ಅಪೊಸ್ತಲ 4:29 - ಕೊಡವ ಬೈಬಲ್

²⁹ ಆಚೇಂಗಿ ಇಕ್ಕ ಒಡೆಯನೇ, ಅಯಿಂಗ ನಂಗಳ ಬೊತ್ತ್‌ಚಿಟ್ಟದ್‍ನ ನೀನ್ ನೋಟಿತ್, ನೀಡ ಸೇವಕಂಗಳಾನ ನಂಗಕ್ ನೀಡ ವಾಕ್ಯತ್‍ನ ಬೋದನೆ ಮಾಡ್‌ವಕ್ ದೈರ್ಯ ಕೊಡ್.

ಅಪೊಸ್ತಲ 4:29 ပူးပေါင်းရင်းမြစ်များ

ಅಪೊಸ್ತಲ 13:46

ಅಕ್ಕ ಪೌಲ ಪಿಂಞ ಬಾರ್ನಬ, ದೈರ್ಯತ್ಂಜ ತಕ್ಕ್ ಪರ್ಂದತ್. ಅಯಿಂಗಳ ನೋಟಿತ್: ದೇವಡ ವಾಕ್ಯತ್‍ನ ನಿಂಗಕೇ ಆದ್ಯವಾಯಿತ್ ಎಣ್ಣ್‌ವಕ್ ಅವಸ್ಯ ಇಂಜತ್; ಆಚೇಂಗಿ ನಿಂಗ ಅದ್‍ನ ತಳ್ಳಿತ್, ನಿಂಗಳ ನಿತ್ಯ ಜೀವಕ್ ಯೋಗ್ಯ ಇಲ್ಲತಯಿಂಗಳಾಯಿತ್ ನಿಂಗಳೇ ತೀರ್ಪ್ ಮಾಡ್‍ನಗುಂಡ್, ನೋಟಿ, ನಂಗ ನಿಂಗಳ ಬುಟ್ಟಿತ್ ಯೆಹೂದ್ಯಂಗ ಅಲ್ಲತ ಬೋರೆ ಜನಡ ಪಕ್ಕ ಪೋಪಾಂದ್ ಎಣ್ಣ್‌ಚಿ.

ಅಪೊಸ್ತಲ 14:3

ಆಚೇಂಗಿಯು ಪೌಲ ಪಿಂಞ ಬಾರ್ನಬ ದುಂಬ ದಿವಸ ಅಲ್ಲಿ ಒಳಿಂಜಿತ್ ಒಡೆಯಂಡ ವಿಷಯತ್‍ನ ದೈರ್ಯವಾಯಿತ್ ತಕ್ಕ್ ಪರ್ಂದತ್. ಒಡೆಯ, ಅಯಿಂಗ ತಕ್ಕ್ ಪರ್ಂದ ಕೃಪೇರ ವಿಷಯ ನೇರಾನದ್‍ೕಂದ್ ಎಣ್ಣ್‌ವಕ್ ಸಾಕ್ಷಿಯಾಯಿತ್, ಅಯಿಂಗ ಗುರ್‌ತ್ ಪಿಂಞ ಆಶ್ಚರ್ಯ ಕಾರ್ಯನೆಲ್ಲ ಮಾಡ್‌ವಕ್ ಶಕ್ತಿ ಕೊಡ್‍ತತ್.

ಅಪೊಸ್ತಲ 19:8

ಪಿಂಞ, ಪೌಲ ಎಫೆಸ ಪಟ್ಟಣತ್‍ಲ್ ಇಂಜ ಸಬಾಮಂದಿರಕ್ ಪೋಯಿತ್ ಮೂಂದ್ ತಿಂಗ ದೇವಡ ರಾಜ್ಯತ್‍ರ ವಿಷಯತ್‍ನ ದೈರ್ಯತ್‍ಲ್, ನಂಬುವನೆಕೆ ಚರ್ಚೆ ಮಾಡಿಯಂಡ್ ಬೋದನೆ ಮಾಡಿಯಂಡೇ ಇಂಜತ್.

ಅಪೊಸ್ತಲ 26:26

ಅಗ್ರಿಪ್ಪ ರಾಜಂಗ್, ಈ ಸಂಗತಿಯೆಲ್ಲ ಗೊತ್ತುಂಡ್, ಆನಗುಂಡ್, ದೈರ್ಯವಾಯಿತ್ ಅಯಿಂಗಡ ಮಿಂಞ ತಕ್ಕ್ ಪರಿವಿ. ಇದ್‍ಲ್ ಅಂವೊಂಗ್ ಗೊತ್ತಿಲ್ಲತ ವಿಷಯ ಒಂದು ಇಲ್ಲೆ. ಎನ್ನಂಗೆಣ್ಣ್‌ಚೇಂಗಿ ಇದ್ ಒರ್ ಮೂಲೆಲ್ ನಡ್ಂದ ಸಂಗತಿಯಲ್ಲ.

ಅಪೊಸ್ತಲ 28:31

ತಾಂಡ ಪಕ್ಕ ಬಪ್ಪಯಿಂಗಕ್ ದೈರ್ಯವಾಯಿತ್, ಏದ್ ತಡೆಯು ಇಲ್ಲತೆ, ದೇವಡ ರಾಜ್ಯತ್‍ರ ವಿಷಯತ್‍ನ ಪಿಂಞ ಒಡೆಯನಾನ ಯೇಸು ಕ್ರಿಸ್ತಂಡ ವಿಷಯತ್‍ನ ಬೋದನೆ ಮಾಡಿಯಂಡ್ ಇಂಜತ್.

ಅಪೊಸ್ತಲ 4:13

ಪೇತ್ರ ಪಿಂಞ ಯೋಹಾನ ದೈರ್ಯತ್‍ಲ್ ತಕ್ಕ್ ಪರಿವಾನ ಅಯಿಂಗ ನೋಟಿತ್, ಈಂಗ ವಿದ್ಯ ಇಲ್ಲತಯಿಂಗಳು, ಸಾದಾರಣ ಮನುಷ್ಯಂಗಾಂದು ಗೊತ್ತಾಯಿತ್ ಆಶ್ಚರ್ಯಪಟ್ಟಿತ್, ಈಂಗ ಯೇಸುರ ಕೂಡೆ ಇಂಜಯಿಂಗಾಂದ್ ಅಯಿಂಗಕ್ ಗೊತ್ತಾಚಿ.

ಅಪೊಸ್ತಲ 4:21

ಅಲ್ಲಿ ಆನ ಅದ್ಬುತ ಕಾರ್ಯಕಾಯಿತ್ ಜನ ದೇವನ ತುದಿಚಂಡ್ ಇಂಜಗುಂಡ್, ಎನ್ನನೆ ಶಿಕ್ಷೆ ಕೊಡ್‍ಕಂಡೂಂದ್ ಗೊತ್ತಿಲ್ಲತೆ, ಅಯಿಂಗಳ ಇಂಞು ಬೊತ್ತಿಚಿಟ್ಟ್‌ರ್‍ವಂಜಿ ಬುಟ್ಟ್‌ರ್‌ತ್.

ಅಪೊಸ್ತಲ 4:31

ಇನ್ನನೆ ಅಯಿಂಗ ಪ್ರಾರ್ಥನೆ ಮಾಡ್‌ವಕ, ಅಯಿಂಗ ಕೂಡಿತ್ಂಜ ಜಾಗ ಅಲ್ಲಾಡ್‌ಚಿ. ಅಯಿಂಗ ಎಲ್ಲಾರು ಪವಿತ್ರಾತ್ಮತ್‍ಲ್ ದುಂಬಿತ್ ದೇವಡ ವಾಕ್ಯತ್‍ನ ದೈರ್ಯತ್‍ಲ್ ಎಣ್ಣ್‌ಚಿ.

ಅಪೊಸ್ತಲ 9:27

ಆಚೇಂಗಿ ಬಾರ್ನಬ ಅಂವೊನ ಕೂಟಿಯಂಡ್, ಅಪೊಸ್ತಲಂಗಡ ಪಕ್ಕ ಕಾಕಿಯಂಡ್ ಪೋಚಿ. ಬಾರ್ನಬ, ಅಯಿಂಗಕೆಲ್ಲ ಸೌಲ ಎನ್ನನೆ ಒಡೆಯನ ಬಟ್ಟೇಲ್ ಕಂಡತ್‍ೕಂದೂ, ಒಡೆಯ ಅಂವೊಂಡ ಕೂಡೆ ತಕ್ಕ್ ಪರ್ಂದದನೂ ಎಣ್ಣ್‌ಚಿ. ಅದಲ್ಲತೆ ದಮಸ್ಕತ್‍ಲ್ ಯೇಸುರ ಪೆದತ್‍ಲ್ ಇಂವೊ ದೈರ್ಯತ್‍ಲ್ ತಕ್ಕ್ ಪರ್ಂದದ್‍ನ ಸಹ ಅಯಿಂಗಕ್ ವಿವರಿಚಿಟ್ಟತ್.

ಅಪೊಸ್ತಲ 9:28

ಅಲ್ಲಿಂಜ ಅಂವೊ ಅಪೊಸ್ತಲಂಗಡ ಕೂಡೆ ಇಂಜಂಡ್, ಯೆರೂಸಲೇಮ್‍ಲ್ ಎಲ್ಲಾ ಜಾಗಕು ಒರ್ ತೊಂದರೆಯು ಇಲ್ಲತೆ ಪೋಯಂಡ್ ಬಂದಂಡ್ ಒಡೆಯಂಡ ಪೆದತ್‍ಲ್ ದೈರ್ಯತ್‍ಲ್ ಪ್ರಸಂಗ ಮಾಡಿಯಂಡ್,

1 ಕೊರಿಂಥ 14:13

ದಾರ್‍ಕೆಲ್ಲ ಬೋರೆ ಬೋರೆ ಬಾಷೆಲ್ ತಕ್ಕ್ ಪರಿಯುವ ವರ ಉಂಡೋ, ಅಯಿಂಗ ಅದ್ಂಡ ಅರ್ಥ ಎಣ್ಣಿ ಕೊಡ್‍ಪ ವರಕಾಯಿತ್ ಪ್ರಾರ್ಥನೆ ಮಾಡಂಡು.

2 ಕೊರಿಂಥ 3:12

ನಂಗಕ್ ಇಚ್ಚಕ್ ನಿರೀಕ್ಷೆ ಉಳ್ಳಾಂಗ್, ನಂಗ ದುಂಬ ದೈರ್ಯ ಉಳ್ಳಯಿಂಗಳಾಯಿತುಂಡ್.

ಫಿಲಿಪ್ಪಿ 1:14

ನಾನ್ ಇನ್ನನೆ ಕೈದಿಯಾಯಿತ್ ಉಳ್ಳಗುಂಡ್, ಯೇಸುನ ನಂಬ್‍ನ ಸುಮಾರ್ ಅಣ್ಣತಮ್ಮಣಂಗ ದೇವಡ ವಿಷಯತ್‍ನ ಒರ್ ಪೋಡಿಯು ಇಲ್ಲತೆ ದುಂಬ ನಂಬಿಕೇಲ್ ದೈರ್ಯವಾಯಿತ್ ಎಣ್ಣಿಯಂಡುಂಡ್.

1 ಥೆಸಲೊನೀಕ 2:2

ನಂಗ ಅಲ್ಲಿ ಬಪ್ಪಕ್ ಮಿಂಞ ಫಿಲಿಪ್ಪಿ ಪಟ್ಟಣತ್‍ಲ್ ನಂಗಳ ಜನ ಎನ್ನನೆ ತೊಂದರೆ ಮಾಡ್‍ಚೀಂದ್ ಪಿಂಞ ಎನ್ನನೆ ಮಾನಕೇಡಾಯಿತ್ ನಡ್‌ತ್‌ಚೀಂದ್ ನಿಂಗಕ್ ಗೊತ್ತುಂಡ್. ಆಚೇಂಗಿಯು, ದುಂಬ ವಿರೋದತ್‍ರ ಮದ್ಯತ್‍ಲ್ ದೇವಡ ನಲ್ಲ ಸುದ್ದಿನ ನಿಂಗಕ್ ಎಣ್ಣುವಕ್ ದೇವ ನಂಗಕ್ ಸಹಾಯ ಮಾಡ್‍ಚಿ.

2 ತಿಮೊಥೆಯ 4:17

ಆಚೇಂಗಿ ಒಡೆಯ ನಾಡ ಕೂಡೆ ನಿಂದಿತ್ ನನ್ನ ಬಲಪಡ್‍ತಿತ್, ನಾಡ ಮೂಲಕ ನಲ್ಲ ಸುದ್ದಿನ ಪೂರ್ತಿಯಾಯಿತ್ ಪ್ರಚಾರ ಮಾಡ್‌ವಕ್, ಯೆಹೂದ್ಯಂಗಲ್ಲತ ಜನ ಅದ್‍ನ ಕ್‍ೕಪನೆಕೆ ಮಾಡ್‍ಚಿ. ಇದ್ ಅಲ್ಲತೆ ಸಿಂಹತ್‍ರ ಬಾಯಿಯಿಂಜ ನನ್ನ ಬುಡ್‍ಗಡೆ ಮಾಡ್‍ಚಿ.