅಪೊಸ್ತಲಂಗಳ ಒಳ್‍ಕ್ ಕಾಕಿತ್, ಚಾಟಿಲ್ ಪೊಯ್ಯುವಂಜಿ, ಯೇಸುರ ಪೆದತ್‍ಲ್ ತಕ್ಕ್ ಪರಿಯುವಕ್ಕಾಗಾಂದ್ ಆಜ್ಞೆ ಕೊಡ್‌ತಿತ್ ಅಯಿಂಗಳ ಬುಟ್ಟತ್.

ಅಪೊಸ್ತಲ 7:52

ನಿಂಗಡ ಮುತ್ತಜ್ಜಂಗ ಏದ್ ಪ್ರವಾದಿಕ್ ಹಿಂಸೆ ಕೊಡ್‍ಕತೆ ಇಂಜತ್? ನೀತಿವಂತಂವೊ ಒಬ್ಬ ಬಪ್ಪಾಂದ್ ಎಣ್ಣಿಯಂಡಿಂಜ ಪ್ರವಾದಿಯಳ ಸಹ ಕೊಲೆ ಮಾಡ್‍ಚಿ. ಇಕ್ಕ, ನಿಂಗ ಅನ್ನನೆ ಬಂದಂವೊನ ಪುಡ್‌ಚಿತ್ ಕೊಲ್ಲ್‌ವಕ್ ಒಪ್ಪ್‌ಚಿಡ್‌ವಕ, ಅದ್ಂಗ್ ನಿಂಗ ಪಾಲ್‍ದಾರಂಗಳಾಯಿತುಳ್ಳಿರ.