ಅಪೊಸ್ತಲ 4:19 - ಕೊಡವ ಬೈಬಲ್

¹⁹ ಆಚೇಂಗಿ ಪೇತ್ರ ಪಿಂಞ ಯೋಹಾನ ಅಯಿಂಗಕ್: ದೇವಡ ತಕ್ಕ್‌ಕ್ ಬಗ್ಗಿತ್ ನಡ್‍ಕತೆ ನಿಂಗಡ ತಕ್ಕ್‌ಕ್ ಬಗ್ಗಿತ್ ನಡ್‍ಪದ್ ದೇವಡ ಮಿಂಞತ್ ನ್ಯಾಯವಾಂದ್ ನಿಂಗಳೇ ಗೇನ ಮಾಡಿ.

ಅಪೊಸ್ತಲ 4:19 ပူးပေါင်းရင်းမြစ်များ

ಮತ್ತಾಯ 22:21

ಅಯಿಂಗ: ಇದ್‍ಲ್ ಕೈಸರಂಡದ್ ಉಂಡ್‍ೕಂದ್ ಅಯಿಂಗ ಎಣ್ಣ್‌ಚಿ. ಅಕ್ಕ ಅಂವೊ: ಅಕ್ಕುವ, ಅನ್ನನಾಚೇಂಗಿ ಕೈಸರಂಡದ್‍ನ ಕೈಸರಂಗ್ ಕೊಡಿ, ದೇವಡದ್‌ನ ದೇವಕ್ ಕೊಡೀಂದ್ ಉತ್ತರ ಕೊಡ್‍ತತ್.

ಲೂಕ ಒಳ್‍ದ್‍ನ ಯೇಸುರ ನಲ್ಲ ಸುದ್ದಿ 22:8

ಅಕ್ಕ ಯೇಸು, ಪೇತ್ರ ಪಿಂಞ ಯೋಹಾನನ ಕಾಕುವಂಜಿ: ನಂಗ ತಿಂಬಕಾಯಿತ್ ಪಸ್ಕ ನಮ್ಮೆಕ್ ಉಂಬಕುಳ್ಳದ್‍ನ ತಯಾರ್ ಮಾಡೀಂದ್ ಎಣ್ಣ್‌ಚಿ.

ಯೋಹಾನ 7:24

ಪೊರಮೆ ಉಳ್ಳದ್‍ನ ಕಂಡಿತ್ ನ್ಯಾಯತೀರ್ಪ್ ಮಾಡತಿ. ನೀತಿಯಾಯಿತ್ ನ್ಯಾಯತೀರ್ಪ್ ಮಾಡೀಂದ್ ಎಣ್ಣ್‌ಚಿ.

ಅಪೊಸ್ತಲ 4:13

ಪೇತ್ರ ಪಿಂಞ ಯೋಹಾನ ದೈರ್ಯತ್‍ಲ್ ತಕ್ಕ್ ಪರಿವಾನ ಅಯಿಂಗ ನೋಟಿತ್, ಈಂಗ ವಿದ್ಯ ಇಲ್ಲತಯಿಂಗಳು, ಸಾದಾರಣ ಮನುಷ್ಯಂಗಾಂದು ಗೊತ್ತಾಯಿತ್ ಆಶ್ಚರ್ಯಪಟ್ಟಿತ್, ಈಂಗ ಯೇಸುರ ಕೂಡೆ ಇಂಜಯಿಂಗಾಂದ್ ಅಯಿಂಗಕ್ ಗೊತ್ತಾಚಿ.

ಅಪೊಸ್ತಲ 5:28

ನಿಂಗ ಈ ಪೆದತ್‍ಲ್ ಬೋದನೆ ಮಾಡ್‌ವಕ್ಕಾಗಾಂದ್ ನಂಗ ನಿಂಗಕ್ ಕಂಡಿತವಾಯಿತ್ ಆಜ್ಞೆ ಮಾಡ್‍ಚಲ್ಲಾ? ಆಚೇಂಗಿಯು, ಇಕ್ಕ ನೋಟಿ: ಯೆರೂಸಲೇಮ್‍ನ ನಿಂಗಡ ಬೋದನೆಯಿಂಜ ದುಂಬ್‌ಚಿಟ್ಟಿತ್, ಆ ಮನಷ್ಯನ ಕೊಂದ ಅಪರಾದತ್‍ನ ನಂಗಡ ಮೇಲೆ ಇಡ್‌ವಕ್ ತೀರ್ಮಾನ ಮಾಡಿತುಳ್ಳಿರಾಂದ್ ಎಣ್ಣ್‌ಚಿ.

ಅಪೊಸ್ತಲ 5:29

ಪೇತ್ರ ಪಿಂಞ ಬಾಕಿಯುಳ್ಳ ಅಪೊಸ್ತಲಂಗ ಅಯಿಂಗಕ್: ಮನುಷ್ಯಂಗಡ ತಕ್ಕ್ ಕ್‍ೕಪಕಿಂಜ ದೇವಡ ತಕ್ಕ್‌ಕ್ ಬಗ್ಗಿತ್ ನಡ್‍ಪದೇ ಸರಿಯಾನದ್.

1 ಕೊರಿಂಥ 10:15

ನಿಂಗ ಬುದ್ದಿವಂತಯಿಂಗಾಂದ್ ನಾನ್ ಗೇನ ಮಾಡಿತ್ ನಿಂಗಡ ಕೂಡೆ ಎಣ್ಣಿಯಂಡುಂಡ್; ಆನಗುಂಡ್ ನಾನ್ ಎಂತ ಎಣ್ಣಿಯಂಡುಂಡ್‍ೕಂದ್ ನಿಂಗಳೇ ತೀರ್ಪ್ ಮಾಡಿ.

2 ಕೊರಿಂಥ 4:2

ಅದ್ಂಡ ಬದ್‍ಲ್, ಞಾಣ ಆಪಕುಳ್ಳ ಪಿಂಞ ಗುಟ್ಟಾಯಿತುಳ್ಳ ವಿಷಯತ್‍ನೆಲ್ಲಾ ನಂಗ ತ್‍ಕ್ಕಾರ ಮಾಡಿತ್, ಕಪಟಿಯರನೆಕೆ ನಡ್‍ಕತೆ, ದೇವಡ ವಾಕ್ಯತ್‍ನ ತಪ್ಪಾಯಿತ್ ಬೋದನೆ ಮಾಡಿಯಂಡಿಲ್ಲೆ. ಆಚೇಂಗಿ, ಸತ್ಯತ್‍ನ ಎಲ್ಲಾರ್‌ಕು ಗೊತ್ತಾಪನೆಕೆ ಅರಿಚಿಟ್ಟಿತ್, ದೇವಡ ಮಿಂಞತ್ ಎಲ್ಲಾ ಮನುಷ್ಯಂಗಡ ಮನಸಾಕ್ಷಿಕ್ ನಂಗ ಸತ್ಯವಂತಯಿಂಗಾಂದ್ ಕಾಂಬ್‍ಚಿಟ್ಟಂಡುಂಡ್.

ಎಫೆಸ 6:1

ಕುಂಞಿಯಳೇ, ನಿಂಗ ಒಡೆಯಂಡ ಐಕ್ಯತ್‍ಲ್ ಉಳ್ಳಗುಂಡ್, ನಿಂಗಡ ಅಪ್ಪವ್ವಂಗಕ್ ತಗ್ಗಿತ್ ನಡ್‌ಕಂಡು. ಇದ್ ನ್ಯಾಯ.

1 ತಿಮೊಥೆಯ 2:3

ಇನ್ನನೆ ಮಾಡ್‍ವದ್ ನಂಗಡ ರಕ್ಷಕನಾನ ದೇವಡ ಮಿಂಞತ್‍ಲ್ ನಲ್ಲದಾಯಿತು ಕುಶಿ ಆಯಿತು ಉಂಡ್.

ಇಬ್ರಿಯ 11:23

ನಂಬಿಕೇರ ಮೂಲಕ, ಮೋಶೇರ ಅಪ್ಪವ್ವ, ಮೋಶೆ ಚಾಯಿ ಉಂಡ್‍ೕಂದ್ ನೋಟಿತ್, ಐಗುಪ್ತ ರಾಜಂಡ ಆಜ್ಞೆಕ್ ಬೊತ್ತತೆ, ಮೂಂದ್ ತಿಂಗ ಒಳ್‌ಪ್‌ಚಿಟ್ಟಿತ್ ಬೆಚ್ಚತ್.

ಯಾಕೋಬ 2:4

ನಿಂಗ ಇನ್ನನೆ ಮಾಡ್‍ಚೇಂಗಿ ನಿಂಗ ನಿಂಗಡೊಳ್‌ಲ್ ಪಕ್ಷಪಾತ ಮಾಡಿತ್, ಕೆಟ್ಟ ಬುದ್ದಿಲ್ ತೀರ್ಪ್ ಮಾಡ್‌ವಯಿಂಗಳಾಯಿತ್‌ಪ್ಪಿರಲ್ಲ?