ಅಪೊಸ್ತಲ 5:24 - ಕೊಡವ ಬೈಬಲ್

²⁴ ದೇವಾಲಯತ್‍ರ ಸೇನೆರ ಅದಿಕಾರಿಯ ಪಿಂಞ ಮುಕ್ಯ ಯಾಜಕಂಗ ಈ ಸುದ್ದಿನ ಕ್‍ೕಟಿತ್ ಇದ್ಂಡ ವಿಷಯತ್ ಎಂತ ಆಪಾಂದ್ ಗಾಬರಿ ಪಟ್ಟತ್.

ಅಪೊಸ್ತಲ 5:24 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:4

ಅಂವೊ ಮುಕ್ಯ ಯಾಜಕಂಗ ಪಿಂಞ ದೇವಾಲಯತ್‍ರ ಸೇನೆರ ಅದಿಕಾರಿಯಡ ಪಕ್ಕ ಪೋಯಿತ್ ಎನ್ನನೆ ಯೇಸುನ ಕಾಟಿ ಕೊಡುಕಂಡೂಂದ್ ಚರ್ಚೆ ಮಾಡ್‍ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:52

ಅಲ್ಲಿಂಜ ಯೇಸು ಅಂವೊನ ಪುಡಿಪಕ್ ಬಂದ ಮುಕ್ಯ ಯಾಜಕಂಗಕು, ದೇವಾಲಯತ್‍ರ ಸೇನೆರ ಅದಿಪತಿಯಂಗಕು ಪಿಂಞ ಯೆಹೂದ್ಯಂಗಡ ಬಲ್ಯಯಿಂಗಕು: ಒರ್ ಕಳ್ಳನ ಪುಡಿಪಕ್ ಬಂದನೆಕೆ ಕತ್ತಿ ಪಿಂಞ ಕೋಲ್‍ನ ಎಡ್‍ತಂಡ್ ನನ್ನ ಪುಡಿಪಕ್ ಬಂದಿತುಳ್ಳಿರಲ್ಲ.

ಯೋಹಾನ 12:19

ಅಕ್ಕ, ಫರಿಸಾಯಂಗ: ನಿಂಗ ನೋಟಿರ, ನಿಂಗಡ ಪ್ರಯತ್ನ ಎಲ್ಲಾ ಒಂದಾಂಗು ಪ್ರಯೋಜನ ಇಲ್ಲೇಂದ್ ಗೊತ್ತ್‌ಲ್ಲೆಯಾ? ಈ ಲೋಕವೇ ಯೇಸುರ ಬಯ್ಯಕ್ ಪೋಯಂಡುಂಡ್‍ೕಂದ್ ಅಯಿಂಗಯಿಂಗಳೇ ತಕ್ಕ್ ಪರ್‌ದಂಡ್ ಇಂಜತ್.

ಅಪೊಸ್ತಲ 2:12

ಎಲ್ಲಾರು ಆಶ್ಚರ್ಯತ್‍ಲ್ ಅಲ್ಲಿ ಎಂತ ಆಯಂಡುಂಡ್‍ೕಂದ್ ಗೊತ್ತಿಲ್ಲತೆ ಪೋಡಿಲ್, ಇದ್ ಎಂತಾಯಿತಿಕ್ಕೂಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಅಪೊಸ್ತಲ 4:1

ಪೇತ್ರ ಪಿಂಞ ಯೋಹಾನ, ಜನಡ ಪಕ್ಕ ಇಂಞು ತಕ್ಕ್ ಪರ್‌ದಂಡ್ ಇಪ್ಪಕ, ಯಾಜಕಂಗ ಪಿಂಞ ದೇವಾಲಯತ್‍ರ ಸೇನೆ ಅದಿಕಾರಿಯ ಪಿಂಞ ಸದ್ದುಕಾಯಂಗ ಅಲ್ಲಿಕ್ ಬಾತ್.

ಅಪೊಸ್ತಲ 4:21

ಅಲ್ಲಿ ಆನ ಅದ್ಬುತ ಕಾರ್ಯಕಾಯಿತ್ ಜನ ದೇವನ ತುದಿಚಂಡ್ ಇಂಜಗುಂಡ್, ಎನ್ನನೆ ಶಿಕ್ಷೆ ಕೊಡ್‍ಕಂಡೂಂದ್ ಗೊತ್ತಿಲ್ಲತೆ, ಅಯಿಂಗಳ ಇಂಞು ಬೊತ್ತಿಚಿಟ್ಟ್‌ರ್‍ವಂಜಿ ಬುಟ್ಟ್‌ರ್‌ತ್.

ಅಪೊಸ್ತಲ 5:23

ನಂಗ ಸೆರೆಮನೆಕ್ ಪೋಪಕ ಅದ್ ಬೀಗ ಇಟ್ಟಿತ್, ಬದ್ರವಾಯಿತ್ ಇಂಜತ್, ಅದ್ಂಡ ಪಕ್ಕ ಸಿಪಾಯಿಯಂಗ ನಿಂದಂಡಿಂಜತ್. ಆಚೇಂಗಿ ಅದ್‍ನ ತೊರ್‌ಪಕ, ನಂಗ ಒಳ್‍ಲ್ ದಾರ್‌ನು ಕಂಡಿತ್ತಿಲ್ಲೇಂದ್ ಎಣ್ಣ್‌ಚಿ.

ಅಪೊಸ್ತಲ 5:25

ಇನ್ನನೆ ಇಪ್ಪಕ, ದಾರೋ ಒಬ್ಬ ಬಂದಿತ್: ಕ್‍ೕಳಿ, ನಿಂಗ ಸೆರೆಮನೆಕ್ ಇಟ್ಟ ಮನುಷ್ಯಂಗ ದೇವಾಲಯತ್‍ಲ್ ನಿಂದಂಡ್ ಜನಕ್ ಬೋದನೆ ಮಾಡಿಯಂಡ್ ಉಂಡ್‍ೕಂದ್ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 5:26

ಅಕ್ಕ ದೇವಾಲಯತ್‍ರ ಸಿಪಾಯಿಯಂಗಡ ಅದಿಕಾರಿ ಅಂವೊಂಡ ಅದಿಕಾರಿಯಂಗಡ ಕೂಡೆ ಪೋಯಿತ್, ಜನ ಕಲ್ಲ್ ಕನಿಪಾಂದ್ ಬೊತ್ತಿತ್, ಒತ್ತಾಯ ಮಾಡತೆ ಅಯಿಂಗಳ ಕಾಕಿಯಂಡ್ ಬಾತ್.