ಅಪೊಸ್ತಲ 4:22 - ಕೊಡವ ಬೈಬಲ್

²² ಅದ್ಬುತವಾಯಿತ್ ವಾಸಿ ಆನ ಆ ಮನುಷ್ಯಂಗ್ ಸುಮಾರ್ ನಾಪದ್ ವಯಸ್‍ಕ್ ಮೇಲೆ ಆಯಿತ್ಂಜತ್.

ಅಪೊಸ್ತಲ 4:22 ပူးပေါင်းရင်းမြစ်များ

ಮತ್ತಾಯ 9:20

ಪೋಯಂಡಿಪ್ಪಕಲೆ, ಪನ್ನೆರಂಡ್ ಕಾಲತ್ಂಜ ಚೋರೆ ಪೋಪ ರೋಗತ್‌ಂಜ ಕಷ್ಟಪಟ್ಟಂಡಿಂಜ ಒರ್ ಪೊಣ್ಣಾಳ್:

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:11

ಅಲ್ಲಿ ಒರ್ ಪೊಣ್ಣಾಳ್‌ಕ್ ಪದನೆಟ್ಟ್ ಕಾಲತ್ಂಜ ಕೂಳಿ ಪುಡ್‌ಚಿತ್ಂಜತ್. ಆ ಕೂಳಿ ಅವಳ ಸೌಕ್ಯ ಇಲ್ಲತೆ ಮಾಡಿತ್ಂಜತ್. ಅವ ಗೂನಿಯಾಯಿತ್, ಚೆನ್ನಂಗ್ ಸಹ ನೇರೆ ನಿಪ್ಪಕ್ ಕಯ್ಯತೆ ಬಗ್ಗಿ ಪೋಯಿತ್ಂಜತ್.

ಯೋಹಾನ 5:5

ನುಪ್ಪತೆಟ್ಟ್ ಕಾಲ ಕಾಯಿಲೆಲ್ ಇಂಜ ಒಬ್ಬ ಅಲ್ಲಿ ಇಂಜತ್.

ಯೋಹಾನ 9:1

ಯೇಸು ನಡ್‌ದಂಡ್ ಪೋಯಂಡಿಪ್ಪಕ, ಪುಟ್ಟ್‌ವಕಾಪಲೇ ಕುರ್‌ಡನಾಯಿತ್ಂಜ ಒರ್ ಮನುಷ್ಯನ ಕಂಡತ್.

ಅಪೊಸ್ತಲ 3:2

ಅಲ್ಲಿ, ಪುಟ್ಟ್‌ನಲ್ಲಿಂಜ ಕುಂಟನಾಯಿತ್ಂಜ ಒಬ್ಬನ ಚೆನ್ನ ಜನ ಕೊಂಡ್ ಬಂದಂಡಿಂಜತ್. ದೇವಾಲಯತ್‍ರ ಒಳ್‍ಕ್ ಪೋಪ ಜನಡ ಪಕ್ಕ ಬಿಕ್ಷೆ ಬೋಡ್‌ವಕಾಯಿತ್, ಅಂವೊನ ದಿನಾಲು ದೇವಾಲಯತ್‍ರ ಚಾಯಿ ಬಾಯಿಕಂಡೀಂದ್ ಕಾಕ್‍ವ ಪಡಿರ ಪಕ್ಕತ್‍ಲ್ ಅಳ್‍ಪಚಿಟ್ಟಂಡಿಂಜತ್.

ಅಪೊಸ್ತಲ 4:21

ಅಲ್ಲಿ ಆನ ಅದ್ಬುತ ಕಾರ್ಯಕಾಯಿತ್ ಜನ ದೇವನ ತುದಿಚಂಡ್ ಇಂಜಗುಂಡ್, ಎನ್ನನೆ ಶಿಕ್ಷೆ ಕೊಡ್‍ಕಂಡೂಂದ್ ಗೊತ್ತಿಲ್ಲತೆ, ಅಯಿಂಗಳ ಇಂಞು ಬೊತ್ತಿಚಿಟ್ಟ್‌ರ್‍ವಂಜಿ ಬುಟ್ಟ್‌ರ್‌ತ್.

ಅಪೊಸ್ತಲ 4:23

ಈಂಗ ಬುಡ್‍ಗಡೆ ಆನ ಪಿಂಞ, ಅಯಿಂಗಡ ಸ್ವಂತ ಜನಡ ಪಕ್ಕ ಪೋಯಿತ್, ಮುಕ್ಯ ಯಾಜಕಂಗ ಪಿಂಞ ಪೆರಿಯಯಿಂಗ ಈಂಗಕ್ ಎಣ್ಣ್‌ನದೆಲ್ಲ ಅಯಿಂಗಕ್ ಎಣ್ಣ್‌ಚಿ.

ಅಪೊಸ್ತಲ 9:33

ಅಲ್ಲಿ ಎಟ್ಟ್ ಕಾಲತ್ಂಜ ಪಾರ್ಶವಾಯುಲಿಂಜ, ಮೆತ್ತೆಲ್ ಬುದ್ದಡಿಂಜ ಐನೇಯ ಎಣ್ಣುವ ಒಬ್ಬನ ಪೇತ್ರ ಕಂಡತ್.