ಅಪೊಸ್ತಲ 5:17 - ಕೊಡವ ಬೈಬಲ್

¹⁷ ಇಕ್ಕ, ಮಹಾ ಯಾಜಕ ಪಿಂಞ ಅಂವೊಂಡ ಮುಕ್ಯಸ್ತಂಗಳಾನ ಸದ್ದುಕಾಯಂಗಡ ಕೂಟ್‍ಕ್ ಕೂಡ್‍ನಯಿಂಗ, ದುಂಬ ಒಟ್ಟೆಕಿಚ್ಚ್‌ಲ್ ಇಂಜತ್

ಅಪೊಸ್ತಲ 5:17 ပူးပေါင်းရင်းမြစ်များ

ಜ್ಞಾನತ್‌ರ ಪಡಿಮ 14:30

ನೆಮ್ಮದಿ ಉಳ್ಳ ಮನಸ್ಸ್‌ ತಡಿಕ್‌ ಸೌಕ್ಯ ತಪ್ಪ. ಆಚೇಂಗಿ ಹೊಟ್ಟೆಕಿಚ್ಚ್‌ಲ್‌ ಮೂಳೆ ಕೀವ.

ಜ್ಞಾನತ್‌ರ ಪಡಿಮ 27:4

ಬಲ್ಯ ಚೆಡಿ ಕ್ರೂರವಾನದ್. ಚೆಡಿ ಪಾಳ್ಮಾಡಿರುವ. ಆಚೇಂಗಿ ಹೊಟ್ಟೆಕಿಚ್ಚ್‌ರ ಮಿಂಞ ದಾರ್‌ಕ್‌ ನಿಪ್ಪಕಯ್ಯು?

ಮತ್ತಾಯ 27:18

ಎನ್ನಂಗೆಣ್ಣ್‌ಚೇಂಗಿ ಯೇಸುರ ಮೇಲೆ ಉಳ್ಳ ಒಟ್ಟೆಕಿಚ್ಚ್‌ಯಿಂಜಲೇ ಅಂವೊನ ಪುಡ್‍ಚಿ ಕೊಡ್‌ತತ್‍ೕಂದ್ ಪಿಲಾತಂಗ್ ಗೊತ್ತಾನಗುಂಡ್ ಇನ್ನನೆ ಕ್‍ೕಟತ್.

ಮತ್ತಾಯ 3:7

ದುಂಬ ಫರಿಸಾಯಂಗ ಪಿಂಞ ಸದ್ದುಕಾಯಂಗ, ಯೋಹಾನಂಡ ಪಕ್ಕ ದೀಕ್ಷಾಸ್ನಾನ ಎಡ್‌ಪಕಾಯಿತ್ ಬಂದಂಡುಳ್ಳದ್‌ನ ಕಂಡಿತ್: ಕ್ಯಾರೆಬಳೆ ಮುರಿಪಾಂಬ್ ಜಾತಿಯಳೇ! ದೇವಡ ಚೆಡಿಯಿಂಜ ಬಚಾವಾಪಕ್ ಕಯ್ಯೂಂದ್ ನಿಂಗಕ್ ದಾರ್ ಎಣ್ಣಿ ಕೊಡ್‍ತತ್?

ಯೋಹಾನ 12:10

ಅಕ್ಕ, ಮುಕ್ಯ ಯಾಜಕಂಗ ಲಾಜರನ ಸಹ ಕೊಲ್ಲಂಡೂಂದ್ ತೀರ್ಮಾನ ಮಾಡಿತ್ ನೋಟಿಯಂಡ್ ಇಂಜತ್.

ಯೋಹಾನ 12:19

ಅಕ್ಕ, ಫರಿಸಾಯಂಗ: ನಿಂಗ ನೋಟಿರ, ನಿಂಗಡ ಪ್ರಯತ್ನ ಎಲ್ಲಾ ಒಂದಾಂಗು ಪ್ರಯೋಜನ ಇಲ್ಲೇಂದ್ ಗೊತ್ತ್‌ಲ್ಲೆಯಾ? ಈ ಲೋಕವೇ ಯೇಸುರ ಬಯ್ಯಕ್ ಪೋಯಂಡುಂಡ್‍ೕಂದ್ ಅಯಿಂಗಯಿಂಗಳೇ ತಕ್ಕ್ ಪರ್‌ದಂಡ್ ಇಂಜತ್.

ಅಪೊಸ್ತಲ 13:45

ಆಚೇಂಗಿ ಯೆಹೂದ್ಯಂಗ, ಜನ ಗುಂಪ್ ಗುಂಪಾಯಿತ್ ಬಪ್ಪಾನ ಕಂಡಿತ್, ಒಟ್ಟೆಕಿಚ್ಚ್‌ಲ್ ದುಂಬಿತ್, ಪೌಲ ಎಣ್ಣುವ ತಕ್ಕ್‌ಕ್ ವಿರೋದವಾಯಿತ್ ದೂಷಣೆ ಮಾಡಿಯಂಡಿಂಜತ್.

ಅಪೊಸ್ತಲ 15:5

ಅಕ್ಕ ಫರಿಸಾಯಂಗಡ ಕೂಟತ್‌ಂಜ ಯೇಸುರ ಮೇಲೆ ನಂಬಿಕೆ ಇಟ್ಟಿತ್ಂಜ ಚೆನ್ನ ಜನ, ದೇವಡ ಬರಿಕ್ ಮನಸ್ಸ್ ತಿರುಗ್‍ನ ಯೆಹೂದ್ಯರಲ್ಲತ ಬೋರೆ ಜನಕ್ ಸುನ್ನತಿ ಮಾಡಿತ್ ಮೋಶೇರ ನ್ಯಾಯಪ್ರಮಾಣತ್‍ರ ಪ್ರಕಾರ ನಡ್‍ಪಕ್ ಪಡಿಪ್‍ಚಿಡಂಡೂಂದ್ ಎಣ್ಣ್‌ಚಿ.

ಅಪೊಸ್ತಲ 17:5

ಇದ್‍ನ ನಂಬತ ಚೆನ್ನ ಯೆಹೂದ್ಯಂಗ, ಒಟ್ಟೆಕಿಚ್ಚ್ ಪಟ್ಟಿತ್ ಅಲ್ಲಿ ಚತ್ತೆಲ್ ಇಂಜ ಚೆನ್ನ ಕೆಟ್ಟ ಜನಳ ಕಾಕಿತ್, ಗುಂಪ್‍ಕೂಡಿತ್, ಪಟ್ಟಣತ್‍ಲ್ ಕಲಹ ಮಾಡಿತ್, ಪೌಲ ಪಿಂಞ ಸೀಲನ ಪಟ್ಟಣತ್‍ಲ್ ಎಲ್ಲಾಡ ಮಿಂಞತ್ ಬಲ್‍ಚಂಡ್ ಬರಂಡೂಂದ್ ತ್‍ೕಡಿಯಂಡ್ ಬಾತ್. ಅನ್ನನೆ ಪೌಲ ಪಿಂಞ ಸೀಲ ವಾಸ ಮಾಡಿಯಂಡಿಂಜ ಯಾಸೋನ ಎಣ್ಣ್‌ವಂವೊಂಡ ಮನೆಕ್ ಬಾತ್.

ಅಪೊಸ್ತಲ 4:26

ಒಡೆಯಂಗ್ ವಿರೋದವಾಯಿತು, ಅಂವೊ ಅಬಿಷೇಕ ಮಾಡ್‍ನಂವೊಂಗ್ ವಿರೋದವಾಯಿತು, ಈ ಲೋಕತ್‍ರ ರಾಜಂಗ ಎದ್ದ್ ನಿಂದಿತ್, ಅದಿಕಾರಿಯಂಗಡ ಕೂಟ ಕೂಡ್‍ಚೀಂದ್ ಎಣ್ಣಿತುಳ್ಳಿಯಲ್ಲ.

ಅಪೊಸ್ತಲ 4:6

ಅಲ್ಲಿ ಮುಕ್ಯ ಯಾಜಕನಾನ ಅನ್ನಾ, ಕಾಯಫ, ಯೋಹಾನ, ಅಲೆಕ್ಸಾಂದ್ರ ಪಿಂಞ ಮಹಾ ಯಾಜಕಂಡ ಮನೆಕಾರಳು ಇಂಜತ್.

ಅಪೊಸ್ತಲ 5:16

ಜನಡ ಗುಂಪ್ ಯೆರೂಸಲೇಮ್‍ರ ಸುತ್ತ್‌ಮುತ್ತ್ ಇಂಜ ಊರಿಂಜ ಸಹ ರೋಗಿಯಳ ಪಿಂಞ ಕೂಳಿ ಪುಡ್‌ಚಯಿಂಗಳ ಕೊಂಡ್ ಬಾತ್; ಅಯಿಂಗ ಎಲ್ಲಾರು ವಾಸಿ ಆಚಿ.

ಅಪೊಸ್ತಲ 7:9

ಆ ಗೋತ್ರತ್‍ರ ಮುತ್ತಜ್ಜಂಗ ಅಯಿಂಗಡ ಎಳಿಯ ತಮ್ಮಣನಾನ ಯೋಸೇಫಂಡ ಮೇಲೆ ಒಟ್ಟೆಕಿಚ್ಚ್ ಪಟ್ಟಿತ್, ಯೋಸೇಫನ ಐಗುಪ್ತ ದೇಶಕ್ ಅಡಿಮೆಯಾಯಿತ್ ಮಾರಿರ್‌ತ್. ಆಚೇಂಗಿ ದೇವ ಅಂವೊಂಡ ಕೂಡೆ ಇಂಜತ್.

ಗಲಾತ್ಯ 5:21

ಪೊರಾಮೆ, ಕುಡಿ, ಕೂಟ್‌ಕಳಿ ಪಿಂಞ ಬೋರೆ ಬೋರೆ ಕೆಟ್ಟ ಕಾರ್ಯ. ನಾನ್ ನಿಂಗಕ್ ಮಿಂಞಲೇ ಎಣ್ಣ್‌ನನೆಕೆ ಪುನಃ ಎಣ್ಣ್‌ವಿ. ಈ ತರ ಮಾಡ್‌ವಯಿಂಗಕ್, ದೇವ ಅಂವೊಂಡ ಮಕ್ಕಕ್ ಕೊಡ್‍ಪಾಂದ್ ಎಣ್ಣ್‌ನ ದೇವಡ ರಾಜ್ಯತ್‍ನ ಕೊಡ್‍ಪ್‍ಲೆ.

ಯಾಕೋಬ 4:5

ಅಥವ, ನಂಗಡೊಳ್‌ಲ್ ವಾಸ ಮಾಡ್‌ವಕಾಯಿತ್ ದೇವ ಕೊಡ್‍ತ ಪವಿತ್ರಾತ್ಮ ನಂಗ ದೇವಡ ಪಕ್ಕ ಸತ್ಯವುಳ್ಳಯಿಂಗಳಾಯಿತ್ ಇರಂಡೂಂದ್ ವೈರಾಗ್ಯತ್‍ಲ್ ಉಂಡ್‍ೕಂದ್ ಎಣ್ಣ್‌ವ ದೇವಡ ವಾಕ್ಯ ಮುಂಡತೆ ಎಣ್ಣಿತುಂಡ್‍ೕಂದ್ ಗೇನಮಾಡಿಯಂಡುಳ್ಳಿರ?

1 ಪೇತ್ರ 2:1

ಆನಗುಂಡ್, ಬೋರೆಯಿಂಗಳ ಕಷ್ಟಪಡ್‌ತ್‌ವದ್‍ಲ್ ಕುಶಿ ಪಡುವ ಎಲ್ಲಾ ಗುಣತ್‍ನ, ವಂಚನೆ ಮಾಡ್‌ವ ಗುಣತ್‍ನ, ಎಲ್ಲಾ ಕಪಟಿಯಾನ ಗುಣತ್‍ನ, ಹೊಟ್ಟೆಕಿಚ್ಚ್‌ನ, ಕುತ್ತಪರಿಯುವಾನೆಲ್ಲಾನ ನಿಂಗಡಲ್ಲಿಂಜ ಚಾಡಿ ಕಳೆಯುವಿರ.