ಅಪೊಸ್ತಲ 5:2 - ಕೊಡವ ಬೈಬಲ್

² ಆ ಪಣತ್‌ಲ್ ಒರ್ ಪಾಲ್‍ನ ಅಯಿಂಗಕಾಯಿತ್ ಬೆಚ್ಚಂಡ್, ಇಂಞೊರ್ ಪಾಲ್‍ನ ಅಪೊಸ್ತಲಂಗಡ ಕಾಲ್‌ಕ್ ಬೆಚ್ಚತ್. ಇದ್ ಅಂವೊಂಡ ಪೊಣ್ಣ್‌ಕ್ ಸಹ ಗೊತ್ತ್ಂಜತ್.

ಅಪೊಸ್ತಲ 5:2 ပူးပေါင်းရင်းမြစ်များ

ಮಲಾಕಿ 1:14

ಒಬ್ಬ, ಯೆಹೋವಂಗ್‌ ಪರಕೆ ಮಾಡಿತ್‌ ಅಂವೊಂಡ ಹಿಂಡ್‌ಲ್‌ ಎತ್ತ್‌ ಬೆಚ್ಚಂಡು, ಊನ ಉಳ್ಳದ್‌ನ ಅರ್ಪಿಚಿಡುವಕ, ಮೋಸಗಾರಂಗ್‌ ಶಾಪ ಬಪ್ಪ. ಎಲ್ಲಾ ಜನಾಂಗತ್‌ರ ಜನಳು ನಾಡ ಪೆದತ್‌ನ ಗನ ಪಡ್‌ತುವ. ನಾನ್‌ ಬಲ್ಯ ರಾಜಾಂದ್‌ ಸೇನೆರ ಒಡೆಯನಾನ ಯೆಹೋವ ಎಣ್ಣಿಯಂಡುಂಡ್.

ಮತ್ತಾಯ 23:5

ಅಯಿಂಗ ಮಾಡ್‌ವದೆಲ್ಲ ಜನ ನೋಟ್‍ವಕಾಯಿತ್ ಮಾಡ್‌ವ. ಅಯಿಂಗ ಬಟ್ಟೇಕ್ ಕೆಟ್ಟ್‌ವ ಜ್ಞಾಪಕ ಪಟ್ಟಿನ ಅಗಲ ಮಾಡ್‌ವ.

ಯೋಹಾನ 12:6

ಅಂವೊ, ನೇರಾಯಿತು ಗರೀಬಂಗಡ ಮೇಲೆ ಕನಿಕರ ಇಂಜಗುಂಡ್ ಅನ್ನನೆ ಎಣ್ಣಿತ್‌ಲ್ಲೆ. ಅಂವೊ ಕಳ್ಳನಾಯಿತ್ ಇಂಜತ್. ದುಡ್ಡ್‌ರ ಚೀಲ ಅಂವೊಂಡ ಪಕ್ಕ ಇಂಜತ್, ಅಲ್ಲಿಂಜ ಅಂವೊ ಎಡ್‍ಪಕಿಂಜತ್.

ಅಪೊಸ್ತಲ 2:44

ಯೇಸುನ ನಂಬ್‍ನಯಿಂಗ ಎಲ್ಲಾರು ಒಂದಾಯಿತ್ ಅಯಿಂಗಕುಳ್ಳದೆಲ್ಲಾನ ಎಲ್ಲಾಡದಾಯಿತ್ ಅನುಬವಿಚಿಟ್ಟಂಡ್ ಇಂಜತ್.

ಅಪೊಸ್ತಲ 4:37

ಅಂವೊಂಗ್ ಇಂಜ ಜಾಗತ್‍ಲ್ ಚೆನ್ನ ಮಾರಿತ್ ಅದ್ಂಡ ಪಣತ್‍ನ ಅಪೊಸ್ತಲಂಗಡ ಕಾಲ್‍ರ ಅಡಿಕ್ ಬೆಚ್ಚತ್.

ಅಪೊಸ್ತಲ 5:1

ಅಲ್ಲಿ, ಅನನೀಯ ಎಣ್ಣುವ ಒಬ್ಬನು ಅಂವೊಂಡ ಪೊಣ್ಣ್ ಸಪ್ಫೈರಳು ಕೂಡಿತ್ ಅಯಿಂಗಡ ಜಾಗತ್‍ನ ಚೆನ್ನ ಮಾರ್‌ಚಿ.

ಅಪೊಸ್ತಲ 5:3

ಅಕ್ಕ ಪೇತ್ರ ಅನನೀಯನ ನೋಟಿತ್: ಅನನೀಯನೇ, ನೀಡ ಜಾಗ ಮಾರ್‌ನ ಪಣತ್‌ಲ್ ಒರು ಪಾಲ್‍ನ ನೀಕ್ ಬೆಚ್ಚಂಡ್, ಪವಿತ್ರಾತ್ಮತ್‍ರ ಪಕ್ಕ ಪೊಟ್ಟ್ ಪರಿಯುವನೆಕೆ, ಸೈತಾನ ನೀಡ ಹೃದಯತ್‍ನ ಪಾಳ್‍ಮ್‌ವಕ್ ಎನ್ನಂಗ್ ಬುಟ್ಟಿಯ?

ಅಪೊಸ್ತಲ 5:8

ಪೇತ್ರ ಅವಳ ನೋಟಿತ್: ನಿಂಗ ನಿಂಗಡ ಜಾಗತ್‍ನ ಇಚ್ಚಕೇ ಪಣಕ್ ಮಾರಿಯತಾಂದ್ ನಾಕ್ ಎಣ್ಣ್‍ೕಂದ್ ಎಣ್ಣ್‌ಚಿ. ಅದ್ಂಗ್ ಅವ: ಅಕ್ಕು ಇಚ್ಚಕೇಂದ್ ಎಣ್ಣ್‌ಚಿ.

ಫಿಲಿಪ್ಪಿ 2:3

ನಿಂಗ ಮಾತ್ರ ಬಲ್ಯಯಿಂಗಾಂದ್ ಗೇನ ಮಾಡತಿ, ನಿಂಗಳ ತಗ್ಗ್‌ಚಿಟ್ಟಂಡ್ ಬೋರೆಯಿಂಗ ನಿಂಗಕಿಂಜ ಬಲ್ಯಯಿಂಗಾಂದ್ ಗೇನ ಮಾಡಿ.

1 ತಿಮೊಥೆಯ 6:10

ದುಡ್ಡ್‌ರ ಮೇಲೆ ಉಳ್ಳ ಪ್ರೀತಿ ಎಲ್ಲಾ ತರ ಕ್‍ೕಡ್‍ಕ್ ಮೂಲ ಕಾರಣವಾಯಿತುಂಡ್. ಚೆನ್ನ ಜನ ದುಡ್ಡ್‌ರ ಮೇಲೆ ಉಳ್ಳ ಅತಿ ಆಸೆರಗುಂಡ್ ದೇವಡ ಮೇಲೆ ಉಳ್ಳ ನಂಬಿಕೇನ ಬುಟ್ಟಿತ್, ದುಂಬ ನೊಂಬಲತ್‍ಲ್ ಅಯಿಂಗಳ, ಅಯಿಂಗಳೇ ಕುತ್ತಿಯಂಡುಂಡ್.