ಅಪೊಸ್ತಲ 4:34 - ಕೊಡವ ಬೈಬಲ್

³⁴ ಅಯಿಂಗಡ ಮದ್ಯತ್ ಒಬ್ಬಂಗ್ ಸಹ ಏದು ಕಮ್ಮಿಯಾಯಿತ್ಂಜಿಲೆ. ಎನ್ನಂಗೆಣ್ಣ್‌ಚೇಂಗಿ, ಬೇಲ್ ಪಿಂಞ ಮನೆ ಇಂಜಯಿಂಗ ಬೋಂಡುವಕತ್ತನೆ ಮಾರ್‌ವಂಜಿ ಅದ್ಂಡ ಪಣತ್‍ನ ಅಕ್ಕಕ್ಕ ಕೊಂಡ್‌ಬಂತ್,

ಅಪೊಸ್ತಲ 4:34 ပူးပေါင်းရင်းမြစ်များ

ಮತ್ತಾಯ 19:21

ಅದ್ಂಗ್ ಯೇಸು: ನೀನ್ ಒರ್ ಕುತ್ತವು ಇಲ್ಲತೆ ಬದ್‍ಕಂಡೂಂದ್ ನೀಕ್ ಆಸೆ ಉಂಡೇಂಗಿ, ಮನೆಕ್ ಪೋಯಿತ್, ನೀಡ ಪಕ್ಕ ಉಳ್ಳ ಆಸ್ತಿನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಮಾರ್ಕ 10:21

ಯೇಸು ಅಂವೊನ ಪ್ರೀತಿಲ್ ನೋಟಿತ್: ನೀಕ್ ಒರ್ ವಿಷಯ ಮಾತ್ರ ಕಮ್ಮಿಯುಂಡ್, ನೀಡ ಪಕ್ಕ ಉಳ್ಳದ್‍ನೆಲ್ಲ ಮಾರ್‌ವಂಜಿ ಆ ಪಣತ್‍ನ ಗರೀಬಂಗಕ್ ಕೊಡ್, ಅಕ್ಕ ಪರಲೋಕತ್‍ಲ್ ನೀಕ್ ಐಶ್ವರ್ಯ ದುಂಬಿತ್ ಕ್‍ಟ್ಟುವ, ಪಿಂಞ ನಾಡ ಬಯ್ಯ ಬಾಂದ್ ಯೇಸು ಎಣ್ಣ್‌ಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 12:33

ನಿಂಗಡ ಪಕ್ಕ ಉಳ್ಳ ಐಶ್ವರ್ಯತ್‍ನ ಮಾರಿತ್, ಬಂದ ಪಣತ್‍ನ ಗರೀಬಂಗಕ್ ದಾನಮಾಡಿ, ಇದ್ ನಿಂಗಕ್ ಪರಲೋಕತ್‍ಲ್ ಆಸ್ತಿ ಕೂಟಿ ಬೆಚ್ಚನೆಕೆ. ಪರಲೋಕತ್‍ಲ್ ಉಳ್ಳ ಪಣಚೀಲಕ್ ತೂತ ಇಲ್ಲೆ. ಅಲ್ಲಿ ಉಳ್ಳ ನಿಂಗಡ ಐಶ್ವರ್ಯತ್‍ನ ಕಳ್ಳಂಗ ಕಟ್ಟಂಡ್ ಪೋಪದು ಇಲ್ಲೆ, ಪುಳು ತಿಂಬದು ಇಲ್ಲೆ. ಅದ್ ಬದ್ರವಾಯಿತ್ ಇಪ್ಪ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 16:9

ಆನಗುಂಡ್ ನಾನ್ ನಿಂಗಕ್ ಎಣ್ಣ್‌ವಿ: ಈ ಲೋಕತ್‍ಲ್ ಉಳ್ಳ ಪಾಳಾಯಿ ಪೋಪ ನಿಂಗಡ ದುಡ್ಡ್ ಪಿಂಞ ಐಶ್ವರ್ಯತ್‍ರ ಮೂಲಕ ಬೋರೆಯಿಂಗಕ್ ಪ್ರಯೋಜನ ಆಪನೆಕೆ ಮಾಡಿತ್, ಸ್ನೇಹಿತಂಗಳ ಕೂಟಿಯೊಳಿ. ಈ ಲೋಕತ್‍ರ ಆಸ್ತಿ ನಿಂಗಳ ಬುಟ್ಟಿತ್ ಪೋಪಕ, ಅಯಿಂಗ ನಿಂಗಳ ನಿತ್ಯ ವಾಸ ಮಾಡ್‍ವಕ್ಕುಳ್ಳ ಜಾಗತ್‍ಲ್ ಸ್ವೀಕಾರ ಮಾಡ್‌ವ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:35

ಇಂಞು ಅಂವೊ ಅಯಿಂಗಕ್: ನಿಂಗಳ ನಾನ್ ಪಣ ಚೀಲ, ಸಾಮಾನ್‍ರ ಚೀಲ ಪಿಂಞ ಕಾಲ್‌ಕ್ ಎಕ್ಕಡ ಇಲ್ಲತೆ ಅಯಿಚಿತ್ ಇಪ್ಪಕ, ನಿಂಗಕ್ ಎಂತಾಚೇಂಗಿ ಕಮ್ಮಿಯಾಚಾಂದ್ ಯೇಸು ಕ್‍ೕಟತ್. ಅದ್ಂಗ್: ಒಂದು ಕಮ್ಮಿಯಾಯಿತ್‌ಲ್ಲೇಂದ್ ಅಯಿಂಗ ಎಣ್ಣ್‌ಚಿ.

ಅಪೊಸ್ತಲ 2:45

ಅದಲ್ಲತೆ, ಅಯಿಂಗ ಅಯಿಂಗಡ ಆಸ್ತಿನ ಮಾರಿತ್, ಅಯಿಂಗಡಡೆಲ್ ಪ್ರತಿ ಒಬ್ಬಂಗ್ ಎಚ್ಚಕ್ ಅವಸ್ಯ ಇಂಜತೋ ಅಚ್ಚಕ್ ಪಾಲ್ ಮಾಡಿ ಕೊಡ್‍ತತ್.

ಅಪೊಸ್ತಲ 4:37

ಅಂವೊಂಗ್ ಇಂಜ ಜಾಗತ್‍ಲ್ ಚೆನ್ನ ಮಾರಿತ್ ಅದ್ಂಡ ಪಣತ್‍ನ ಅಪೊಸ್ತಲಂಗಡ ಕಾಲ್‍ರ ಅಡಿಕ್ ಬೆಚ್ಚತ್.

2 ಕೊರಿಂಥ 8:14

ಎನ್ನನೆ ಎಣ್ಣ್‌ಚೇಂಗಿ, ದುಂಬ ಗುಡ್ಡೆ ಕೂಟ್‍ನಂವೊಂಗ್ ದುಂಬ ಕ್‍ಟ್ಟಿತು ಇಲ್ಲೆ, ಚೆನ್ನ ಗುಡ್ಡೆ ಕೂಟ್‍ನಂವೊಂಗ್ ಕಮ್ಮಿಯಾಯಿತ್ ಕ್‍ಟ್ಟಿತು ಇಲ್ಲೇಂದ್ ಒಳ್‍ದಿತುಳ್ಳನೆಕೆ,

1 ಥೆಸಲೊನೀಕ 4:12

ನಿಂಗ ಇನ್ನನೆ ಮಾಡ್‍ಚೇಂಗಿ, ನಿಂಗಡ ಪ್ರತಿ ದಿನ ಬದ್‍ಕ್‍ಲ್ ಚಾಯಿತೆ ಬದ್‍ಕಿಯಂಡ್ ಉಳ್ಳಾನ ಪೊರಮೆ ಉಳ್ಳಯಿಂಗ ಕಾಂಬ, ಪಿಂಞ ಎಲ್ಲಾರು ನಿಂಗಕ್ ಮರ್ಯಾದೆ ತಪ್ಪ. ಅಕ್ಕ ನಿಂಗ ದಾಡ ಮೇಲೆಯು ಬಾರ ಇಟ್ಟಿತ್ ಬದ್‌ಕುವನೆಕೆ ಇಪ್ಪುಲೆ.

1 ತಿಮೊಥೆಯ 6:19

ಇನ್ನನೆ ಮಾಡ್‍ಚೇಂಗಿ, ಬಪ್ಪಕುಳ್ಳ ಯುಗಕಾಯಿತ್ ಅಯಿಂಗಡ ಬಂಡಾರತ್‌ಲ್ ಕೂಟಿ ಬೆಪ್ಪನೆಕೆ ಚಾಯಿ ಅಡಿಪಾಯ ಇಡ್‌ವ. ಅಕ್ಕ ಅಯಿಂಗ ಸತ್ಯವಾನ ಬದ್‍ಕ್‍ನ ಅನುಬವಿಚಿಡುವಾಂದ್ ನೀನ್ ಅಯಿಂಗಕ್ ಎಣ್ಣಿ ಕೊಡ್.

ಯಾಕೋಬ 1:27

ತಬ್ಬಲಿ ಮಕ್ಕ ಪಿಂಞ ವಿದವೆಯಿಂಗಡ ಕಷ್ಟತ್‍ಲ್ ಸಹಾಯ ಮಾಡ್‍ವದ್ ಪಿಂಞ ಈ ಲೋಕತ್‍ರ ಪಾಪ ಅಂವೊನ ದೋಷ ಮಾಡತನೆಕೆ ಕಾಪಾಡಿಯಂಡ್ ಬದ್‍ಕ್‍ವದ್ ಇನ್ನತಾನ ವಿಷಯವೇ, ಅಪ್ಪನಾನ ದೇವಡ ಮಿಂಞತ್ ಶುದ್ದವಾನ ಕಳಂಗ ಇಲ್ಲತ ಬಕ್ತಿಯಾಯಿತ್‌ಪ್ಪ.