ಅಪೊಸ್ತಲ 4:3 - ಕೊಡವ ಬೈಬಲ್

³ ಅಯಿಂಗ ಪೇತ್ರ ಪಿಂಞ ಯೋಹಾನನ ಪುಡ್‌ಚಿತ್, ಬಯಿಟಾಯಿತ್ಂಜಗುಂಡ್ ಅಯಿಂಗಳ ಪಿತ್ಯಾಂದ್ ಪೊಲಾಕಕತ್ತನೆ ಜೈಲ್‌ಕ್ ಇಟ್ಟತ್.

ಅಪೊಸ್ತಲ 4:3 ပူးပေါင်းရင်းမြစ်များ

ಮತ್ತಾಯ 4:12

ಯೋಹಾನನ ಜೈಲ್‍ಲ್ ಇಟ್ಟಿತುಂಡ್‍ೕಂದ್ ಕ್‍ೕಟ ಪಿಂಞ ಯೇಸು ಗಲಿಲಾಯಕ್ ಪುನಃ ಪೋಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:52

ಅಲ್ಲಿಂಜ ಯೇಸು ಅಂವೊನ ಪುಡಿಪಕ್ ಬಂದ ಮುಕ್ಯ ಯಾಜಕಂಗಕು, ದೇವಾಲಯತ್‍ರ ಸೇನೆರ ಅದಿಪತಿಯಂಗಕು ಪಿಂಞ ಯೆಹೂದ್ಯಂಗಡ ಬಲ್ಯಯಿಂಗಕು: ಒರ್ ಕಳ್ಳನ ಪುಡಿಪಕ್ ಬಂದನೆಕೆ ಕತ್ತಿ ಪಿಂಞ ಕೋಲ್‍ನ ಎಡ್‍ತಂಡ್ ನನ್ನ ಪುಡಿಪಕ್ ಬಂದಿತುಳ್ಳಿರಲ್ಲ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:54

ಅಯಿಂಗ ಯೇಸುನ ಪುಡ್‍ಚಂಡ್ ಮಹಾ ಯಾಜಕಂಡ ಮನೆಕ್ ಕೊಂಡ್ ಪೋಚಿ. ಪೇತ್ರ ದೂರತ್‍ಲ್ ಅಯಿಂಗಡ ಬಯ್ಯತ್ ಪೋಚಿ.

ಯೋಹಾನ 18:12

ಅಕ್ಕ, ಪಟಾಲಕಾರಳೂ, ಆಯಿರ ಸಿಪಾಯಿಯಂಗಡ ಅದಿಕಾರಿಯು, ಯೆಹೂದ್ಯ ಸಿಪಾಯಿಯಳು ಯೇಸುನ ಪುಡ್‌ಚಿತ್, ಕೇರ್‌ಲ್ ಅಂವೊಂಡ ಕೈಯಿನ ಕೆಟ್ಟ್‌ಚಿ.

ಅಪೊಸ್ತಲ 5:18

ಅಯಿಂಗ ಅಪೊಸ್ತಲಂಗಳ ಪುಡ್‌ಚಿತ್ ಪಟ್ಟಣತ್‍ರ ಸೆರೆಮನೆಕ್ ಇಟ್ಟತ್.

ಅಪೊಸ್ತಲ 6:12

ಇಂಞು ಜನಕ್, ಪೆರಿಯಯಿಂಗಕ್, ನ್ಯಾಯಪ್ರಮಾಣತ್‍ರ ಉಪಾದ್ಯಂಗಕ್ ಚೆಡಿ ಬಪ್ಪನೆಕೆ ಮಾಡಿತ್, ಅಂವೊನ ಪುಡ್‌ಚಿತ್, ಯೆಹೂದ್ಯಂಗಡ ಆಲೋಚನೆ ಸಬೆರ ಮಿಂಞತ್ ನಿಪ್ಪ್‌ಚಿಟ್ಟತ್.

ಅಪೊಸ್ತಲ 8:3

ಇದ್‍ಲ್ಲತೆ ಸೌಲ, ಮನೆಮನೆಕ್ ಪೋಯಿತ್, ಕ್ರಿಸ್ತಂಡ ಮೇಲೆ ನಂಬಿಕೆ ಉಳ್ಳ ಆಣಾಳ್ ಪಿಂಞ ಪೊಣ್ಣಾಳ್‍ನ ಅಯಿಂಗಡ ಮನೇಯಿಂಜ ಪೊರಮೆ ಬಲ್‍ಚಿತ್, ಸೆರೆಮನೆಕ್ ಒಪ್ಪ್‌ಚಿಟ್ಟತ್. ಇನ್ನನೆ ಅಂವೊ ದೇವಡ ಸಬೇನ ಪಾಳ್ ಮಾಡಿಯಂಡಿಂಜತ್.

ಅಪೊಸ್ತಲ 9:2

ಯೇಸು ಕಾಟಿ ಕೊಡ್‍ತ ಮಾರ್ಗತ್‍ಲ್ ನಡ್ಂದಂಡುಳ್ಳಯಿಂಗ ದಾರಾಯಿತ್ಂಜತೇಂಗಿಯು, ಆಣಾಳ್ ಆಡ್ ಪೊಣ್ಣಾಳಾಡ್ ಅಂವೊ ಕಂಡತೇಂಗಿ, ಅಯಿಂಗಳ ಪುಡ್‌ಚಿತ್ ಬಂದಿಚಿಟ್ಟಿತ್ ಯೆರೂಸಲೇಮ್‌ಕ್ ಕೊಂಡ್ ಬಪ್ಪಕ್, ದಮಸ್ಕ ಪಟ್ಟಣತ್‍ಲ್ ಉಳ್ಳ ಎಲ್ಲಾ ಸಬಾಮಂದಿರಕ್ ಕಾಗದ ಕೊಡ್‍ಕಂಡೂಂದ್ ಮಹಾ ಯಾಜಕಂಡ ಪಕ್ಕ ಬೋಡ್‍ಚಿ.