ಅಪೊಸ್ತಲ 5:13 - ಕೊಡವ ಬೈಬಲ್

¹³ ಪೊರಮೆ ಇಂಜ ಜನಕ್ ಅಯಿಂಗಡ ಕೂಟ್‍ಕ್ ಕೂಡುವಕ್ ದಾರ್‌ಕು ದೈರ್ಯ ಇಂಜಿತ್‌ಲ್ಲೆ. ಆಚೇಂಗಿಯು ಜನ ಅಯಿಂಗಕ್ ದುಂಬ ಮರ್ಯಾದೆ ಕೊಡ್‍ತತ್.

ಅಪೊಸ್ತಲ 5:13 ပူးပေါင်းရင်းမြစ်များ

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 19:48

ಜನ ಎಲ್ಲ ಅಂವೊಂಡ ಒರ್ ಬೋದನೆನ ಸಹ ಬುಡತೆ ಚಾಯಿತೆ ಕ್‍ೕಟಂಡ್ ಇಂಜಗುಂಡ್ ಅಯಿಂಗಕ್ ಎನ್ನನೆ ಮಾಡಂಡೂಂದ್ ಗೊತ್ತ್‌ಂಜಿತ್‌ಲ್ಲೆ.

ಯೋಹಾನ 12:42

ಆಚೇಂಗಿಯು ಸಹ, ಯೆಹೂದ್ಯ ಜನತ್‍ರ ದುಂಬ ಅದಿಕಾರಿಯಂಗ ಯೇಸುನ ನಂಬಿತ್ಂಜತ್. ಆಚೇಂಗಿ, ಅಯಿಂಗಳ ಸಬಾಮಂದಿರಕ್ ಪೊರಮೆ ಇಡತನೆಕೆ, ಫರಿಸಾಯಂಗಕಾಯಿತ್, ಎಲ್ಲಾಡ ಮಿಂಞತ್ ಅಯಿಂಗ ಯೇಸುನ ನಂಬುವಯಿಂಗಾಂದ್ ಅರಿಕೆ ಮಾಡಿತ್‌ಲ್ಲೆ.

ಯೋಹಾನ 19:38

ಇದೆಲ್ಲಾ ಆನ ಪಿಂಞ, ಅರಿಮತಾಯ ಎಣ್ಣುವ ಊರ್‍ಕಾರನಾನ ಯೋಸೇಫ ಪಿಲಾತಂಡ ಪಕ್ಕ ಪೋಯಿತ್ ಯೇಸುರ ಚಾವ್ ತಡೀನ ಶಿಲುಬೆಯಿಂಜ ಎಡ್‍ತಂಡ್ ಪೋಪಕ್ ಅನುಮತಿ ಕ್‍ೕಟತ್. ಈ ಯೋಸೇಫ ಯೇಸುರ ಶಿಷ್ಯನಾಯಿತ್ಂಜತ್. ಅದ್ ದಾರ್‌ಕು ಗೊತ್ತ್‌ಂಜಿತ್‌ಲ್ಲೆ. ಎನ್ನಂಗೆಣ್ಣ್‌ಚೇಂಗಿ ಯೆಹೂದ್ಯಂಗಕ್ ಇಂವೊ ಬೊತ್ತ್‌ವಕಿಂಜತ್. ಯೇಸುರ ತಡೀನ ಎಡ್‌ತ ಪೋಂದ್ ಪಿಲಾತ ಹುಕುಮ್ ಕೊಡ್‍ತತ್. ಆನಗುಂಡ್ ಅಂವೊ ಪೋಯಿತ್, ಯೇಸುರ ತಡೀನ ಎಡ್‍ತಂಡ್ ಪೋಚಿ.

ಯೋಹಾನ 9:22

ಅಂವೊಂಡ ಅಪ್ಪವ್ವ ಯೆಹೂದ್ಯಂಗಡ ಅದಿಕಾರಿಯಂಗಕ್ ದುಂಬ ಬೊತ್ತ್‌ಚಿಟ್ಟಗುಂಡ್ ಇನ್ನನೆ ಎಣ್ಣ್‌ಚಿ. ಎನ್ನಂಗೆಣ್ಣ್‌ಚೇಂಗಿ, ದಾರೇಂಗಿ ಯೇಸುನ ಕ್ರಿಸ್ತಾಂದ್ ಅರಿಕೆ ಮಾಡ್‍ಚೇಂಗಿ, ಅಂವೊನ ಸಬಾಮಂದಿರಕ್ ಪೊರಮೆ ಇಡಂಡೂಂದ್ ಯೆಹೂದ್ಯಂಗ ಅಕ್ಕಲೆ ಎಣ್ಣಿತ್ಂಜತ್.

ಅಪೊಸ್ತಲ 19:17

ಆ ಸುದ್ದಿ ಎಫೆಸತ್‍ಲ್ ವಾಸ ಮಾಡಿಯಂಡಿಂಜ ಯೆಹೂದ್ಯಂಗಕೂ ಯೆಹೂದ್ಯ ಅಲ್ಲತಯಿಂಗಕೂ ಗೊತ್ತಾಯಿತ್ ಅಯಿಂಗಕೆಲ್ಲ ಪೋಡಿ ಆಚಿ. ಒಡೆಯನಾನ ಯೇಸುರ ಪೆದ ಗನಪಟ್ಟತ್.

ಅಪೊಸ್ತಲ 2:47

ದೇವನ ತುದಿಚಂಡ್, ಜನಡ ದಯೇನ ಪಡ್ಂದಯಿಂಗಳಾಯಿತ್‌ಂಜತ್. ರಕ್ಷಣೆ ಪಡ್ಂದಯಿಂಗಳ ದೇವ ದಿನಾಲು ಅಯಿಂಗಡ ಕೂಟ್‍ಕ್ ಕೂಟಿಯಂಡಿಂಜತ್.

ಅಪೊಸ್ತಲ 4:21

ಅಲ್ಲಿ ಆನ ಅದ್ಬುತ ಕಾರ್ಯಕಾಯಿತ್ ಜನ ದೇವನ ತುದಿಚಂಡ್ ಇಂಜಗುಂಡ್, ಎನ್ನನೆ ಶಿಕ್ಷೆ ಕೊಡ್‍ಕಂಡೂಂದ್ ಗೊತ್ತಿಲ್ಲತೆ, ಅಯಿಂಗಳ ಇಂಞು ಬೊತ್ತಿಚಿಟ್ಟ್‌ರ್‍ವಂಜಿ ಬುಟ್ಟ್‌ರ್‌ತ್.

ಅಪೊಸ್ತಲ 5:26

ಅಕ್ಕ ದೇವಾಲಯತ್‍ರ ಸಿಪಾಯಿಯಂಗಡ ಅದಿಕಾರಿ ಅಂವೊಂಡ ಅದಿಕಾರಿಯಂಗಡ ಕೂಡೆ ಪೋಯಿತ್, ಜನ ಕಲ್ಲ್ ಕನಿಪಾಂದ್ ಬೊತ್ತಿತ್, ಒತ್ತಾಯ ಮಾಡತೆ ಅಯಿಂಗಳ ಕಾಕಿಯಂಡ್ ಬಾತ್.

ಅಪೊಸ್ತಲ 5:5

ಅನನೀಯ ಈ ತಕ್ಕ್‌ನ ಕ್‍ೕಪಕ ಅಲ್ಲೇ ಬುದ್ದಿತ್ ಜೀವ ಬುಟ್ಟತ್. ಇದ್‍ನ ಕ್‍ೕಟ ಜನಕೆಲ್ಲ ದುಂಬ ಪೋಡಿ ಆಚಿ.

2 ಕೊರಿಂಥ 10:15

ನಂಗ ಮಿತಿನ ಮೀರಿತ್ ಬೋರೆಯಿಂಗಡ ಸೇವೇನ ಎಡ್‍ತಂಡ್ ಹೊಗಳಿಚಿಡುಲೆ. ಆಚೇಂಗಿ ನಿಂಗಡ ನಂಬಿಕೆ ಬಲ್ಯದಾಚೇಂಗಿ, ನಿಂಗಡ ಮದ್ಯತ್‍ಲ್ ನಂಗಡ ಸೇವೆ ಇಂಞು ಪಬ್ಬ್‌ವಾಂದ್ ನಂಗ ನಂಬಿಯಂಡುಂಡ್.