ಅಪೊಸ್ತಲ 5:27 - ಕೊಡವ ಬೈಬಲ್

²⁷ ಅನ್ನನೆ, ಅಯಿಂಗಳ ಕಾಕಿಯಂಡ್, ಆಲೋಚನೆ ಸಬೆರ ಮಿಂಞ ಪ್ರಶ್ನೆ ಇಡ್‌ವಕಾಯಿತ್ ನಿಪ್ಪ್‌ಚಿಟ್ಟತ್. ಅಕ್ಕ, ಮಹಾ ಯಾಜಕ ಅಯಿಂಗಳ ನೋಟಿತ್,

ಅಪೊಸ್ತಲ 5:27 ပူးပေါင်းရင်းမြစ်များ

ಮತ್ತಾಯ 5:22

ಆಚೇಂಗಿ ನಾನ್ ಎಣ್ಣ್‌ವಿ, ನಿಂಗ ನಿಂಗಡ ಅಣ್ಣತಮ್ಮಣನಂಗಡ ಕೂಡೆ ಚೆಡಿಲ್ ಉಂಡೇಂಗಿ ನ್ಯಾಯತೀರ್ಪ್‌ಕ್ ಒಳಪಡ್‍ವಿರ; ನಿಂಗಡ ಏದೋರ್ ಅಣ್ಣತಮ್ಮಣನಂಗಕ್: ನೀನ್ ಒಂದಾಂಗು ಲಾಯಕ್ ಇಲ್ಲೇಂದ್ ಎಣ್ಣ್‌ಚೇಂಗಿ ಯೆಹೂದ್ಯಂಗಡ ಆಲೋಚನೆ ಸಬೇಕ್ ಮಿಂಞತ್ ನಿಪ್ಪಿರ. ನಿಂಗಡ ಅಣ್ಣತಮ್ಮಣನಂಗಳ ನಿಂಗ ಮುಠಾಳಂಗಾಂದ್ ಎಣ್ಣ್‌ಚೇಂಗಿ, ನಿಂಗ ನರಕ ಲೋಕತ್‍ಲ್ ಉಳ್ಳ ತಿತ್ತ್‌ಕ್ ಪೋಪಕ್ ಬಟ್ಟೆ ಮಾಡ್‌ವಿರ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:66

ಪೊಲಾಕ ಆಪಕ ಯೆಹೂದ್ಯಂಗಡ ಪೆರಿಯಯಿಂಗಳು, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು, ಮುಕ್ಯ ಯಾಜಕಂಗಳು ಒಕ್ಕಚೆ ಕೂಡಿತ್ ಯೇಸುನ ಅಯಿಂಗಡ ಆಲೋಚನೆ ಸಬೇಕ್ ಕಾಕಿಯಂಡ್ ಪೋಯಿತ್ ನಿಪ್ಪ್‌ಚಿಟ್ಟಿತ್:

ಅಪೊಸ್ತಲ 22:30

ಪೌಲಂಡ ಮೇಲೆ ಯೆಹೂದ್ಯಂಗ ಎಂತ ಕುತ್ತ ಪರ್ಂದಂಡ್ ಉಂಡ್‍ೕಂದ್ ಚಾಯಿತೆ ಗೊತ್ತಾಪಕಾಯಿತ್, ಪಿತ್ಯಾಂದ್ ಪೌಲಂಡ ಸರ್ಪಣಿನ ಉತ್ತಿತ್ ಮುಕ್ಯ ಯಾಜಕಂಗಳ ಪಿಂಞ ಯೆಹೂದ್ಯಂಗಡ ಆಲೋಚನೆ ಸಬೇನ ಕೂಡಿ ಬಪ್ಪಕ್ ಅಪ್ಪಣೆ ಕೊಡ್‌ತಿತ್ಂಜತ್. ಪಿಂಞ ಪೌಲನ ಕಾಕಿಯಂಡ್ ಪೋಯಿತ್ ಅಯಿಂಗಡ ಮಿಂಞ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 4:7

ಈಂಗ, ಪೇತ್ರ ಪಿಂಞ ಯೋಹಾನನ ಅಯಿಂಗಡ ಮದ್ಯತ್‍ಲ್ ನಿಪ್ಪ್‌ಚಿಟ್ಟಿತ್: ನಿಂಗ ಏದ್ ಶಕ್ತಿಲ್, ಅಥವ ದಾಡ ಪೆದತ್‍ಲ್ ಇನ್ನನೆ ಮಾಡಿರಾಂದ್ ಕ್‍ೕಟತ್.

ಅಪೊಸ್ತಲ 5:21

ಅಪೊಸ್ತಲಂಗ ಅದ್‍ನ ಕ್‍ೕಟಿತ್, ದೇವದೂತ ಎಣ್ಣ್‌ನನೆಕೆ, ಪೊಲಾಕ ನೇರತೆ ದೇವಾಲಯತ್‍ರ ಒಳ್‍ಕ್ ಪೋಯಿತ್ ಜನಕ್ ಬೋದನೆ ಕೊಡ್‍ಪಕ್ ಸುರು ಮಾಡ್‍ಚಿ. ಅಕ್ಕಣೆಕ್, ಮಹಾ ಯಾಜಕನು ಪಿಂಞ ಅಂವೊಂಡ ಕೂಡೆ ಇಂಜಯಿಂಗಳು, ಯೆಹೂದ್ಯಂಗಡ ಆಲೋಚನೆ ಸಬೆರ ಅದಿಕಾರಿಯಂಗಳ ಪಿಂಞ ಇಸ್ರಾಯೇಲ್‍ರ ಪೆರಿಯಯಿಂಗಳ ಕಾಕಿತ್, ಅಪೊಸ್ತಲಂಗಳ ಸೆರೆಮನೆಯಿಂಜ ಕಾಕಿಯಂಡ್ ಬಪ್ಪಕ್ ಎಣ್ಣ್‌ಚಿ.

ಅಪೊಸ್ತಲ 5:34

ಅಕ್ಕ, ದೇವಡ ವಾಕ್ಯತ್‍ರ ಉಪಾದ್ಯನಾಯಿತು, ಎಲ್ಲಾ ಜನಡ ಮರ್ಯಾದೆನ ಪಡ್ಂದಿತ್ಂಜ ಗಮಲಿಯೇಲ ಎಣ್ಣುವ ಒರ್ ಫರಿಸಾಯ ಆಲೋಚನೆ ಸಬೇಲ್ ಎದ್ದ್ ನಿಂದಿತ್, ಅಪೊಸ್ತಲಂಗಳ ಚೆನ್ನ ನೇರ ಪೊರಮೆ ಅಯಿಕಂಡೂಂದ್ ಆಜ್ಞೆ ಕೊಡ್‍ತತ್.

ಅಪೊಸ್ತಲ 6:12

ಇಂಞು ಜನಕ್, ಪೆರಿಯಯಿಂಗಕ್, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಕ್ ಚೆಡಿ ಬಪ್ಪನೆಕೆ ಮಾಡಿತ್, ಅಂವೊನ ಪುಡ್‌ಚಿತ್, ಯೆಹೂದ್ಯಂಗಡ ಆಲೋಚನೆ ಸಬೆರ ಮಿಂಞತ್ ನಿಪ್ಪ್‌ಚಿಟ್ಟತ್.