ಅಪೊಸ್ತಲ 4:21 - ಕೊಡವ ಬೈಬಲ್

²¹ ಅಲ್ಲಿ ಆನ ಅದ್ಬುತ ಕಾರ್ಯಕಾಯಿತ್ ಜನ ದೇವನ ತುದಿಚಂಡ್ ಇಂಜಗುಂಡ್, ಎನ್ನನೆ ಶಿಕ್ಷೆ ಕೊಡ್‍ಕಂಡೂಂದ್ ಗೊತ್ತಿಲ್ಲತೆ, ಅಯಿಂಗಳ ಇಂಞು ಬೊತ್ತಿಚಿಟ್ಟ್‌ರ್‍ವಂಜಿ ಬುಟ್ಟ್‌ರ್‌ತ್.

ಅಪೊಸ್ತಲ 4:21 ပူးပေါင်းရင်းမြစ်များ

ಮತ್ತಾಯ 15:31

ಮೂಡಂಗ ತಕ್ಕ್ ಪರಿವಾನ, ಕೈಕಾಲ್ ಬಕ್ಕತಯಿಂಗ ವಾಸಿ ಆನಾನ, ಕುಂಟಂಗ ನಡ್‌ಪಾನ, ಕುರ್‌ಡಂಗ ಕಣ್ಣ್ ಕಾಂಬಾನೆಲ್ಲ ನೋಟ್‌ನ ಜನ ಆಶ್ಚರ್ಯಪಟ್ಟಿತ್, ಇಸ್ರಾಯೇಲಂಡ ದೇವನ ತುದಿಚತ್.

ಮತ್ತಾಯ 21:46

ಯೇಸುನ ಪುಡಿಪಕ್ ಸಮಯ ನೋಟಿಯಂಡಿಂಜತ್, ಆಚೇಂಗಿ ಜನ ಯೇಸುನ ಪ್ರವಾದೀಂದ್ ಗೇನ ಮಾಡ್‍ನಗುಂಡ್ ಅಂವೊನ ಬಂದಿಚಿಡ್‍ವಕ್ ಅಯಿಂಗಕ್ ಪೋಡಿ ಆಚಿ.

ಮತ್ತಾಯ 26:5

ಆಚೇಂಗಿಯು ಈ ನಮ್ಮೆರ ದಿವಸತ್‍ಲ್ ಮಾಡ್‌ವಕ್ಕಾಗ, ಎನ್ನಂಗೆಣ್ಣ್‌ಚೇಂಗಿ, ನಮ್ಮೆರ ದಿವಸತ್‍ಲ್ ಮಾಡ್‍ಚೇಂಗಿ, ಜನ ನಂಗಡ ಮೇಲೆ ದಂಗೆ ಏವಾಂದ್ ಅಯಿಂಗ ತೀರ್ಮಾನ ಎಡ್‍ತತ್.

ಮತ್ತಾಯ 9:33

ಅಂವೊಂಡ ಮೇಲ್‌ಲ್ ಇಂಜ ಕೂಳಿನ ಬುಡ್‍ತ್‍ನ ಪಿಂಞ ಮೂಗನಾಯಿತ್ಂಜ ಅಂವೊ ತಕ್ಕ್ ಪರ್ಂದತ್. ಜನ ಆಶ್ಚರ್ಯತ್‍ಲ್: ಇಸ್ರಾಯೇಲ್‌ಲ್ ಇನ್ನನೆ ಎಕ್ಕಾಲು ನಡ್ಂದ್‍ತ್‌ಲ್ಲೆಲ್ಲಾಂದ್ ಎಣ್ಣ್‌ಚಿ.

ಮತ್ತಾಯ 9:8

ಇದ್‍ನ ನೋಟಿತ್ ಜನಕ್ ಪೋಡಿ ಆಚಿ. ಮನುಷ್ಯಂಗ್ ಇನ್ನನೆ ಮಾಡ್‌ವಕ್ ಅದಿಕಾರ ಕೊಡ್‍ತ ದೇವನ ತುದಿಚತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 13:17

ಯೇಸುರ ತಕ್ಕ್ ಕ್‍ೕಪದು ಅಂವೊಂಡ ಶತ್ರುವಂಗಕ್ ಞಾಣ ಆಚಿ. ಆಚೇಂಗಿ, ಬೋರೆ ಜನಕೆಲ್ಲ ಯೇಸು ಮಾಡ್‍ನ ಈ ಬಲ್ಯ ಕಾರ್ಯತ್‍ನ ಕಂಡಿತ್ ಬಾರಿ ಕುಶಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:19

ಯೇಸು ಎಣ್ಣ್‌ನ ಕಥೇರ ರೂಪತ್‌ಲ್ ಅಯಿಂಗಡ ವಿಷಯತ್‍ನ ಎಣ್ಣ್‌ಚೀಂದ್ ನ್ಯಾಯಪ್ರಮಾಣತ್‍ರ ಉಪಾದ್ಯಂಗ ಪಿಂಞ ಮುಕ್ಯ ಯಾಜಕಂಗಕ್ ಗೊತ್ತಾಯಿತ್, ಯೇಸುನ ಪುಡಿಪಕ್ ಒರ್ ಸಮಯ ನೋಟಿಯಂಡಿಂಜತ್. ಆಚೇಂಗಿ ಈ ಬಲ್ಯ ಜನಡ ಕೂಟತ್‌ನ ಕಂಡಿತ್ ಅಯಿಂಗಕ್ ಪೋಡಿ ಆಚಿ.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 20:6

ಆಚೇಂಗಿ ಇದ್ ಮನುಷ್ಯಂಡಲ್ಲಿಂಜ ಬಾತ್‍ೕಂದ್ ಎಣ್ಣ್‌ಚೇಂಗಿ, ಜನ ಯೋಹಾನನ ಪ್ರವಾದೀಂದ್ ನಂಬಿತ್ಂಜಗುಂಡ್ ನಂಗಳ ಕೊಲ್ಲ್‌ವಕ್ ಕಲ್ಲ್ ಕನಿಪಾಂದ್ ಅಯಿಂಗಯಿಂಗಳೇ ತಕ್ಕ್ ಪರ್ಂದತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:2

ಅಕ್ಕ ಮುಕ್ಯ ಯಾಜಕಂಗ, ನ್ಯಾಯಪ್ರಮಾಣನತ್‍ರ ಉಪಾದ್ಯಂಗ ಯೇಸುನ ಪುಡ್‌ಚಿತ್ ಕೊಲ್ಲ್‌ವಕ್ ನೋಟಿಯಂಡ್ ಇಂಜತ್, ಆಚೇಂಗಿಯು ಜನಕ್ ಬೊತ್ತಿಯಂಡಿಂಜತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 5:26

ಅಕ್ಕ ಅಲ್ಲಿ ಉಳ್ಳ ಜನ ಎಲ್ಲಾರ್‌ಕು ಆಶ್ಚರ್ಯವು ಆಯಿತ್, ಪೋಡಿಯು ಆಯಿತ್, ಇಂತ ಒರ್ ಅದ್ಬುತ ಕಾರ್ಯತ್‍ನ ನಂಗ ಕಂಡಿತೇ ಇಲ್ಲೇಂದ್ ಎಣ್ಣಿತ್, ದೇವನ ತುದಿಪಕ್ ಸುರು ಮಾಡ್‍ಚಿ.

ಅಪೊಸ್ತಲ 4:17

ಆನಗುಂಡ್, ಅಯಿಂಗಡ ಬೋದನೆ ಇಂಞು ಪಬ್ಬತನೆಕೆ, ಯೇಸುರ ವಿಷಯತ್‍ನ ಅಯಿಂಗ ಬೋದನೆ ಮಾಡ್‌ವಕ್ಕಾಗಾಂದ್ ಎಚ್ಚರ ಮಾಡಂಡೂಂದ್ ತೀರ್ಮಾನ ಮಾಡ್‍ಚಿ.

ಅಪೊಸ್ತಲ 4:22

ಅದ್ಬುತವಾಯಿತ್ ವಾಸಿ ಆನ ಆ ಮನುಷ್ಯಂಗ್ ಸುಮಾರ್ ನಾಪದ್ ವಯಸ್‍ಕ್ ಮೇಲೆ ಆಯಿತ್ಂಜತ್.

ಅಪೊಸ್ತಲ 5:13

ಪೊರಮೆ ಇಂಜ ಜನಕ್ ಅಯಿಂಗಡ ಕೂಟ್‍ಕ್ ಕೂಡುವಕ್ ದಾರ್‌ಕು ದೈರ್ಯ ಇಂಜಿತ್‌ಲ್ಲೆ. ಆಚೇಂಗಿಯು ಜನ ಅಯಿಂಗಕ್ ದುಂಬ ಮರ್ಯಾದೆ ಕೊಡ್‍ತತ್.

ಅಪೊಸ್ತಲ 5:26

ಅಕ್ಕ ದೇವಾಲಯತ್‍ರ ಸಿಪಾಯಿಯಂಗಡ ಅದಿಕಾರಿ ಅಂವೊಂಡ ಅದಿಕಾರಿಯಂಗಡ ಕೂಡೆ ಪೋಯಿತ್, ಜನ ಕಲ್ಲ್ ಕನಿಪಾಂದ್ ಬೊತ್ತಿತ್, ಒತ್ತಾಯ ಮಾಡತೆ ಅಯಿಂಗಳ ಕಾಕಿಯಂಡ್ ಬಾತ್.

ಅಪೊಸ್ತಲ 5:40

ಅಕ್ಕ, ಅಯಿಂಗ ಅಂವೊಂಡ ತಕ್ಕ್‌ಕ್ ಒತ್ತಿತ್, ಅಪೊಸ್ತಲಂಗಳ ಒಳ್‍ಕ್ ಕಾಕಿತ್, ಚಾಟಿಲ್ ಪೊಯ್ಯುವಂಜಿ, ಯೇಸುರ ಪೆದತ್‍ಲ್ ತಕ್ಕ್ ಪರಿಯುವಕ್ಕಾಗಾಂದ್ ಆಜ್ಞೆ ಕೊಡ್‌ತಿತ್ ಅಯಿಂಗಳ ಬುಟ್ಟತ್.