ಅಪೊಸ್ತಲ 5:18 - ಕೊಡವ ಬೈಬಲ್

¹⁸ ಅಯಿಂಗ ಅಪೊಸ್ತಲಂಗಳ ಪುಡ್‌ಚಿತ್ ಪಟ್ಟಣತ್‍ರ ಸೆರೆಮನೆಕ್ ಇಟ್ಟತ್.

ಅಪೊಸ್ತಲ 5:18 ပူးပေါင်းရင်းမြစ်များ

ಮತ್ತಾಯ 4:12

ಯೋಹಾನನ ಜೈಲ್‍ಲ್ ಇಟ್ಟಿತುಂಡ್‍ೕಂದ್ ಕ್‍ೕಟ ಪಿಂಞ ಯೇಸು ಗಲಿಲಾಯಕ್ ಪುನಃ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 21:12

ಇದೆಲ್ಲ ಆಪಕಿಂಜ ಮಿಂಞ, ಈ ಲೋಕತ್‍ರ ಜನ ನನ್ನಗುಂಡ್ ನಿಂಗಳ ಪುಡ್‌ಚಿತ್, ನೊಂಬಲ ಮಾಡಿತ್, ಜೈಲ್‍ಲ್ ಇಟ್ಟಿತ್ ನಿಂಗಳ ತೀರ್ಪ್ ಮಾಡ್‌ವಕಾಯಿತ್ ಸಬಾಮಂದಿರಕ್ ಬಲ್‍ಚಂಡ್ ಪೋಪ. ಅದಲ್ಲತೆ ನಾಡಗುಂಡ್ ಬಲ್ಯ ಅದಿಪತಿಯಂಗಡ ಪಿಂಞ ರಾಜಂಗಡ ಎದಿಕೆ, ಕೊಂಡ್ ಬಂದಿತ್ ನಿಪ್ಪ್‌ಚಿಡುವ.

ಅಪೊಸ್ತಲ 4:3

ಅಯಿಂಗ ಪೇತ್ರ ಪಿಂಞ ಯೋಹಾನನ ಪುಡ್‌ಚಿತ್, ಬಯಿಟಾಯಿತ್ಂಜಗುಂಡ್ ಅಯಿಂಗಳ ಪಿತ್ಯಾಂದ್ ಪೊಲಾಕಕತ್ತನೆ ಜೈಲ್‌ಕ್ ಇಟ್ಟತ್.

ಅಪೊಸ್ತಲ 8:3

ಇದ್‍ಲ್ಲತೆ ಸೌಲ, ಮನೆಮನೆಕ್ ಪೋಯಿತ್, ಕ್ರಿಸ್ತಂಡ ಮೇಲೆ ನಂಬಿಕೆ ಉಳ್ಳ ಆಣಾಳ್ ಪಿಂಞ ಪೊಣ್ಣಾಳ್‍ನ ಅಯಿಂಗಡ ಮನೇಯಿಂಜ ಪೊರಮೆ ಬಲ್‍ಚಿತ್, ಸೆರೆಮನೆಕ್ ಒಪ್ಪ್‌ಚಿಟ್ಟತ್. ಇನ್ನನೆ ಅಂವೊ ದೇವಡ ಸಬೇನ ಪಾಳ್ ಮಾಡಿಯಂಡಿಂಜತ್.

2 ಕೊರಿಂಥ 11:23

ಅಯಿಂಗ ಕ್ರಿಸ್ತಂಡ ಸೇವಕಂಗಳಾ? ನಾನ್ ಅಯಿಂಗಕಿಂಜ ಕ್ರಿಸ್ತಂಡ ಬಲ್ಯ ಸೇವಕ. ನಾನ್ ಬುದ್ದಿ ಇಲ್ಲತಂವೊಂಡನೆಕೆ ತಕ್ಕ್ ಪರ್ಂದಂಡುಳ್ಳ. ನಾನ್ ದುಂಬ ಕಷ್ಟಪಟ್ಟಂವೊ, ಜನ ನನ್ನ ದುಂಬ ಪೊಜ್ಜಿತುಂಡ್, ಜೈಲ್‍ಲ್ ದುಂಬ ಇಂಜಂವೊ, ದುಂಬ ಕುರಿ ಚಾವ್‍ಕ್ ಚಿಕ್ಕಿತುಳ್ಳ.

ಇಬ್ರಿಯ 11:36

ಬೋರೆ ಚೆನ್ನ ಜನ, ಅವಮಾನ ಪಟ್ಟಂಡ್, ಜನಡ ಕೈಯಿಂಜ ಪೊಯಿತ್ ಕ್‌ಟ್ಟಿಯಂಡ್, ಸರ್ಪಣಿಲ್ ಕೈದಿಯಾಯಿತ್ ಇಂಜಂಡ್ ಜೈಲ್‌ಕ್ ಪೋಚಿ.

ಪ್ರಕಟನೆ 2:10

ನೀಕ್ ಬಪ್ಪಕುಳ್ಳ ಕಷ್ಟತ್‍ರ ವಿಷಯತ್ ನೀಕ್ ಏದ್ ಪೋಡಿಯು ಬೋಂಡ; ಇದಾ, ನಿಂಗಳ ಪರೀಕ್ಷೆ ಮಾಡ್‌ವಕಾಯಿತ್ ಸೈತಾನ ನಿಂಗಡಲ್ಲಿ ಚೆನ್ನ ಜನಳ ಜೈಲ್‌ಕ್ ಇಡ್‌ವ, ಪತ್ತ್ ದಿನ ಹಿಂಸೆ ಪಡ್‌ವಿರ. ಆಚೇಂಗಿ ಚಾವಕತ್ತನೆ ನಂಬಿಕಸ್ತಂಗಳಾಯಿತಿರಿ. ಅಕ್ಕ, ಜೀವತ್‍ರ ಕಿರೀಟತ್‍ನ ನೀಕ್ ತಪ್ಪಿ.