ಅಪೊಸ್ತಲ 4:5 - ಕೊಡವ ಬೈಬಲ್

⁵ ಪಿತ್ಯಾಂದ್ ಯೆಹೂದ್ಯಂಗಡ ಅದಿಕಾರಿಯ, ಪೆರಿಯಯಿಂಗ, ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಎಲ್ಲಾರು ಯೆರೂಸಲೇಮ್‍ಲ್ ಒಟ್ಟ್ ಕೂಡ್‍ಚಿ.

ಅಪೊಸ್ತಲ 4:5 ပူးပေါင်းရင်းမြစ်များ

ಮಾರ್ಕ 15:1

ಪೊಲಾಕ ನೇರತೆ ಅವಸರ ಅವಸರತ್‌ಲ್ ಮುಕ್ಯ ಯಾಜಕಂಗಳು ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು ಪೆರಿಯಯಿಂಗಳು ಕೂಟ್ ಕೂಡ್‍ಚಿ. ಅಲ್ಲಿಯತ್‍ರ ಯೆಹೂದ್ಯಂಗಡ ಆಲೋಚನೆ ಸಬೇಕಾರ ಕೂಡಿಯಂಡ್ ಯೇಸುನ ಎಂತ ಮಾಡಂಡು ಎಣ್ಣಿಯಂಡ್ ಯೋಚನೆ ಮಾಡಿಯಂಡ್, ಯೇಸುನ ಸರ್ಪಣಿಲ್ ಕೆಟ್ಟಿತ್, ಪೊರಮೆ ಕಾಕುವಂಜಿ ಪಿಲಾತ ರಾಜಂಡ ಪಕ್ಕ ಒಪ್ಪ್‌ಚಿಟ್ಟತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:1

ಒರ್ ದಿವಸ ಯೇಸು ದೇವಾಲಯತ್‍ಲ್ ಜನಕ್ ಬೋದನೆ ಕೊಡ್‌ತಂಡ್, ನಲ್ಲ ಸುದ್ದಿನ ಪ್ರಚಾರ ಮಾಡಿಯಂಡಿಪ್ಪಕ, ಮುಕ್ಯ ಯಾಜಕಂಗಳು, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು ಪಿಂಞ ಪೆರಿಯಯಿಂಗಳು ಕೂಡಿಯಂಡ್ ಯೇಸುರ ಪಕ್ಕ ಬಂದಿತ್:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:66

ಪೊಲಾಕ ಆಪಕ ಯೆಹೂದ್ಯಂಗಡ ಪೆರಿಯಯಿಂಗಳು, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಳು, ಮುಕ್ಯ ಯಾಜಕಂಗಳು ಒಕ್ಕಚೆ ಕೂಡಿತ್ ಯೇಸುನ ಅಯಿಂಗಡ ಆಲೋಚನೆ ಸಬೇಕ್ ಕಾಕಿಯಂಡ್ ಪೋಯಿತ್ ನಿಪ್ಪ್‌ಚಿಟ್ಟಿತ್:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 23:13

ಪಿಲಾತ, ಮುಕ್ಯ ಯಾಜಕಂಗಳ, ಅದಿಕಾರಿಯಳ ಪಿಂಞ ಜನಳ ಕಾಕುವಂಜಿ ನಿಂಗ ಇಂವೊನ ನಾಡ ಪಕ್ಕ ಕಾಕಿಯಂಡ್ ಬಂತ್,

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 24:20

ನಂಗಡ ಮುಕ್ಯ ಯಾಜಕಂಗ ಪಿಂಞ ಅದಿಕಾರಿಯಂಗ ಅಂವೊನ ಕೊಲ್ಲ್‌ವಕ್ ತೀರ್ಪ್ ಮಾಡ್‌ವಕಾಯಿತ್ ಒಪ್ಪ್‌ಚಿಟ್ಟತ್, ಪಿಂಞ ಅಯಿಂಗ ಶಿಲುಬೇಕ್ ಇಟ್ಟತ್.

ಅಪೊಸ್ತಲ 4:8

ಅಕ್ಕ ಪೇತ್ರ ಪವಿತ್ರಾತ್ಮತ್‍ಲ್ ದುಂಬಿತ್, ಅಯಿಂಗಳ ನೋಟಿತ್: ಜನಡ ಅದಿಕಾರಿಯಳೇ, ಇಸ್ರಾಯೇಲ್‍ರ ಪೆರಿಯಯಿಂಗಳೇ,

ಅಪೊಸ್ತಲ 5:34

ಅಕ್ಕ, ದೇವಡ ವಾಕ್ಯತ್‍ರ ಉಪಾದ್ಯನಾಯಿತು, ಎಲ್ಲಾ ಜನಡ ಮರ್ಯಾದೆನ ಪಡ್ಂದಿತ್ಂಜ ಗಮಲಿಯೇಲ ಎಣ್ಣುವ ಒರ್ ಫರಿಸಾಯ ಆಲೋಚನೆ ಸಬೇಲ್ ಎದ್ದ್ ನಿಂದಿತ್, ಅಪೊಸ್ತಲಂಗಳ ಚೆನ್ನ ನೇರ ಪೊರಮೆ ಅಯಿಕಂಡೂಂದ್ ಆಜ್ಞೆ ಕೊಡ್‍ತತ್.

ಅಪೊಸ್ತಲ 6:12

ಇಂಞು ಜನಕ್, ಪೆರಿಯಯಿಂಗಕ್, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಕ್ ಚೆಡಿ ಬಪ್ಪನೆಕೆ ಮಾಡಿತ್, ಅಂವೊನ ಪುಡ್‌ಚಿತ್, ಯೆಹೂದ್ಯಂಗಡ ಆಲೋಚನೆ ಸಬೆರ ಮಿಂಞತ್ ನಿಪ್ಪ್‌ಚಿಟ್ಟತ್.