ಅಪೊಸ್ತಲ 5:12 - ಕೊಡವ ಬೈಬಲ್

¹² ಇದ್‍ಲ್ಲತೆ, ಅಪೊಸ್ತಲಂಗಡ ಕೈಯಿಂಜ ದುಂಬ ಗುರ್‌ತ್ ಕಾರ್ಯ ಪಿಂಞ ಆಶ್ಚರ್ಯ ಕಾರ್ಯ ಜನಡ ಮದ್ಯತ್‍ಲ್ ನಡ್ಂದಡಿಂಜತ್. ಅಯಿಂಗ ಎಲ್ಲಾರು ಒರೇ ಮನಸ್ಸ್‌ಲ್ ಸೊಲೊಮೋನಂಡ ಮಂಟಪತ್‌ಲ್ ಇಪ್ಪಯಿಂಜತ್.

ಅಪೊಸ್ತಲ 5:12 ပူးပေါင်းရင်းမြစ်များ

ಮಾರ್ಕ 16:20

ಶಿಷ್ಯಂಗ ಎಲ್ಲಾ ಜಾಗಕ್ ಪೋಯಿತ್ ಪ್ರಚಾರ ಮಾಡ್‍ಚಿ. ದೇವ ಅಯಿಂಗಡ ಕೂಡೆ ಇಂಜತ್, ಅಯಿಂಗ ಬೋದನೆ ಮಾಡ್‍ವದ್ ಸತ್ಯಾಂದ್ ಅಯಿಂಗ ಮಾಡ್‌ವ ಅದ್ಬುತ ಕಾರ್ಯತ್ಂಜ ಅಂವೊ ಕಾಟಿಕೊಡ್‍ತತ್. ಆಮೆನ್.

ಯೋಹಾನ 10:23

ಯೇಸು ದೇವಾಲಯತ್‍ಲ್ ಉಳ್ಳ ಸೊಲೊಮೋನಂಡ ಮಂಟಪತ್‌ಲ್ ಅಪ್ಪರ ಇಪ್ಪರ ನಡ್‌ದಂಡ್ ಇಂಜತ್.

ಯೋಹಾನ 4:48

ಅಕ್ಕ ಯೇಸು: ನಿಂಗ ಗುರ್‌ತ್ ಪಿಂಞ ಆಶ್ಚರ್ಯ ಕಾರ್ಯತ್‍ನ ಕಾಂಗತೆ ಪೋಚೇಂಗಿ ನಿಂಗ ದಾರೂ ನನ್ನ ನಂಬುಲೇಂದ್ ಎಣ್ಣ್‌ಚಿ.

ಅಪೊಸ್ತಲ 1:14

ಅಲ್ಲಿ ಈಂಗ ಎಲ್ಲಾರು ಒಟ್ಟ್ ಕೂಡಿತ್ ಒರೇ ಮನಸ್ಸ್‌ಲ್ ಎಕ್ಕಾಲು ಪ್ರಾರ್ಥನೆ ಮಾಡಿಯಂಡ್ ಇಂಜತ್. ಅಯಿಂಗಡ ಕೂಡೆ ಪೊಣ್ಣಾಳುವ, ಯೇಸುರ ಅವ್ವ ಮರಿಯ ಪಿಂಞ ಯೇಸುರ ತಮ್ಮಣಂಗಳು ಇಂಜತ್.

ಅಪೊಸ್ತಲ 14:3

ಆಚೇಂಗಿಯು ಪೌಲ ಪಿಂಞ ಬಾರ್ನಬ ದುಂಬ ದಿವಸ ಅಲ್ಲಿ ಒಳಿಂಜಿತ್ ಒಡೆಯಂಡ ವಿಷಯತ್‍ನ ದೈರ್ಯವಾಯಿತ್ ತಕ್ಕ್ ಪರ್ಂದತ್. ಒಡೆಯ, ಅಯಿಂಗ ತಕ್ಕ್ ಪರ್ಂದ ಕೃಪೇರ ವಿಷಯ ನೇರಾನದ್‍ೕಂದ್ ಎಣ್ಣ್‌ವಕ್ ಸಾಕ್ಷಿಯಾಯಿತ್, ಅಯಿಂಗ ಗುರ್‌ತ್ ಪಿಂಞ ಆಶ್ಚರ್ಯ ಕಾರ್ಯನೆಲ್ಲ ಮಾಡ್‌ವಕ್ ಶಕ್ತಿ ಕೊಡ್‍ತತ್.

ಅಪೊಸ್ತಲ 16:18

ಇನ್ನನೆ ದುಂಬ ದಿವಸ ಮಾಡ್‍ನಗುಂಡ್ ಪೌಲಂಗ್ ದುಂಬ ಚೆಡಿ ಬಂತ್, ಅವಡ ಪಕ್ಕ ತಿರಿತ್ ಆ ಕೂಳಿಕ್: ನೀನ್ ಇವಳ ಬುಟ್ಟಿತ್ ಪೋಂಡೂಂದ್ ಯೇಸು ಕ್ರಿಸ್ತಂಡ ಪೆದತ್‍ಲ್ ನೀಕ್ ಆಜ್ಞೆ ಮಾಡ್‌ವೀಂದ್ ಎಣ್ಣ್‌ಚಿ. ಅದೇ ಗಳಿಗೆಲ್ ಅದ್ ಅವಳ ಬುಟ್ಟಿತ್ ಪೋಚಿ.

ಅಪೊಸ್ತಲ 19:11

ದೇವ ಪೌಲಂಡ ಮೂಲಕ ವಿಶೇಷವಾನ ಅದ್ಬುತ ಕಾರ್ಯತ್‍ನ ಮಾಡ್‍ಚಿ.

ಅಪೊಸ್ತಲ 2:46

ಅಯಿಂಗ ದಿನಾಲು ಒರೇ ಮನಸ್ಸ್‌ಲ್ ದೇವಾಲಯತ್‍ಲ್ ಕೂಡಿಯಂಡ್, ಮನೆ ಮನೆಲ್ ಒಟ್ಟಿ ಪೊಳಿಚಿತ್, ಕುಶೀಲ್ ಉಂಡಂಡ್ ಪಿಂಞ ನೇರಾನಯಿಂಗಳಾಯಿತ್ ಇಂಜತ್.

ಅಪೊಸ್ತಲ 28:9

ಇದಾನ ಪಿಂಞ, ಆ ದ್ವೀಪತ್‍ಲ್ ಇಂಜ ಬೋರೆ ರೋಗಿಯಳು ಅಂವೊಂಡ ಪಕ್ಕ ಬಂದಿತ್ ವಾಸಿ ಆಚಿ.

ಅಪೊಸ್ತಲ 3:11

ವಾಸಿಯಾನ ಮನುಷ್ಯ, ಪೇತ್ರ ಪಿಂಞ ಯೋಹಾನನ ಬುಟ್ಟಿತ್ ಪೋಕತೆ ಅಯಿಂಗಳ ಪುಡ್‍ಚಂಡ್ ಇಂಜತ್. ಅಂವೊ ಇನ್ನನೆ ವಾಸಿಯಾನದ್‍ನ ಕ್‍ೕಟ ಜನಯೆಲ್ಲ ಆಶ್ಚರ್ಯತ್‍ಲ್, ಸೊಲೊಮೋನಂಡ ಮಂಟಪಾಂದ್ ಕಾಕ್‍ವ ಮಂಟಪಕ್, ಅಯಿಂಗಡ ಪಕ್ಕ ಓಡಿ ಬಾತ್.

ಅಪೊಸ್ತಲ 4:30

ನೀಡ ಪವಿತ್ರ ಸೇವಕನಾನ ಯೇಸುರ ಪೆದತ್‍ಲ್ ಗುರ್‍ತ್‍ನ ಮಾಡಿತ್, ಆಶ್ಚರ್ಯ ಕಾರ್ಯ ಆಪನೆಕೆ ಮಾಡಿತ್, ಪಿಂಞ ವಾಸಿ ಮಾಡ್‌ವಕಾಯಿತ್ ನೀನ್ ಶಕ್ತಿನ ಕೊಡ್‌ತಿತ್ ಅನುಗ್ರಹ ಮಾಡಂಡೂಂದ್ ಪ್ರಾರ್ಥನೆ ಮಾಡ್‍ಚಿ.

ಅಪೊಸ್ತಲ 9:33

ಅಲ್ಲಿ ಎಟ್ಟ್ ಕಾಲತ್ಂಜ ಪಾರ್ಶವಾಯುಲಿಂಜ, ಮೆತ್ತೆಲ್ ಬುದ್ದಡಿಂಜ ಐನೇಯ ಎಣ್ಣುವ ಒಬ್ಬನ ಪೇತ್ರ ಕಂಡತ್.

ಅಪೊಸ್ತಲ 9:40

ಪೇತ್ರ ಅಯಿಂಗ ಎಲ್ಲಾರ್‌ನ ಆ ಕೋಂಬರೆಯಿಂಜ ಪೊರಮೆ ಅಯಿಚಿತ್, ಮೊಣಕಾಲ್ ಇಟ್ಟಿತ್ ಪ್ರಾರ್ಥನೆ ಮಾಡಿತ್, ಚಾವ್ ತಡೀರ ಪಕ್ಕ ತಿರಿತ್: ತಬಿಥಾ, ಏಳ್‍ೕಂದ್ ಎಣ್ಣ್‌ಚಿ; ಅಕ್ಕ ಅವ ಕಣ್ಣ್ ತೊರಂದಿತ್, ಪೇತ್ರನ ಕಂಡದು ಅವ ಎದ್ದಿತ್ ಅಳ್‌ತಂಡತ್.

ರೋಮ್ 15:19

ಇನ್ನನೆ ಯೆರೂಸಲೇಮ್ಂಜ ಇಲ್ಲುರಿಕ ಎಣ್ಣುವ ಜಾಗತ್‍ರ ಸುತ್ತ್‌ಮುತ್ತ್‌ಕತ್ತನೆ ಕ್ರಿಸ್ತಂಡ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಬೋದನೆ ಮಾಡಿಯೆ.

2 ಕೊರಿಂಥ 12:12

ಅಪೊಸ್ತಲಂಗಕುಳ್ಳ ಗುರ್‍ತ್‍ನ ಎಲ್ಲಾ ವಿದವಾನ ಪೊರುಮೆಯಿಂಜ ಆಶ್ಚರ್ಯತ್ಂಜ, ಅದ್ಬುತತ್‌ಂಜ, ಶಕ್ತಿರ ಕೈಯಿಂಜ ನಿಂಗಡ ಮದ್ಯತ್‍ಲ್ ನಡ್ಂದತಲ್ಲಾ?

ಇಬ್ರಿಯ 2:4

ಆಶ್ಚರ್ಯ ಕಾರ್ಯ, ಅದ್ಬುತ ಕಾರ್ಯತ್‍ನಗುಂಡ್ ಪಿಂಞ ಅಂವೊಂಡ ಶಕ್ತಿರಗುಂಡ್ ಎಚ್ಚಕೋ ಕ್ರಿಯೇನ ನಂಗ ಕಂಡಿತುಂಡ್. ತಾಂಡ ಚಿತ್ತತ್‍ರನೆಕೆ, ಪಾಲ್ ಮಾಡ್‍ನ ಪವಿತ್ರಾತ್ಮತ್‍ರ ವರತ್‍ರಗುಂಡ್ ದೇವನೇ ಸಾಕ್ಷಿ ಎಣ್ಣ್‌ನ ಇಚ್ಚಕ್ ಬಲ್ಯ ರಕ್ಷಣೆರ ವಿಷಯತ್ ನಂಗ ಎಚ್ಚರ ಇಲ್ಲತೆ ಇಂಜತೇಂಗಿ, ಬಪ್ಪಕುಳ್ಳ ಶಿಕ್ಷೆಕ್ ನಂಗ ಎನ್ನನೆ ಬಚಾವ್ ಆಪಕಯ್ಯು?